Ново поглавје во медицината го отвори британски тим кој успеа да го запре најагресивниот облик на леукемија кај пациенти за кои повеќе немало спас. Тимот од Универзитетскиот колеџ во Лондон и детската болница „Грејт Ормонд Стрит“ примени метод на прецизно уредување на ДНК, со кој белите крвни клетки се претвораат во жив лек што го уништува ракот.

Тинејџерка ја победи болеста, сега сонува за лабораторија

Шеснаесетгодишната Алисa Тепли од Лестер мислела дека нема да го доживее своето полнолетство. Болеста ѝ ги исцрпела сите можни терапии. Ниту хемотерапијата, ниту трансплантацијата од коскена срцевина не дале резултат.

– Мислев дека ќе умрам и дека никогаш нема да имам можност да правам што прават другите деца – изјави таа.

По експерименталниот третман ѝ бил уништен стариот имунолошки систем, а во телото ѝ биле вбризгани нови, генетски препишани Т-клетки.

Денес ракот не е видлив, а Алисa се подготвува за возачка дозвола и сака да студира биомедицински науки за еден ден самата да помогне во истражувањето на крвните заболувања.

Како функционира „живиот лек“

Истражувачите користеле технологија наречена base editing, со која може да се измени една единствена „буква“ во генетскиот код. Притоа, здравите Т-клетки од донор се препишуваат така што: го губат својот природен механизам за напад врз организмот на пациентот, го отстрануваат протеинот CD7 за да не се самоуништуваат, добиваат „невидливост“ пред одредени хемотерапевтици, се програмираат да ги ловат сите клетки што го носат CD7 – токму оние што го предизвикуваат ракот.

Лекарите опишуваат дека терапијата практично го „демонтира“ целиот имунолошки систем и го рестартира од нула – ризичен процес, но со резултати што до пред неколку години би биле научна фантастика.

Резултати што носат надеж

При првите испитувања спроведени во Лондон биле вклучени единаесет пациенти, меѓу нив осум деца и двајца возрасни со најтешка форма на Т-клеточна акутна лимфобластна леукемија. Деветмина влегле во длабока ремисија и можеле да подлежат на трансплантација. Седум сè уште се без траги од болеста, некои повеќе од три години по третманот.

– Пред неколку години ова ќе звучеше како фантазија. Сега гледаме дека работи – изјави професорот Васим Касим од Универзитетскиот колеџ во Лондон.

Од болницата „Грејт Ормонд Стрит“ додаваат дека пациентите, иако минуваат низ тешки месеци изолација и ризик од инфекции, добиваат вистинска шанса за живот.

Новата граница на медицината?

Резултатите објавени во списанието „New England Journal of Medicine“ се опишани како најсилен доказ досега дека уредувањето на гените може да се користи за лекување на смртоносни болести. Лекарите предупредуваат дека кај неколку пациенти ракот развил отпор со губење на CD7-маркерот, но дека технологијата може да се надгради за да ги препознае и тие варијанти.

Според експертите, оваа метода би можела да се примени и кај други видови рак и наследни болести, чекор што, според многумина, претставува почеток на нова ера во медицината.

The post ЗА ПРВПАТ ГЕНИЈАЛНО УРЕДЕНА ДНК ГО ПОБЕДИ РАКОТ Научниците спасија тинејџерка и отворија нова ера appeared first on plusinfo.mk.

Претходно се сметаше дека мајмунските сипаници речиси целосно ги пренесуваат лица, кои веќе биле заразени.

Мајмунските сипаници, релативно блага вирусна болест што е ендемска во неколку земји од Западна и Централна Африка, годинава експлодираше во некои делови од светот, со избивање во држави каде претходно ја немаше.

Оттогаш регистрирани се речиси 78.000 потврдени и 36 смртни случаи, покажаа податоците на американските центри за контрола и превенција на болести. Светската здравствена организација оваа недела соопшти дека епидемијата сè уште претставува глобална здравствена опасност.

Познато е дека вирусот се шири преку близок контакт и предизвикува симптоми, меѓу кои температура, болки низ телото и често, болни кожни лезии со гној.

За да дознаат нешто повеќе околу тоа како мајмунските сипаници се пренесуваат во Велика Британија, тим експерти од Агенцијата за здравствена безбедност користеше податоци за рутински надзор и следење на контакти на 2.746 лица во земјата кои биле позитивни за одреден период.

Нивната просечна старост беше 38 години, а 95 отсто од пациентите изјавиле дека се хомосексуалци, бисексуалци или машки лица кои имаат односи со друго машко лице.

The post НОВА ВИСТИНА ЗА МАЈМУНСКИТЕ СИПАНИЦИ Се шират пред да се појават симптоми appeared first on plusinfo.mk.

Легендата вели дека Кап Два бил двоглав Патагониски џин, висок кој некогаш живеел во џунглите на Аргентина во Јужна Америка. Шпанските морнари го врзале за главниот јарбол за да го заробат, но тој се ослободил и се здобил со смртоносна повреда за време на битката што следеше. До смрт му го прободувале срцето со копје. Но, пред тоа џинот веќе одзел четири животи на шпански војници.

Што се случило со Кап Два после тоа не е точно јасно, но се смета дека неговото мумифицирано тело било изложувано на различни настани. Во 1914 година, двоглавата мумија заврши лаво стариот Вестон Бирнбек Пјер. Следните 45 години таа била изложена во Северен Сомерсет, Англија, а во 1959 ја купил лордор Томас Хауард.

Уште неколку препродажби и мумијата завршила во Балтимор во САД, во бизарна колекција од необични предмети на сопственикот Томас Гербер и неговата сопруга. Не е докажано дека тоа е вистинското тело на Кап Два.

Магелан се сретнал со џинот, а тој мислел дека дошле боговите

Патагоните или Патагониските џинови биле раса на џиновски луѓе за кои се вели дека живееле во Патагонија и се опишани во приказните на првите Европејци кои стапнале овде. Се вели биле најмалку два пати повисоки од нормален човек, односно од 3,7 до 4,6 метри.

Првото спомнување на овие луѓе доаѓа после патувањето на португалскиот морепловец Фердинанд Магелан и неговиот екипаж, кои тврделе дека ги виделе џиновите додека го истражувале брегот на Јужна Америка на пат кон островите Малуку. Тоа било во 1520-тите кога Магелан сакал да го обиколи светот.

Антонио Пигафета, еден од ретките преживеани од експедицијата и хроничар на експедицијата на Магелан, во својот извештај напишал:

„Еден ден одеднаш видовме гол човек со џиновски раст како танцува, пее и фрла прашина на главата на брегот на пристаништето. Генералниот капетан (Магелан) испрати еден од нашите повисоки луѓе за да може да ги изврши истите дејства како овој во знак на мир. Откако го направил тоа, човекот го однел џинот на островот каде го чекал генерал-капетанот. Кога џинот го сретна генерал-капетанот во наше присуство, тој се восхити и направи знаци со еден кренат прст, верувајќи дека сме дошле од небото. Беше толку висок што стигнавме само до неговата половина …“

Имале долга коса и црвено-кафеава кожа

Подоцна, Себалт де Вирт, холандски капетан поврзан со истражување на бреговите на Јужна Америка и Фолкландските Острови јужно од Аргентина во 1600 година, и неколку од неговите екипажи тврделе дека виделе членови на „џиновската раса“ таму. Де Вирт опишал одреден инцидент кога бил со своите луѓе во чамци кои веслале до остров во Магелановиот теснец.

Холанѓаните тврделе дека виделе како се приближуваат седум чамци со необичен изглед полни со голи џинови. Овие џинови наводно имале долга коса и црвено-кафеава кожа и биле агресивни кон екипажот.

Постоел ли Кап Два?

Џинот Кап Два има свои поддржувачи, но и свои клеветници. Еден извор вели дека студентите од Универзитетот Џон Хопкинс направиле магнетна резонанца на телото на Кап Два, потврдувајќи ја неговата структура на телото.

Според една статија во списанието Фортеан Тајмс, Френк Адеи се сеќава дека ја видел мумијата во Блекпул околу 1960 година.

– Немаше траги од конци или други „зглобови“, иако телото беше главно облечено. Во 1930-тите, двајца лекари и радиолог го прегледаа во Вестон и не најдоа видливи докази дека е лажно – изјавил тој.

Има многу спротивставени приказни за Кап Два. Ако тој навистина постоел, неговата џиновска мумија би била изложена во некој музеј, тогаш научниците би можеле детално да ја истражат. Меѓу другото, ДНК анализа на крвта би можела да покаже за неговиот род, односно од каде тој човек потекнувал.

The post ПРИКАЗНАТА ЗА ДВОГЛАВАТА МУМИЈА ВИСОКА 3,66 МЕТРИ Имало ли џиновски луѓе во Патагонија во 1637 година? appeared first on plusinfo.mk.

Истражувањето ќе го спроведат Лондонското училиште за хигиена и тропска медицина, Универзитетот Дурхам и британската фондација Кучиња за медицинска детекција.

– Кучињата за биодетекција веќе можат да препознаат одредени видови карцином. Веруваме дека ова иновација може да овозможи брзи резултати за поголема стратегија на тестирање – изјави британскиот министер за иновации Џејмс Бетхел.

Шест кучиња – лабрадори и кокер шпаниели ќе добијат примерок од мирис на пациент инфициран со ковид-19 и ќе учат да разликуваат мирис на заразени од незаразени лица.

Фондацијата наведе дека претходно ги тренирале кучињата за откривање на одредени видови на карциноми, Паркинсонова болест и маларија.

Ако кучињата успешно го поминат тренингот, едно куче би можеле да „прегледа“ 250 лица за еден час. Методот би можел да биде користен во јавните простории и аеродромите.

The post Британскaта влада одвои пола милион фунти за лабрадори што ќе надушкаат ковид-19 appeared first on plusinfo.mk.