Директор и раководител во Јавното комунално претпријатие „Брегалница“, ПО Делчево заработи кривична пријава. Основното јавно обвинителство  го сомничи за проневера од над 120.000 евра, односно над 7,5 милиони денари. Според пријавата која ја доставила Управата за финансиската полиција до ОЈО, С.С. три години по ред го пропуштал должниот надзор за тужби за парични побарувања, со што претпријатието било овозможено да изврши наплата.

„Првопријавениот С.С., во својство на директор на ЈКП „Брегалница“ – ПО Делчево, во периодот од 2019 до 2023 година, со пропуштање на должниот надзор, постапил несовесно во вршењето на своите овластувања и должности, на начин што не иницирал и не дал налог за изготвување тужби за парични побарувања од физички и правни лица по основ на користени услуги, потрошена вода, подигнат смет и закуп на простории од ЈКП „Брегалница“ – ПО Делчево, поради што настапила застареност на паричните побарувања, со што претпријатието било оневозможено да изврши нивна наплата“.

Како второпријавен се јавува М.К, раководител на Секторот за општи, правни и финансиски работи во претпријатието, кој, како што се вели во текстот,  иако бил должен, не воспоставил соодветен систем на интерна контрола и редовно не доставувал предлози за поведување постапки за присилна наплата на ненаплатените побарувања до директорот на претпријатието.

„Со горенаведените дејствија причинета е штета на Буџетот на ЈКП „Брегалница“ – ПО Делчево во вкупен износ од 7.588.894 денари“, се вели во пријавата.

Двете осомничелни лица се сомничат за несовесно работење во службата.

The post ДИРЕКТОР И СЛУЖБЕНИК ВО ДЕЛЧЕВО ГО ОШТЕТИЛЕ ЈКП „БРЕГАЛНИЦА“ ЗА 120.000 ЕВРА Се сомничат дека не пропуштале тужби за парични побарувања appeared first on plusinfo.mk.

Продолжен е притворот на 43 годишниот родител од Скопје, кој на 24 август на фудбалскиот натпревар на фудбалерите од генерација 2009-2010 година меѓу клубовите „Шкупи“ и „Брегалница“ на стадионот „Бело Брдо“ во Штип физички нападна двајца малолетни фудбалери.

Судијата на претходна постапка и воедно и портпарол на Основниот суд во Штип, Сашко Георгиев денеска за МИА потврди дека на лицето А.А од Скопје веќе му е продолжен притворот од 30 дена, по што по скратена постапка ќе следи и судење.

Закажано е и судското рочиште во штипскиот Основен суд на 18 септември.

Основното јавно обвинителство во Штип веднаш по настанот поведе и итна постапка против 43 годишниот родител за кривично дело – Насилство од член 386 став 4 во врска со став 3 и став 1 од Кривичниот законик, а кој извршил грубо насилство на 24 август на стадионот „Бело Брдо“ во Штип, за време на фудбалски натпревар меѓу младинските екипи на фудбалските клубови „Брегалница“ и „Шкупи“.

„Со дејствијата тој ја загрозил сигурноста на две деца родени 2010 година, играчи за тимот на „Брегалница“, нанесувајќи им телесни повреди. Освен тоа, кај оштетените, останатата присутна публика и во јавноста предизвикал чувство на несигурност, загрозување и страв“, информираше Обвинителство на 25 август.

Инцидентот се случи во 89-тата минута од натпреварот, кога судијата поради прекршок (фаул) доделил втор жолт картон со што го исклучил од игра синот на осомничениот, кој играл за „Шкупи“.

„Незадоволен од одлуката, најпрво синот се однесувал неспортски и со тупаници и со удар со нога се обидел да се пресмета со еден од фудбалерите на „Брегалница“. Тогаш на теренот влегол таткото и со тупаници и клоци започнал да ги удира двете деца, нанесувајќи им телесни повреди – повеќе набиеници и скршеница на нос без дислокација. На игралиштето влегле и други лица од публиката, кои спречиле натамошна ескалација на настанот“, се вели соопштението од Обвинителство, објавено на 25 август.

МИА претходно информиршае и дека дисциплинската комисија на Фудбалската федерација на Македонија (ФФМ) веднаш донесе и неколку дисциплински мерки. Играчот со дрес број девет на ФК „Шкупи“, чијшто родител е во притвор му е изречена најстрогата санкција исклучување од фудбалска организација.

Покрај него уште двајца играчи на ФК „Шкупи“ кои се вклучени во инцидентот против нив е поведена постапка, по што им е изречена казна забрана на играње во траење од три месеци.

Казна да не и игра 4 натпревари заработи и 15 годишен фудбалер на штипска „Брегалница“, којшто се впуштил во груба игра и самозаштита при нападот.

Се поведува постапка, организаторска и колективна одговорност се бара и од двата клуба, „Шкупи“ заради нападот на родителите врз противинички играчи, а „Брегалница“ заради слабата организација на натреварот и пропуст во обезбедувањето.

Од ФФМ информираа дека казна има и за координаторот на ФК „Шкупи“, поради давање на лажни информации, измама и доведување во заблуда, бидејќи во графата за стручен штаб се ставени лица, коишто воопшто и не присуствувале на натпреварот.

The post ПРОДОЛЖЕН ПРИТВОРОТ ЗА ТАТКОТО НА ФУДБАЛЕРОТ ОД ФК ШКУПИ По скратената постапка треба да следи и судење appeared first on plusinfo.mk.

Според соопштението на ФФМ исклучувањето на Леарт е согласно член 43 став 2 од Дициплинскиот правилник.

Инцидентот се случи во 89-тата минута од натпреварот, кога судијата го исклучил од игра синот на осомничениот. Прво, момчето се однесувало несоодветно, обидувајќи се физички да се пресмета со противнички играч, по што на теренот влегол неговиот татко и со тупаници и клоци ги нападнал двајцата деца од „Брегалница“. Според обвинителството, едното дете се здобило со повеќе набиеници, а другото со скршеница на нос без дислокација.

Дициплинската комисија на ФФМ казни и уште двајца играчи на ФК Шкупи кои, според ФФМ, биле вклучени во физичкиот напад.  Тие добија забрана да не играат во следните 3 месеци, додека играчот Гоцев Симеон од ФК Брегалница нема да смее да игра во следните 4 натпревари.

Додека ФК Шкупи ќе биде казнет поради физичкиот инцидент, ФФМ го казнува и ФК Бреаглница поради лошата организација на натпреварот кој с одржа на игралиштето „Бело брдо“ во Штип.

ПРИТВОР ЗА НАСИЛНИОТ ТАТКО За нападот врз малолетни фудбалери во Штип ќе се суди по скратена постапка

„Првостепената дисциплинска комисија утврди и организаторска и колективна одговорност на двата клуба.

Против ФК Шкупи 1927 е поведена дисциплинска постапка согласно член 51 од ДП, поради физички напад од страна на родители/навивачи врз противнички играчи, со што е сторен тежок прекршок од страна на навивачи/гледачи. Согласно член 29, санкцијата се однесува конкретно на екипата, помлади пионери која го сторила прекршокот.

Против ФК Брегалница 2008 е поведена дисциплинска постапка согласно член 48 од ДП, поради слаба организација на натпреварот и пропуст во обезбедувањето. И во овој случај, согласно член 29, постапката и евентуалните санкции се однесуваат на конкретната екипа, помлади пионери која била домаќин на натпреварот.

Против Алејса Виши, координатор на млади категории на ФК Шкупи 1927 се поведува дисциплинска постапка поради давање на лажни информации, измама и доведување во заблуда, односно ставање во Комет системот на ФФМ, лица во графата – шеф на стручен штаб и кондициски тренер кои воопшто не присуствувале на натпреварот Брегалница – Шкупи 1927“, соопшти Фудбалската федерација на Македонија.

The post ТАТКОТО ВО ПРИТВОР, СИНОТ Е ЦЕЛОСНО ИСКЛУЧЕН ОД ФФМ Комисијата казни фудбалери и од „Шкупи“ и од „Брегалница“ заедно со клубовите appeared first on plusinfo.mk.

Министерството за внатрешни работи информира дека е уапсен 43-годишен родител по денешниот инцидент на фудбалскиот натпревар меѓу екипите на фудбалските клубови Шкупи и Брегалница на стадионот „Бело Брдо“ во Штип, во кој беа повредени двајца фудбалери на возраст од 15 години на ФК „Брегалница“.

„Денеска, на 24 август 2025 година, во СВР Штип било пријавено дека на игралиштето ‘Бело Брдо’ во Штип, за време на одигрување на фудбалски натпревар помеѓу младинските екипи на ФК Брегалница од Штип и ФК Шкупи од Скопје, 43-годишниот А.А. од Скопје, родител на фудбалер од ФК Шкупи, физички нападнал двајца малолетници од Штип, фудбалери на ФК Брегалница, и им нанел повреди. Веднаш по нападот, полициски службеници од СВР Штип го лишиле од слобода А.А., а малолетниците биле пренесени во Клиничка болница Штип за укажување помош“, се вели во соопштението на МВР.

Известен е јавен обвинител и се преземаат мерки за целосно расчистување на настанот, по што ќе бидат поднесени соодветни пријави.

РОДИТЕЛИ НА ИГРАЧИ НА ШКУПИ ВЛЕТАЛЕ НА ТЕРЕНОТ И НАПАДНАЛЕ ФУДБАЛЕРИ НА БРЕГАЛНИЦА Две деца со тешки повреди откако биле удирани со клоци на младинскиот натпревар

The post 43-ГОДИШЕН РОДИТЕЛ Е УАПСЕН ПО ИНЦИДЕНТОТ НА МЕЧОТ МЕЃУ ШКУПИ И БРЕГАЛНИЦА Физички ги нападнал двајцата малолетници од Штип appeared first on plusinfo.mk.

Тежок инцидент го одбележа денешниот натпревар на младинските екипи на Брегалница (Штип) и Шкупи (Скопје – Чаир), одигран во првото коло од Републичката пионерска лига за генерацијата 2010 година на игралиштето „Бело Брдо“ во Штип.

Според информациите на локалните медиуми, инцидентот настанал во последната минута од мечот, по прекршок меѓу двајца млади фудбалери. Дел од гостинската публика, односно родители на играчите на Шкупи, влегле на теренот и физички нападнале двајца играчи на Брегалница. Еден од напаѓачите, како што се наведува, со клоци ги удирал младите фудбалери.

Неофицијално, 2 деца се тешко повредени – едното со скршена нога, а другото со повреди на главата, објави 24 инфо.

Тие се пренесени во Клиничката болница во Штип.

Откако децата биле нападнати, на теренот влета и дел од домашната публика, по што настанала масовна тепачка. Полицијата интервенирала веднаш и го привела главниот напаѓач, против кого ќе биде поднесена соодветна кривична пријава.

Инцидентот се случи при резултат 2:1 во корист на Брегалница.

Домашната управа побарала Фудбалската федерација на Македонија да преземе строги мерки против ваквите влетувања на луѓе на теренот и да спречи повторување на слични ситуации, со цел младите спортисти да не бидат изложени на насилство и негативни примери, објави порталот Сакам да кажам.

Повеќе детали се очекуваат од Министерството за внатрешни работи во текот на денот.

The post 🎥 РОДИТЕЛИ НА ИГРАЧИ НА ШКУПИ ВЛЕТАЛЕ НА ТЕРЕНОТ И НАПАДНАЛЕ ФУДБАЛЕРИ НА БРЕГАЛНИЦА Две деца со тешки повреди откако биле удирани со клоци на младинскиот натпревар appeared first on plusinfo.mk.

Тело на женско лице рано утрово е пронајдено на заштитната решетка од десниот магистрален канал на хидросистемот „Брегалница“, на влезот во кочанската населба Оризари.

Вработените на водостопанската подружница од Кочани веднаш излегле на терен и го намалиле дотокот на вода од браната Калиманци, за да може телото на удавената жена да се извлече од каналот.

Според сè уште непотврдени информации се работи за постара жена од Оризари, а случајот го пријавил
нејзиниот син.

На местото на настанот увид прават стручни екипи од полицијата и од Основното јавно обвинителство од Кочани, кои треба да го потврдат идентитетот на настраданата жена.

The post НАЈДЕНО ЖЕНСКО ТЕЛО ВО ХИДРОСИСТЕМОТ „БРЕГАЛНИЦА“ Се задржало кај заштитните решетки appeared first on plusinfo.mk.

Организираа мирен собир пред влезот на подружницата, при што истакнаа дека и покрај реакциите до дирекцијата на АД Водостопанство во Скопје, досега не добиле повратен одговор дали и кога ќе го добијат надоместокот што законски им следува.

-Доцнат платите за над 500 вработени во сите подружници на АД Водостопанство, за една недела ќе доспее и четвртата плата за месец септември. Тоа се случува во услови на тешка економска криза, не можеме да ги сервисираме сите обврски што ги имаме, тешко е да се издржат давачките за струја, вода и другите трошоци за нашите семејства. Состојбата е загрижувачка и бараме итна реакција на одговорните во дирекцијата во Скопје – истакна Стефанка Димитрова, вработена во водостопанската подружница „Брегалница”.

За состојбата со неисплатените плати реагирала и синдикалната организација во водостопанската подружница во Кочани, која е една од најуспешните во АД Водостопанство. Нејзините членови бараат итна исплата на заостанатите плати, за да не се доведе во прашање натамошното функционирање на претпријатието.

Вработените имаат сознанија дека во дирекцијата АД Водостопанство веќе се преземаат почетни активности, во согласност со законските одредби, за структурно решавање на состојбите. Со тоа би се постигнала не само редовна исплата на платите, туку и надминување на другите проблеми во функционирањето на подолг рок.

The post КАКО ДА ПРЕЖИВЕАТ, НЕ ДОБИЛЕ 4 ПЛАТИ Протестираа работниците од кочанската подружница на Водостопанство appeared first on plusinfo.mk.

На делови од делницата до Клепало регистрирани се возила кои со потешкотии се движат по однесената патна мрежа, но во моментот не се пријавени заглавени или повредени лица.

– Поради обилниот дожд, оштетен е патот до граничниот премин поточно од месноста Уливо до Клепало, кој не е прооден. На лице место со сопствена механизација интервенираат наши екипи кои работат на расчистување на патот – информираа од ,,Македонија пат”.

Поради зголемениот водостојот на реката Брегалница оштетен и поплавен е мостот во туристичката населба Абланица во Берово, кој и претходно во неколку наврати беше ,,жртва” на надојдените води.

Нивото на водата во река Брегалница е критично и во централното градско подрачје.

Од општината најавија организирана акција за брза интервенција во најпогодените места од невремето.

The post БРЕГАЛНИЦА СЕ ЗАКАНУВА ДА СЕ ИЗЛЕЕ ВО БЕРОВО Оштетен е и патот до граничниот премин Клепало appeared first on plusinfo.mk.

Агенцијата МИА објави видео снимка на која се гледа дека реката ги поплавила клупите на кејот.

Жителите на Делчево велат дека ова е втор пат реката толку многу да надојде во последнава деценија.

The post БРЕГАЛНИЦА СЕ ИЗЛЕА Водата ги поплави клупите на кејот appeared first on plusinfo.mk.

Од полицијата за МИА информираа дека 51 годишниот делчевец, инаку полициски службеник, вчера доцна попладнето бил пронајден кај спомената локација, заглавен во неговото возило во водите на река Брегалница.

Телото на сега веќе починатиот било извадено од реката синоќа околу 23.00 часот, а подоцна од водите било извадено и возилото „застава 101“.

На местото на настанот излегол и Јавен обвинител, а телото на починатиот потоа е предадено на обдукција.

Деталите за несреќата засега не се познати.

The post Телото на исчезнатиот полицаец од Делчево пронајдено во водите на Брегалница заглавено во возило appeared first on plusinfo.mk.