Писателот и инфлуенсер Божидар Божиновски (Моџо Килингтон) објави дека ќе се најде на петтото место на кандидатската листа за пратеници на партијата ЗНАМ на Максим Димитриевски во изборната единица 5.

„Имам чест и задоволство да објавам дека овие избори ќе сум на листата на ЗНАМ на Максим Димитриевски како кандидат во 5-та изборна единица. Благодарам за шансата да имам можност да направам повеќе отколку само да критикувам од страна“, објави битолчанецот.

Божиновски додава дека политички е поттикнат да се активира, затоа што „му е доста да гледа како едни исти партии владеат и не прават ништо за да го променат општеството“.

„А има многу да се направи, има многу зошто овие избори треба да се активираме сите. Затоа што е доста 30 години да се надеваме дека најголемиите партии ќе се сменат и баш од овој пат ќе работат за народот. Затоа што доволно ја газеа кој ќе стигне Македонија. Затоа што државата ги остава децата да ги лечиме со смс пораки, затоа што имаме 600.000 гладни, 30% од населението ни е со еден оброк дневно. Затоа што ни треба правда и борба против корупцијата која го уништи нашето општество. Кога тоа ќе го решиме сме го решиле и здравство и образование и загадување и плати и пензии. Коренот на сите наши несреќи е во криминалот, корупцијата и недостатокот на правда. И Македонија нема да издржи уште четири години ништење ако не смениме нешто! Ова ми е прв пат во политика и влегол или не, неважно, борбата за Македонија продолжува. ЗНАМ само едно – Македонија ќе победи!“, додава тој.

The post ЏЕ СТЕ … СТИГ’О БОЖО КАНДИДАТ! Познат инфлуенсер на пратеничката листа на ЗНАМ appeared first on plusinfo.mk.

– Кечапот во фрижидерот превртен, стој на глава (кечапот, не ти);

– Во јогуртот малку вода;

– Во шампонот исто малку вода (не истата шо си ја турил во јогуртот);

– Место уклучено греење, облечи уште едно фанелче;

– Леб три дена е добар за јадење, треба само да се клај во рерна, да крцка;

– Рерната се пушта после 22, на евтина;

– Електричниот тротинет и мобилен се полнат на работа.

Нема потреба од мерсу.

(Фејсбук статус на авторот)

The post Совети за преживување за Бујар Османи appeared first on plusinfo.mk.

Убиенaтa е мајка на три деца, три деца кои сега ќе растат сами, со трауми и болки, со празнина.

Од друга страна, yбиецот бил пријавуван во полиција од страна на жртвата, за закани и изнуда.

Полицијата, очигледно, не презела многу. Нефункционалноста на институциите повторно yби, стигмата на општеството кое ги обвинува жртвите повторно остави деца без мајка.

На сите полиња потфрламе, а поради нашето потфрлање се случуваат трагедии, се полнат гробиштата, деца растат ко сираци.

Фејсбук статус на авторот

The post Нефункционалноста на институциите повторно уби appeared first on plusinfo.mk.

– По тебе четирите јавачи на апокалипсата со прослава би ги чекале пред Триумфална и со концерт на плоштад. Човекот кој е највиновен за неказнивоста, го пушти Груевски, човекот кој го уништиш СЈО, даде име, историја, идентитет, јазик, се испазари со сите криминалци, од ветувања само радиодифузна укина, нема ни срам ни перде да се појави и да кука по пет години власт и „суство отворено ко пупка“. За среќа, оние кои ќе му судат нема да се вака широкогради – коментира Божиновски.

The post МОЏО СО ПОРАКА ДО ЗАЕВ По тебе четирите јавачи на апокалипсата со прослава би ги чекале пред Триумфална appeared first on plusinfo.mk.

Помалку информираните новинари ја шират лажната вест дека присуството на Јотова во Битола на Денот на ослободувањето на градот од фашистичката окупација е смислена провокација.

Според наши извори, потпретседателката на Бугарија била известена дека Божиновски напишал роман за уништување на македонско-бугарските односи. Станува збор за романот со наслов „Уништување“. И затоа одлучила наградата „4 Ноември“ да му ја врачи лично, во просториите на клубот „Иван Михајлов“.

Од СВР Битола соопштуваат дека во градот овој викенд ќе има засилено присуство на полицијата. Денеска ќе бидат преземени посебни мерки за безбедно и непречено одвивање на врачувањето на наградата и за заштита на ликот и делото на Божидар Божиновски, кого синоќа Плусинфо го прекрсти во Моџо Карингтон, потсетувајќи на главниот лик на позната серија „Династија“.

Полесна задача полицијата ќе има утре, сабота, 5 ноември, обезбедувајќи го обезбедувајќи го присуството на претседателот Стево Пендаровски и на премиерот Димитар Ковачевски, кои ќе присуствуваат на одбележувањето на јубилејот на РЕК „Битола“.

(Оваа е сатирична содржина)

The post ЈОТОВА ВО БИТОЛА ЌЕ МУ ЈА ВРАЧИ НАГРАДАТА НА БОЖИДАР БОЖИНОВСКИ Денеска засилени мерки за обезбедување на познатиот инфлуенсер appeared first on plusinfo.mk.

Божиновски за оваа награда беше предложен заради достигнувања во областа на литературата со неговото дело „Уништување“. Препознатлив по популарната комична емисија „Фчерашни новости“, работел како сценарист на серијата „Преспав“, автор на книгите „Аутопсија на љубовта“, „Денот кога не се разбудив“ и „Уништување“.

Општинската награда „4 Ноември“ за 2022 година се доделува исто така беше доделена на уметникот Благој Мицевски кој во постковид годината реализирал исклучително многу проекти кои покрај личната афирмација го афирмираат и градот Битола и државата.

Награда доби и нашата позната спортиската Оливера Наковска Бикова поради нејзините достигнувања во областа на спортот, постигнатите резултати на меѓународната спортска сцена, за што е наградена со орден од Претседателот на РСМ Стево Пендаровски.

Музичкиот интерпретатор Сефедин Бајрамов беше награден поради достигнувања во областа на музиката, кој е интерпретатор на голем број песни и мелодии, а посебен успех има со исполнувањето на песната посветена на Ајри Демировски – „Снагата ми е во Станбола, душата во Битола“.

Наградата „4 Ноември“ замина исто така и во рацете на др. Маријан Бошевски – редовен професор по интерна медицина и кардиологија на Универзитетот Св. Кирил и Методиј Скопје.

Наградените покрај дипломата ќе добијат и паричен износ од 15.000 ден.

Општинската награда „4 Ноември“, за животно дело му се доделува на Петар Ставрев – просветен работник, новинар, фотограф, фото-репортер, документарист, уредник и автор, репрезент на Битола и урбана личност без која не може да се замисли животот на Широк Сокак.

Ставрев беше предложен заради големи достигнувања од областа на новинарството, има реализирано неверојатни проекти, интервјуа со голем број значајни личности, а меѓу нив како најзначаен е Милтон Манаки, како новинар пишувал текстови за бројни весници. Голем придонес има и во областа на фото документирањето на настани, места и личности на Битола. Автор на повеќе монографии, каталози, проспекти. Автор на повеќе од 300 документарни филмови, добитник на наградите „Златна плакета“ и наградата од фестивалот „Камера 300“.

Наградата за животно дело му се доделува во вид на плакета  и паричен  износ од 60.000 денари.

Инаку Управниот одбор на Фондот за наградата „4 Ноември“ беше во состав од претседателот на Управниот одбор Габриела Илиевска и членовите Бојан Бојкоски, Зоран Петковски, Александар Димовски, Јадранка Павловска, Методија Илиевски, Марко Јосифовски, Ненси Лозанче и Жаклина Наумовска, а одлуката за наградените беше одржана на 01.11.2022 година.

The post НАГРАДА „4 НОЕМВРИ“ ЗА БОЖИДАР БОЖИНОВСКИ Познатиот Моџо Килингтон е меѓу добитниците по повод Денот на ослободувањето на Битола appeared first on plusinfo.mk.

Без милост. Како во „најдобрите времиња“ на онаа поранешна власт, за којашто тогашната опозиција ни обелоденуваше аудио-снимки, од коишто дознававме како се тегнеле луѓе за уши, како ќе се фрлале луѓе во ендеци, како се делеле шлаканици како да се бонбони…

Првиот удар под појас, како што раскажува Божиновски, го добил откако двајца провладини новинари ургирале кај уредништвото на ТВ24 и побарале да му се стави забрана за емитување во еден надворешен телевизиски проект, во којшто настапот на Божидар не траел повеќе од 5 минути.

„Да ги пофалам Петрит Сарачини и Борјан Јовановски поради тоа што се јавувале во ТВ24 и ургирале да не ме емитуваат. Еве ме нема, се надевам дека гомната фашистички се среќни. Не е до нив што ме нема, туку само сакам да ги пофалам“, напиша Божиновски на Фејсбук, а во коментарите под објавата додаде дека одговорот на целата редакција, како и од главната уредничка на телевизијата, бил: „Одебете!“

Демант веднаш пристигна од Сарачини, кој вели дека е навреден од епитетот „фашистичко гомно“ што му го залепил Божиновски, а вели дека е лажно и тврдењето дека се јавувал во ТВ24 за да ургира да му се даде отказ на инфлуенсерот. Тој побара јавно извинување од Божиновски, но доби поинаков одговор:

„Ова фашистичко гомно се претставува ко борец за слобода. Таква слобода што може само Заев и Ковачевски да се во право. Би сакал да испадне дека лажам и дека овој, Борјан и Паралитико не се јавувале во ТВ24 да ме укинат. Ако лажам, прв ќе се извинам. А до тогаш, ќе видиме“, возврати Божиновски.

И тука, како што вели, „му пукнал филмот“ и одлучил повеќе да не седи со вкрстени раце, туку да ја искористи својата влијателност на социјалните мрежи и да возврати на секој удар што му го нанесуваат, како што ги нарекува, „мекотелите на власта“. Сам, со пивото в рака, против сите „не сум пробал цигара во животот“ експерти за ширење демагогии и истакнати владини мегафони.

Првиот контранапад Божиновски го изврши во саботата, кога најави дека во наредниот период ќе ги разоткрие сите владини „ботови“ кои со години наназад преку лажни или „кодирани“ профили на социјалните мрежи ја шират владината пропаганда и вршат синхронизирани напади врз политички неистомисленици.

Прв на списокот се најде провладиниот активист Боби Илиевски, а со целосно име и презиме беше објавен и сопственикот на Твитер налогот „Сплинтер“, за кого Божидар тврди дека е главниот пропагандист на експремиерот Зоран Заев и на Бугарите. Фотографија и податоци беа објавени и за Твитер профилот наречен „Цене“, а на листата се отвори место и за братот на новинарот Сашо Ордановски, за Влатко Васиљ, за Валон Керими, за Рубин Иваноски, за Никола Наумовски – Никса…

Ваквиот негов потег дополнително ја разлути власта, па сите партиски ботови на социјалните мрежи очигледно во исто време добиле наредба за јуриш, односно за синхронизирано „тролање“ на „палавиот“ Божидар. А за што може да се фати една власт која сака по секоја цена да оцрни инфлуенсер без криминално минато? За што друго ако не за физичкиот изглед и за навиките на инфлуенсерот…

Па така, веќе цели два дена, повеќето највлијателни владини мегафони на социјалните мрежи без престан го обвинуваат Божиновски дека е алкохоличар, бидејќи, како што аргументираат, на секоја втора фотографија на Фејсбук позирал со пиво во раката.

„Вознемирени биле од СДСМ. Немојте, не сум ни почнат. Сум бил пијаница. Не лажат, сум. Тоа е вистина. И тие биле способни за некоја вистина. Наредно е дрога. Е таму може да ми се фатите“, возврати Божидар.

Во меѓувреме, војната продолжува…

The post ПРОПАГАНДНАТА МАШИНЕРИЈА НА ВЛАСТА ИМА КРАТОК ФИТИЉ И ЃОН ОБРАЗ Како еден обичен инфлуенсер успеа да разоружа цела чета партиски војници appeared first on plusinfo.mk.

Оти, дојдено е времето кога е извонредно тешко да се биде среќен. Дојдено е времето кога секоја вечер заспиваме со отворени очи поради секирациите никнати во изминатиот ден, а секое утро се будиме со затворени очни капаци и одбиваме да се соочиме со новородениот ден. Оти се плашиме од реалноста и оти знаеме дека вечерта пак ќе легнеме со грутка на душата.

Едноставно, такви се времињата – непредвидливи. Денеска стравуваме од опасноста за почеток на Трета светска војна, утре се плашиме од евентуална експлозија на нуклеарна бомба, а нема ден кога не си ги подгризуваме прстите кога ќе ни помине мислата низ глава како да ја преживееме зимата со оглед на сериозните најави за енергетска и економска криза во коишто западна светот, а и ние.

Насекаде околу нас преовладува безнадежност и бесцелност, луѓето стануваат депресивни и анксиозни. Па, одговор на прашањето: „како сите лоши вести и состојби влијаат врз психолошкото здравје на човекот, но и како да се справиме со стравовите?“, побаравме од личности кои успеваат на некој начин да го задржат ведриот дух во себе, но и од личности чија професија им овозможува да го одржуваат ведриот дух кај другите.

Смртта е непријател со кого нема помирување

Отец Милан Ѓорѓевиќ, православен свештеник, универзитетски професор, истражувач на средновековната теологија, философија и култура, вели дека кризата низ којашто поминуваме може да се покаже како исцелителна.

– Прашање е што воопшто значи да се живее „нормално“ и дали би можеле со сигурност да тврдиме дека некогаш сме живееле така? Ако ова статус-кво на нашето нарушено консумеристичко секојдневие ни е критериум за нормалност, тогаш имаме сериозен аксиолошки проблем. Во таа смисла, кризата низ која поминуваме може да се покаже како исцелителна. Обземени од светот на комодитетите и непрестаната трка по нив, човекот на нашето време како да ја има заборавено незаобиколната стварност на минливоста и смртта, а со самото тоа и се има помирено со нив. Ние ја загубивме основната христијанска интуиција за тоа дека смртта е непријател со кого нема и не може да има помирување, дека отфрлањето на диктатот на телесноста е императив на аскетското разбирање за животот според светите отци. Животот е тука да ја надмине смртта, да ја остави зад себе поразена и понижена, фрлена во вителот на гнилежот и заборавот. Со други зборови, животот е тука за да остане, а не да се мири со она што неминовно ќе заврши и ќе пропадне. Во основата на кажаното стои незаобиколната и сепрегрнувачка стварност на Христовото Воскресение, на неговата победа над смртта извојувана преку самата негова смрт на крстот – објаснува отец Милан.

Денешното поколение, додава тој, речиси го загубило овој аскетски рефлекс, благодарение на кој светите не само што прифаќале, туку и посакувале и се молеле да излезат на мегдан со смртта.

– Всушност, континуираната криза низ којашто поминуваме изминативе 2-3 години го нарушува невротичниот баланс на нашата глобална култура. Се наоѓаме во точка во која веќе не можеме да останеме, точка во која мораме да направиме избор. Еден можен пат е оној што го посочувате – да им се предадеме на безнадежноста и бесцелноста. Во таков случај, ќе побрзаме да ги избегнеме сите непријатности, пред сѐ неспокојот и стравот – кои, всушност, имаат функција да ни алармираат дека нешто не е во ред со нашиот однос кон стварноста. Помислата на смртта, вклучително и на можноста човекот да го опустоши светот што од Бога му е доверен, може да ја обнови во нас речиси потполно потиснатата есхатолошка свест, сознанието за тоа дека драмата на светот и историјата неминовно ќе има своја разврска. Она што има почеток мора некогаш и да заврши. Ова не го кажувам за да внесам дополнителен немир, туку за да потсетам дека христијаните од минатите поколенија исчекувале и посакувале оваа разврска што поскоро да се збидне (1. Сол 1,10; 4,16-17). Уште помалку имам намера да „предвидувам“ што кога ќе се случува – Светото писмо јасно вели дека не го знаеме денот и часот кога ќе дојде Синот Човечки (Матеј 25,13; 1. Сол. 5,1-2). Копнежот по исполнувањето на времето, пак, не доаѓа од некој мрачен деструктивен порив, туку од стремежната љубов по Христа и неговото Воскресение, по неговото Царство кое е отаде времето и светот што го познаваме. Божествената љубов го изгонува стравот од срцето на човекот (1. Јован 4,18). Последниве зборови не служат да нѐ „смират“ и да нѐ „успокојат“, туку напротив, да ја покажат смислата на немирот и неспокојот со чија помош Бог нѐ изведува од дремежот и досадата на баналното „нормално“ и нѐ упатува отаде сите оние нешта што по својата тварна природа ги познаваме и ги искусуваме – објаснува нашиот соговорник.

Сфатете дека сте немоќни да ја запрете војната

Стравот и анксиозноста потекнуваат од желбата да се има гаранција дека ништо лошо нема да се случи и дека сѐ ќе заврши добро, вели психологот Ангела Будиноска.

Таа објаснува дека во ова време-невреме тешко е да се замисли како е да живееме во состојба на постојана смиреност и безбедност, ослободени од каква било несигурност, ризик, опасност или закани.

– Стравот и вознемиреноста се дел од животот, а често и корисен дел. Стравот нѐ предупредува за претстојна опасност, исто како во моментот кога ќе почувствуваме дека автомобилот ни се лизга на замрзнат пат. Чувството на вознемиреност може да ја мотивира личноста да се подготви за важен деловен состанок или да преземе дополнителни мерки на претпазливост кога патува во непознато место. Факт е дека ни треба малку страв и вознемиреност во нашите животи, но не сите искуства на анксиозност и страв се добри за нас. Анксиозноста е пролонгирана, сложена емоционална состојба која најчесто е предизвикана од страв. Се работи за физичка вознемиреност каде што веруваме дека не можеме да ги предвидиме и исконтролираме потенцијалните лоши идни настани – вели Будиноска.

Анксиозноста, додава психологот, е секогаш насочена кон иднината.

– Сите настани на глобално ниво во последниве две и пол години предизвикаа низа психолошки промени кај луѓето од целиот свет. Почнувајќи од пандемијата со коронавирусот која нѐ зафати во 2020 година, па сѐ до војната во Украина во 2022 година, народот почна да живее во страв за сопствената егзистенција. Стравот и анксиозноста потекнуваат од желбата да се има гаранција дека ништо лошо нема да се случи и дека сѐ ќе заврши добро. Таа гаранција никој не може да ни ја даде, како што никој не може да ни гарантира и дека при секојдневно преминување улица на пешачки премин нема да нѐ удри автомобил. Се работи сепак за желба за контрола врз работи врз кои се нема контрола. Тоа е исто како да сме вознемирени затоа што можеби утре ќе врне дожд и ќе биде студено, иако не можеме да го исконтролираме тоа – објаснува Будиноска.

Таа вели дека можеме да имаме контрола врз нашите реакции.

Факт е дека ни треба малку страв и вознемиреност во нашите животи, но не сите искуства на анксиозност и страв се добри за нас.

Ангела Будиноска Психолог

– Настаните не се причина за побудување емоција кај нас, туку начинот на кој ние размислуваме за нештата околу нас. Медиумите играат дополнителна улога во целиот процес на несигурност и страв, што впрочем е и можеби нечија главна цел – да го заплашат народот за да можат полесно да применат најразлични маркетиншки трикови и кампањи. Но, настрана од тоа, никој не може да присили некого да гледа и слуша вести или да чита весници. Тука е моментот кајшто ние самите имаме контрола и моќ да слушаме, гледаме и да читаме содржини по наш избор. Доколку избереме да поминеме квалитетно време со најблиските, да спортуваме, да прочитаме некоја убава книга или да погледнеме некој интересен филм, со сигурност ќе се дистанцираме од негативните моментални или потенцијални настани и приказни околу нас. Негативноста и неизвесноста нема да се намали, таа и понатаму ќе биде тука и можеби ќе расте. Она што можеме ние да смениме е како ќе се поставиме кон таа општа реалност и како ќе ја изградиме сопствената реалност – објаснува Будиноска.

Среќата е оргазам кој трае со секунди

Колумнистот и писател Божидар Божиновски, пак, смета дека никогаш не сме ни живееле нормално и дека нормалното е само општествена конструкција за некој просек.

Како да живееме среќно? Никако. Среќата е само оргазмично чувство кое трае со секунди. Она што треба е задоволство од животот.

Божидар Божиновски Колумнист и писател

– Секој кој е под или над е осуден дека е надвор од таа златна линија која не е златна воопшто, ама ако им е убаво таму, тогаш тоа е нивeн проблем. Откако установивме некоја дефиниција за нормално, пак е никако. Општата психоза е дека ќе го снема светот. Прилично егоцентрична претпоставка дека светот е Европа и дека без нас нема свет. Човек има на секој континент, веројатно ќе преживее Централно Африканска Република или Наруру. Или тоа не се луѓе, само ние во Европа сме? Кога воспоставивме дека нема човечкиот род да го снема, која е наредна грижа. Немаштија? Логично. Ние што немаме ќе немаме повеќе, тие коишто имаат ќе имаат уште повеќе. Маркс го предвиде ова, само дали пролетаријатот и лумпен пролетаријатот ќе се свестат дека се мнозинство, останува да видиме. Капитализмот нѐ зароби толку многу што не е ништо друго важно освен сервисирање на истиот систем кој нѐ убива. Во војните гинат работници и пролетери и од руска и од украинска страна, сите ние ќе го платиме цехот на некои капиталисти на кои нема да им фали ништо во оваа криза, напротив, ќе излезат побогати. Зошто? Затоа што нѐ поделија – вели Божиновски.

Трета година сме под директна закана од смрт, корона, па нукулеарки, па што и да е наредно, додава тој.

– Колку што гледам, стигнуваме до една горна граница од која нема враќање. Таа е економска, таа е национална, таа е класна. Многу од нас немаат што да изгубат, а ако немаме што да изгубиме ќе одиме на тие кои ни зеле тоа што сме имале. Не само Македонија, светот се движи натаму. Европските земји одат кон десно, што е нормално во сите кризи, доброто од тоа е што народите ќе видат дека тоа не функционира па можеме да се надеваме на вртење кон екстремно лево. Како да живееме среќно? Никако. Среќата е само оргазмично чувство кое трае со секунди. Она што треба е задоволство од животот. И короната и опасносата од нуклерки (кои нема да се случат) ни даваат само некој преглед на кршливоста на животот. Што ќе направиме со тој нежен цвет е до нас, ама расцветајте. Толку сме навлезени во таа игра што плаќањето сметки е поважно од самото преживување. А милиони во Москва, во Вашингтон, во Брисел, гладни и жедни за правда никој не ќе може да ги спречи – смета Божиновски.

И да нема Трета светска војна, ние сами ќе си ја направиме

Јулијана Талеска, одделенска наставничка во ОУ „Климент Охридски“ во Прилеп вели дека и децата совршено добро ги согледуваат работите, а тоа е така затоа што никој не се грижи што влегува во детското уво, а уште помалку што гледа детското око.

– Како да се справиме со стравовите? Зар може некој да се справи? Живееме во многу чудни и забегани времиња, со куп предизвици и со многу, многу преиспитувања. Факт е дека многу работи за коишто бевме сигурни дека се надминати, дека нема да се повторат и дека човештвото ги научило лекциите од минатото, излезе дека не се надминати. Затоа, крајно депримирачки е кога гледаш дека зависиш од некоја фрустрација на „големец“ кој одлучува за тебе оти успеал да залепи куп плакати и да лиже онаму кајшто не се лиже. Или, пак, на повисоко ниво, успеал да се роди во некое семејство кое му овозможило да ја има позицијата која не ја заслужува. Е сега, оди тоа објасни им го на деца кои бистро те гледаат, на кои им е сè кристално јасно и кои умеат многу добро да анализираат околу себе. Искрено, многупати сум се нашла во средина на училницата, како морализирам и давам совети да се биде добар човек, да се почитува другиот, да се биде чесен, а низ главата ми поминуваат безброј примери на нечесност. Привидна реалност, информации, премногу информации, лажни, вистинити, преголема достапност до секакви вести, нема филтер, не се грижи никој што влегува во детското уво, а уште помалку што гледа детското око. Злоупотребата на интернетот, на компјутерот, на телефонот, на социјалните мрежи, расипаноста – вели Талеска.

Најлесно е да се валкате и да си лежите во валканиците, ама сепак, еднаш ќе треба да станете и да се измиете, додава наставничката.

– Кренете ја главата, напијте се кафе, вежбајте, молете се, дишете длабоко. Листајте убави моменти низ главата, редете сложувалки, читајте книги, гледајте телевизиски серии. Оти, најлесно е да се валкате и да си лежите во валканиците. Ама, сепак, еднаш ќе треба да станете и да се измиете. Оти, кај ќе ни е крајот? И да нема Трета светска војна, ние самите ќе си ја направиме. Ќе си кукаме и ќе се истребиме. Мора да постои критична маса. Барем оние што останаа и што не заминаа од земјава треба да бидат пример, да светат и да бараат поддршка. Ние, со страшно паднатиот рејтинг, со нискиот авторитет кај децата и кај родителите, сме вистинска светлина и потенцијал за промена. Потрудете се да светите и гледајте да не ви снема струја – додава Талеска.

The post ПОНИЖЕТЕ ЈА СМРТТА СО БЕСТРАШНОСТ И СТВОРЕТЕ СВОЈ МИКРОСВЕТ Како да бидеме среќни во време кога сѐ е отидено по ѓаволите? appeared first on plusinfo.mk.

Под сиромашни Заводот за статистика ги води тие што живеат со помалку од 100 денари на ден.

Два леба, од утре.

Сите несомнено ќе нѐ погоди кризава. Кого повеќе, кого помалку, ама едно е сигурно – си го баравме и си го добивме.

Триесет години слушаме кражба за кражба, скандал за скандал, сите знаеме сѐ што се случува и пак истото.

Малку на власт вмро, малку сдсм, дуи константа. Сами ги гласаме гробарите кои нѐ доведоа до тука.

И ќе биде полошо од ова. И во наредните месеци ќе им плаќаме патни трошоци, вечери, партиски вработувања и хонорари на разни Темелковци, пак ќе местат тендери, пак ќе прават малверзации, пак ќе бидат корумпирани.

Ако ништо друго, стасуваме до точка каде што нема што да изгубиме. А тогаш, или ќе се освестиме или ќе изгинеме во молк.

(ФБ статус на авторот)

The post Си го баравме и си го добивме appeared first on plusinfo.mk.

Се собираат Ангела, Франсоа, Домагој, Едвард, Краси, Јорго…

Може слободно да се каже дека таму не може да влезе секој. Ни секоја. Одамна да се дружи со нив сака и Македонка. Ситна, ама убава. Но, на секој обид да влезе, ѝ велат дека тоа е „приватна забава”.

Не помага објаснувањето дека таму ѝ се „пријателите” Ангела, Франсоа…

Излегуваат некогаш тие да ѝ направат муабет, да ја охрабрат. И се враќаат, божем да зборнат со другите, да ѝ дозволат влезе. А вратарот пак вели „приватна забава”.

Пред некоја година, имаше и инцидент, додека чекаше. Излезе од клубот еден Борис, лут и изнервиран, не сакал да се дружи со нив повеќе. Ѝ се стори на Македонка дека сега е шансата, дека има место. Ама немаше. Вратарот пак кажа „приватна забава”.

А и некои од копуцине, влезени во тоа друштво бво разни околности, не ја сакаа Македонка внатре, на маса со нив.

Јорго, со чии баба и дедо се знаеше, се знаеја со генерации и беа соседи, не ѝ го бендиса името. Почна да ја вика Северна. По некое време и Македонка почна да се вика Северна. Ѝ пукаше филмот кога ќе се слушнеше тоа, ама кога се мора… Оти внатре беше убаво и сигурно. Или барем така ѝ се чинеше…

Јорго се врати во друштвото, да испие некоја пијачка на сметката на Ангела. Без пари. По навика.

Излезе подоцна и Краси.

– Кои се твоите? – ја праша Македонка.

– Како кои се? Имам потекло.

– Немаш.

– Па не ме измисли некој…

– Те измисли. Дур не прифатиш тоа, не влегуваш.

Се знаеше и со Краси Македонка. Неговите дедо и баба своевремено се беа вселиле во нивниот стан. Направија таму лом и од тогаш сакаат да се вратат. Тие велат дека не направиле лом, туку само го подсредиле станот.

И така…

Чекајќи да влезе во клубот, Македонка остаре. Лицето ѝ се измени и усни ѝ свија кораво, што би рекол Рацин. Изгуби сила и желба, почна да пие апчиња и пред време болести ја нападнаа.

Но, гледаше таа уште внатре, никогаш не погледна на друга страна. Скоро вратарот пак се сожали и ѝ рече:

– Имаме волја да влезеш…

– Кога?

– Не знам кога, види со Краси тоа…

Македонка, со она малку достоинство што ѝ остана, продолжи да чека. Да се смилува Краси.

Уште чека. Иако внатре, на „приватната забава“, веќе и не е толку забавно.

А можеби Македонка и не знае што се прави на „приватни забави“?

The post Македонка чека да ја примат на „приватната забава“ appeared first on plusinfo.mk.