Од следната учебна година, изданието „Бајки од Македонија“ официјално влегува во наставната програма за основно образование и станува дел од редовните лектири за четврто одделение. Проектот, кој повеќе од една деценија се реализира во чест на големиот креативец Иво Лауренчиќ, преку Движењето за поддршка на креативноста – „Браво сине!“, во партнерство со издавачката куќа „Арс Ламина“, добива институционална потврда за значењето и улогата во создавањето на едукативни дела со високи културни вредности. Покрај тоа, преку оваа соработка, „Браво сине!“ и „Арс Ламина“ придонесоа за градење на читачки навики кај младите, што е исклучително значајно во дигиталната ера.

Движењето за поддршка на креативноста „Браво сине!“ низ годините изгради силна креативна платформа која обедини стотици автори и уметници околу една заедничка цел: создавање на уникатни креативни дела и поддршка на креативниот потенцијал во земјата.

– Нашиот мотив беше јасен, да ја поддржиме креативноста, да го доближиме народното творештво до децата, да оставиме трајна вредност што ќе живее и после нас, како што делата на Иво Лауренчиќ живеат и денес. Во негова чест и го покренавме овој проект, со цел да креираме уникатен бренд.  Среќни сме што „Бајки од Македонија“ добија и институционална потврда, со што на најдобар начин се оствари основната мисија на Движењето, а истовремено се потврди вредноста на изворното народно творештво, овој пат доживеана и презентирана преку современиот визир на младите креативни автори – посочуваат од Движењето „Браво сине!“.

Од „Арс Ламина“ истакнуваат дека ова е резултат на јасна уредувачка и издавачка визија насочена кон создавање квалитетна литература за најмладите.

– Нашата цел беше да создадеме дела што ќе бидат истовремено современи и вредни, но и доволно блиски за децата да ги препознаат како свои. Денес, со нивното вклучување во образованието, таа цел добива своја најсилна потврда – велат од издавачката куќа.

Едицијата „Бајки од Македонија“ започна како конкурс за млади дизајнери и илустратори. Преку отворен повик „Браво сине!“ ги повика младите креативци да дадат свој визуелен и авторски придонес во оживувањето на традиционалните приказни, адаптирани на современ јазик, со цел македонското народно творештво да се приближи до најмладите и истовремено да ги афирмира националните вредности во современ контекст, истовремено од тоа да се создаде препознатлив уникатен бренд. Со одлуката „Бајките од Македонија“ да станат дел од  образовниот процес, оваа едиција, од креативна иницијатива прераснува во редок пример кога една идеја започната како конкурс за млади таленти успева да стане национална вредност.

Во рамките на досегашната соработка помеѓу Движењето за поддршка на креативноста „Иво Лауренчиќ“ – „Браво сине!“ и издавачката куќа „Арс Ламина“ издадени се 80 бајки и четири басни од Македонија. На досегашните јавни конкурси за креирање на овие дела се пријавиле над 100 илустратори и повеќе од 300 автори кои доставиле повеќе од 440 текста. Дел од изданијата на бајките и басните од Македонија се преведени на седум светски јазици, како и на Брајовата азбука, а добитници се бројни домашни и меѓународни награди и признанија.

Движењето за поддршка на креативноста „Браво сине!“ го носи името на еден од основоположниците на современата македонска креативна и маркетинг-индустрија – Иво Лауренчиќ, кој во текот на целиот свој работен век им даваше несебична поддршка на младите и ги поттикнуваше да го изразат својот креативен потенцијал.

The post „БАЈКИ ОД МАКЕДОНИЈА“ СТАНА ЛЕКТИРА ЗА ЧЕТВРТО ОДДЕЛЕНИЕ Изданието е проект на Движењето за поддршка на креативноста „Браво сине!“ appeared first on plusinfo.mk.

Во насока на создавање трајни културни вредности и промовирање на македонската култура, издавачката куќа „Арс Ламина“ и Движењето за поддршка на креативноста „Иво Лауренчиќ“ – „Браво сине!“, почнаа нов проект – едицијата Вистински бајки од Македонија. Оваа едиција е инспирирана од вистински личности од нашата историја без чиешто општествено дејствување нашето постоење денес би било незамисливо.

– По големиот успех на едицијата Бајки од Македонија, а потоа и на авторските современи бајки – Нови бајки од Македонија, заедно со нашите партнери продолживме да трагаме по нови можности кои ќе остават траен белег во македонската култура и ќе бидат од национално значење. Вистинските бајки од Македонија беше најдоброто решение, бидејќи не само што овозможува продолжување на оваа едиција, туку истовремено пренесува една убава порака кон младите, дека бајките се засновани и на вистински луѓе и нивните дела кои некогаш постоеле. Ние ќе продолжиме да работиме на проекти кои ќе ги јакнат позициите на македонската култура – истакна Ангелка Пеева-Лауренчиќ, член на Управниот одбор на Движењето за поддршка на креативноста „Иво Лауренчиќ“ – „Браво сине!“.

Првите четири книги од оваа серија се посветени на животот и делото на Блаже Конески, Мајка Тереза, Браќата Манаки и Марко Цепенков. Станува збор за литераризирани и илустрирани биографии, наменети за деца над 6-годишна возраст, кои веќе имаат читачки основи и можат самостојно да ги совладуваат читачките препреки.

– Целта на Вистински бајки од Македонија е децата уште од најрана возраст да се запознаат со најважните личности од нашата историја, кои нè задолжиле да го чуваме свеж споменот на нив и да се грижиме за делото што го оставија зад себе. Овие личности се вистинските херои на своето и на нашето време, но и на времето што е пред нас, затоа што нивните идеали и вредностите кон кои се придржувале и ги промовирале се универзални, општочовечки, а сепак многу важни за развојот на македонската култура. Најмалку што можеме да направиме за нив е да ги чествуваме во вакви публикации, мотивирани од искрена и силна почит кон нив и од љубов кон иднината на генерациите што доаѓаат – истакна Бранка Бугариска, директорка за издаваштво на „Арс ламина“.

При создавањето на овие биографии се користени веродостојни извори, кои даваат дополнителна автентичност. Во процесот на создавање на овие дела голем придонес даде и поддршката од Државниот архив, Архивот „Харалампие Поленаковиќ“ при МАНУ, Институтот за фолклор „Марко Цепенков“ и НУ Спомен-куќа на Мајка Тереза. Фотографскиот материјал даден во прилог на изданијата е исто така отстапен од овие институции. Истражувањето и прибирањето на материјалите за овие биографии го спроведе Бисера Бендевска, уредник во „Арс ламина“, а илустрациите ги изработи илустраторката Кристина Карапеоска.

Во рамките на досегашната соработка помеѓу издавачката куќа „Арс Ламина“ и Движењето за поддршка на креативноста „Иво Лауренчиќ“ – „Браво сине!“, досега се издадени 80 бајки од Македонија и четири басни од Македонија. На досегашните јавни конкурси за креирање на овие дела се пријавиле над 100 дизајнери – илустратори од земјата и 313 автори кои доставиле 442 текста за новите едиции на „Современи бајки од Македонија“. Дел од овие изданија се преведени на седум јазици и на Брајовата азбука, а добитници се и на светски награди и признанија.

Движењето за поддршка на креативноста „Иво Лауренчиќ“ – „Браво сине!“ го носи името на еден од основоположниците на современата македонска креативна и маркетинг-индустрија – Иво Лауренчиќ, кој во текот на целиот свој работен век им даваше несебична поддршка на младите и ги поттикнуваше да го изразат својот креативен потенцијал.

The post НОВА ЕДИЦИЈА НА „БРАВО СИНЕ!“ Првите 4 книги се посветени на Блаже Конески, Мајка Тереза, Браќата Манаки и на Марко Цепенков appeared first on plusinfo.mk.

Денеска е промовирана книгата за деца „Нови бајки од Македонија“, во издание на „Арс Ламина“ и Движењето за поддршка на креативноста Иво Лауренчиќ – „Браво сине!“.

„Нови бајки од Македонија“ е збирка од 24 современи авторски бајки, чиј авторски израз се темели на традицијата за раскажување, а стилот и визуелниот изглед на бајките им се приближува на младите читатели, со што се придонесува за создавање читачки навики кај оваа публика.

– Покажавме дека имаме голем и свеж креативен капацитет кај младите кои бараат шанса да ги покажат своите потенцијали. Многу сме горди што успеавме да создадеме платформа што овозможи тие да се изразат креативно, а како резултат на тоа се создадоа нови дела што станаа за кратко време едни од најпродаваните и најнаградуваните книги од Македонија. Денес велиме добредојде на уште едно издание што произлегува од оваа креативна платформа. „Браво сине“ продолжува да гради можности за младите креативци и да реализира проекти од национален интерес – истакна Ангелка Пеева Лауренчиќ, член на Управниот одбор на Движењето за поддршка на креативноста Иво Лауренчиќ – „Браво сине!“

На промоцијата на збирката „Нови бајки од Македонија“, која се одржа во книжарницата на „Литература.мк“ во „Дајмонд мол“, се обрати и Бранка Бугариска, директорка за издаваштво на „Арс Ламина“,:

– Во време на дигитализација е вистински предизвик да создадете книга што и со својата содржина и со својот изглед ќе биде допадлива за читателите. Имаме квалитетни автори и илустратори за да создадеме изданија во согласност со афинитетите на современата публика. Преку оваа соработка создадовме значајни дела што поставија нов стандард и ја збогатија современата македонска литература за деца. Нашата соработка продолжува и уверени сме дека ќе придонесеме за збогатување на македонската култура и издаваштво.

Збирката „Нови Бајки од Македонија“ ја уреди Оливера Ќорвезироска, уредник во „Арс Ламина“, а илустрациите се на Орце Нинески.

„Браво сине!“, во партнерство со издавачката куќа „Арс Ламина“, реализираше значајни проекти од национална важност. На почетокот, со проектот „Бајки од Македонија“, македонското народно творештво се приближи до најмладите и доби нов современ лик, а потоа следуваа и проектите „Басни од Македонија“, „Бајки од Македонија за цела година“, „Мистериозното јајце“, „Современи бајки од Македонија“ и збирката „Детелинки-белинки“. Нивната главна цел беше да се поттикне креативниот потенцијал на младите илустратори и автори од Македонија. Досега, на јавните конкурси на Движењето „Браво сине!“ се пријавиле над сто талентирани дизајнери-илустратори од земјава, а 313 автори доставиле 442 текста за новите едиции на „Современи бајки од Македонија“. Вкупно се издадени 80 бајки од Македонија, како и четири басни од Македонија.

За исклучителниот успех на проектот говори и податокот дека едицијата „Бајки од Македонија за цела година“ е вброена помеѓу 200 најдобри книги за деца и млади во светот што се дел од годишното издание на најпрестижниот каталог на литература за деца и младинци во светот „Вајт рејвенс“ (The White Ravens), кој е дел од најголемите светски саеми за книги што се одржуваат во Франкфурт и во Болоња. Дел од книгите во споменатите едиции се преведени на седум јазици и на Брајовата азбука, а добитници се и на светски награди и признанија.

Движењето за поддршка на креативноста Иво Лауренчиќ – „Браво сине!“ го носи името на еден од основоположниците на современата македонска креативна и маркетинг-индустрија – Иво Лауренчиќ, кој во текот на целиот свој работен век им даваше несебична поддршка на младите и ги поттикнуваше да го изразат својот креативен потенцијал.

The post НОВА ЗБИРКА СО 24 БАЈКИ ОД МАКЕДОНИЈА Современи креации поддржани од Движењето „Браво сине!“ appeared first on plusinfo.mk.

Во изминатиот период „Браво сине!“, во партнерство со издавачката куќа „Арс Ламина“, реализираше значајни проекти од национална важност. На почетокот, со проектот „Бајки од Македонија“, македонското народно творештво се приближи до најмладите и доби нов современ лик, а потоа следуваа и проектите „Басни од Македонија“, „Бајки од Македонија за цела година“, „Мистериозното јајце“, „Современи бајки од Македонија“ и збирката „Детелинки-белинки“. Нивната главна цел беше да се поттикне креативниот потенцијал на младите илустратори и автори од Македонија.

Досега, на јавните конкурси на Движењето „Браво сине!“ се пријавиле над сто талентирани дизајнери-илустратори од земјава, а 313 автори доставиле 442 текста за новите едиции на „Современи бајки од Македонија“. Сите избрани авторски трудови на овие конкурси излегоа во печат и се парично наградени. Заедно со четирите најнови современи бајки со кои се одбележува десетгодишниот јубилеј, вкупно се издадени 80 бајки од Македонија, како и четири басни од Македонија. За исклучителниот успех на проектот говори и податокот дека едицијата „Бајки од Македонија за цела година“ е вброена помеѓу 200 најдобри книги за деца и млади во светот што се дел од  годишното издание на најпрестижниот каталог на литература за деца и младинци во светот – „Вајт рејвенс“ (The White Ravens), кој е дел од најголемите светски саеми за книги што се одржуваат во Франкфурт и во Болоња.

– Денес, кога по десет години го сублимираме реализираното, со гордост можеме да кажеме дека нашите зацртани цели, на кои работиме со огромен ентузијазам, се постигнати. Нашата визија е да го одбележиме ова време, давајќи го својот генерациски придонес, а во чест на големиот креативец – Иво Лауренчиќ, да ја поттикнуваме креативноста, наместо просекот, да ја препознаваме и да ѝ дадеме облик на трајната вредност. Поврзувајќи го традиционалното творештво со новата естетика, од заборавените приказни и бајки веќе направивме препознатлив производ – „Бајки од Македонија“. Среќни сме со постигнатото досега, но ние не застануваме. Цела генерација млади креативци и автори излегоа на виделина и го најдоа своето професионално место. Убаво е да се види како најмладите веќе ги знаат  своите омилени ликови токму од нашето поднебје. Последниве две години работиме на нови, современи бајки од Македонија, бајки од новото време. Овие дела  ќе живеат подолго од нас, како влог за следните генерации – истакна  Ангелка Пеева Лауренчиќ, член на Управниот одбор и основач на Движењето за креативност Иво Лауренчиќ – „Браво сине!“.

Четирите нови современи бајки што се промовирани токму на одбележувањето на десетгодишнината од основањето на „Браво сине!“ се: „Океанија“ од авторот Мартин Миљев и илустрирана од Орце Нинески, „Луѓето и змејовите“ од авторот Владо Јаневски со илустрации од Ем Елефантски, „Детето на месечината“ од авторката Јана Глигороска со илустрации на Јована Велинова-Трајанова и бајката „Зелда и Фе и болниот змеј“, чиј автор на текстот и илустрациите е Катерина Трајановска.

Движењето за поддршка на креативноста Иво Лауренчиќ – „Браво сине!“, чија цел е поттикнување и поддршка на талентот и креативноста кај младите во функција на создавање на силни национални брендови, го носи името на еден од основоположниците на современата македонска креативна и маркетинг индустрија – Иво Лауренчиќ, кој во текот на целиот свој работен век им даваше несебична поддршка на младите и ги поттикнуваше да го изразат својот креативен потенцијал.

The post 10 ГОДИНИ „БРАВО СИНЕ“ Промовирани четири нови современи бајки appeared first on plusinfo.mk.

Авторите на илустрациите ќе добијат парична награда во вкупен фонд од 140.000 денари или по 35.000 денари поединечно за секое креативно решение. Отворениот повик за изработка на креативни илустрации беше распишан во рамките на најновиот проект „Современи бајки од Македонија“ на Движењето за поддршка на креативноста Иво Лауренчиќ – „Браво Сине!“ и издавачката куќа „Арс Ламина“. Повикот предизвика голем интерес, пристигаа 96 апликации од 61 автор.

– Ентузијазмот што нè води во овој проект e дополнително поттикнат од големиот одѕив што го покажаa уметниците. За нас беше тешка задачата да ги одбереме најдобрите, бидејќи пристигнаа исклучително квалитетни решенија. Нашата цел е да создадеме содржини со кои ќе го збогатиме културното наследство за идните генерации. Радува фактор што во оваа мисија не сме сами, туку има голем интерес за создавање на ново уметничко творештво. Со претходните изданија ’Бајки од Македонија за цела година‘ го доближивме традиционалното творештво преку нов современ израз и 52 бајки, за секоја недела во годината, доживеа огромен успех. Убедена сум дека и ’Современите бајки од Македонија‘ за кратко време ќе станат омилени помеѓу децата и сите што сакаат да читаат – изјави Ангелка Пеева Лауренчиќ, член на управниот одбор на Движењето за поддршка на креативноста Иво Лауренчиќ – „Браво Сине!“

На отворениот повик за илустратори и дизајнери му претходеше конкурс за избор на најдобри современи бајки. На овој конкурс беа одбрани бајките: „Перуника“ од авторот Сибо, „Бакнежот на пролетта“ од авторката Елизабета Баковска, „Сончевото момче Ил“ од авторката Катерина Данаилова и „Осаменото дрво“ од авторката Нина Максимова. И за овој повик имаше голем интерес, конкурираа 316 автори со 442 бајки.

– Наша цел е секогаш на нашите читатели да им нудиме квалитетни книги со богата содржина и модерни илустрации. ’Современите бајки од Македонија‘ се нова страница за нас, бидејќи даваме можност на нови автори и илустратори да создаваат и да ја збогатуваат понудата на литература за деца. Овој проект покажа дека има огромен креативен потенцијал, кој бара простор за свој израз. Преку ’Современите бајки од Македонија‘, избраните решенија ќе го добијат својот конечен изглед – изјави Бранка Бугариска, директор на издаваштво во „Арс Ламина“.

Движењето за поддршка на креативноста Иво Лауренчиќ – „Браво Сине!“, во соработка со издавачката куќа „Арс Ламина“, во изминатиот период ги реализираа проектите „Бајки од Македонија за цела година“ и „Басни од Македонија“, кои постигнаа голем успех. Дел од нив се преведени на седум јазици, на Брајовото писмо, наградувани во светот и дома и се едни од најпродаваните книги за деца кај нас.

The post Избрани најдобрите илустрации за „Современите бајки од Македонија“ на Движењето за креативност Иво Лауренчиќ – „Браво Сине!“ и „Арс Ламина“ appeared first on plusinfo.mk.

Пристигнатите креативни решенија ќе ги оценува жири-комисија составена од претставници на Движењето за креативност Иво Лауренчиќ – „Браво Сине!“ и претставници на издавачката куќа „Арс Ламина“. Вкупниот фонд за награди изнесува 140.000 денари или 35.000 денари поединечно за секоја од четирите сликовници. Најдоброто решение ќе биде соопштено на 13 мај 2021 година.

Ова е втора етапа од проектот „Бајки од Македонија“ на Движењето за креативност Иво Лауренчиќ – „Браво Сине!“ во соработка со издавачката куќа „Арс Ламина“.

– Големиот интерес и на овој јавен повик за илустрации е потврда за потребата од создавање можности каде што ќе се реализира големиот креативен потенцијал и нè радува фактот што постои голем интерес за автентичен авторски израз. Со издавањето на „Современите бајки од Македонија“ создаваме жива култура која е важна за сегашните, но и за идните генерации во чиешто наследство ќе останат овие дела. Почнавме со идејата традиционалното творештво да го доближиме преку нов модерен израз до новите генерации. Издадовме едиција од 54 бајки од Македонија, кои станаа омилени кај најмладата генерација. Тоа нè поттикна да продолжиме во нов правец, насочени кон креирање современи бајки, што веќе утре ќе станат национално наследство. Навистина е чест што нашиот ентузијазам создаде вистински литературни брендови – истакна Ангелка Пеева Лауренчиќ, член на управниот одбор на Движењето за креативност Иво Лауренчиќ – „Браво Сине!“

На отворениот повик за илустратори и дизајнери му претходеше конкурс за избор на најдобри современи бајки, на кои конкурираа 316 автори со 442 бајки, а победија: „Перуника“ од авторот Сибо, „Бакнежот на пролетта“ од авторката Елизабета Баковска, „Сончевото момче Ил“ од авторката Катерина Данаилова и „Осаменото дрво“ од авторката Нина Максимова.

– Зајакнување на читачките навики кај младите е навистина една благородна мисија, во која ние преку овој проект дадовме сериозен придонес. Тоа е значајно особено денес, во ерата на дигитализацијата. Дополнително, со автентичните и привлечни илустрации покажавме дека можеме да создадеме дела што имаат вистинска вредност во себе – истакна Бранка Бугариска, директор на издаваштво во „Арс Ламина“.

На проектот за „Современи бајки од Македонија“ му претходеа проектите „Бајки од Македонија“, „Бајки од Македонија за цела година“ и „Басни од Македонија“, кои постигнаа голем успех. Дел од нив се преведени на седум јазици, на Брајовото писмо, наградувани во светот и дома и се едни од најпродаваните книги за деца кај нас.

The post Голем интерес за илустрација на „Современи бајки од Македонија“ appeared first on plusinfo.mk.

Сите пристигнати авторски дела на конкурсот беа нумерирани и анонимно оценувани од независна комисија, а финалниот избор го направи стручното жири составено од писателката Оливера Николова и професорката Нина Атанасова-Шкрињариќ.

– Кога ни беше дадена довербата да читаме и да оценуваме бајки од конкурсот, не ни претпоставувавме дека, всушност, ни се дава ретка шанса одново да обновиме некои подзаборавени чувства од сопственото детство. А ниту малку не беше лесна задачата да се изберат најдобрите – истакна писателката Оливера Николова.

За својот впечаток во овој проект проф. д-р Нина Атанасова-Шкрињариќ вели:

– Чест беше да се биде дел од најбајковитиот конкурс. Бајките се раѓаат на различни начини и остануваат долго во човековата меморија, а ние се уверуваме дека бајки се раѓаат и на вакви конкурси.

Новото издание „Современи бајки од Македонија“ следува по големиот успех на претходните изданија „Бајки од Македонија“ и „Басни од Македонија“, кои исто така беа заеднички проект на Движењето за креативност Иво Лауренчиќ – „Браво Сине!“ и издавачката куќа „Арс Ламина“.

– Почнавме со идејата македонското национално творештво да го доближиме до новите генерации, во модерна форма и израз, да направиме наш бренд, наши јунаци, да се читаат наши бајки. Издадовме 54 „Бајки од Македонија“, дел од нив се преведени на седум јазици, Брајово писмо, наградувани во светот и дома, но најважно е дека се едни од најпродаваните книги за деца кај нас. Ја исполнивме првичната цел – македонското национално творештво да добие свое место кај новите генерации, преку креативен пристап. Сега е време да создадеме нова историја, бајки на оваа генерација, современи бајки од Македонија – истакна Ангелка Пеева Лауренчиќ, член на Управниот одбор на Движењето за креативност Иво Лауренчиќ – „Браво Сине!“.

Наградените бајки ќе бидат издадени како илустрирани сликовници, а илустраторите ќе бидат избрани на посебен конкурс што ќе биде распишан во јануари 2021 година. Преостанатите пристигнати авторски дела што имаат литературна вредност и квалитет ќе поминат уште едно ниво на селекција и ќе им биде понудено објавување во рамките на посебни изданија и едиции.

– Големиот интерес на авторите за овој жанр позитивно нè изненади. Воопшто не беше едноставно да се селектираат и да се проценат толкав голем број пристигнати дела, а голем дел од нив се со висок квалитет и потенцијал. Затоа размислуваме, покрај четирите избрани дела што ќе бидат издадени, во следниот период дополнително да издадеме и дел од другите материјали што беа дел од конкурсот. Се разгледуваат можностите и наскоро ќе ја информираме и јавноста и авторите кои учествуваа на конкурсот – истакна Бранка Бугариска, директорка на издаваштво во „Арс Ламина“.

Движењето за поддршка на креативноста Иво Лауренчиќ – „Браво сине!“, чијашто цел е поттикнување и поддршка на талентот и креативноста кај младите во функција на создавање на силни национални брендови, го носи името на еден од основоположниците на современата македонска креативна и маркетинг-индустрија – Иво Лауренчиќ, кој во текот на целиот свој работен век им даваше огромна поддршка на младите и ги поттикнуваше да го изразат својот креативен потенцијал.

The post Меѓу 442 понуди избрани 4 најдобри современи бајки на конкурсот „Браво Сине!“ appeared first on plusinfo.mk.

На оваа престижна листа годинава се најде и македонското издание „Бајки од Македонија“. Каталогот White Ravens на младинската библиотека оваа година содржи 200 наслови од 56 земји на 36 јазици. Изборот на годишно ниво го прават голем тим уредници кои од голем број пристигнати книги прават избор на 200 најдобри дела на годишно ниво.

– Ова е дополнителна потврда дека нашата посветеност и ентузијазам со кои го работиме овој проект од трајна културолошка вредност е препознаен и од читателите, не само кај нас туку и во светот, како дело со огромен квалитет. Дополнително нѐ радува што успеавме да создадеме модерен формат преку кој македонското народно творештво успеавме да го приближиме до современата млада публика и ова вредно дело се најде во конкуренција со 200 најдобри наслови во светот. Ова е огромен успех и ние продолжуваме да работиме и да создаваме нови успешни приказни – истакна Ангелка Пеева Лауренчиќ, член на Управниот одбор на Движењето за поддршка на креативноста Иво Лауренчиќ – „Браво Сине!“.

Каталогот White Ravens се објавува од 1984 година. Вообичаено, тој и избраните наслови се претставуваат на посебен настан на Меѓународниот саем на книгата во Франкфурт, но годинава поради светската пандемија, промоцијата се изведува виртуелно.

– Навистина е голем исчекор и за Арс Ламина, но и за целокупното македонско издаваштво што токму на оваа престижна листа се најде наше издание на што сме особено горди. Тоа е јасна потврда дека вистинскиот квалитет и вредност може да се препознае и во услови на огромна конкуренција од целиот свет – истакна истакна Бранка Бугариска, раководител на издаваштво во „Арс ламина“.

Книгата „Бајки од Македонија за цела година“ е дел од проектот „Бајки од Македонија“ на Движењето за поддршка на креативноста Иво Лауренчиќ – „Браво Сине!“ и издавачката куќа „Арс Ламина“. Изданието е составено од 52 бајки од македонското народно творештво, односно по една бајка за секоја недела во годината. Бајките се избор од собраните народни приказни од Марко Цепенков, Стефан Верковиќ и Танас Вражиновски. Приказните во оваа книга, меѓу кои и оние за Злата Позлатена, за Тентелина и волците, за Ламјината ќерка Црнодреха, Змејот од Пелистер и многу други, ја будат фантазијата на секое дете кое со возбуда ќе сака да ги прераскажува повторно и повторно. Изборот и адаптацијата на бајките е на Билјана Црвенковска, а илустрациите се на Катерина Николовска, која е избрана на конкурсот за илустратори на „Браво Сине“ и „Арс Ламина“.

The post „Бајки од Македонија за цела година“ помеѓу 200 најдобри книги во светот на престижната листа White Ravens  appeared first on plusinfo.mk.

Изданијата „Бајки од Македонија“ и „Басни од Македонија“, кои беа инспирирани од македонското народно творештво, адаптирано на нов современ стил со автентични авторски илустрации, им го доближија народното творештво на младите читатели и станаа омилено четиво на новите генерации.

Движењето за поддршка на креативноста Иво Лауренчиќ – „Браво Сине!“, во спомен и чест на Иво Лауренчиќ веќе седма година иницира и реализира проекти со што ја поттикнува креативноста, создавајќи нови автентични дела со трајни вредности. Токму и новиот проект „Современи бајки од Македонија“ има за цел да го збогати литературниот фонд за деца, оставајќи печат на едно време.

Во следниот период ќе биде објавен и конкурс за „Современи бајки од Македонија“, на кој ќе можат да учествуваат сите писатели што сакаат да креираат современи бајки, наменети за најмладите.

– Поддршката на креативците е нашата основна мисија и навистина сме горди што во изминатиот период во чест на големиот креативец Иво Лауренчиќ, реализиравме навистина успешни проекти. Но, уште поголемо задоволство ни преставува фактот што со нашата поддршка им дадовме можност на млади креативни авотори, кои денес се веќе признати професионалци во својата област. Креативноста останува наша инспирација, а и понатаму ќе продолжиме да ги поддржуваме сите форми на убавото и креативното во земјава, покрај веќе добро познатата поддршка за визуелната креативност, која и понатаму ќе ја поттикнуваме – истакна Ангелка Пеева Лауренчиќ, член на Управниот одбор на Движењето за поддршка на креативноста Иво Лауренчиќ – „Браво Сине!“.

Едицијата „Бајки од Македонија“ која како резултат на големата популарност доживеа неколку изданија, преведена е на неколку светски јазици, а отпечатено е и издание со Брајово писмо. Движењето за поддршка на креативноста Иво Лауренчиќ – „Браво Сине!“ го поддржа и издавањето на авторската бајка за деца „Мистериозното јајце“ на авторот Оливер Коларевски, како и изданијата „Басни од Македонија“ и „Бајки од Македонија за цела година“.

– Искуствата покажуваат дека најмладите одлично ги прифаќаат нашите изданија и знаат да ценат добра содржина поткрепена со одлични илустрации. Тоа е јасна потврда на нашата досегашна соработка, бидејќи сите досегашни проекти беа одлично прифатени. Нашата најмлада публика, која истовремено е и искрена и строга, бара нови содржини кои ќе ги задоволат нивните желби и ќе ја поттикнат детската фантазија. Искрено се надеваме дека и овој проект ќе биде миленик на нашата публика и ќе биде посакувано четиво во сечиј дом – истакна Бранка Бугариска, раководител на издаваштво во „Арс ламина“.

Покрај овие проекти, Движењето за поддршка на креативноста Иво Лауренчиќ – „Браво сине!“ го реализираше и проектот „Слатко од Македонија“. Во рамките на овој проект, млади дизајнери изработија целосно нов дизајн за слатката на компанијата „Јоми фуд“ од Велес.

Движењето за поддршка на креативноста Иво Лауренчиќ – „Браво сине!“, чија цел е поттикнување и поддршка на талентот и креативноста кај младите во функција на создавање силни национални брендови, го носи името на еден од основоположниците на современата македонска креативна и маркетинг индустрија – Иво Лауренчиќ, кој во текот на целиот свој работен век им даваше огромна поддршка на младите и ги поттикнуваше да го изразат својот креативен потенцијал.

The post Наскоро конкурс за „Современи бајки од Македонија“ од „Браво сине!“ и „Арс ламина“ appeared first on plusinfo.mk.