Еден човек е повреден при пожар во трговски објект во туристичкиот комплекс Боровец, соопшти Областната дирекција на МВР во Софија, согласно БТА. Тој е пренесен во болница во Софија со изгореници на нозете.

Алармот за пожарот бил пријавен околу 12:30 часот. На лице место биле испратени екипи на полицијата и пожарната служба. Пожарот е изгаснат, а следуваат увид и утврдување на причините за неговото настанување.

Од управата на туристичкиот комплекс додале дека персоналот од трговскиот објект е навреме евакуиран и нема други повредени.

The post ПОЖАР ВО БОРОВЕЦ, ЕДЕН ЧОВЕК ПОВРЕДЕН Евакуиран трговски објект appeared first on plusinfo.mk.

Шефот на македонската дипломатија, Тимчо Муцунски, обраќајќи се пред Комитетот за надворешни работи на Европскиот парламент, рече дека некои од неговите најубави спомени се од Бугарија.

Тој порача дека иако источниот сосед ја кочи европската интеграција на Македонија, сепак македонските власти и понатаму ќе останат посветени и ќе продолжат по европскиот пат, доколку, како што потенцираше, процесот се води на фер начин“.

– Да се ​​осврнам сега на едно прашање што ме засега мене лично, нашите односи со Бугарија. Едно од моите најрани и најубави спомени е поврзано со Бугарија. Мојот прв одмор како дете беше во Сончев Брег, каде што за прв пат ја открив мојата љубов кон морето и кон сонцето. Години подоцна, уште еден убав момент беше кога син ми ги направи првите чекори на скии во Боровец, прифаќајќи ја радоста на зимата во прекрасните планини на Бугарија. Овие лични врски ме потсетуваат на длабоките врски што ги споделуваат нашите народи, изградени со генерации. Сега, сепак, тие врски се под закана. Политиките и дејствијата од последните години поттикнаа недоверба меѓу нашите народи, поткопувајќи ја самата структура на нашите добрососедски односи – рече Муцунски.

Стојам пред вас како претставник на народот кој чекореше по извонреден пат – обележан со длабоки жртви и немилосрдна издржливост – сето тоа во име на нашата европска иднина, додаде тој.

– Ние сме земја која го смени знамето, го промени својот устав неколку пати, па дури и го смени своето име. Тоа не беше лесен избор. Бевме убедени дека патот на дијалогот, компромисот и реформите ќе доведе до посветла иднина за нашите граѓани, како дел од европското семејство како примери на храброст, како чекори напред за целиот регион, како доказ за трансформативната моќ на Европа – рече шефот на дипломатијата.

The post НА СОНЧЕВ БРЕГ ПРВПАТ ЈА ОТКРИВ ЉУБОВТА КОН МОРЕТО И КОН СОНЦЕТО Муцунски се потсети на убавите моменти од детството поминати во Бугарија appeared first on plusinfo.mk.

Туристичките агенции велат дека интересот за зимување, за разлика од лани, годинава е далеку помал, поради цените кои пораснаа за 30 отсто.

Само за пасионираните скијачи

– Оваа сезона е речиси загубена поради високите цени во соседството. Копаоник и Златибор во Србија, како и Боровец и Банско во Бугарија, ги зголемија цените за 30 отсто, а тоа важи и за услугите. Освен пасионираните скијачи, годинава речиси немаме клиенти кои сакаат да престојуваат во ски-центрите за да уживаат во зимската идила и покрај тоа што не скијаат – вели Дончо Нацевски од „Арботравел“.

Тој додава дека поради високите цени и туристичките агенции се преиспитуваат, па наместо седумдневни аранжмани, веќе нудат тридневни или петдневни.

– Како што ценикте одат нагоре, така ние сме принудени да ги намалиме деновите на престој за да понудиме соодветна цена за нашиот стандард. И во светски рамки постепено се намалуваат деновите на аранжманите. Мислам дека истото ќе се случи и со летните аранжмани, бидејќи туристичките земји воведоа и посебни такси кои ја зголемуваат цената на престој – вели Нацевски.

Туристичките работници велат дека годинава ги нема младите, кои редовно одеа да скијаат во Бугарија, а се намалил и превозот организиран од агенциите.

– Намален е интересот за зимување во сите центри во регионот. Продажбата на аранжмани за сезоната е многу мала. Малку подобро оди Бугарија, бидејќи таму цените се малкуод оние во српските скијачки центри. Високите цени ги издвоија само оние граѓани кои можат да поминат неколку дена на скијање, а веќе е практика граѓаните сами да уплаќаат аранжмани во хотелските капацитети и да патуваат сами, наместо да одат организирано преку агенции. Годинава ги нема и младите, кои вообичаено поминуваа по една недела на скијање, а организираниот превоз, според нашите колеги кои организираат превезувања, од 5 пати неделно се сведе на еднаш во неделата – вели Сузана Зелениковска од „Фибула травел“.

Јахорина е топ избор

Според неа, причината за ваквата состојба покрај цените е и тоа што овој спорт е скап, па се помалку луѓе можат да обезбедат скапа скијачка опрема или да изнајмат ваква опрема во ски центрите каде што цените се високи.

– Вообичаено се мислеше дека политичката состојба поврзана со Бугарија е причина за малиот интерес, но мислам дека не е тоа. Младите кои одеа во бугарските ски центри годинава речиси ги нема, бидејќи изнајмувањето на опрема е поскапо, а во основа скијачкиот спорт е скап и потешко се доаѓа до сопствена опрема – вели Зелениковска.

Дел од агенциите за љубителите на скијањето ги нудат и француските скијачки центри, кои според она што го има како понудена цена се далеку поевтини од регионот. Таму седумдневен пакет аранжман за скијање, во кој е вклучен престој, превоз и шестдневна ски-карта се движат од 620 до 860 евра, зависно од типот на сместување и бројот на кревети.

Вистински бум веројатно годинава ќе има босанскиот скијачки центар Јахорина, кој е далеку поевтин од српските и од бугарските центри. Таму дводневниот, тридневниот и петдневниот хотелски престој е врзан со поевтин ски-пас, што е повод голем број скијачи да ја изберат токму сараевската снежна убавица. На Јахорина дневниот ски билет е 37,7 евра, петдневен 132 евра и шестдневен 159 евра.

Овој центар обезбеди и поволности за скијачите од земјава кои имаат купен ски-билет во Маврово. Истиот билет важи во двата ски-центра, односно секој што ќе купи ски-пас од „Ресорт Маврово“, бесплатно може да скија 2 дена во „Олимписки центар Јахорина“.

На Копаоник скапо, во Македонија никако…

На Копаоник, пак, само шестдневен ски билет чини од 337 до 365 евра, додека еднодневен ски билет чини 87 евра. Во Боровец, шестдневниот ски билет чини 252 евра, а петдневниот 203 евра. Дневниот ски-билет чини 45,3 евра. Во Банско шестдневен ски билет чини 276 евра, а петдневен 234 евра. Дневниот билет таму чини 48,2 евра.

Во нашите скијачки центри се чекаат поинтензивни врнежи од снег, за сезоната да почне. Ако почне…

The post ГОДИНАВА СКИЈАЊЕТО ВО ЦЕНТРИТЕ ВО РЕГИОНОТ ПОСКАПО Во Македонија главно санкање appeared first on plusinfo.mk.

Димитровски раскажа дека кога се случил инцидентот со тепањето во Охрид, премиерот Ковачевски имал средба со своите коалициони партнери на која Ковачевски им раскажал дека Османи го информирал дека ќе го посети Пендиков, односно дека посетата не била негова или одлука на владата.

– Во тој момент еден од присутните го праша премиерот, добро зошто во тој случај го испраќате Бујар Османи во болница во Софија, да го види повредениот, да се извинува и така натаму. Премиерот тогаш ни одговори, не го испративме ние, ми се јави синоќа Бујар Османи и ми рече јас ќе одам во Софија, утре, и го прашал зошто одиш во Софија, па Османи му рекол ќе одам два дена на скијање во Боровец и ќе одам утре во Софија, да го видам Пендиков. Зошто ќе одиш да го видиш Пендиков? Настанот е малку контроверзен, го земаа со авион и така натаму. И добро зошто ќе одиш да го видиш Пендиков, сè уште не е расчистен случајот, имаме полициска истрага во која гледаме дека случајот е за дрога. Па Бујар Османи му рекол знаеш јас се слушнав со Американците, рекоа дека можеби е добро да го посетам заради тензиите да се намалат меѓу двете страни – кажа Димитровски.

The post ВЛАДАТА НЕ ГО ИСПРАТИЛА ОСМАНИ КАЈ ПЕНДИКОВ, ТУКУ АМЕРИКАНЦИТЕ? „Ќе одам на скијање во Боровец, па ќе го посетам“ appeared first on plusinfo.mk.