Ве информираме дека во рамките на Интернационалниот фестивал „Share” во Братислава, Словачка, вечерва ќе настапат студентите на Катедрата за современ танц при Универзитетот „Гоце Делчев” со продукции на Скопје танцовиот театар 2, во рамки на програмата на театарот за 2026та под наслов „Современи кореографи”.

Претставата ќе се одржи во рамки на изведувачката програма на фестивалот, на сцената „Театар – ЛАБ” на Академијата за изведувачки уметности во Братислава, а ќе бидат изведени две кореографии, продукции на Скопје танцов театар 2: „Трендинг апокалипса” (фрагмент), на кореографката Адријана Данчевска Ровчанин, и кореографијата „Сè уште гледам” на италијанската кореографка Џилда Цесарио, која беше гостин кореограф на Скопје танцовиот театар.

Ќе настапат: Надја Луканова, Нина Петрушевска, Ивона Маневска, Елена Терзиева, Теона Ѓуровска, Михалеа Колцунова, Миа Петровиќ и Марија Андовска, дипломци на УГД.

Во рамки на фестивалот проф. д-р Рисима Рисимкин вчера го презентираше трудот „Современиот танц и нови технологии”, а денеска своја презенатција под наслов „Ритамот како кореографски генератор: Композиција на движење преку енергијата на рејв културата” ќе има доцент Адријана Данчевска Ровчанин, актуелна деканка на Катедрата за современ танц при УГД.

Интернационалниот фестивалот на танцови универзитети „Share” се оддржува од 9-13 јуни 2026, по шести пат во Братислава, Словачка, како платформа  на повеќе европски танцови академии и универзитети, и тоа: „Академијата за изведувачки уметности” во Братислава, Словачка; „Антон Брукнер” универзитетот од Линц и „Универзитетот за музика и уметност на Градот Виена” од Австрија; Литванската „Академија за музика и театар”; Конзерваториумскиот центар „Данкан” од Прага, Чешка; „Колеџот за циркуска уметност и современ танц” од Будимпешта, Унгарија; „Академијата за изведувачки уметности” од Прага, Република Чешка и Катедрата за современ танц при Универзитетот „Гоце Делчев” од Штип, Македонија.

Огромен број млади уметници, студенти и професори деновиве ги споделуваат своите искуства низ работилници и вечерни програми. Фестивалот „Share” се формираше во 2017 година, кога за прв пат се одржа во Братислава, Словачка, со цел да се постави платформа за соработка на млади европски современи танчери.

Во Братислава фестивалот се одржува секоја втора година, а во 2018 година, второто издание на „Share” се одржа во рамки на „Танц Фест” во Скопје и Штип, со учество на преку сто млади уметници и професори.

Од фестивалот произлегуваат голем број на соработки, меѓу кои е и проектот „Споделување танцови практики” на Ceepus програмата, кој се одржува во 2025-26, а ќе продолжи и во сезоната 2026-27 и кој овозможува поголема мобилност на студенти на повеќе европски танцови академии и универзитети, меѓу кои партнер во програмата е и Катедрата за современ танц при УГД.

The post МАКЕДОНСКИ ТАНЧЕРИ ВЕЧЕРВА ИЗЛЕГУВААТ ПРЕД ЕВРОПСКАТА ЕЛИТА Братислава е домаќин на престижниот фестивал „Шер“ appeared first on plusinfo.mk.

Еден од најпознатите симболи на словачката престолнина беше осветлен во црвено и жолто за посетата на претседателката на Македонија Гордана Сиљановска Давкова.

„Забележавте ли…? Како што е обичај при официјални посети на шефови на држави, и вчера навечер на Братиславскиот замок беше осветлено македонското знаме по повод посетата на претседателката Гордана Сиљановска Давкова“, објавија од кабинетот на словачкиот претседател.

Палатата соопшти дека замокот ќе остане осветлен и во текот на втората вечер од посетата.

 

View this post on Instagram

 

A post shared by Prezidentský palác (@prezidentskypalac.official)

The post 📽️ МАКЕДОНСКОТО ЗНАМЕ БЛЕСНА НА ЗАМОКОТ ВО БРАТИСЛАВА Словачка ја пречека Сиљановска Давкова со високи државни почести appeared first on plusinfo.mk.

Илјадници луѓе синоќа се собраа низ повеќе градови во Словачка на протести против најновите потези на владата на премиерот Роберт Фицо, која се обидува да ја укине независната канцеларија за заштита на свиркачите и да го промени Кривичниот законик.

Протести се одржаа во десет градови, вклучувајќи го и главниот град Братислава, каде што собраните на Плоштадот на слободата на премиерот Фицо му скандираа „оставка, оставка“.

Незадоволството избувна откако членовите на владејачката коалиција, лојални на Фицо, минатата недела гласаа во парламентот за план за укинување на Канцеларијата за заштита на свиркачите и покрај острите критики за потегот во Словачка и во странство.

Во друг контроверзен потег, парламентот гласаше за забрана на користењето докази собрани од осомничени кои соработувале со полицијата во замена за полесна казна.

The post СЛОВАЦИТЕ НА ПРОТЕСТИ БАРААТ ОСТАВКА ОД ПРЕМИЕРОТ ФИЦО Не дозволуваат да се укине заштитата на свиркачите appeared first on plusinfo.mk.

Контроверзното патување во Москва на словачкиот премиер, Роберт Фицо, го предизвика украинскиот претседател Володимир Зеленски дополнително да го критикува својот сосед, пренесе ДПА.

„Фицо јасно греши што верува дека може да ги продолжи своите матни зделки со Москва на неодредено време“, напиша Зеленски на платформата Икс.

Приказот на Зеленски за настаните е следниов: Пред да се запре транзитот на рускиот гас низ Украина, Киев сакал да ѝ помогне на Словачка, но Фицо „дрско ја отфрлил“ оваа понуда, и покрај тоа што бил предупреден од многу европски политичари.

„Сега тој (Фицо) се обидува да ја префрли вината на другите со ПР, лаги и со гласни обвинувања. Но, проблемот е што тој се обложи на Москва, не на неговата земја, не на обединета Европа и не на здравиот разум. Тоа беше неуспешен облог од самиот почеток“, напиша Зеленски.

Зеленски исто така го критикуваше словачкиот премиер за неговиот луксузен живот и за неговата хипокризија.

„Добро е што словачкиот премиер Фицо конечно се врати од својот одмор во луксузен хотел во Виетнам и сега е во Братислава. За него, лично, тоа сигурно е предизвик – да го остави луксузниот живот во обид да ги поправи сопствените грешки“, иронично потенцираше Зеленски.

Фицо отпатува за Москва непосредно пред Божик и разговараше со рускиот претседател, Владимир Путин, за можноста Словачка да се снабдува со руски природен гас.

Киев го прекина договорот за транзит со Европа на крајот на годината за да остане Москва без приходи за воени цели.

Илјадници луѓе во петокот протестираа во 15 словачки градови против политиката за Украина на левичарскиот националист Фицо. Тие го обвинија за проруски курс и за „предавство“ на западните сојузници и на соседна Украина, која е нападната од Русија.

Организаторите на демонстрациите го критикуваа патувањето на Фицо во Москва како „покорност“ на руските интереси.

It’s good that Slovakia’s Prime Minister Fico has finally returned from his vacation at a luxurious hotel in Vietnam and is now in Bratislava. For him, personally, it must be challenging—switching from living in luxury to now trying to fix his own mistakes. It was an obvious…

— Volodymyr Zelenskyy / Володимир Зеленський (@ZelenskyyUa) January 12, 2025

The post ФИЦО ЗГРЕШИ ШТО СЕ УЈДИСА СО ПУТИН Киев сакал да ѝ помогне на Братислава, но словачкиот премиер дрско ја отфрлил понудата appeared first on plusinfo.mk.

Се навршуваат 29 години од мистериозниот обид за увиство.

Бомбата била поставена во „цитроен АМИ-8“ на улицата Македонија кај хотелот Бристол во Скопје, покрај кој минувал службениот „мерцедес С-500“ со кој Глигоров од претседателската резиденција одел на работа во Собранието. Пред Ситроенот возело „фиќо“, кое му го забавило патот на автомобилот токму во моментот кога експлодирала бомбата, за кое сè уште не е јасно кој го возел и зошто. Било изутрина, 9 часот и 50 минути, 1995 година.

Во експлозијата „цитроенот“ е целосно распарчен, а видна штета е направена и врз Мерцедесот. Фотографијата од Мерцедесот, покај кој има насобрани луѓе тогаш осамна во медиумите. Таа беше една од ретките фотографии од настанот. Години подоцна беа објавени фотографии од тоа како денес изледа „мерцедесот“.

Во атентатот загинуваат возачот Александар Спировски, а бил повреден телохранителот Илчо Теовски. На повредите подоцна им подлегнал и Ристо Хаџиманов, пензионер, кој бил случаен минувач покрај местото на настанот. Глигоров бил итно пренесен во болница со тешки повреди на главата. Кога го посетил тогашниот претседател на Собранието Стојан Андов, Глигоров можел да ги мрда капаците на очите, но не можел да ги отвори.

По тешката, но успешна операција од неврохирургот Јовица Угриновски, македонскиот претседател успеа да се појави во јавноста една година подоцна 14 јануари, на годишната средба со шефовите на странските дипломатски мисии во Македонија.

Вклучена е една „финансиско-економска групација“

Тогашниот министер за внатрешни работи Љубомир Фрчкоски изјавил дека во организацијата на атентатот е вклучена една финансиско-економска групација, практично мултинационална, со седиште во една соседна земја.

– Тој на 28 септември 1995 година е дојден во Македонија и во објект на периферијата на Скопје ја формирал експлозивната направа што е користена во атентатот на претседателот Глигоров. Во тоа му помагале извршители од Македонија. Врз основа на извршениот профил, тоа може да бидат политички фанатици, делови од криминално подземје, или резидентура на странски разузнавачки служби – изјави Фрчкоски, кој подоцна понуди оставка која не му беше прифатена.

„Мултигруп“ директно го посетиле Глигоров

Потоа, тогашниот министер за внатрешни работи како нарачатели ги посочил бугарската озлогласена бизнис-групација „Мултигруп“, југословенската тајна служба „КОС“, а беше спомната и т.н. „Братиславска врска“, но не се пронајдени тврди докази околу нивната вмешеност во атентатот.

Подоцна, високи претставници на бугарската организација „Мултигруп“ лично дошло во посета кај Глигоров за да ги отфрли тие шпекулации.

Експлозивот бил југословенски

Експлозивната направа била производство на ЈНА, а содржела еден килограм пластичен експлозив, со стотици челични топчиња кои имаат смртоносно дејство во радиус од околу 50 метри. Автомобилот „ами-8“ бил намерно избран за поставување на бомбата затоа што има тенок лим, кој од експлозијата лесно се распрснува во повеќе смртоносни шрапнели. Еден таков шрапнел и го убил возачот на претседателот.

Што било договорено со Милошевиќ?

Нападот дошол по само еден ден откако во Скопје претстојувал претседателот на Србија Слободан Милошевиќ, при што претседателите на двете земји постигнале договор за меѓусебно признавање.

Една друга непотврдена теза, која останува само во рамки на шпекулациите, е за вмешаноста на Белград во атентатот. Во септември 1995 се официјализира најавата дека Македонија ќе го потпише договорот Партнерството за мир со НАТО и Спогодбата за соработка и трговија со ЕУ, со што се отворија вратите на евроинтеграциските процеси. Македонија тргна кон Брисел и Вашингтон неповратно.

Ова битно геополитичко поместување на југот на Балканот, наводно, го вознемирило „вождот“ во Белград, кој според претпоставките се почувствувал предаден од Глигоров. Хипотезата наведува на тоа дека Милошевиќ сака да слушне потврда за одлуката на македонското раководство за евроатланската ориентација лично од устата на Глигоров. Милошевиќ го кани Глигоров во Белград.

Средбата трае кратко и од неа нема никакви информации за јавноста за тоа што се зборувало. Според истата теорија, Глигоров наводно му го потврдува тоа на Милошевиќ, по што тој се решава да го активира веќе разработениот план за атентатот.

Ослободителната војска на Македонија

Иако по атентатот била отворена обемна истрага од страна на МВР, под името „Автомобил“, а се вклучиле и безбедносните служби на САД, Германија и Британија, ниту нарачателите ниту извршителите на атентатот врз Глигоров сѐ уште не се познати. Во 1995 година, по неколку месеци од атентатот, како еден од можните атентатори, разузнавачката служба ја посочила „Ослободителната војска на Македонија“ со седиште во Австралија.

Претресени повеќе од 30.000 возила, легитимирани 188.000 лица

За обидот за атентат врз него, Глигоров напишал и автобиографска книга „Атентат – ден потоа“, што ја промовирал во 2002 година. Во истрагата се претресени 30.850 возила и прегледани повеќе од 15.000 објекти, легитимирани биле повеќе од 188.000 лица, од кои 19.000 биле претресени. МВР извршило и повеќе информативни разговори со луѓе за кои сметало дека се можни сторители на атентатот, но сите тие биле пуштени по испрашувањата.

Глигоров почина од природна смрт на 94 годишна возраст на 1 јануари 2012 година.

Луѓето кои давале исказ и телохранителот се „самоубиле“?

Вработен во МВР, кој дал исказ во врска со истражните дејства за атентатот врз поранешниот претседател, следниот ден сопругата го нашла мртов во нивниот дом, тврди МКД. На оваа листа е и наводното самоубиство на инспектор во МВР, кој му бил телохранител на Киро Глигоров. Тој утрото на 5 август 1997 година бил прегазен од патничкиот воз што сообраќал на линијата Кичево-Скопје на мостот на реката Лепенец во населбата Ѓорче Петров. Според тогашните изјави на неговото семејство, две лица дошле во домот на Д.Г. вечерта на 3 август и го одвеле.

На 20 февруари 1998 година на падините на Водно во близина на кругот на МВР била најдена мртва вработена во Управата за оперативна техника, која била дел од екипата која го истражувала атентатот. Таа имала една огнострелна рана во челото. Било утврдено дека раната била предизвикана од истрел со пиштол од непосредна близина, а потоа било кажано дека станува збор за самоубиство.

The post 📽 И ПО 29 ГОДИНИ НЕРАЗРЕШЕН АТЕНТАТОТ ВРЗ ГЛИГОРОВ Мултигруп, КОС, братиславска или домашна местенка? appeared first on plusinfo.mk.

Словачкиот премиер Роберт Фицо се сеќава на околностите на неговиот атентат на 15 мај, изјави новоизбраниот претседател Петер Пелегрини, кој го посети премиерот во болница.

– Се сеќава на сè. Беше изненаден колку брзо тоа се случи – изјави Пелегрини за ТВ ТАЗ.

Премиерот бил свесен кога го донеле во болница и се сеќава, според Пелегрини, како му пружиле прва помош, изјави Пелегрини, кој во четвртокот успеал да разговара со Фицо неколку минути.

Пелегрини изјави дека лекарите не планираат повторно да го оперираат Фицо и дека во понеделник ќе биде донесена одлука тој да биде префрлен во Братислава.

Словачкиот премиер Роберт Фицо се наоѓа во болницата во Банска Бистрица, каде што беше опериран откако беше ранет во пукање по седницата на Владата што се одржа во градот Хандлова, на околу 150 километри североисточно од Братислава. По неколкучасовна операција, Фицо бил ставен во индуцирана кома 24 часа.

Фицо беше застрелан кога по средбата во средата излезе да се поздрави со насобраните граѓани.

Напаѓачот на Фицо веднаш бил уапсен и обвинет за обид за убиство од политички причини.

Министерот за одбрана на Словачка по вонредната седница на Советот за државна безбедност и на Владата изјави дека лекарите прават сè за да ја стабилизираат состојбата на премиерот и дека не може да изјави дека ситуацијата се развива позитивно или дека тој е надвор од опасност.

Министерот за внатрешни работи Матуш Шутај-Ешток претходно соопшти дека кон Фицо биле испукани пет истрели и потврди дека атентатот врз премиерот е извршен од политички причини.

The post ФИЦО СЕ СЕЌАВА НА СÈ Претседателот на Словачка го посетил премиерот во болница appeared first on plusinfo.mk.

Бугарија е најевроскептичната земја во Централна и Источна Европа, со 70 отсто од граѓаните за останување во ЕУ и 23 отсто за напуштање на блокот (зголемување од 6 процентни поени во споредба со 2021 година). Дури 20 проценти од Бугарите веруваат дека ЕУ е закана за нивниот идентитет и вредности.

Земја со најголема поддршка за ЕУ е Литванија со 88 отсто. Ова го покажуваат податоците на ГЛОБСЕК, глобален тинк-тенк со седиште во Братислава.

ЕУ продолжува да ужива силна поддршка во Централна и Источна Европа, покажуваат податоците. Во просек, 80 отсто од испитаниците би гласале за останување во ЕУ, што го нагласува фактот дека членството во ЕУ стана поутврдено во регионот.

Поддршката за останување во ЕУ е зголемена од 2021 година за 14 процентни поени во Чешка, 8 процентни поени во Литванија и 7 процентни поени во Унгарија.

Зголемената поддршка за останување во ЕУ во текот на изминатата година може да се опише како одговор на двете кризи од последните неколку години – пандемијата на Ковид-19 и војната во Украина – кога членството во ЕУ се покажа попрофитабилно.

Чесите, иако се сметаат за поевроскептични, изразија рекордна поддршка за членството во ЕУ. Ова можеби е поврзано со новата, силна проевропска влада и претстојното второ чешко претседателство со Советот на Европската унија. Промената во Чешка ја остава Бугарија како актуелна најевроскептична земја. Унгарија, од своја страна, исто така, забележа поголема поддршка за членството во ЕУ од падот во претходната година, и покрај поддршката на Орбан за континуираната пропаганда против ЕУ.

The post БУГАРИТЕ СЕ ШАМПИОНИ ПО ЕВРОСКЕПТИЦИЗАМ 23 отсто од граѓаните посакуваат напуштање на ЕУ appeared first on plusinfo.mk.

ТВОЈА партија бара појаснување од претседателот Стево Пендаровски како дозволил во Словачка да се потпише на вакво нешто. pic.twitter.com/p0ZmJ6HKBi

— Твоја (@tvojapartija) October 12, 2020

The post Партијата на Тортевски до Пендаровски: Претседателот да објасни како се потпишал на северномакедонска?! appeared first on plusinfo.mk.

Министерот за здравство на Словачка, Марек Крајчи, изјави дека државата доживува втор бран на пандемија на коронавирусот.

– Во моментов епидемиолошката состојба во Словачка е под контрола, иако се влошува. Државата се соочува со втор бран (на пандемијата) на новиот коронавирус – изјави тој за националното радио.

Во Братислава вчера се одржа состанок на комисијата за борба против пандемијата, формирана од словачката Влада. Експертите во неговиот состав ги советуваа жителите да се воздржат од патување во странство.

Од почетокот на пандемијата, вкупниот број на заразени со коронавирусот во Словачка, со население од 5,5 милиони, достигна 2.615, вклучувајќи ги и оние кои се опоравиле. Регистриран е 31 смртен случај.

The post Словачка се соочува со втор бран заразени appeared first on plusinfo.mk.