Косовската полиција соопшти дека граничните премини „Јариње“ и „Брњак“ се отворени и дека по речиси три недели првите автомобили поминале на овие премини од територијата на Косово кон Србија и обратно.

– И покрај тоа тензијата е уште висока – истакна претставникот на ЕУ за дијалогот помеѓу Белград и Приштина Мирослав Лајчак.

Барикадите на граничните премини на северот на Косово првично беа подигнати поради апсењето на поранешниот косовски полицаец Дејан Пантиќ, кој сега е во домашен притвор.

Тоа беше едно од барањата за отстранување на барикадите, а претседателот на Србија, Александар Вучиќ изјави дека добил гаранции од САД и ЕУ дека ќе се исполнат и другите барања на Србите.

Станува збор за барања лицата кои биле на барикадите да не бидат кривично гонети, а КФОР (мисијата на НАТО на Косово) да гарантира дека нема да дозволат косовските специјални единици да одат на север.

Српскиот претседател Вучиќ изјави дека „нема повеќе игри со Србија“ и дека ситуацијата на Косово допрва ќе биде опасна.

– За мене е важно да ги исполнат работите од гаранциите што ги дадоа. Важно ми е да разберат дека се правеле наивни и дека гледале како некој крева четири бази. И се поставува прашањето зошто го правите тоа, за да изградите доверба или за да им се заканувате на луѓето? Затоа барам да ги тргнат тепачите рече Вучиќ.

The post СЕ ТРГААТ БАРИКАДИТЕ, НЕ СЕ ТРГА ТЕНЗИЈАТА Отворени граничните премини во Северно Косово appeared first on plusinfo.mk.

Премините Јариње и Брњак и денеска се затворени и за пешаци и за возила. Сообраќајот е затворен на главните патишта, движењето е можно само по споредните патишта.

На барикадите ноќта поминала мирно, но пред полноќ се слушнаа пукотници и детонации. Нема информации за повредени или ранети, јавува РТС.

Косовската полиција вчера привремено ги затвори граничните премини на северот на Косово во Јариње и Брњак. Поводот за тоа е полициска проценка и мерка за претпазливост по блокадите кои ги поставија српските жители на неколку села.

Барикадите на патиштата се поставено како реакција на апсењето на Србин, поранешен припадник на косовската полиција.

The post БАРИКАДИТЕ ОСТАНУВААТ, ПРЕМИНИТЕ ЈАРИЊЕ И БРЊАК ЗАТВОРЕНИ На Косово и денеска тензично (ВИДЕО) appeared first on plusinfo.mk.

Во Косовска Митровица се слушаат сирени од пред 18 часот.

Како што јави РТС, граѓаните ги блокирале административните премини Јариње и Брњак каде се распоредени косовски специјалци.

Заменик-командантот на косовската полиција за северниот регион, Бесим Хоти, за порталот Косев, инфо потврдил дека има блокада во Зубин Поток кај Вараге и во Рударе.

– Имаше блокада на патот во Зубин Поток кај Вараге и во Рударе. Наводно се раширила лажна вест дека општината ќе биде блокирана од специјални единици, што апсолутно не е точно и нема таква намера – изјави Бесим Хоти за Косев.

Читатели Н1 од северот на Косово претходно за Н1 изјавија дека граѓаните се собираат кај крстот во селото Рударе во општина Звечан.

Косовската полиција не дозволува пешаци или возила да минуваат низ Јариње, а оние кои веќе поминале ги враќа назад.

Полицијата во централна Србија ги враќа патничките возила кои тргнале кон административните премини, информира РТС.

Во Косовска Митровица се слушаат сирени за тревога, а локалните граѓани излегле на улиците.

КФОР соопшти дека „ја следи ситуацијата и собира податоци“.

– Во врска со сирените за тревога кои непрекинато се слушаат во северниот дел на Косовска Митровица, КФОР ја следи ситуацијата и моментално собира информации – соопштија од штабот на КФОР.

The post БАРИКАДИ ВО СЕВЕРНО КОСОВО, СИРЕНИ ВО МИТРОВИЦА Личните карти и табличките го нарушија мирот appeared first on plusinfo.mk.