Млад човек (27) беше убиен во својот дом во Флорида откако полицијата го виде како се обидува да го избоде својот помлад брат (7).

Драматичните моменти се случија минатата недела, а полицаец го застрела 27-годишниот маж во главата, што беше снимено од камерата на телото на полицаецот.

Видеото започнува со 25-годишниот заменик-шериф на округот Хилсборо, Ентони Гонзалез, како му вика на Марио Комазо (27) да го фрли ножот и да го пушти својот седумгодишен брат.

Кога постариот брат не ги послушал наредбите, полицаецот ја скршил вратата, а камерата го снимила Комазо, кој носел шлем, како го држи својот помлад.

Hero deputy in Florida saves the life of a young boy being threatened by an adult male with a knife

He did what he had to do pic.twitter.com/o6c8LK9D7d

— Jack Posobiec (@JackPosobiec) November 4, 2025

Откако постојано викаше: „Фрли го ножот или ќе те убијам!“, Гонзалез пукал еднаш, погодувајќи го 27-годишникот во главата.

По пукањето, полицаец го извлекол момчето на безбедно, додека повредениот Комазо бил однесен во болница, каде што починал неколку часа подоцна.

Како што подоцна беше објавено, полицијата била повикана од роднини на двајцата браќа.

По инцидентот, Гонзалез бил ставен на задолжително административно отсуство додека не заврши истрагата за случајот.

The post 📽️ (ВОЗНЕМИРУВАЧКО) САКАШЕ ДА ГО УБИЕ 7-ГОДИШНИОТ БРАТ, НО ДОБИ КУРШУМ ВО ГЛАВА Полицијата уби млад човек кој се обиде да избоде малолетник appeared first on plusinfo.mk.

Постариот брат на НБА ѕвездата Никола Јокиќ, Страхиња доби условна казна од 12 месеци поради напад врз навивач за време на плејоф натпреварот на Денвер Нагетс, објави американскиот портал „TMZ Sports“.

Пресудата беше изречена во судот во Денвер, откако Страхиња се изјасни за виновен за нелегален влез на теренот и нарушување на јавниот ред и мир, соопшти обвинителството.

Инцидентот се случил на 22 април 2024 година, на натпреварот меѓу Денвер Нагетс и Лос Анџелес Лејкерс, кога камерите го забележале моментот во кој Страхиња удира навивач во лицето веднаш по завршувањето на натпреварот.

Според официјалните извештаи, нападнатиот маж добил потрес на мозокот како резултат на ударот.

Nikola Jokic’s older brother Strahinja threw a punch at a fan following the Nuggets’ 20-point comeback win vs. the Lakers

(via cgallegos67/TT)pic.twitter.com/gjYzt7c1kE

— ClutchPoints (@ClutchPoints) April 23, 2024

Иако првично Јокиќ тврдел дека само бранел постаро лице кое се наоѓало во негова близина, подоцна го променил исказот и прифатил вина.

Судењето започна во август 2025 година, а обвинетиот редовно се појавувал пред Окружниот суд во Денвер. Страхиња беше познат по тоа што редовно присуствуваше на натпреварите на својот брат Никола, но не е познато дали повторно се појавил во „Бол Арената“ по инцидентот.

Во меѓувреме, Никола Јокиќ се подготвува за својата 11-та НБА сезона, која започнува на крајот од октомври.

The post 📽️ ОСУДЕН БРАТОТ НА НИКОЛА ЈОКИЌ Страхиња доби условна казна за напад на навивач за време на плејоф натпреварот во Денвер appeared first on plusinfo.mk.

Брат на пратеник од СДСМ добил вкупно 205.000 евра преку европската програма Еразмус+, обвинува Валентин Манасиевски од ВМРО-ДПМНЕ. Манасиевски вели дека парите биле наменети за дресура на магариња и за правење сирење.

„СДСМ и Заев преку Димова и Еразмус + доделија неверојатни 83 илјади евра за дресура на магариња. Нешто невидено и невообичаено, но сепак за СДСМ и нивното владеење, ништо ново. Проектот беше доделен на брат на пратеникот на СДСM, Диме Велковски.

СДСМ не запреа тука. Покрај дресурата на магариња, доделија и дополнителни 125 илјади евра од Агенцијата Еразмус +, токму на братот на пратеникот Диме Велковски за проектот „Избери сирење’’.

Заев и СДСМ преку Димова се изживуваа и го цедеа Буџетот на Агенцијата Еразмус +. Проекти се делеа на ним блиски луѓе, на судии, професори, браќа на пратеници.

Ниту еден проект не помина незабележителен од страна на Европската заедница и од јавноста. Тоа говори дека СДСМ, Димова и Заев, не си ја вршеле чесно работата. Затоа е тука и обвинителството кое воедно повторно го повикуваме наместо да ги штити нивните платеници, да ја донесе конечно правдата во државата“, вели Манасиевски од партиската говорница.

The post 205.000 ЕВРА ОД ЕРАЗМУС+ ЗАВРШИЛЕ КАЈ БРАТ НА ПРАТЕНИК ОД СДСМ? Биле наменети за дресирање магариња и за правење сирење appeared first on plusinfo.mk.

Шпанските медиуми објавија дека напаѓачот на Ливерпул, Диого Жота, загинал во сообраќајна несреќа. Тој починал, напишаа Шпанците, во сообраќајна несреќа во шпанската покраина Замора. 28-годишниот Португалец бил на одмор и меден месец две недели по неговата свадба. Веста наскоро беше потврдена од англиските медиуми.

Фудбалерот на Ливерпул загинал кога автомобилот во кој патувал со неговиот брат Андре (26), исто така професионален фудбалер, излетал од патот и се запалил. Според сведоците кои се јавиле на 112, автомобилот бил во пламен, кој се проширил на блиската вегетација. Несреќата се случила кратко по полноќ.

Очевидци веднаш ги известиле службите за итни случаи, но пожарникарите, членовите на сообраќајната единица на Цивилната гарда, брзата помош и медицинскиот персонал од здравствениот центар Момбуеј можеле само да ја потврдат смртта на двајцата млади мажи по пристигнувањето.

Жота се ожени за Руте Кардосо на 22 јуни 2025 година, само 8 дена пред неговата смрт. Двојката имала три деца. Пред 18 часа Жота објави видео од себе со својата нова сопруга.

 

View this post on Instagram

 

A post shared by Diogo Jota (@diogoj_18)

Diogo Jota just 5days ago mane. RIP pic.twitter.com/eCDotoGiGl

— 22 (@Arneslot_Era) July 3, 2025

Брилијантен за Порто и Ливерпул

Роден на 4 декември 1996 година во Порто, Жота ја започнал својата професионална кариера во португалскиот клуб Пасос де Фереира, каде што брзо го привлече вниманието. Набрзо потпиша договор со Атлетико Мадрид, но никогаш не играше за шпанскиот клуб бидејќи веднаш беше испратен на позајмица – прво во Порто, а потоа во Вулверхемптон, каде што остави силен впечаток и стана клучен играч.

Откако му помогна на Вулверхемптон да се пласира во Премиер лигата, Јота се пресели во Ливерпул во 2020 година за околу 45 милиони евра. Брзо се вклопи во тимот на Јирген Клоп благодарение на неговата мобилност, способност за завршување и работа без топка.

Во својата прва сезона во Ливерпул, тој постигна 13 гола и покрај тоа што беше повреден некое време, а во следните сезони го зацврсти својот статус како важен член на тимот. Минатата сезона, тој одигра 26 натпревари во првенството. Постигна шест гола и имаше четири асистенции.

Тој го имаше своето деби за португалската репрезентација во 2019 година и учествуваше на Европското првенство 2020 и Светското првенство 2022. До моментот на неговата смрт, тој имаше 49 настапи и постигнато 14 гола за националниот тим.

The post ЗАГИНА ЅВЕЗДАТА НА ЛИВЕРПУЛ Диого Жота почина заедно со брат му во страшна несреќа во Шпанија appeared first on plusinfo.mk.

Алекс Маркез заврши со скршена рака по судир во шестиот круг на трката во Асен, но неговиот постар брат Марк блесна на патеката и стигна до шеста победа сезонава во Мото ГП. Возачот на Дукати триумфираше на Големата награда на Холандија и го зацврсти водството во генералниот пласман.

Ова беше 94. победа за Маркез во сите категории, со што останува зад легендите Џакомо Агостини (122) и Валентино Роси (115). Претходно сезонава веќе победи и девет пати во спринт трки, со што неговата форма делува недостижна за ривалите.

На подиумот му се придружија Марко Бечеки од Априлија и Франческо Бања од Дукати, кои завршија втор и трет. Трката ја обележа судирот меѓу Алекс Маркез (Гресини Рејсинг) и Педро Акоста (КТМ), по што помладиот Маркез беше префрлен на лекарски третман со скршеница на левата рака.

На легендарната патека во Асен, Маркез уште еднаш потврди дека неговата сезона има темпо кое никој не може да го следи.

DRAMA! @alexmarquez73 crashes out of podium (and potentially victory) contention #DutchGP pic.twitter.com/rPnhra3DVk

— MotoGP (@MotoGP) June 29, 2025

The post 📽️ ПОМЛАДИОТ БРАТ ПАДНА ОД МОТОР, ПОСТАРИОТ ТРИУМФИРАШЕ Маркез ја освои Големата награда на Холандија appeared first on plusinfo.mk.

Британецот Вишваш Кумар Рамеш (40), единствениот преживеан од уривањето на авион на „Ер Индија“ во Ахмадабад, контактирал со семејството и им соопштил дека е „во ред“, изјави неговиот братучед Ајеј Валги за Би-Би-Си њуз.

Според весникот „Хиндустан Тајмс“, Рамеш преживеал, а Валги додаде дека тој бил сместен до својот брат на летот и дека има сопруга и мал син дома.

На прашањето дали Рамеш е единствениот преживеан, Валги потврдил дека добил таква информација, но дека не е сигурен.

– Да, чувме така, но не можеме да потврдиме сè додека не добиеме официјална информација – рекол тој.

Тој истакна дека семејството е среќно што Рамеш е жив, но длабоко тажно поради судбината на неговиот брат.

– Не ни е добро, сите сме вознемирени. Многу сум вознемирен, тој не ми е само братучед, туку и брат и најдобар пријател – рече Валги, додавајќи дека семејството чека информации за она што се случило со братот на Рамеш.

ИМА ЕДЕН ПРЕЖИВЕАН ОД АВИОНСКАТА НЕСРЕЌА ВО ИНДИЈА Еве како Рамеш го опишал своето грозоморно искуство

The post ЕДИНСТВЕНИОТ ПРЕЖИВЕАН ОД АВИОНСКАТА НЕСРЕЌА ВО ИНДИЈА ИМ СЕ ЈАВИЛ НА БЛИСКИТЕ Неговиот седел до него во авионот, семејството е скршено appeared first on plusinfo.mk.

72-годишен жител на гостиварско село бил приведен од страна на полициски службеници од ОВР Гостивар, откако бил пријавен дека со остар предмет повредил две крави кои му припаѓале на неговиот 62-годишен брат, информираа денеска од СВР Тетово.

Инцидентот се случил на 3 јуни, а според информациите од полицијата, една од кравите подлегнала на повредите.

„По целосно документирање на случајот, против лицето ќе биде поднесена соодветна пријава“, соопштија од СВР Тетово.

Не се наведени детали околу мотивите за делото, но случајот предизвика вознемиреност кај мештаните.

The post ИЗБОДЕЛ ДВЕ КРАВИ НА БРАТ МУ, ЕДНАТА УГИНАЛА Приведен 72-годишник од гостиварско село кој го повредил добитокот appeared first on plusinfo.mk.

Во полицијата во Скопје било пријавено дека малолетна ученичка од основно училиште на подрачјето на Бит Пазар била уценувана од двајца соученици, кои подолго време ѝ се заканувале дека ќе го нападнат нејзиниот помал брат, кој има здравствени проблеми, доколку не им дава пари.

Како што информираше МВР, случајот бил пријавен во петокот во 00:30 часот во СВР Скопје од нејзиниот татко, 52-годишен жител на Скопје.

Според пријавата, поради страв за братот, девојчето во повеќе наврати им давало пари на соучениците, а вкупниот износ кој го одзела од дома достигнал 25.000 евра.

Министерството за внатрешни работи соопшти дека се преземаат мерки за целосно расчистување на случајот.

The post ИМ ДАЛА 25.000 ЕВРА ЗА ДА НЕ ГО ТЕПААТ НЕЈЗИНИОТ БОЛЕН БРАТ?! Малолетници уценувале соученичка во Скопје appeared first on plusinfo.mk.

Министерот за внатрешни работи Панче Тошковски најави кривична одговорност за полицискиот службеник по чија наредба не е казнет братот на градоначалникот на општина Гази Баба кој возел побрзо од дозволеното и наместо него е казнет сосема друг граѓанин кој воопшто нема врска со сторениот прекршок.

– Беше утврдена фактичка состојба многу пострашна од онаа што беше објавена од СДСМ, односно се утврди дека конкретниот полициски службеник постапил спротивно на неговите законски овластувања и дозволил одредено лице да помине без соодветна казна што требало да му биде изречена. Тоа е првиот прекршок. Вториот прекршок којшто е уште пострашен е тоа што недолжен граѓанин, кој не е поврзан со настанот, го навел во рамки на документацијата што се изготвува од страна на Министерството за вантрешни работи со што сторил одредено кривично дело кое ќе биде процесурирано од страна на Министерството за внатрешни работи – изјави попладнево Тошковски за телевизија „Сител“.

Братот на градоначалникот на Гази Баба кој возел со 88 километри на час, наместо дозволените 50 километри на час, според министерот Тошковски, денеска сам се пријавил во полициската станица „Пролет“ и му е изречена прекршочна парична казна од 300 евра, а ќе се процесуира и забрана за управување со моторно возило.

– Овој случај МВР го расветли веднаш по информациите во јавно достапните гласила. Да упатам порака дека секој полициски службеник мора да постапува согласно закон и согласно стандардно-оперативни процедури. Никој нема никого да има шанса да го спаси од дисциплинска или друга одговорност – рече Тошковски.

Опозициската СДСМ денеска обелодени дека на 20 април на булеварот Александар Македонски во Скопје, полицијата со радар фатила возило со преголема брзина кое било управувано од братот на градоначалникот на Гази Баба и дека полициските службеници не го казниле по наредба на началник во МВР.

– Среде Скопје, братот на градоначалникот летал со 88 километри на час, иако дозволената брзина е 50 километри на час. Свиркачи од МВР ни доставија видео-снимка од радарот, на која јасно се гледа колку вози Стефковски среде Скопје. Полицајците го стопирале за да го казнат за пребрзо возење, но тогаш Далибор Стефковски телефонски контактира со некој во МВР. За само една минута, началник од МВР, кој според нашите информации тогаш дури и не бил во земјата, се јавува на полицајците и им дава наредба: братот на градоначалникот да не биде казнет и да биде ослободен. Бидејќи прекршокот веќе бил евидентиран, наредено им е казната да ја запишат на друго лице. Така, казната е издадена на лице со иницијали С.Ј., под налог број 07929 – изјави портпаролката на СДСМ Богданка Кузеска на денешната прес-конференција.

The post ЌЕ БИДЕ ГОНЕТ ПОЛИЦАЕЦОТ КОЈ ГО СПАСИ ОД КАЗНА БРАТОТ НА ГРАДОНАЧАЛНИКОТ НА ГАЗИ БАБА Тошковски најави и одземање на возилото и глоба за возачот appeared first on plusinfo.mk.

Венко Филипче сака да дојде на власт за да може да ги продолжи семејните бизнис интереси кои им носат милионски суми на годишно ниво, обвини Валентин Манасиевски од ВМРО-ДПМНЕ.

Тој вели дека братот на Венко Филипче, додека СДСM беше власт, заедно со Вице Заев за рекордно време направиле фотоволтаична централа на земјите од 23.000 квадратни метри во Дојран од која би заработувале околу 120.000 евра годишно.

„Никола Филипче и Вице Заев, користејќи ја моќта на нивните браќа, тогашен премиер и министер за здравство, по рекордно брзо време добиваат согласност од Министерството за транспорт и врски, и по само еден месец, во координација со градоначалникот на Дојран и Советот на Општината, се прави измена во ДУП-от и фирмата си поставува соларни панели на земјиштето.

Според проценките кои што ги имаме, Филипче и Заев би произведувале околу 2.000 мегават часови електрична енергија годишно, би заработувале околу 10 илјади евра месечно или 120 илјади евра годишно.

Браќата на Венко Филипче и Зоран Заев, месечно на своето конто ќе додадат плус 25 минимални плати или 300 минимални плати годишно.

Затоа Венко Филипче сака да дојде на власт. За да може да ги продолжи семејните бизнис интереси кои им носат милионски суми на годишно ниво.

Венко Филипче сака да биде власт, за повторно како порано, по рекордно време, да вади дозволи и да одобрува процедури. Филипче сака да си игра со државата и со народот, за да си ги задоволи своите потреби.

Филипче е во политиката само за да си ги задоволи своите апетити, а не да мисли на граѓаните. Филипче е завршена приказна за политичката сцена. Филипче повеќе нема кредибилитет. Венко Филипче треба да си поднесе оставка.“,

The post БРАТОТ НА ФИЛИПЧЕ И БРАТОТ НА ЗАЕВ ИМААТ МИЛИОНСКИ БИЗНИС Манасиевски вели дека тоа е причината зошто Филипче сака да ја освои власта appeared first on plusinfo.mk.