Спасувачките служби денеска во Долна Јабланица пронајдоа тела на уште две жртви од катастрофалните поплави кои го погодија овој регион во Босна и Херцеговина. Со ова, вкупниот број на жртви од поплавите во БиХ се искачи на 20.

Сабахудин Спаховиќ од Цивилната заштита истакна дека под урнатините во Долна Јабланица биле пронајдени тела на жена и маж.

Спасувачките тимови и денеска продолжуваат со откопување и потрага по тела, а во оваа мисија помагаат и бројни колеги, волонтери и граѓани.

Спасувачките тимови од соседните држави на БиХ и членки на Европската Унија денеска здружија сили за да ги исчистат урнатините и да ги пронајдат исчезнатите во поплавите и свлечиштата кои ги опустошија делови од западно-балканската земја.

Според официјални лица, најмалку 10 лица сè уште се водат како исчезнати, од кои многумина се од селото Долна Јабланица, кое е речиси целосно затрупано.

Мештаните велат дека слушнале силна бучава и виделе како куќите исчезнуваат во свлечиштето пред нивните очи.

Луиџи Сорека, кој ја води мисијата на ЕУ во Босна, изјави дека ЕУ е солидарна со БиХ и дека тимови се на пат да помогнат.

Властите соопштија дека хрватските спасувачи веќе пристигнале, а се очекува да бидат распоредени тимови од Србија, како и од Словенија со специјално обучени кучиња. Северна Македонија, Црна Гора, Полска, Чешка и Турција исто така понудија помош, се наведува во соопштението на владата.

Инаку, денеска се одржуваат локални избори во БиХ, но властите одлучија да го одложат гласањето во регионите погодени од поплавите. Во Јабланица е прогласена тридневна жалост.

The post ПОД УРНАТИНИТЕ ПРОНАЈДЕНИ СЕ ТЕЛА НА ЖЕНА И НА МАЖ Бројот на загинати во поплавите во Босна достигна 20 appeared first on plusinfo.mk.

Како што пишува Коњичани, Лејла, нејзината ќерка, сопругот и свекрвата ноќта на катастрофалните поплави завршиле во поплавата, а куќата им била уништена.Тие се спасени по повеќе од три километри  пливање.

Без ориентација и со многу повреди во мрачната ноќ се спасени по повеќе од три километри растојание во Јабланичкото езеро.

Лејла има видливи повреди и е хоспитализирана, додека нејзиниот сопруг и ќеркаta се добри. За жал, сѐ уште трае потрагата по нејзината свекрва.

„Ја посетивме сосетката Лејла Залихиќ… Приказна, траума и хорор искуство за цел живот. Ние, нивните сограѓани и соседи мора да бидеме со нив денеска, утре и секој нареден ден додека сето ова не се доведе во најдобра можна состојба“, напиша нејзиниот сосед Арман Куртиќ на социјалните мрежи.

The post СКОКНАЛА ОД 3 КАТ ВО ПОРОЈ ЗА ДА ЈА СПАСИ ЌЕРКАТА Лејла, мајката херој од Босна, е во болница appeared first on plusinfo.mk.