Холивудската актерка Хилари Свонк (52), која неодамна објави дека го очекува третото дете, ја отвори темата за двојните стандарди во односот кон постарите родители. Во разговор со водителката Дру Баримор таа истакна дека жените се изложени на многу поголеми критики кога ќе одлучат да имаат деца во подоцнежните години, за разлика од мажите.

– Има многу негативни реакции кон жените кои имаат деца на постара возраст, но не и кон мажите, што е интересно – вели Свонк во разговорот во емисијата на Баримор.

Водителката се согласи со неа, забележувајќи дека мажите стануваат татковци и во осумдесеттите години, без да предизвикаат слична лавина од осуди. Таа потсети и дека жените кои стануваат мајки во четириесеттите не секогаш наидуваат на разбирање.

„Премногу си стара“ – коментар што ја натерал да размисли

Свонк раскажала и за коментар од жена која ја критикувала поради возраста, предупредувајќи ја дека можеби нема да биде жива кога нејзините деца ќе пораснат. Жената ѝ објаснила дека го изгубила својот татко во раните дваесетти години и дека таа загуба била разорна за неа.

Актерката рекла дека ја разбира болката зад тие зборови, бидејќи и самата го изгубила татка си, Стивен Свонк, во 2021 година. Сепак, искуството ја навело да размисли поинаку за критиките.

– Повеќе би сакала да се родам и да го имам тој човек, кој ми е еден од омилените луѓе на светот, и да го доживеам тоа, отколку воопшто да не го доживеам – објаснила таа, говорејќи за вредноста на односот меѓу родителот и детето.

 

View this post on Instagram

 

A post shared by Hilary Swank (@hilaryswank)

Првпат стана мајка на 48 години
Ѕвездата на филмот „Million Dollar Baby“, за кој освои „Оскар“, во април 2023 година доби близнаци – ќерката Аја и синот Ом – со сопругот Филип Шнајдер. Тогаш имаше 48 години. Сега парот го очекува третото дете, кое треба да се роди во декември.

Свонк претходно откри дека на 37 години ги замрзнала јајце-клетките, но нагласила дека не планирала намерно да го одложува мајчинството. Во интервју во 2025 година рекла дека би сакала да имала деца порано, но дека нејзиниот живот се развивал така што вистинскиот момент дошол подоцна.

Таа смета дека искуството, воспоставената кариера и времето што го имала да се подготви ѝ помогнале да биде потрпелив и поприсутен родител. Нејзината приказна повторно ја отвора дебатата за тоа зошто возраста на мајката толку често станува предмет на јавна расправа, додека возраста на таткото не се анализира со истиот интензитет.

Бременоста ѝ разбудила и необични желби за храна
Покрај темата за предрасудите, Свонк зборува и за желбите за храна што ги има во текот на третата бременост. Таа открива дека ѝ се јадат оризови колачиња „Рајс криспис“ и грицки „Читос“, но бидејќи не јаде сирење, морала да пронајде веганска алтернатива на омилените грицки.

Во разговорот со Баримор двете разменија искуства за необичните желби во бременоста. Свонк објасни дека понекогаш не станува збор само за желба да се изеде нешто, туку за чувство дека телото навистина го бара тоа.

Актерката ја објави веста за третата бременост на 14 октомври, со забавно видео во кое таа, сопругот и близнаците танцуваат со светлечки стапчиња прикачени на облеката. На крајот се појавува и нејзиниот стомак со нацртано светлечко бебе.

– Многумина ме прашуваа кој е мојот следен проект. Овој излегува во декември – напиша таа со доза хумор.

 

View this post on Instagram

 

A post shared by The Drew Barrymore Show (@thedrewbarrymoreshow)

The post 📽️ МАЈКИТЕ ШТО РАЃААТ НА 50 ГОДИНИ СЕ СТАРИ, ТАТКОВЦИТЕ ШТО ДОБИВААТ ДЕЦА НА 80 СЕ ФРАЕРИ Хилари Свонк и Дру Баримор за двојните аршини во родителството appeared first on plusinfo.mk.

Актерката Хилари Свонк (52) е бремена и со сопругот Филип Шнајдер го очекува своето трето дете. Радосната вест ја сподели на Инстаграм на духовит начин, со видео во кое целото семејство танцува во темница, облечено во костими со светлечки контури на човечки фигури.

Во видеото се појавуваат Свонк, нејзиниот сопруг и нивните тригодишни близнаци Аја и Ом. На крајот, актерката го открива најважниот детаљ – на нејзиниот стомак е прикажана мала светлечка фигура на бебе. Така, наместо со вообичаена фотографија од ултразвук или едноставна објава, таа ја најави новата принова на креативен и забавен начин.

– Многумина ме прашуваа на кој следен проект работам. Овој излегува во декември – напиша актерката покрај видеото, алудирајќи на очекуваното раѓање на бебето. Објавата предизвика воодушевување кај нејзините следбеници, кои ѝ упатија бројни честитки.

 

View this post on Instagram

 

A post shared by Hilary Swank (@hilaryswank)

Свонк и Шнајдер, кој работи како претприемач, се венчаа во 2018 година. Во април 2023 година ги добија близнаците Аја и Ом, а актерката тогаш имаше 48 години. Кога ја објави првата бременост, во октомври 2022 година, откри дека очекува не едно, туку две деца.

– Не беше лесно. Но, вредеше – напиша таа по раѓањето на близнаците, споделувајќи ја радоста од мајчинството. Во интервјуа зборувала и за тоа колку ѝ се променил животот откако станала мајка, нагласувајќи дека мајчинството ѝ донело нова перспектива и дека денес има повеќе трпение и разбирање.

Ѕвездата на филмовите „Момчињата не плачат“ и „Девојка од милион долари“ ретко го изложува семејниот живот во јавноста, па затоа нејзината необична објава беше дочекана со особено внимание.

The post 📽️ НА 52 ГОДИНИ ЧЕКА ТРЕТО ДЕТЕ Хилари Свонк ја објави бременоста на урнебесен начин, близнаците наскоро ќе добијат брат или сестра appeared first on plusinfo.mk.

Mекена Вест, медицинска сестра од Алјаска која била сурогат-мајка, побара од американскиот Врховен суд да ѝ дозволи повторно да има улога во одлуките за бебето што го роди, но судот го одбил нејзиното барање. Одлуката на судијката Елена Каган не содржи образложение, што е вообичаено кај ваквите итни барања.

Случајот започнал уште за време на бременоста. Вест во декември останала бремена со момчето, а на 20-неделниот ултразвучен преглед во април лекарите откриле дека фетусот има хипопластичен синдром на левата страна на срцето (HLHS) – тешка вродена срцева мана кај која левата страна на срцето е недоволно развиена и крвта не може нормално да циркулира.

Според судските документи, Вест и парот од Калифорнија, Наусин Гилкар и Омар Ахмед, претходната година потпишале договор за сурогатство во кој постоела одредба за прекин на бременоста во случај на „фетална абнормалност“. Откако била откриена срцевата мана, Гилкар и Ахмед побарале од Вест да ја прекине бременоста. Таа одбила. Според нејзиното сведочење, дури закажала најмалку два термини за абортус, но на крајот не можела да го направи тоа.

Вест потоа ја напуштила Алјаска и заминала во Тексас, каде што абортусот е забранет по околу шестата недела од бременоста. На 12 август таму го родила момчето. Таа го нарекува Габриел, додека Гилкар и Ахмед му го дале името Руми.

Меѓутоа, родителите уште пред раѓањето побарале судот во Калифорнија да го потврди нивното родителско право. Судот го направил тоа, признавајќи ги Гилкар и Ахмед како законски родители на детето. Вест тврдела дека случајот треба да се води во Алјаска и дека никогаш не дала согласност Калифорнија да одлучува за нејзините права.

По раѓањето, состојбата на бебето станала уште посериозна. Момчето има животозагрозувачка срцева мана и веднаш му била потребна операција. Во Тексас била извршена Норвуд-процедурата, која вообичаено е првата од серијата операции што им се потребни на децата со оваа дијагноза во текот на првите години од животот. Без лекување, состојбата може да биде фатална.

Во еден момент во случајот се вмешал и државниот обвинител на Тексас, Кен Пакстон, кој побарал да се обезбеди медицинска грижа за новороденчето. Бебето подоцна било во можност да ја продолжи борбата за живот во болница во Тексас, додека траела правната битка околу тоа кој има право да одлучува за неговото лекување.

Вест, сепак, не се откажала. Таа тврдела дека родителите, бидејќи претходно побарале прекин на бременоста, можеби нема да сакаат да продолжат со сите неопходни медицински интервенции за детето. Нејзините адвокати дури предупредиле дека без судска интервенција таа ќе остане целосно исклучена од животот на бебето што го носела 37 недели и од можноста да влијае врз важните медицински одлуки.

Но, адвокатите на Гилкар и Ахмед ги отфрлаат тие тврдења. Тие пред Врховниот суд навеле дека родителите се постојано со својот син во одделението за интензивна нега и дека токму тие се тие што ја обезбедуваат неговата медицинска грижа. Според нив, нема никаква вистина во тврдењето дека сакаат да му го прекинат лекувањето.

И самата Гилкар во август, на судско рочиште во Далас, зборувала за својата приврзаност кон бебето. Таа рекла дека Руми е љубовта на нивниот живот и дека многу страда. Од другата страна, Вест инсистира дека токму нејзината одлука да ја продолжи бременоста му го спасила животот.

Правната битка доби нов пресврт минатата недела, кога Врховниот суд на Тексас дозволи бебето да биде префрлено во Лос Анџелес за специјализирано лекување. Судот наведе дека најважна е можноста медицински кревкото дете да го продолжи лекувањето и дека постои ограничен временски прозорец за безбедно префрлање од една единица за интензивна нега во друга.

Само неколку дена подоцна, Врховниот суд на САД го одбил барањето на Вест. Со тоа не е донесена одлука за сите прашања околу сурогатството, абортусот или родителството, туку судот едноставно одби итно да се вмеша во конкретниот спор и да ја суспендира одлуката со која Гилкар и Ахмед се признаени како законски родители.

Случајот во САД предизвика широка дебата за тоа што се случува кога договорот за сурогатство ќе се судри со личната одлука на жената која ја носи бременоста, но и за тоа кој има право да носи медицински одлуки за дете кое е родено со тешка здравствена состојба. Во случајот дополнително се отвора и прашањето дали договорите за сурогатство можат однапред да определат што мора да направи жената доколку се открие сериозна фетална аномалија.

The post СУРОГАТ МАЈКА ОДБИЛА АБОРТУС, СЕГА СЕ БОРИ ЗА БЕБЕТО Родила дете со тешка срцева мана, па побарала право да одлучува за него appeared first on plusinfo.mk.

Љубица Шавреска од Охрид, која десет години работи како медицинска сестра, ја сподели својата приказна за бременоста која завршила со загуба на плодот, но во своето потресно сведоштво издвојува и еден добар пример, односно, приемот и третманот што ги добила во болницата „Аџибадем Систина“.

Нејзиното сведоштво, кое го упатила до Министерството за здравство, опфаќа повеќе здравствени установи во кои, како што тврди, барала помош пред бременоста да заврши со загуба на плодот.

Според неа, во 24-тата гестациска недела плус 3 дена од бременоста, почувствувала силни болки и притисок во задниот дел од половината и веднаш се јавила во дежурната служба на гинеколошкото одделение во Охрид. Откако било утврдено дека грлото на матката е значително скратено, таа продолжила да бара установа во која би можела да добие соодветен третман. Додека талкала по билниците, состојбата се влошувала, а нејзе ѝ станало јасно дека не само што ќе го изгуби своето бебе, туку дека е многу веројатно даека ќе го изгуби и сопствениот живот.

Последниот чекор бил болницата „Аџибадем Систина“, од кадешто, според Шавреска, откако стапиле во контакт со болницата, добиле порака веднаш да дојде. Таму била примена во родилната сала, каде што, како што наведува во своето сведоштво, добила терапија, испитувања, медицинска грижа и психолошка поддршка.

– Заминавме за „Систина“. На вратата ме чекаше човек кој за мене ќе остане од Бога испратен спасител — д-р Јосиф Ѓорески. Веднаш ме примија во родилната сала. И покрај огромниот ризик, добив терапија, грижа, разбирање, соодветни испитувања и психолошка поддршка — сè она што му е потребно на човек во момент кога му се руши светот  – пишува Шавреска.

Таа вели дека не бара сожалување ниту одмазда и дека нема да поднесува тужби, туку сака јавно да зборува за она што го доживеала и за начинот на кој била третирана во различните здравствени установи.

Приказната на Шавреска е лично сведоштво за загуба и за часовите во кои, како што самата вели, барала помош. Од сето ова негативно искуство, медицинската сестра го издвојува нејзиното позитивно искуство во „Аџибадем Систина“, како единствен светол момент во текот на целото патешествие.

The post ОД ОХРИД ДО СКОПЈЕ БАРАЛА ПОМОШ Потресна исповед на бремена медицинска сестра која поминала низ голгота во здравствениот систем appeared first on plusinfo.mk.

Игор Којиќ потврди дека со својата девојка Николина Шапоња го очекуваат своето прво дете, а среќната вест го изненади дури и неговиот татко Драган Којиќ Кеба.

Како што објавија српските медиуми, Николина, која по кратката манекенска кариера се насочи кон политиката, неодамна дознала дека е бремена, а веста за „Блиц“ ја потврди и самиот поранешен фудбалер.

– Вистина е, благодарам на честитките, фала му на Бога, сè е како што треба – изјави Којиќ, кој не откри повеќе детали.

Дека бременоста е во самиот почеток потврди и реакцијата на неговиот татко, Драган Којиќ Кеба, кој за веста дознал од новинарите.

– Ова мора да е скриена камера, но ако е вистина, нема вага што може да ја измери мојата среќа и радост. Игор не сум го видел петнаесет дена. Ако тоа што ми го кажавте е точно, никој не е посреќен од мене – рекол Кеба, не криејќи колку му е драго што токму убавата Риечанка го освоила срцето на Игор.

Игор и атрактивната Николина долго време ја чуваа својата врска подалеку од очите на јавноста. Заедно првпат привлекоа поголемо внимание на почетокот на 2026 година, кога Игор објави нивни заеднички фотографии на социјалните мрежи.

Поранешниот фудбалер, кој по кратката менаџерска кариера стана агент за недвижности, на хрватската јавност ѝ е познат како поранешен сопруг на Северина, со која беше во  брак шест години. Подоцна само пет месеци беше во брак со 15 години помладата Загрепчанка Софија Даќиќ.

The post БИВШИОТ НА СЕВЕРИНА ЗА ПРВПАТ ЌЕ СТАНЕ ТАТКО Игор Којиќ потврди дека го очекува своето прво дете, а среќната вест го изненади дури и неговиот татко Кеба appeared first on plusinfo.mk.

Во Македонија за две години се регистрирани 1.172 живородени деца од мајки на возраст од 15 до 19 години. Во 2023 година имало 584 вакви раѓања, а во 2024 година 588.

Тоа значи дека речиси 600 девојки годишно стануваат мајки додека сè уште се во тинејџерските години. Во 2024 година, од вкупно 16.061 живородено дете во земјата, 588 биле родени од мајки на возраст од 15 до 19 години.

Но, бројките стануваат уште посериозни кога ќе се погледне најмладата возрасна група. Во 2024 година Државниот завод за статистика регистрирал 12 живородени деца од мајки помлади од 15 години. За 2023 година официјалните податоци покажуваат дополнителни случаи, со што за двете години бројката достигнува 26.

Зад секоја од овие бројки стои девојче кое наместо вообичаените тинејџерски грижи – училиште, матура, прва работа, излегувања и планирање на иднината – се соочува со бременост, породување и грижа за новороденче.

За една 16-годишна девојка, на пример, мајчинството не значи само промена на секојдневието. Тоа може да значи прекин на образованието или отежнато образование, зависност од семејството и многу рано преземање одговорности за кои нејзините врсници воопшто и не размислуваат. Токму затоа бројките за тинејџерските бремености не се само демографска статистика, туку и прашање на здравство, образование и социјална заштита.

Во истите две години, според податоците на Институтот за јавно здравје, во Македонија биле регистрирани 125 абортуси кај жени помлади од 20 години – 74 во 2023 и 51 во 2024 година. Вкупниот број регистрирани абортуси кај жени од сите возрасти бил 2.207 во 2023 и 2.151 во 2024 година.

За споредба, во Србија за истиот период се регистрирани 3.508 породувања кај девојки на возраст од 15 до 19 години – 1.819 во 2023 и 1.689 во 2024 година. Меѓу нив имало и 31 девојче помладо од 15 години. Исто така, во Србија се регистрирани и 826 прекини на бременоста кај девојки од 15 до 19 години во тие две години – 374 во 2023 и 452 во 2024 година. Кај девојчињата помлади од 15 години биле регистрирани 16 прекини на бременоста.

Податоците покажуваат дека адолесцентните бремености не се изолиран феномен. Според изјавата на претседателот на Македонската асоцијација на гинеколози и опстетричари (МАГО), професор доктор Глигор Тофоски, дадена во јули 2024 година, годишно околу 100 девојки под 20 години абортираат.

The post ЗА ДВЕ ГОДИНИ ВО МАКЕДОНИЈА СЕ РОДЕНИ 1.172 ДЕЦА ОД ТИНЕЈЏЕРКИ 26 деца во 2023 и 2024 година биле родени од мајки помлади од 15 години appeared first on plusinfo.mk.

Натали Портман официјално стана мајка на три деца. Актерката (45) минатиот месец во Париз го родила своето трето дете, прво со партнерот Тангуј Дестабл.

Новороденчето им се придружи на нејзините две постари деца – 15-годишниот син Алеф и деветгодишната ќерка Амалија, кои ги има со поранешниот сопруг, режисерот и кореограф Бенџамин Милпје.

Ѕвездата на филмот „Thor: Love and Thunder“ во април откри дека го очекува третото дете.

– Тангуј и јас сме многу возбудени. Само сум многу благодарна. Знам дека тоа е привилегија и чудо – изјави тогаш Портман.

Врската со Дестабл беше потврдена во март 2025 година, откако за нив пишуваше францускиот магазин „Voici“. Во интервјуто, актерката зборуваше и за тоа како оваа бременост кај неа разбудила уште подлабоко чувство на благодарност.

Портман откри дека ова искуство за неа е „помирно“ и дека ужива во секој момент.

– Постои благодарност која не ја разбирате нужно додека сте млади. Сега постои мир и познавање на самата себе: со кого сакам да го поминувам времето, каква енергија сакам околу себе, што го прави искуството прекрасно секој ден. Знаејќи дека ова веројатно е последен пат, го ценам секој момент – рече таа.

Портман во текот на бременоста откри и дека пливала и вежбала за да остане во форма, а најголем дел од времето го поминувала со своите деца.

Таа изјави дека особено е среќна што бременоста ја поминала во Париз, уживајќи во пролетното време, прошетките низ парковите и посетите на уметнички места.

Таа откри и дека во Франција се смета дека полниот термин на бременоста трае 41 наместо 40 недели, па се пошегува дека овојпат добила „дополнителна недела“ од бременоста.

The post НАТАЛИ ПОРТМАН СТАНА МАЈКА ПО ТРЕТПАТ „Пoстои благодарност која не ја разбирате додека сте млади“ appeared first on plusinfo.mk.

Џон Хам денес со нетрпение го очекува своето прво дете, но неговите стари изјави за татковството повторно привлекоа внимание. Во март 2012 година, кога имал 41 година, актерот во интервју за „Us Weekly“ отворено рекол: „Би бил ужасен татко!“ Тогаш бил во долгогодишна врска со актерката и режисерка Џенифер Вестфелд, а двајцата свесно одлучиле да немаат деца.

Во истиот период, Вестфелд зборувала и за нивната одлука во интервју за „Њујорк тајмс“. Таа признала дека размислувала за мајчинство и дека никогаш не очекувала на тие години да нема деца, но нагласила дека не се кае поради изборот. „Имаме прилично убав живот заедно“, објаснила тогаш актерката, додавајќи дека можеби еден ден ќе почувствува силна желба да стане мајка. Хам и Вестфелд ја прекинаа врската во 2015 година, по 18 години заедно.

Неговиот однос кон бракот и семејството во голема мера бил поврзан и со неговото детство. Хам ги изгубил и двајцата родители релативно млад. Мајка му починала од рак кога тој имал само 10 години, а татко му починал од компликации поврзани со дијабетес кога актерот имал 20. Во подоцнежни интервјуа, Хам зборувал за чувството на осаменост што го следело по смртта на татко му, како и за тешките семејни околности во кои растел.

Години подоцна, сепак, неговиот поглед кон животот почнал значително да се менува. Хам ја запознал актерката Ана Осцеола на снимањето на серијата „Mad Men“, а нивната романтична врска започнала во 2020 година. Двајцата се венчаа во јуни 2023 година во Биг Сур, Калифорнија, на локацијата каде што беше снимено финалето на „Mad Men“.

Особено важен момент во неговата промена на ставовите било токму влијанието на Осцеола. Во интервју со Хауард Стерн во 2022 година, Хам откри дека таа му помогнала да размислува за нова верзија на среќата, вклучувајќи брак и деца. Тој тогаш зборувал и за личниот развој низ кој минувал, а денес извор близок до парот вели дека Осцеола никогаш не го притискала да стане татко, туку двајцата постепено стигнале до одлуката дека се подготвени за следниот чекор.

На 55 години, Хам сега се подготвува да стане татко за првпат. Веста дека тој и 38-годишната Осцеола го очекуваат своето прво дете беше потврдена на 10 август, откако парот беше фотографиран на одмор во Хемптонс, каде што кај актерката се забележуваше трудничкиот стомак. Според извор близок до актерот, Хам е „подготвен“ и „неверојатно возбуден“, а неговиот став кон родителството денес е далеку поинаков од оној што го имал пред 14 години.

The post ЏОН ХАМ НЕКОГАШ ТВРДЕШЕ ДЕКА БИ БИЛ „УЖАСЕН ТАТКО“ На 55 години, актерот со нетрпение го очекува раѓањето на своето прво дете appeared first on plusinfo.mk.

Телото на жената поминува низ огромни промени за да донесе нов живот на светот и затоа ја заслужува сета љубов и почит, без оглед на тоа како изгледа.
Жените по породувањето често добиваат коментари за изгледот на нивните тела, кои се различни од пред бременоста.

Наместо да се слави силата на телото на жената што создало и донело нов живот на светот, внимание се посветува на стриите и изгледот на стомакот.

Додека жената е бремена, светот ѝ се восхитува. Велиме дека таа сјае, дека е силна, дека е посебна и дека го носи најголемото чудо на животот.

И потоа се раѓа бебето.
И како да се менува ставот на општеството.

Наместо да продолжиме да го славиме телото кое девет месеци создавало нов живот, почнуваме да забележуваме што се сменило – помек стомак, стрии, лузни, вишок килограми. Како трагите од бременоста да се нешто што треба да се скрие што е можно поскоро.

Всушност, тие се доказ за неверојатна сила.

Повеќе за ова прочитајте на порталот „Мајка и дете“.

The post ОПШТЕСТВОТО САКА ДА РАЃААТ, НО ДА ИЗГЛЕДААТ КАКО ДА НЕ РОДИЛЕ Зошто е проблематична фразата „враќање на линијата“? appeared first on plusinfo.mk.

Жолчните камења се едни од најчестите проблеми со дигестивниот систем, а многу луѓе дури и не знаат дека ги имаат со години додека не се случи болен напад. Проблемите најчесто се јавуваат одеднаш, често по масен или голем оброк, а болката може да биде толку силна што многу луѓе мислат дека станува збор за срцев проблем.

Жолчните камења што се формираат во жолчното кесе се најчесто сиви, кафеави или бели по боја. Тие се составени главно од холестерол и билирубин, но можат да содржат и калциумови соединенија, протеини, масти и помали количини на минерали како што се железо, бакар, магнезиум и манган.

Како се формираат?

Тие се формираат кога црниот дроб произведува премногу холестерол или кога тој не се претвора доволно во жолчни киселини и стероидни хормони. Потоа се нарушува рамнотежата на компонентите на жолчката, што го поттикнува таложењето и формирањето на камења.

Воспалението и инфекцијата на жолчното кесе, застој на жолч и промени во нејзината киселост, исто така, можат да придонесат за развојот на проблемот. Жолчните камења можат да предизвикаат силна болка, а ако жолчниот канал се блокира, може да се развие и опструктивна жолтица.

Нападот на жолчни камења најчесто се јавува ненадејно и се карактеризира со силна болка во горниот десен дел од стомакот, под ребрата. Болката може да се прошири на грбот, градите или десното рамо и да трае од неколку минути до неколку часа.

Заедно со болката, често се јавуваат гадење, повраќање и чувство на надуеност и тежина во стомакот, особено по јадење масна храна. Многумина исто така доживуваат притисок во стомакот, горчлив вкус во устата и зголемено потење. Ако жолчното кесе се воспали, може да се појават покачена температура и грозница.

Кај некои луѓе, симптомите доаѓаат во бранови, додека кај други болката може да биде постојана и екстремно силна.

Кој е изложен на поголем ризик од развој на жолчни камења?

Жолчните камења можат да се појават кај секого, но одредени фактори и животни навики ја зголемуваат веројатноста за нивно формирање.

Еден од најчестите фактори на ризик е прекумерната телесна тежина. Кај луѓето со прекумерна тежина, жолчката често содржи поголема количина холестерол, што го поттикнува формирањето на камења. Ризикот е уште поголем кај седентарен начин на живот и исхрана богата со масна и преработена храна.

Од друга страна, проблемот може да се појави и со нагло губење на тежината. Строгите диети и брзото губење на тежината можат да го нарушат составот на жолчката бидејќи црниот дроб потоа лачи повеќе холестерол, што ја зголемува можноста за негово таложење и формирање на камења. Затоа експертите препорачуваат постепено и избалансирано губење на тежината, наместо драстични диети кои создаваат дополнителен стрес врз телото.

Дијабетес како фактор на ризик за жолчни камења

Луѓето кои страдаат од дијабетес имаат поголем ризик од развој на жолчни камења, главно поради метаболичките промени во телото. Често се присутни зголемени нивоа на триглицериди и холестерол, што може да влијае на составот на жолчката и да го поттикнува формирањето на наслаги во жолчното кесе.

Покрај тоа, дијабетесот често предизвикува намалена подвижност на жолчното кесе, што значи дека жолчката не се празни доволно ефикасно. Кога жолчта стагнира подолг временски период, постои поголема шанса нејзините компоненти да почнат да таложат и да формираат камења.

Затоа, на луѓето со дијабетес им се препорачува редовно да ја следат својата исхрана, да одржуваат стабилни нивоа на шеќер во крвта и да ги следат другите метаболички параметри со цел да го намалат ризикот од компликации поврзани со жолчното кесе.

Хормонални промени и бременост како фактори на ризик

Жените генерално се изложени на поголем ризик од развој на жолчни камења, а овој ризик дополнително се зголемува за време на бременоста или за време на периоди на изразени хормонални промени. Хормонот естроген може да влијае на составот на жолчката со зголемување на количината на холестерол, што го поттикнува формирањето на камења.
За време на бременоста, жолчното кесе се празни и побавно, па жолчта стагнира подолго време, што дополнително ја зголемува можноста за таложење и формирање на камења.

Исхрана, црн дроб и долгорочни ризици

Навиките во исхраната играат голема улога во здравјето на билијарниот систем. Луѓето кои консумираат големи количини масна, пржена и преработена храна во подолг временски период имаат поголема веројатност да развијат проблеми со жолчното кесе. Таквата исхрана може да доведе до зголемено ниво на масти во крвта и нарушувања во составот на жолчката.

Дополнителен ризик постои кај луѓе кои веќе имаат заболување на црниот дроб или високи масти во крвта, бидејќи во овие случаи метаболизмот на мастите и холестеролот е нарушен, што го олеснува формирањето на жолчни камења.

Лечење на жолчни камења

Третманот зависи од големината на камењата, фреквенцијата на симптомите и дали тие предизвикуваат компликации. Во поблаги случаи, состојбата може да се држи под контрола со промена на исхраната и со одредена терапија со лекови, додека во потешки случаи, често е потребно хируршко отстранување на жолчното кесе.

Кога симптомите не се сериозни, лекарите најчесто препорачуваат прилагодување на животните навики, првенствено избегнување на масна и пржена храна, алкохол и прејадување. Одржувањето на стабилна телесна тежина и редовна, балансирана исхрана се препорачуваат и за да се намали можноста за нови напади и влошување на состојбата, пишува Стил.

The post ТЕЛОТО ИСПРАЌА ПРЕДУПРЕДУВАЊА, АМА НЕ ГИ ПРЕПОЗНАВАМЕ Луѓето со овие 5 проблеми најчесто имаат камења во жолчка appeared first on plusinfo.mk.