Карим Адејеми, германскиот репрезентативец и играч на Борусија Дортмунд, денеска јавно се извини откако беше осуден за обид за нелегално поседување оружје. Случајот започнал кога тој на почетокот на минатата година преку интернет нарачал „мистериозна кутија“, која содржела предмети забранети според германскиот закон за оружје. Пакетот бил пресретнат и завршил во полициска станица.

Меѓу пронајдените предмети имало два месингани боксирачи и електричен тејзер, за кои е потребна специјална дозвола. Обвинителството го казнило 23-годишниот фудбалер со 450.000 евра, што е износ што судот го сметал за соодветен на неговата месечна заработка.

Меѓутоа, уште поголем одек предизвика извинувањето што Адејеми го објави на социјалните мрежи.

„Веројатно ги видовте насловите за мене во последните неколку денови. Не ми е лесно да зборувам за ова. На почетокот на 2024 година, од невнимание и без сериозно размислување, ја нарачав преку интернет таканаречена ‘мистериозна кутија’. Содржеше предмети што не се дозволени според законот за оружје. Тоа беше голема грешка од моја страна. Длабоко жалам и свесен сум дека сум пример за младите“, напиша фудбалерот.

Притоа, Адејеми побара разбирање од јавноста и порача дека ќе прифати сè што произлегува од неговата постапка. Германската фудбалска федерација засега не најави санкции, но локалните медиуми пренесуваат дека Борусија Дортмунд размислува за внатрешна дисциплинска мерка.

Според спортскиот портал „Кикер“, клубот очекува играчот „да ја врати довербата преку спортски настапи и одговорно однесување“. Сепак, јавноста е поделена – дел ја прифаќа искреноста на младиот играч, додека други го критикуваат што не сфатил дека дури и „невините експерименти на интернет“ можат да имаат сериозни последици.

The post РЕЧИСИ ПОЛОВИНА МИЛИОН ЕВРА КАЗНА ЗА ГЕРМАНСКИОТ АС АДЕЈЕМИ „Ја нарачав мистериозната кутија преку интернет“ appeared first on plusinfo.mk.

Фудбалерите на Астон Вила славеа во исклучително интересен натпревар против ПСЖ во реваншот од четврт-финалето. Тие триумфираа со 3:2, но не успеаја да се пласираат бидејќи вкупниот резултат беше 5:4 за момците од Париз.

Гостите на полувремето водеа со 2:1 со головите на Мендеш и Хакими, по што следеа два брзи гола на Вила. Мегин погоди во 55 минута, а Конса две минути подоцна.

И Борусија Дортмунд победи во реваншот. Тие на „Вестфален“ ја совладаа Барселона со 3:1, но исто како и Астон Вила не се пласираа во полуфиналето бидејќи Барса победи со вкупни 5:3.

Хет трик со голови постигна Жираси во 11 минута, потоа во 49 и на крајот во 76. минута. Голот за Барселона го постигна првотимецот на Борусија, поточно автогол на Бенсебаини во 54 минута.

Во полуфиналето ПСЖ ќе игра со подобриот од двомечот Арсенал – Реал Мадрид (0:3), додека Барселона го чека подобриот од дуелот Интер – Баерн Минхен (2:1).

The post ЈАЛОВИ ПОБЕДИ НА АСТОН ВИЛА И НА ДОРТМУНД Барселона и ПСЖ се пласираа во полуфиналето на ЛШ appeared first on plusinfo.mk.

Клуб Бриж во првиот натпревар ќе и гостува на Астон Вила, Борусија Дортмунд ќе игра против Лил, а во дуелот на германските екипи Баерн ќе го пречека Баер Леверкузен во Минхен.

ПСВ во првиот меч ќе му гостува на Арсенал во Ајндховен, Феенорд ќе го пречека Интер, Пари Сен Жермен ќе го пречека Ливерпул, а Бенфика ќе ја пречека Барселона.

Осминафинале:

Бриж – Астон Вила

Борусија Дортмунд – Лил

Реал Мадрид – Атлетико Мадрид

Баерн Минхен – Баер Леверкузен

ПСВ Ајндховен – Арсенал

Феенорд – Интер

Пари Сен Жермен – Ливерпул

Бенфика – Барселона

Четвртфинални парови:

Пари Сен Жермен/Ливерпул – Клуб Бриж/Астон Вила

ПСВ/Арсенал – Реал Мадрид/Атлетико Мадрид

Бенфика/Барселона – Борусија Дортмунд/Лил

Баерн Минхен/Баер Леверкузен – Феенорд/Интер

Првите осминафинални натпревари ќе се играат на 4 и 5 март, а реваншите седум дена подоцна.

The post ОСМИНАФИНАЛЕ КАКО ДА Е ФИНАЛЕ ВО ЛШ Едно мега и две локални дербија appeared first on plusinfo.mk.

Ковач го изјави ова во пресрет на реваншот од плеј-офот во Лигата на шампионите, во кој Борусија на својот стадион го пречекува Спортинг Лисабон. Дуелот се игра во среда со почеток во 18 часот и 45 минути. Во првиот натпревар Борусија направи огромен чекор кон осминафиналето победувајќи на гостински терен со 3:0.

Сепак, Ковач немаше позитивен почеток на сезоната во неговиот нов клуб. Најпрвин загубија дома од Штутгарт со 1:2, а минатиот викенд беа поразени со 0:2 од Бохум, последниот тим во поредокот до тоа коло.

– Морам да ја зајакнам самодовербата на играчите. Таа самодоверба се стекнува со квалитетна работа, добри игри и победи. Гледам многу позитивни работи кај играчите, но победите ве прават посилни и мораме да научиме да победуваме постојано – рече Ковач.

Некои германски медиуми веќе почнаа да пишуваат негативни написи за Ковач, кој веднаш се најде на мета на критики поради двата порази во Бундеслигата.

– Болат тие два порази. Мене лично најмногу ме боли начинот на кој примивме голови. Мора да работиме, да тренираме и да вежбаме. Нема премногу филозофија. Но, повторувам, имам многу квалитетни играчи и верувам во подобро утре – заклучи Ковач.

The post ПРОБЛЕМОТ НА МОИТЕ ИГРАЧИ Е ВО НИВНИТЕ ГЛАВИ Нико Ковач ја спрема Борусијa за реванш со Спортинг Лисабон appeared first on plusinfo.mk.

Един Терзиќ повеќе не е тренер на Борусија Дортмунд!

Германскиот стручњак со балкански корени неочекувано поднесе оставка откако неодамна беше поразен од Реал Мадрид во финалето на Лигата на шампионите.

Откако Терзиќ поднесе оставка до управата на клубот, останува да се види дали ќе има обид да се убеди да остане или ќе следи дефинитивно збогување.

Се огласи и Терзиќ, кој преку Инстаграм призна дека, „иако ова многу боли сега, тој го напушта клубот.

– По финалето на Вембли побарав да разговарам со управата бидејќи по десет години поминати во клубот чувствувам дека новата сезона треба да започне со нов човек на самиот терен – најави Терзиќ.

Покрај неочекуваното заминување на тренерот, во јавноста протекоа информации за незадоволството на одредени фудбалери од методите на работа на Терзиќ и неговиот однос кон нив. Особено се издвојува незадоволството на искусниот Матс Хумелс, иако прикажа врвна игра на крајот од сезоната.

Овие внатрешни проблеми веројатно имаат значително влијание врз текот на настаните во клубот.

Eine Nachricht von Edin Terzic an alle Borussinnen und Borussen. pic.twitter.com/6KLe5hT4vu

— Borussia Dortmund (@BVB) June 13, 2024

The post 📽️ ШОК ОД ДОРТМУНД! Един Терзиќ поднесе оставка и повеќе не е тренер на „милионерите“ appeared first on plusinfo.mk.

Реал Мадрид повторно е „кралот на Европа“! „Лос Бланкос“ ја победи Борусија Дортмунд со 2:0 во финалето на Лигата на шампионите на стадионот „Вембли“ и по 15-ти пат триумфираа како европски клупски шампиони.

Дани Карвахал и Винисиус беа херои за шпанскиот тим. Дефанзивецот го отвори резултатот во 74. минута, а бразилскиот напаѓач ја запечати победата во 83. минута.

На овој начин Реал триумфираше во 9-то последователно финале на најкомерцијалниот клупски турнир. Борусија Дортмунд остана со еден трофеј од Лигата на шампионите и две загубени финалиња.

Карло Анчелоти, исто така, продолжи да урива рекорди. Го освои трофејот по петти пат – три пати со Реал Мадрид и двапати со Милан.

Финалето во Лондон се претвори во испраќање за двајца големи фудбалери – Тони Крос од Реал Мадрид и Марко Ројс од Борусија Дортмунд. Ѕвездата на „кралевите“ ќе ги закачи копачките како европски шампион бидејќи ова е последен натпревар во неговата кариера на клупско ниво. За Ројс ова беше последен меч со „жолто-црниот“ дрес.

The post РЕАЛ МАДРИД Е „КРАЛОТ НА ЕВРОПА“ Ја победи Борусија Дортмунд со 2:0 appeared first on plusinfo.mk.

Фудбалерите на Борусија Дортмунд се пласираа во финалето на Лигата на шампиони, откако вечерва триумфираа во Париз над ПСЖ со 1-0 (0-0) и со вкупен резултат од 2-0 го елиминираа францускиот првак во првата полуфиналната пресметка.

Победата на Борусија на реваншот ја донесе ветеранот Матс Хумелс со погодокот во 50 минута.

Фудбалерите на ПСЖ дури четирипати ја погодуваа рамката на голот на Борусија, но претрпеа елиминација без постигнат гол во двете пресметки со германскиот тим.

За Борусија ова е прво финале во Лигата на шампиони по пауза од 11 години.

Дуелот за трофејот на 1 јуни на „Вембли“ во Лондон може да донесе германско финале доколку Баерн Минхен успее утревечер да го елиминира Реал Мадрид.

Првиот натпревар во Минхен заврши нерешено 2-2.

The post БОРУСИЈА ДОРТМУНД ПРВ ФИНАЛИСТ ВО ЛИГАТА НА ШАМПИОНИТЕ Го елиминира ПСЖ на сред Париз appeared first on plusinfo.mk.

Норвешкиот фудбалер Ерлинг Халанд денеска успешно се врати во дресот на Борусија Дортмунд по шестнеделната пауза поради повреда, па на натпреварот против Волфсбург тој ја стресе мрежата и го постави конечниот резултат од 3:1.

Сепак, вниманието на јавноста го привлече начинот на кој Халанд го прослави погодокот, откако со прст покажа кон навивачка на противничката трибина, но и таа не остана покусо, па на Норвежанецот му го направи „она со раката“ што честопати знае да го направи и премиерот Зоран Заев.

Во продолжение, погледнете го видеото:

Wolfsburg fan reacts to Haaland pointing at him

pic.twitter.com/2f3d3XcPZJ

— 𝙁𝙎 (@Fs_BVB) November 27, 2021

The post ХАЛАНД ДОБИ „ЗАЕВКА“ ОД ТРИБИНИТЕ Навивачка на Волфсбург го поздрави Норвежанецот (ВИДЕО) appeared first on plusinfo.mk.

Прво, клубот е свесен за желбата на Халанд да се приклучи на тимот од Мадрид. Играчот за врска на Реал Мадрид, Мартин Едегор, му соопшти на напаѓачот на Борусија за предностите на играњето за клубот. Второ, претседателот на бордот на директори на Дортмунд, Ханс-Јоаким Вацке, со претседателот на Реал Мадрид, Флорентино Перез, имаат блиски односи. Трето, агентот Мино Рајола е многу заинтересиран да започне плодна соработка со Реал, пишува шпанскиот весник „Ас“.

Најважната точка е добриот однос на Вацке со Перез, бидејќи Борусија ќе му даде приоритет на Реал Мадрид при изборот на нов клуб за Халанд. Исто така постои можност клубовите да се договорат за трансфер на сумата во неколку транши.

Реал Мадрид ќе мора да потроши околу 150 милиони евра за да го купи Халанд од Борусија. Платата на играчот може да достигне 20 милиони евра годишно. Договорот на напаѓачот со Мадрид може да важи шест години.

Претходно беше соопштено дека претставниците на Халанд разговарале со Реал Мадрид, Барселона, Челзи, Манчестер сити, Манчестер јунајтед и Ливерпул.

Норвежанецот оваа сезона постигна 21 гол на 22 натпревари во Бундеслигата.

The post „Кралевите“ му нудат плата од 20 милиони евра на Халанд appeared first on plusinfo.mk.

„Црвените ѓаволи“ успеаја да завршат на третото место во Премиер лигата оваа сезона, со што обезбедија место во Лигата на шампионите следната година и со тоа се зголемија нивните шанси за привлекување на членот на англискатата репрезентација.

Според изворот од Јунајтед, тие стапиле во контакт со Дортмунд и дале предлог од 89 милиони фунти за правата на крилото. Сепак, тие ја одбиле сумата, барајќи 20 милиони повеќе од тоа што го нуди англискиот тим.

Се верува дека од „Олд Трафорд“ се подготвени да направат втора понуда за да ги убедат „жолто-црните“ да се разделат со својот фудбалер.

Санчо е главната цел во следниот трансфер прозорец на Јунајтед, а се верува дека 20-годишниот играч веќе ги договорил личните услови со Манчестер.

Во текот на сезоната, Англичанецот има 20 голови и 20 асистенции на 44 натпревари за Борусија и се тврди дека на „Сигнал Идуна Парк“ веќе му бараат замена.

The post Јунајтед со прва понуда за Санчо, Дортмунд ја одби appeared first on plusinfo.mk.