Во собраниската сала се дебатираше за изборот на Фатмир Скендер и Татјана Васиќ Бозаџиева за членови на Уставниот суд.

Во попладневниот дел од денешното продолжение на седницата во салата беа присутни мал број пратеници и главно пратениците од опозициската ВМРО-ДПМНЕ упатуваа критики за компетентноста на Татјана Васиќ Бозаџиева.

„Уставниот суд ќе продолжи да биде партиско собиралиште на членовите на СДСМ и ДУИ. Нема независен уставен суд, ако судиите се зависни“, потенцираа од опозициската ВМРО-ДПМНЕ.

Според пратениците од опозициската ВМРО-ДПМНЕ одлуката со која се избрани уставните судии е незаконска. Посочија на Извештајот на ЕК каде, како што велат, за избор и именување на уставен судија се бара стручност и компетентност, а не изборот да се заснова на политичка основа.

Пратениците од владејачкото мнозинство, пак, потенцираа дека ВМРО-ДПМНЕ не сакаат да функционира судството и зад себе имаат, како што велат, голем криминален багаж. Според нив, целта на ВМРО-ДПМНЕ е да предизвика општа криза во државата, како парламентарна криза, политичка криза и сега сакаат да се предизвикаат и уставна криза.

The post ЗАВРШИ РАСПРАВАТА, ГЛАСАЊЕТО ДОПРВА ЌЕ БИДЕ ЗАКАЖАНО Ќе бидат ли Бозаџиева и Скендер уставни судии? appeared first on plusinfo.mk.

Владејачкото мнозинство не го поддржа нивниот предлог, но и покрај тоа пратениците од ВМРО-ДПМНЕ продолжија со повторување на тоа барање. Освен тоа, бараа тргање или ставање на други точки од дневниот ред за да се оддолжи седницата.

– Една точка е со девет кандидати и поединечно се гласа за кандидатите – рече, претседателот на Собранието Талат Џафери.

Координаторот на пратеничката група на ВМРО-ДПМНЕ Никола Мицевски обвини дека ставањето само на два изгласани предлози за уставни судии од деветмина кандидати е преседан и е во спротивност со Деловникот. Меѓу другото, посочи дека одговорност за оваа постапка ќе сноси и претседателката на Комисијата за прашања на изборите и именувањата, која го потпишала барањето.

Предложениот дневен ред за оваа 88. седница е со набиена агенда, а меѓу точките за кои треба да расправаат пратениците се и предлогот Ристо Пенов да биде нов министер за локална самоуправа, Татјана Васиќ-Бозаџиева и Фатмир Скендер да станат уставни судии, а тука се и предлог-законските измени на законите за здруженија и фондации и за политички партии

The post ПРАТЕНИЦИТЕ НЕ СЕ ДОГОВОРИЈА НИ ЗА ДНЕВНИОТ РЕД На агендата се двајцата предлози за уставни судии и за нов министер за локална самоуправа appeared first on plusinfo.mk.

Кавги и расправии ја прекинаа седницата на Комисијата за избори и именувања на која се расправаше за предлогот Љубомир Јовески да стане Уставен судија. Претседателката на Комисијата ѝ го одзседе зборот на пратеничката Благица Ласовска со објаснување дека го злоупотребила правото на процедурална забелешка и навредувала свои колеги опструирајќи ја комисијата.

Видеото може да го погледнете овде.

Актуелниот обвинител во ЈО е последниот кандидат на СДСМ кој треба да ја мине комисиската расправа. Од шестмината кандидати кои ги понуди ВМРО-ДПМНЕ ниту еден не доби доволно гласови, додека Татјана Васиќ-Бозаџиева и Фатмир Скендер од СДСМ беа избрани.

The post СЕДНИЦАТА ЗА ЈОВЕСКИ ПРЕКИНАТА СРЕД ЖЕСТОКА КАВГА Кој кого опструира во изборот на уставни судии? (ВИДЕО) appeared first on plusinfo.mk.

Никола Мицевски, координатор на пратеничка група на ВМРО-ДПМНЕ, на денешната седница повторно кажа дека би било добро потенцијалните уставни судии сами да се претстават пред пратениците, со цел, како што посочи, пратениците да можат да постават прашања и потоа да направат евалуација.

Тој ја образложи кратката биографија за Витларов и порача дека доколку би го избрале, би имале уставен судија со кој, како што рече, „особено би се гордееле“.

Антонио Милошоски исто така од ВМРО-ДПМНЕ посочи на дел од наведените работи во биографијата на Витларов за кои смета дека се од голема важност и оти треба да се земат предвид при неговиот избор. Тој направи споредба на биографијата на Васиќ Бозаџиева и Витларов, и, посочи дека според истата, како што рече, „Витларов е истакнат правник, Васиќ Бозаџиева не е истакнат правник“.

Пратениците досега ја утврдија кандидатурата на граѓанскиот судија во Апелациониот суд во Скопје Фатмир Скендер, а по завршувањето на расправата за Васиќ Бозаџиева, која работи во Министерството за правда како државен советник за граѓанско законодавство, треба да ја разгледаат биографијата и на републичкиот јавен обвинител Љубомир Јовески како предлози од владејачките партии.

Од шестмината кои се предлози од ВМРО-ДПМНЕ, досега е одбиена кандидатурата на универзитетската професорка Родна Живковска. Предлози на опозицијата се и универзитетскиот професор Саво Климовски, судијата во пензија Бранко Секуловски, судијката од Управниот суд Весна Јовановска, обвинителот Тодор Витларов и Војислав Димовски јавен обвинител од Основното јавно обвинителство во Охрид.

Уставниот суд повеќе од една година работи во нецелосен состав. Од предвидените девет члена на четворица им е истечен мандатот.

The post БОЗАЏИЕВА ЌЕ БИДЕ ПРЕДЛОЖЕНА ЗА СУДИЈКА ВО УСТАВНИОТ СУД Опозицијата типува на Витларов, во игра се и Јовески, Секуловски, Јованова… appeared first on plusinfo.mk.