Азески , како што рече, смета дека ова решение е предвидливо  го темели на состојбата во која се моментално компаниите.

– Имаме драстичен раст на цените, а некаде и недостиг од суровини неопходни за производство, што е проблем во глобални рамки и е незивесен. Тоа може да доведе до нарушување на ликвидноста на компаниите, а затворање на капацитетите и отпуштање на вработените. За компаниите членки на комората, независно од кој регион или од кое здружение произлегуваат, дефинитивно најголем проблем е скапата струја, која се набавува на слободниот пазар по берзански цени, поради кои сметките им се зголемени за три пати – рече Азески

Според него, за компаниите се проблематични и договорите за јавни набавки, потоа измените на законите како и инфлацијата.

– Договорите за јавни набавки кај компаниите од различни сектори склучени на подолг рок со фиксни цени доведува до проблеми во реализацијата на веќе склучените договори, но и неучество на новите. Пакетот на закони со кои се настојуваше да се зголемат работничките права и со тоа да се мотивираат вработените полека како да се претвора во кочница на работењето на компаниите, кои и онака се во исклучително тешка ситуација.Максимално внимание на надлежните институции околу прашањето за инфлацијата која може во ваквата ситуација да направи најмногу штета – рече тој.

Азески вели дека во вакви услови е мошне важно да се помогнат компаниите за да останат ликвидни.

-Исклучително е значајно да се напомене дека во секојдневната комуникација со компаниите, преовладува нивното инсистирање дека е момент во којшто треба да им се помогне, но треба да се помогне и на државата, која исто така се судрува со проблеми. Токму затоа се бара засилување на јавно-приватниот дијалог, избегнување на носење закони по скратена постапка – рече тој.

Претседателот на стопансакта комора од името на компаниите упати и порака до владата.

-Владата да направи максимални напори да обезбеди енергенси во доволна количина, по секоја цена за да не запре производството, да направи максимални напори за стабилизирање на цените на домашниот пазар бидејќи потрошувачката е исклучително важна, но и сузбивањето на сивата економија и да направи максимални напорти да ја одржи ликвидноста на целата економија. Владата мора, врз основа сознанијата на реалниот сектор т.е. на капиталот, да издвои приоритети во и онака скромната  акумулација за интервенции на краток рок. Тоа значи да се држат потиснати на страна инфлаторните очекувања, а средствата да се насочат не хоризонтално, туку вертикално. И ние како и владата сметаме дека треба да се таргетира помош за ранливите категории, но не за секој и секого како досега – рече Азески.

Тој додаде дека Стопанската комора продолжува да ја следи ситуацијата на терен меѓу оние кои го создаваат доходот затоа што тие се во моментов најреални податоци врз кои може да се гради економска политика во вакви услови.

КОИ СЕ КОМПАНИИТЕ КОИ ГИ ПОСЕТИ АЗЕСКИ ДЕНЕСКА?

„Гранд -експорт“ („Grand Foods Corporation“) е целосно македонска инвестиција во прехранбената индустрија која започна со работа во ноември 2015 година. Специјализирана е за производство на кроасани и колачи. Компанијате е формирана од страна на професионалци со истакнато искуство и знаење присутни во продажно-дистрибутивните канали на македонскиот пазар цели 30 години.

Во фабриката се инсталирани машини, опрема и технологија од најновата генерација на најпознатите германски, италијански и швајцарски производители. Целокупниот процес на производство е автоматизиран, а  капацитет е 200 000 вегански кроасани и суви колачи на ден. Со ова фабриката се издвојува како најголемиот капацитет за производство на кроасани во Европа, и единствени вегански трајни кроасани. Во фабриката се имплементирани ХАСАП системот за безбедна храна, Халал и ИФС стандардите. Извесува во: Србија, Косово, Бугарија, Чешка, Унгарија,Италија, Шведска, Австралија  и други.

„Кадино“

Кадино Индустри Груп е семејна компанија со 30 годишна традиција. Во последните 10 години компанијата е сопственик е  два бренда, Мелница Кадино и World Wide Bakers. Компанијата во 2006 година одлучи да направи модернизација на постоечкиот погон за производство на мелнички производи, брашна и специјални видови брашна, да инвестира во погон за брзо замрзнати филувани пити и лабораторија за испитување на хемиски и физички особини на брашната и пченицата која е една од најсовремените во земјава и на Балканот.

Досега компанијата ни еднаш не учествувала на државен тендер за продажба на своите производи туку строго работи само со приватниот сектор. Моментално компанијата пласира свои производи во Македонија, Словенија, Швајцарија и САД. Поголемиот дел од производството сепак е наменет за домашен пазар  со  тенденција за зголемување на извозот.

„Пекабеско“

„Пекабеско“ е една од водечките македонски компании за производство на сувомеснати производи, дистрибуција на хранаи цигари. Примарната дејност на Пекабеско е составена од три сегмента; производство на сувомеснати производи, дистрибуција на различни брендови прехрамбени производи и дистрибуција на цигари.
„Пекабеско“ ги дистрибуира следниве брендови, „Dijamnat“ масло за јадење, маргарини и мајонези, „Звијезда“-маргарини и масла за јадење, „Хопла“-слатка павлака, „Есва“-замрзната риба, TDR-rovinj -цигари.
Компанијата во 1998 година започна со производство на сувомеснати производи под брендот „Пекабеско“. Денес палетата на сувомеснати производи опфаќа најразлични видови трајни, димени и полутрајни сувомеснати производи.

„Пекабеско“ поседува ладилник со капацитет од 1000 тони и друг складишен простор од 1000 тони. Исто така поседува 70 најразлични доставни возила којшто ги користи во дистрибуцијата на храна. Во оваа компанија работат 307 лица од најразлични профили.

The post НАЈГОЛЕМ РИЗИК ВО МОМЕНТОТ Е ДА НЕ СЕ ПРЕЗЕМА НИКАКОВ РИЗИК Азески бара владата да не наметнува нови даноци и давачки за бизнисите appeared first on plusinfo.mk.

Претседателот на Стопанската комора, Бранко Азески, со дел од менаџерскиот тим, денеска ќе ги посетат компаниите „Гранд Експорт“ („Grand Foods Corporation“), „Пекабеско“ и „Кадино Индустри Груп“.

Како што соопштија од Комората, неспорна е констатацијата дека цената на суровините, високата цена на енергенсите, јавните набавки и ликвидноста се се` повеќе проблем на македонските компании, предизвикани од неизвесноста дома и на странските пазари.

Стопанската комора е секогаш со своите членки кога е најтешко, како што беше финансиската криза во 2008 год, здравствената криза во 2020 година и енергетската криза минатата година.

-За да се има реална слика што се случува во бизнисот мора да се има дневна комуникација, директни посети, еснафско организирање и тесна соработка со Владата и сите надлежни институции, како би можеле да поминеме со помали последици – велат од Комората.

The post АЗЕСКИ ЌЕ ГИ ПОСЕТИ „ГРАНД ЕКСПОРТ“, „ПЕКАБЕСКО“ И „КАДИНО“ Актуелната криза и проблемите во центарот на разговорите appeared first on plusinfo.mk.

На средбата, како што соопшти Стопанската комора, согласно видувањата и сознанијата за состојбите во компаниите од регионот кој го претставуваат членките, се очекува претставниците да ги изнесат изградените ставови, предлог мерки или аргументирани забелешки, со цел заедничко постапување по нив.

The post АЗЕСКИ ЌЕ СЕ СРЕТНЕ СО ПРЕТСЕДАТЕЛИТЕ НА РЕГИОНАЛНИТЕ КОМОРИ Компаниите и нивната состојба тема на разговор appeared first on plusinfo.mk.

Програмата „LIFE“ на ЕУ е една од клучните европски програми, покрај програмата „Хоризонт Европа“, за периодот 2021 – 2027 година, преку која се финансираат програми од областа на климатските промени, енергетската ефикасност, на транзицијата кон чиста енергија, циркуларната економија и природа и на биодиверзитетот. Од исклучителна важност е Република Северна Македонија да изрази интерес и да пристапи кон европската програма„LIFE“, со што македонските компании ќе имаат можност да аплицираат на повиците кои веќе се објавуваат.

Стопанската комора веќе 10 години наназад реализира проекти за енергетска ефикасност на зградите во рамките на BUILD UP SKILLS, преку европските фондови, па како континуитет на овие проекти од исклучителна важност е приклучувањето на Северна Македонија кон програмата„LIFE“. Во тек е повик за проекти што се доделуваат на национално ниво, на сите европски земји кои реализирале претходни проекти,а сѐ со цел да се постават нови таргети до 2050 година. Стопанската комора веќе има поднесено апликација. Останува уште македонските државни институции да ги заокружат процедурите со кои ќе стекнеме право на користење на овие фондови.

Во изминатите години Стопанската комора координираше и спроведуваше неколку проекти на Европската Унија,меѓу кои од особено значење е проектот на ЕУ „Одржливи енергетски вештини во градежништвото“, во рамките на програмата „Хоризонт Европа“, со што ние сме единствената институција во Македонија во рамките на програмата „Хоризонт“ која координира меѓународен проект во кој партнери се 10 меѓународни институции.

2.

Има едно прашање кое во Комората се третира десетина години, а моите најнови информации зборуваат дека е започната процедурата за негово решавање. Тоа е историскиот член 218 од Законот за извршување, со кој се уредува дека врз предметите и врз правата на државата и на нејзините органи не може да се спроведе извршување наплата на парични побарувања, доколку се тие неопходни за вршење на нивната дејност, односно задачи, предмети и права што се неопходни за дејноста на должникот.

Членките постојано нѐ информираат дека во изминатите години таа одредба на Законот се злоупотребуваше на штета на компаниите, утврдувајќи дека неопходните предмети и права над кои не може да се спроведе извршување се и паричните средства. Забележани беа и апсурдни ситуации во кои средствата наменети за одржување фестивали, за ангажирање консултантски куќи и за изградба на фонтани влегуваа во оваа група. Ваквата пракса директно задира во начелото за правната сигурност и за еднаквата правна положба на субјектите.

Работната група која во рамките на Министерството за правда работи на оваа проблематика, а каде што има и наш член, информира дека во работната група е постигнат консензус за регулирање на ова прашање како што предлагаме ние, а кое е во согласност со интересите на бизнисот. Затоа чувствувам слобода да Ви предложам да ги поддржите овие настојувања, кои ќе значат голем напредок за македонскиот бизнис и поттик за успешно работење во овие тешки услови.

The post Господине премиере, проверете што е со европската програма „LIFE“ appeared first on plusinfo.mk.

Претседателот на Стопанската комора Бранко Азески по повод преземањето на водството со платформата изјави:

– Харолд Вилсон,британскиот премиер од 70-тите години, ние „коморџиите“ ќе го запаметиме по неговата легендарна изјава во која рекол:„Подобро е Комората да ја имаме како партнер на Владата во конципирањето на законите, отколку како противник во нивната примена“. Но сѐ уште не е роден лидер кој ќе ја каже формулата за тоа, бидејќи јасно е дека тоа танцување меѓу јавниот и приватниот сектор изгледа како еден пар кој повеќе се гази преку чевлите, отколку што танцува. Ако не знаете зашто, тоа е за парите. Прашањето сега е следно: зошто овој принцип не може да функционира како што е запишано. Во светот на ова прашање ќе најдеме илјадници одговори, но ајде ние да ги оставиме компаративните анализи настрана и да видиме како е кај нас.

Штом УСАИД почувствувал потреба во 2018 година да го стави ова прашање на маса и да помогне во неговото надградување, сигурно имало причина за тоа. И морам да признам дека со нивна поддршка тоа на некој начин и заживеа. Се сеќавам дека кога и Унијата на германските комори за индустрија и трговија (ДИХК) пред 20 години започна проект за профункционирање на Асоцијацијата на балканските комори (АБЦ), нѐ натера да сфатиме колку сме далеку на толку близок простор. А тоа го направи на наједноставен начин. На една наша средба ни постави две прашања: колку често се состанувавте пред проектот и како дојдовте на состанокот во Сараево. На првото прашање одговорите беа многу малку или никогаш, а на второто дека во Сараево дојдовме преку Виена и Истанбул. Нивното инсистирање на постоењето на АБЦ нѐ принуди на поблиска соработка, која потоа се надгради со проектот на ЦЕФТА и на Коморскиот инвестициски форум. Така и со Платформата во која се вклучени четирите комори(Стопанската комора, Стопанската комора за информатички и комуникациски технологии МАСИТ, Стопанската комора на Северозападна Македонија и Сојузотна стопански комори на Македонија). Не дека не соработувавме,но Платформата понуди метод на постојана комуникација меѓу коморите, но и на поодговорен однос на Владата, претставена од Кабинетот на заменикот на претседателот на Владата задолжен за економски прашања, координација на економските ресори и за инвестиции. Средбите се однапред закажани секој месец, последниот петок, методологијата на работа е однапред утврдена, а резултат на сето тоа е завршување на проектот на УСАИД и продолжување со работа на Платформата како постојана институција во интерес на бизнисот.

Секогаш си го поставувам прашањето зошто мора некој однадвор постојано да нѐ организира и да нѐ тера на соработка. Во нашиот случај тоа е многу едноставно бидејќи бизнисот е сечиј интерес. Но и во такви услови постои блокада на сфаќањата дека тоа мора да се негува и да се надградува. Затоа го изразувам своето задоволство што во наредниот период ќе претседаваме со оваа платформа и уверувам дека ќе направиме сѐ тоа да биде на највисоко професионално ниво и во интерес на севкупниот бизнис во нашата држава.

The post СТОПАНСКАТА КОМОРА ЌЕ ЈА ВОДИ ПЛАТФОРМАТА ЗА ЈАВНО-ПРИВАТЕН ДИЈАЛОГ Азески ветува дека ќе ја води професионално appeared first on plusinfo.mk.

– Имавме трипати такво искуство, со Хари Костов, Минчо Јорданов и Кочо Анѓушев и сите завршија лошо со страшни конфликти за прогресивниот данок, буџетите. Внесовме некои бизнис логики, размислувања и насоки кои во наредниот период се надеваме дека ќе се преточат во владините проекции и политики, но нема шанси повторно да прифатиме покана за учество во владата – рече Азески.

Според првиот човек на комората бизнисот треба да биде на бизнисмените, а политиката на политичарите кои треба да бидат професионалци кои ќе користат совети од стручни луѓе и кои ќе знаат на најдобар начин да ги менаџираат кадровските ресурси.

Азески го посочува примерот со употребата, патентирањето и заштитата на името Македонија во трговските брендови и марки кои се актуелни согласно Преспанскиот договор. Комората предложила на владата да ангажира странски експерти за да им помогне на македонските бизнисмени кои за разлика од грчките колеги немаат речиси никакво искуство во оваа област, за да не ни се повтори ајварот кој иако е автентичен македонски производ го регистрираа Словенците.

Според Азески, Македонија треба да биде тоа што е природно, крстопат, но за жал политичките елити не го слушаат бизнисот.

– Крстосница на патишта, само тоа е нашата стратешка предност. Да изградиме две пруги, два автопати, два гасовода, два нафтовода, да бидеме крстопат на транзитни коридори. Турците ни градеа до Солун, Србите железница до Битола, Бугарите до Кочани, ние почнавме до Крива Паланка и застанавме, не сме изградиле ништо. Ќе го решиме спорот ако со Бугарија градиме патишта, правиме бизнис, разговараме за проекти, инвестиции а не за Гоце Делчев и Самоил – рече Бранко Азески.

Стопанската комора е против зголемувањето на минималната плата од страна на владата и против тоа недела да биде неработен ден со закон.

– Минималецот може да биде и 30 000 денари ако се базира на зголемена продуктивност, а не на владин декрет што е против сите пазарни и бизнис логики. Истото тоа важи и за недела неработен ден. Ако се биде по закон со платени дневници, прекувремено зошто кој сака да не работи. Треба ли Охрид како туристички центар да се затвори за викенд – вели Азески за мешањето на политиката и бизнисот.

The post КОМОРАТА ВЕЌЕ НИКОГАШ НЕМА ДА ПРАТИ СВОЈ БИЗНИСМЕН ВО ВЛАДА Азески вели дека трите обиди завршиле лошо appeared first on plusinfo.mk.

„Во мое лично име и во име на бизнис заедницата изразувам длабоко сочувство за болката и страдањето на семејствата и роднините на загинатите во страотната сообраќајна несреќа, и посакувам брзо закрепнување на повредените во оваа тешка катастрофа. Нашите мисли ги упатуваме кон оние кои ги загубија своите најсакани “, пишува Азасеки во телеграмата.

The post НАШИТЕ МИСЛИ СЕ СО СЕМЕЈСТВАТА НА ЗАГИНАТИТЕ Азески испрати телеграма со сочувство appeared first on plusinfo.mk.

Цената на електричната енергија на берзата за енергија во Будимпешта (HUDEX) за последните 12 месеци порасна, од 57 евра за мегават час на 1.01.2021 година, до 138 евра за мегават час на 27.09.2021 година. Според сите релевантни информации со кои располагаме, причина за ова се:

• зелената агенда во Европа и намалувањето на енергијата произведена од јаглен;
• релативно ниското производство од ветерните централи во Европа;
• брзиот пораст на пазарите во изминатиот квартал и
• енормниот пораст на цената на природниот гас на светските берзи.

Оттука започнува и проблемот со кој веројатно ќе се занимаваме подолг период. Минатата недела и Регулаторната комисија за енергетика даде изјава дека забележува незаконско откажување на договорите за снабдување на своите клиенти, додека другите го злоупотребуваат системот за балансирање на енергија на МЕПСО, така што не ја номинираат (купуваат) потребната количина електрична енергија за своите клиенти. Ова може да доведе до дестабилизација на електро-енергетскиот систем во земјата. Затоа, Регулаторната комисија почна да ги одзема лиценците на снабдувачите и ги предупреди сите останати да ги исполнат своите обврски кон клиентите, при тоа не злоупотребувајќи го системот за снабдување на МЕПСО.

Според нашите внатрешни информации нема проблеми со снабдувањето со гас, бидејќи договорите важат до 1.1.2022 година што гарантира стабилност до почетокот на следната година. Инаку, цената на гасот кај нас во моментов, е четири пати помала, од цената на гасот во Европа постигната во последните три дена на Холандската берза (TTF).

Значи, тоа се информациите од теренот што упатува како и секогаш, дека Комората е првата институција што ги регистрира проблемите, кои во јавноста ќе се појават многу подоцна. Нашите предвидувања се дека покрај со последиците од пандемијата, во наредните години ќе се занимаваме и со ова прашање 24/7. Искуствата од досегашните вакви глобални проблеми нѐ поттикнуваат однапред да предложиме мерки кои ќе ја превенираат ситуацијата.

Прво, подигањето на домашното производство на електрична енергија е сигурно базичната мерка која може да изврши најголема превенција.

Второ, Регулаторната комисија за енергетика мора да биде на висина на задачата и енергично да дејствува за да се престане со манипулативното откажување на договорите со конкретни мерки, кои ќе вклучуваат јавно објавување и одземање на лиценците, не само на компаниите, туку и на сопствениците на истите, со трајна забрана на вршење на ваква дејност.

Трето, бидејќи се наоѓаме во период кога компаниите ја проектираат својата позиција за наредната година, што побрзо мора да се излезе со јасна прогноза како ќе се одвиваат работите понатаму, како би можело тоа да биде вградено и во проекциите на самите компании.

Четврто, и на обичните луѓе совршено им е јасно дека цената на енергенсите директно влијае врз цената на производот и услугата, а со неконтролираниот порастот на цените на производите и услугите, лесно може да настанат проблеми и на макроекономски план.

Петто, оваа наша иницијатива никако не смее да се сфати како некакво драматизирање на состојбите, туку како транспарентност, неопходно потребна за вакви појави кои не зависат од нас, туку од случувања, кои се надвор од нашите можности.

Шесто, искуствата од пандемијата не учат дека во вакви кризи секој се свртува кон себе и второстепена е меѓународната солидарност.

Јас можам да гарантирам дека Комората и сега, како и во пандемијата, ќе биде стопроцентно со своите членки и дека ќе ги помага и застапува во секој момент и тие треба да се сигурни дека тоа, и ќе се случи.

The post КОМЕТА МОЖЕ И ДА НÉ ПРОМАШИ Струјата „ќе нѐ дрма“ во наредниот период appeared first on plusinfo.mk.

Акредитираната лабораторија на „Макпетрол“ постои веќе 15 години, во неа се вложени 2,3 милиони евра, првичната акредитација е од Британското акредитивно тело, работи согласно стандардот ISO/IEC 17025, секогаш поседува арбитражен примерок во случај на спор и овозможува целосна тајност, независност и доверливост во постапката.

Вака со една реченица може да се опише она што го видовме вчера а се надеваме дека тоа истото ќе го видиме и во лабораторијата во ОКТА.

Во новата стратегија на Комората најзначајно место ќе имаат токму институциите што имаат највисоки професионални стандарди, што инвестираат во напредни технологии, што создаваат производи со додадена вредност, со што ја зголемуваат конкурентноста на македонската економија.

Азески истакна дека, компаниите кои инвестираат во развој, иновативни решенија, дигитализација на процесите, со примена на меѓународно признаените стандарди мора да бидат поддржани во постковид периодот  и со тоа да им се одаде признание како се понесоа во една од најтешките кризи низ којашто поминуваме.

– Бизнисот успеа да опстои и она што сега им е потребно на фирмите е силен инпут. Затоа преку директните средби во самите објекти ги гледаме нивните потреби, но и барање во кој правец ќе одиме, а ќе одиме во насока на отворање на инвестициска активност за создавање производи со додадена вредност – констатира Азески.

Претседателот на Управниот одбор на „Макпетрол“ Андреја Јосифовски ги запозна присутните со капацитетот и моќта на акредитираната лабораторија за анализа на течни горива.

– Лоцирана во најголемиот склад на „Макпетрол“ во општина Илинден, првично акредитирана од Британското акредитивно тело, а подоцна и од страна на домашната служба за акредитација на вакви лаборатории, работи по сите стандарди и е опремена на највисоко ниво, а се правата анализи и на биогоривото – посочи Јосифовски.

Контролите се вршат освен за сопствените производи и за надворешни партнери, а пред сѐ висок рејтинг има за контрола на квалитетот на горивата во земјите од регионот, но и за домашните институции по доставени примероци од пазарната инспекција.

Лабораторијата има воспоставена соработка и со меѓународни лаборатории, и со нафтени компании кои го контролираат квалитетот на своето гориво во лабораторијата на Макпетрол.

Во изминатиот месец претседателот Азески реализираше средби и со менаџерските тимови на „Раде Кончар ТЕП и Сервис“, „Раде Кончар контактори и релеи“, во фабриката „Актива“, Градежниот институт Македонија, Факултетот за информатичка технологија Финки итн.

The post Азески: Акредитираните лаборатории на „Макпетрол“ и ОКТА следна станица на нашите посети пред клучната средба во владата appeared first on plusinfo.mk.