Репрезентацијата на Швајцарија ја постигна првата победа на Мундијалот откако вечерва ја совлада Босна и Херцеговина со 4:1. По изедначеното прво полувреме, во вториот дел головите беа постигнати во последните 15 минути.

Швајцарија првиот гол го постигна во 74.минута кога Јохан Манзамби одлично реагираше на една одбиен топка во противничкиот 16-тник и со волеј удар ја затресе мрежата на противникот. Шест минути подоцна БиХ продолжи со играч помалку откако Тарик Мухамеровиќ доби црвен картон. Во 84.минута и вториот резервист во редовите на Швајцарија Рубен Варгас постигна гол за 2:0, а на 3:0 зголеми Манзамби во 90.минута. Во судиското надополнување на вториот дел (90+3 минута) Ермин Махмиќ го постигна почесниот гол за БиХ, додека конечните 4:1 ги постави Гранит Џака во 90+7 минута.

Во вториот дуел од Б групата во Ванкувер играат Канада и Катар со почеток на полноќ.

Во првиот дуел од денешната програма Чешка и Јужна Африка од А групата одиграа нерешено 1:1, а во 03 часот по полноќ во Гвадалахара играат Мексико и Јужна Кореја.

The post БОСНА И ХЕРЦЕГОВИНА УБЕДЛИВО ПОРАЗЕНА ОД ШВАЈЦАРИЈА Босанците попуштија во последните 15 минути appeared first on plusinfo.mk.

Австриски и германски државјанин се под истрага поради сомнежи дека учествувале во таканареченото „сараевско сафари“. Приказната за богати странци кои плаќале огромни суми за да пукаат врз цивили за време на опсадата на Сараево во 1990-тите години добива нов тек.

Според австрискиот весник „Кронен цајтунг“, двајцата наводно патувале во Босна и Херцеговина меѓу 1992 и 1996 година и од позиции на војската на босанските Срби пукале врз цивили во опколениот град.

Истражителите се сомневаат дека ваквите „тури“ биле прикривани како ловни експедиции на Балканот.

„Најтешки воени злосторства“

Поранешната австриска министерка за правда Алма Задиќ побарала темелна истрага за случајот.

– Станува збор за сомнежи за најтешки воени злосторства, кои мора темелно да се истражат и да се гонат. Не смее да има простор за неказнивост – изјавила таа.

Во Италија веќе неколку месеци се водат слични истраги.

Тие биле отворени по пријава на миланскиот писател Ецио Гавацени, кој тврди дека во „човечките сафари“ учествувале државјани од повеќе европски земји, меѓу нив Австрија и Германија.

Документарец ја отвори Пандорината кутија

Случајот повторно се актуализирал по документарниот филм „Сараево сафари“ на словенечкиот режисер Миран Зупанич.

Филмот содржи сведоштва според кои богати странци плаќале огромни суми за да пукаат врз луѓе во Сараево, без воени или идеолошки мотиви.

Според наводите, станувало збор за сурова забава.

Гавацени, кој напишал и книга за случајот, изјавил дека „секоја земја треба да си ја заврши домашната задача“.

И до 100.000 евра на ден

Белгиското обвинителство веќе потврдило дека отворило истрага за можна вмешаност на белгиски државјани.

Поранешниот италијански магистрат Гвидо Салвини изјавил дека меѓу осомничените има државјани на
Белгија, Франција, Германија и други европски земји.

Италијански медиуми претходно објавија дека за ваквите „тури“ се плаќале и до 100.000 евра дневно.

Контакти и со Хаг

Обвинителството на Босна и Херцеговина потврди дека работи на предмет поврзан со „Sarajevo Safari“.

Воспоставен бил контакт со италијанското обвинителство и со Меѓународниот резидуален механизам за кривични трибунали во Хаг.

Австрија исто така води истрага против две лица осомничени за учество во снајперските активности.

Една од најдолгите опсади во модерната историја

Опсадата на Сараево траеше 44 месеци, од април 1992 до декември 1995 година. Градот секојдневно беше изложен на гранатирање и снајперски напади.

Според достапните податоци, за време на опсадата загинаа повеќе од 11.000 луѓе.

Доколку истрагите ги потврдат наводите, случајот би можел да стане еден од најморничавите примери за странско учество во злосторства за време на босанската војна, не поради идеологија или воена стратегија, туку како платено убивање цивили.

The post СЕ ШИРИ ИСТРАГАТА ЗА „САРАЕВСКОТО САФАРИ“ ОД 90-ТИТЕ За пукање кон луѓе се плаќало по 100.000 евра дневно? appeared first on plusinfo.mk.

На 13.05.2026 во 15:00 часот во ОВР Гевгелија е пријавено дека на автопатот „Пријателство”, во правец од Скопје кон Гевгелија, се случила сообраќајна несреќа помеѓу патничко возило „фиат линеа”, сопственост на МВР, а управувано од Р.П.(30) и товарно возило „сканиа” со полуприколка со босански национални ознаки, управувано од Р.М.(42) од Босна и Херцеговина.

Во несреќата со телесни повреди се здобил полицискиот службеник Р.П., констатирани во Општа болница Гевгелија. Извршен бил увид од увидна екипа од ОВР Гевгелија.

The post „СКАНИЈА“ ОД БОСНА СЕ СУДРИЛА СО ПОЛИЦИСКО ВОЗИЛО КАЈ ГЕВГЕЛИЈА Еден полицаец е повреден appeared first on plusinfo.mk.

Градоначалникот на Плитвичка Језера, Хрвоје Матејчиќ, повика на протест пред општинското седиште во Кореница против планот на Министерството за внатрешни работи на Хрватска да отвори центар за мигранти на поранешниот воен аеродром Жељава.

Локалното население е против сместување на 1.500 мигранти и поставување на 450 контејнери, како и идната изградба на нови објекти. Тие истакнуваат дека тоа ќе го загрози локалното население, ќе го наруши туризмот и нема да има институционална грижа за развојот на регионот.

Жељава, комплекс изграден во тајност за време на Студената војна, се протега на над 300 хектари со касарни, тунели и пет писти, од кои три се во Хрватска, а две во Босна и Херцеговина. По распадот на ЈНА во 1992 година, комплексот беше делумно уништен и денес потпадна под управата на Личко-сењската жупанија, додека сопственост на објектот има државата.

Општината смета дека Жељава има голем потенцијал за туризам, европски центар за податоци, спортски аеродром или домови за стари лица, но секој обид за развој во изминатите години пропаднал.

The post 🎥 ТАЈНИОТ КОМПЛЕКС НА ТИТО ЌЕ СТАНЕ ПРИФАТИЛИШТЕ ЗА МИГРАНТИ? Локалното население жестоко се противи appeared first on plusinfo.mk.

Студен бран го зафати регионот на Западен Балкан, а во Србија е прогласена вонредна состојба во 11 општини поради екстремно ниските температури и високите снежни наноси, јавуваат локалните медиуми. Околу 9.000 домаќинства во Србија се без електрична енергија.

Вонредна состојба е воведена во општините Ваљево, Лозница, Осечина, Крупањ, Мали Зворник, Владимирци, Сјеница, Мајданпек, дел од Пријепоље, Лучани и Ивањица. Снегот го ограничи пристапот до 15 села, а железничкиот сообраќај на линиите до Лазаревац и од Младеновац кон Белград е во целосен прекин.

Спасувачките екипи од вчера до денес интервенирале 98 пати на терен, евакуирајќи 37 лица. Од компанијата „Електродистрибуција Србија“ соопштија дека снабдувањето со струја постепено се нормализира, но се уште се работи на дефектите кај неколку илјади корисници.

Температурите во Србија деновиве се спуштија до -17 степени Целзиусови. Портокалов аларм утрово е активиран за Белград, Бачка, Банат, Срем, како и за западна и југозападна Србија. Премиерот најави седница на Штабот за вонредни ситуации за разгледување на понатамошните мерки.

Слична е состојбата и во Босна и Херцеговина, каде исто така е прогласен портокалов метеоаларм поради температури од -15 степени. Хидрометеоролошкиот институт предупреди дека студот е опасен за здравјето на постарите лица, децата и хронично болните, јави БХРТ.

Хрватска, исто така, се соочува со обилни снежни врнежи во последните денови, а најниската температура е регистрирана утрово во Лика, каде се измерени – 26 степени. Температурата во главниот град Загреб утрово е -10 степени. Метеролозите за денеска највуваат постепено разведрување и нешто потопло време.

Во Црна Гора се очекува времето да се подобри денеска, но властите ги предупредуваат возачите да внимаваат на мраз и лизгање на земјиштето, објави МИНА.

Во Словенија, температурите се исто така ниски, а најстудено денеска е во југозападна Словенија – каде што температурата рано утрово беше -21,1 степени, објави словенечкото издание „24 ур“. Во остатокот од земјата, минималните температури се движат помеѓу -19 и -10 степени.

Силен студен бран ја зафати Грција, донесувајќи ненадеен пад на температурите, обилни снежни врнежи, мраз и силни северни ветрови низ целата земја, соопштија денес локалните метеоролози.

Според „Екатимерини“, снег се очекува во планинските и ридските подрачја, но и во пониските делови од копното, каде што врнежите од снег се веќе можни на надморска височина од 300 до 400 метри.

Снег се предвидува и во ниските подрачја на источна Македонија и Тракија, во регионалните единици Сер и Халкидики, како и на неколку острови во северниот дел на Егејското Море, вклучувајќи ги Лимнос, Лезбос, Хиос и Споради.

Ситуацијата во поголемиот дел од Албанија и Косово останува комплицирана поради обилните снежни врнежи и дожд што ги погодија двете земји во последните денови, објавија албанските и косовските медиуми.

Според информациите од Албанската Национална агенција за цивилна заштита (AKMC), цитирани од ATA, најпогодените од лошото време во Албанија моментално се Скадар, Драч, Дибер, Берат, Фиер, Корча и Ѓирокастро.

Во окрузите на Скадар, се известува дека реките Дрим, Кир и Буна значително се надополниле, а некои од нив се излеале и поплавиле патишта и обработливо земјиште. Слична е ситуацијата и во Драч, каде што се известува дека се поплавени вкупно 1.800 хектари обработливо земјиште. Во окрузите на Фиер и Берат, исто така, има извештаи за поплавени земјоделски површини, како и неколку домаќинства и јавни згради.

Во окрузите на Дибер, голем дел од секундарните патишта се затворени поради обилните снежни врнежи. Во Корча и Ѓирокастро, има извештаи за лизгање на земјиштето и затворени патишта, како и за неколку семејства евакуирани поради поплави.

Од вчера, Албанските вооружени сили спроведуваат голема операција за пребарување во близина на градот Клос (Централна Албанија), каде што еден граѓанин беше однесен во својот автомобил од надојдените води на реката Мат. Според објавата на албанскиот министер за одбрана, Пиро Венгу, вкупно 22 војници учествуваат во операцијата за пребарување, поддржани од беспилотни летала и специјална опрема.

Според информациите од Косовската радиотелевизија, обилните снежни врнежи во текот на изминатите 24 часа предизвикаа тешкотии во движењето по автопатот Приштина – Пеќ (Пеќ), особено во областа на меѓународниот аеродром Адем Јашари. Во меѓувреме, обилните врнежи од дожд затворија дел од автопатот што го поврзува главниот град Приштина со јужниот косовски град Феризај, а сообраќајот се пренасочува по алтернативни патишта.

Во три општини во Косово, почетокот на вториот семестар од учебната година е откажан денеска поради лоши временски услови. Во општините Малишева (Малишево) и Дренаш, враќањето на учениците во училниците е одложено до среда, а во општина Фуш Косово – до почетокот на следната недела. Во сите други општини во земјата, вториот семестар од учебната година започна нормално, забележува Косовската радиотелевизија.

The post СТУДЕН БРАН ГО ОКОВА ЦЕЛИОТ БАЛКАН Вонредна состојба во 11 српски општини, во Хрватска измерени – 26 степени appeared first on plusinfo.mk.

Обвинителството на Босна и Херцеговина денеска подигна обвинение против четворица поранешни припадници на Седмата муслиманска бригада на Армијата на БиХ, кои се товарат за воени злосторства против цивили од хрватска и српска националност во Зеница.

Обвинетите Несиб Талиќ, Јусуф Каралиќ, Нашид Делалиќ и Сабахудин Сарајлиќ се товарат дека во текот на 1993 година, во објектот на Музичкото училиште во Зеница, незаконски затворале и малтретирале цивили. Според обвинението, десетици лица биле изложени на тешка психофизичка тортура, а двајца затвореници починале како последица на тепањето. Нивните тела подоцна беа ексхумирани во околината на градот.

Седмата муслиманска бригада важеше за елитна единица во составот на Третиот корпус. За злосторства извршени од оваа единица веќе му се суди на командантот Шериф Патковиќ, кој е обвинет дека лично убил ранет хрватски командант во селото Дусина.

The post МУСЛИМАНСКАTA БРИГАДА ИЗМАЧУВАЛА ДО СМРТ СРБИ И ХРВАТИ Подигнато обвинение против четворица Босанци за воени злосторства appeared first on plusinfo.mk.

Обилни дождови го зафатија регионот. поплавени подрачја има во Хрватска, Босна и Херцеговина и во Србија. Нивото на реките се зголемува од час во час.

Во Босна најкритична е состојбата во сливот на реката Босна и поширокото подрачје на Сараево, чии делови се целосно под вода. Надојдена е и реката Миљачка, додека на падините на Требевиќ има порои и одрони.
Поплавите сега ја зафатија и Хрватска. Најкритична е состојбата во областа Вировитица.

Во последните денови во Босна падна повеќе дожд отколку во просек за еден месец или повеќе.

Додека во низините во Босна се справуваат со поплави и порои, снег паѓа на планините на надморска висина од  2.000 метри. Повеќе од половина метар снег падна за 24 часа, а висината на снежната покривка достигнува еден и пол метар.

Во текот на денешниот ден најобилни врнежи се очекуваат на север и северозапад од Хрватска и на северозапад од Босна. Се очекуваат до 100 литри дожд со опасност од поплави и пороен дожд.
Се очекува и реката Сава да се издигне за неколку метри, додека првично најголем проблем би биле помалите поројни текови.

Во Србија се излеа реката Јадро, а воведена е вонредна заштита од поплави во Лозница и Шабац.

Според метеоролозите, во Србија во сливовите на дури 12 реки, нивото на водата значително ќе се зголеми во следните 48 часа, со можност да достигне предупредувачки нивоа. Водостојот на реката Сава се очекува значително да порасне во наредните денови, надминувајќи ја границата на редовна заштита од поплави во околината на Шабац.

The post 🎥 ДОЖДОВИТЕ НЕ ПРЕСТАНУВААТ Реките се излеаја во повеќе земји во регионот appeared first on plusinfo.mk.

Како што беше кажано, мажот ги убил сопругата и синот, а полицијата моментално трага по него. Телата се пронајдени во станбено-деловен објект, а според неофицијални информации, мажот и жртвата Инела С. биле формално разведени, но живееле заедно.

– Повеќе детали ќе се знаат подоцна – рече Арнаутовиќ.

Тој додаде дека засега не е познат начинот на убиство.

Според познатото, Селимовиќ работела на пазарот во станбено-деловната зграда каде што живеела со синот и со поранешниот сопруг.

The post ХОРОР ВО БОСНА И ХЕРЦЕГОВИНА Маж си ги убил 13-годишниот син и поранешната сопруга appeared first on plusinfo.mk.

Четири лица загинаа денеска во страшен судар на главниот пат Коњиќ-Јабланица кај Радешине, во Босна и Херцеговина, пишуваат босанските медиуми.

Во судирот учествувале еден камион и еден приватен автомобил, во кој имало 5 лица. Станува збор за семејство од Турција, сопружници и нивните деца.

Едно дете е повредено и пренесено во болница.

Според босанските медиуми, мајката и таткото загинале на самото место, а децата им подлегнале на повредите во болница.

Поради несреќата сообраќајот на оваа делница од главниот пат е во прекин.

The post СЕМЕЈСТВО ОД ТУРЦИЈА ЗАГИНА ВО БОСНА Едно дете ја преживеа тешката сообраќајна несреќа appeared first on plusinfo.mk.

Во делови од Босна и Херцеговина, Хрватска и Србија почна да врне дожд, а на места и снег, а надлежните служби издадоа предупредувања за обилни врнежи, ниски температури и силен ветер.

Во Босна и Херцеговина снег падна во регионот Краина, а во текот на денот се очекува снег во другите делови на земјата.

Во БиХ се очекува да паднат од два до десет сантиметри снег, а на повисоките места и на планините од 15 до 25 сантиметри.

За подрачјето на Бања Лука и Бихаќ е издадено портокалово предупредување поради силен ветер, додека жолто предупредување поради врнежи е на сила во останатиот дел од земјата.

Во Хрватска снег паѓа во Лика, Горски котар, но и во внатрешноста, во Загреб, Карловац, Сисак, Бјеловар и Кутина.

Како што најавија хрватските метеоролози, на копното се очекува да се формира снежна покривка, особено во планинските предели каде би можеле да паднатнад 30 сантиметри нов снег.

Државниот хидрометеоролошки завод на Хрватска денеска објави жолт аларм за централните и планинските предели поради снег и можна појава на мраз и обилни врнежи од дожд.

Падот на температурите и во Србија носи лапавица и снег – претпладне на западот на Војводина и на западот на Србија, а постепено од средината на денот и во другите области, претежно јужно од Сава и Дунав.

Се очекува создавање и зголемување на висината на снежната покривка, главно од два до пет сантиметри во пониските предели, а на планините околу 10 сантиметри, а на југозападот на Србија некаде и за повеќе од 15 сантиметри нов снег“, соопшти Републичкиот хидрометеоролошки завод на Србија.

Престанување на паѓањето снег се очекува кон крајот на денот и во текот на ноќта.

Заводот за хидрометеорологија и сеизмологија на Црна Гора соопшти дека кон крајот на денот на северот од земјата, на планините и во пониските предели се очекува умерен до обилен снег.

The post СНЕЖНО НЕВРЕМЕ ГО ЗАФАТИ ЗАПАДЕН БАЛКАН Обилни врнежи, снежна покривка, силен ветер и проблеми на патиштата appeared first on plusinfo.mk.