Манев е организатор, Видевски е пукач, Кешишев е стражар, рече првобвинетиот Љупчо Палевски денеска во судот откако претходно беше прашан од таткото на убиената Вања во две реченици да каже кој ја убил неговата ќерка.

По оваа реченица Боре ги крена рацете и се фати за глава.

– Ќе ја испочитувам желбата на оштетениот, обвинетот Александар Ѓорчевски, да одговорам зашто е убиено недолжно дете, неговата Вања Ѓорчевска, но не можам во две минути. Ова е моето последно јавно говорење во врска со убиството на неговото дете и ќе мора да сослуша, затоа што мојот завршен збор, завршува токму со тоа зошто е убиена, кој ја убил и тоа ќе биде мојот одговор на обвинетиот Ѓорчевски. Она што не го сработело ОЈО, го сработев јас во мојата одбрана – го почна својот завршен збор првообвинетиот Љупчо Палевски.

– Манев денеска во судот срцепарателно, покајнички објаснуваше дека јас сум тој што ги манипулирал, ги изневерил, дека бил под уцена дека после убиството на Панче сум кажал дека ќе го убијам него и неговото семејство. Но, никој не го праша зошто го сликал Панче на 13.11.2023 година во неговито автомобил? Со ниту една реченица Јосифовска не нѐ извести дека Манев го сликал Панче како стои до својот „цитроен“, околу 10 часот. Ја има во вештачените телефони. Зошто обвинет на кого му се заканува доживотен затвор не се сеќава каде му е пиштолот? Како може Боре да не знае каде му е „зброевката“? – рече Палевски.

Тој го обвини Манев дека ја следел и ја сликал жртвата.

– Случајно, единствен од сите обвинети кому во ОЈО на 6.12 му доаѓа идеја да каже дека Палевски слика жртви е токму Манев, кој е докажан сликач на жртви. Од таму му е идејата дека Вања е сликана. Никој не го праша Манев зошто сликата од Панче по една минута од сликањето му ја испратил на Боре Видевски, а не ја испратил на Палчо? И покрај тоа што рече дека се кае, Манев никогаш не рече се каам што го одбрав Панче, што го сликав и што го убив. Се пазарат и се лигават со судот, а никој не бара вистина и докази – рече Палевски.

Тој рече дека е обвинет за две убиства, со обвинителен акт од 17 докази, а потоа со посебно обвинение со вкупно 214 докази. Рече дека не постои трага, видео, доказ, сведок дека тој учествувал во ова злосторство. Палевски го обвини Обвинителството дека имало за цел да го злоупотреби Законот за кривична постапка и додека трае расправата тој да се запознава со доказите со што времето за подготовка на неговата одбрана било нула.

– Се барав себеси и не најдов ниеден траг дека сум бил присутен во возило на две места на грабнување и на две места на убивање. ОЈО не презентира докази, а медиумите го лажат народот по наредба на ОЈО и на Гаврил Бубевски. ОЈО функционира така што прима и послушно исполнува политички наредби. ОЈО цели 5 месеци изведуваше докази, 2 месеци слушавме сведоци, но немаше сведочење како се извршени злосторствата, со ниеден сведок кој видел или слушнал било што. Морав да утврдам сѐ, како тоа за мене нема докази, а јас сум убиец – рече Палевски.

Според него, планот на ОЈО бил како да наместат две убиства, кои веќе биле докажани, но потребно било друг да биде сторител, а судот да осуди човек кој нема врска со тоа.

– Доказите покажуваат дека овој кривичен систем е орудие на Амбасадата на САД. Судењата се алатка за елиминација. За разлика од ОЈО, со докази, не со аналогии и лаги, ќе набројам прекршување на човекови права во истрагата и со лошиот Закон за кривична постапка и со неограничените дискрециски права на судијата. Шест дена по екстрадицијата бев во притвор без решение за притвор. Пред судијата бев донесен со свиткана глава и со уредно наредени медиуми. Имаше повик од Јанаки Митровски никој да не ме брани и делумно успеа, едвај обезбедив одбрана. Со докази од мојот вештачен телефон, спротиставив докази дека нивниот сведок Ерол Османи лаже. А на Османи не му е вештачен телефонот. Мојата одбрана за две тешки дела се темелеше на откривање на докази кои Обвинителството ги криеше или погрешно ги изведуваше. Мојата одбрана не се бореше само со ОЈО туку и со одбраната на Кешишев и на Манев, со вербални обвинувања кои се базирани на лаги – рече Палевски.

Тој наведе дека во обвинението е опишан како координатор, дека во „кангуто“ се најдени ДНК траги од Кешишев, Манев и од Видевски, а дополнително се пронајдени уште 4 ДНК траги, од кои една на Манев, на штитникот на сонце на возачкото седиште, а негови траги немало.

– Судијата го праша Кешишев дали Палевски прскал со WD-40 во „кангуто“, тој рече не. Сѐ уште не е измислена технологија со која можам да ја избришам само мојата ДНК, а да остане ДНК од другите. Во „ренџоверот“ најдоа вкупно 7 мои ДНК траги, за време на патување од 10 часа, а „кангуто“ сум го возел 4 дена, сум поминал 300 километри, а не сум оставил ниедна ДНК трага. Со две вештачења е утврдено дека не сум бил во „рено кангу“, а во обвинението стои дека јас сум бил во „кангуто“ кога е грабната Вања. Нема доказ дека „рено кангу“ било на местото на настан Дупки. Тоа докажува дека исказите на Кешишев и на Манев се лажни. За жал, обвинението е втемелено на лаги. Не негирам можност дека „кангуто“ било во непосредна близина на местото на настанот и дека на растојание од 100 метри може пеш да се оди и да се изврши злосторството, но такво нешто нема во исказите дадени пред ОЈО. Манев и Кешишев тврдат дека и јас и „реното“ сме присутни на местото на настанот – рече Палевски.

Тој тврди дека видеото од дворот на Манев е збир од повеќе инсерти од повеќе денови и часови и дека времето е фалсификувано.

– Манев рече дека не го сменил времето од летно од зимско, а судијата заборави да го праша дали и претходно заборавил да го смени од зимско во летно. Освен тоа, ако уредот е поврзан на интернет, зимското и летното време автоматски се менуваат. Дали од видеата може да се утврди времето на грабнувањето на Жежовски? Не. Дали може да се утврди местото на грабнување? Не. Начинот на грабнување? Не. Бројот на лица кои учествуваат? Не може да се утврдат. Еве и да е подготовка, тоа сепак не е доказ дека подготвуваното се извршило – рече Палевски.

The post „МАНЕВ Е ОРГАНИЗАТОР, ВИДЕВСКИ Е ПУКАЧОТ, КЕШИШЕВ Е СТРАЖАР“ Палевски го обвини Боре дека ги убил Вања и Панче appeared first on plusinfo.mk.

Велибор Манев, второобвинет за две грабнувања и двете свирепи убиства на Панче Жежовски (74) и на Вања Ѓорчевска (14) денеска пред Кривичниот суд ќе го даде својот завршен збор. По него пред судот ќе се обратат и третообвинетиот Боре Видевски и четвртообвинетиот за тешките злосторства, Влатко Кешишев. Свој завршен збор ќе даде и таткото на убиената Вања, Александар Ѓорчевски, кој е петообвинет во овој кривичен процес, за помагање во грабнувањето на неговата ќерка.

По нив, следуваат завршните зборови на Јовица Страшевски, бранител на првообвинетиот Љупчо Палевски Палчо, кој пак, ќе се обрати последен. Доколку сите овие обраќања завршат денеска, на следното рочиште ќе биде изречена пресудата за тешките злосторства.

Јавните обвинителки во своите завршни зборови побараа најстроги казни, доживотен затвор за четворицата обвинети за грабнувањата и за убиствата, а за таткото Александар соодветна затворска казна.

На претходното рочиште бранителите на Манев, Видевски и на Кешишев побараа Кривичниот суд да ги ослободи од обвинението за убиствата. Нивните аргументи се дека ниеден од тројцата не може да биде прогласен за соучесништво во убиство, затоа претходно не постоел договор меѓу членовите на групата дека ќе извршат убиства. Адвокатите Горан Бошевски и Игор Ефремов, кои ги застапуваат Манев и Кешишев, побараа судот да ги казни нивните клиенти само за делата грабнување. Ефремов отиде и чекор подалеку, со барање Кешишев да биде осуден само за едно грабнување, на детето Вања Ѓорчевска, во кое свесно учествувал, иако не знаел кој треба да биде грабнат, а да биде ослободен за грабнувањето на Панче Жежовски. Во своите искази Манев и Кешишев опишаа како се случиле грабнувањата и убиствата и истакнаа дека тие планирале само да грабнуваат лица и за нив да бараат откуп, но нивниот шеф Љупчо Палевски Палчо ладнокрвно ги убил Панче и Вања, а потоа им се заканувал на останатите да молчат и да го слушаат.

– Ако соизвршителот е лице кое со своите дејствија дало придонес за сторување на кривично дело, односно лице без чии дејствија не би можело да се стори кривичното дело, тогаш се наметнува прашањето кои се дејствијата на обвинетиот Кешишев без кои немало да се изврши грабнување или убиство на оштетениот Жежовски – рече адвокатот Ефремов.

Тој го бранеше Кешишев дека дејствувал од улога на потчинетост и страв од Палевски.

Бранителот на Видевски, Бојан Манев, пак, во завршниот збор ја бранеше тезата дека целото обвинение е конструкција. Неговиот клиент Видевски во исказот негираше дека учествувал во киднапирањата и убиствата. За денот на убиството на Панче, 22 ноември 2023 година рече дека бил на работа, а на денот на убиството на Вања бил во партијата Десна, каде имале активности за поддршка на МПЦ-ОА.

– Правецот по којшто е водена истрагата за овие кривично правни настани е целосно погрешен. Погрешна е и намерата да се осудат овие луѓе уште на самиот старт, со примена на мерки што не се карактеристични за овој политички систем и кои во никој случај не можат да ја утврдат вистината за случувањето на овие кривично правни настани, а со цел да се покрие аматерското работење, непрофесионалноста, неквалитетот на истрагата и незнаењето да се соочат со еден вака голем предмет, како и брзањето да се дојде до финале – рече адвокатот Манев.

Сите тројца адвокати во завршните зборови истакнаа и дека нивните клиенти биле тепани во полициска станица со цел да им се изнуди признание за делата, но и за да го посочат таткото на Вања, Александар, како соучесник, кој му одал информации на Палчо кога неговата постара ќерка ќе оди сама на училиште, за да биде грабната.

Бранителот на таткото, Владимир Туфегџиќ, во завршниот збор истакна дека Обвинителството не изнело ниту еден доказ дека Александар е виновен за помагање во грабнувањето и побара ослободителна пресуда, како единствена праведна судска одлука во случај каде „не постои ниту мотив, ниту дејствие, ниту доказ за вина“. Туфегџиќ апелираше судот да не го легитимира концептот на „вина по претпоставка“, бидејќи тоа не е право, туку неправда.

– Одбраната не само што успеа да побие сите конструкции на Обвинителството, туку и со докази, сведоштва и логичка аргументација ја потврди вистината дека Александар Ѓорчевски не е соучесник, туку е жртва. Татко што во критичниот период се однесувал како што би се однесувал секој друг родител во слична страшна ситуација – со паника, болка, очај, но и со целосна посветеност во обидот да го најде своето дете – рече Туфегџиќ.

The post ЗАВРШЕН ЗБОР НА ОБВИНЕТИТЕ МАНЕВ, ВИДЕВСКИ, КЕШИШЕВ И ЃОРЧЕВСКИ Финишира судењето за убиствата на Вања и на Панче, ќе се обрати и првообвинетиот Палчо appeared first on plusinfo.mk.

Адвокатот на обвинетиот Боре Видевски, Бојан Манев, денеска во судот побара ослободителна пресуда за неговиот клиент, бидејќи, како што рече, Обвинителството со ништо не го докажало неговото учество во грабнувањето и во убиствата на Вања Ѓорчевска и на Панче Жежовски што се случија во ноември 2023 година.

Според него, Боре е жртва на оваа „буквална монтировка на која ќе ѝ дојде крајот со изрекувањето на пресудата која ако се темели на основите на правото на уставот и законите на оваа земја мора да биде ослободителна.“

– Мојот клиент Боре Видевски воопшто не е одговорен за делата кои му се ставаат на товар, тој е инструментализиран за да не може да ги обавува своите секојдневни активности, лични или политички. Нема ниту еден доказ што ќе укаже дека мојот клиент е сторител на овие дела – рече адвокатот на Видевски, Бојан Манев, во завршните зборови денеска во судот.

Тој го критикуваше предметот, водењето на истрагата и настапот на Обвинителството и на полицијата.

– Имаме предмет полн со аномалии, со цел да им се наштети на овие луѓе. Обвинетиот Боре е женет, татко на две ќерки, растел женски деца и над 30 години е тренер на деца, машки и женски. Учествувал во воспитување на илјадници деца. Полицијата и Јавното обвинителство го обвинуваат за такво грозоморно дело од кое човек може да се срами, а тој не е учесник ни сторител на тие дела. Обвинителството не изведе пред Судот никаков доказ со кои ќе го потврди обвинението. Базирајќи се на претпоставки, Обвинителството бара мојот клиент да биде осуден. На ден, кој сѐ уште не е утврден и час, во кривичната пријава, Панче е убиен навечер, а во обвинителниот акт претпладне. Во исказот на Манев, Панче е убиен во ден среда, 23.11.2023 година, а според обвинението на 22.11.2023 е убиен ценетиот Панче Жежовски, кого го знае цел Велес, а на 27.11 е убиена Вања Ѓорчевска. Обвинителството се обиде, но не докажа поврзаност на Видевски дека е сторител на овие дела. Обвинителството не понуди ниеден доказ за директна инволвирност на Боре – рече Манев.

Бојан Манев изрази жалење за, како што рече, површната истрага и површното судење на еден од најголемите предмети, поради работите кои не биле направени за да се дознае вистината за овој кривичен настан, кој, како што додаде, ќе биде запишан во учебниците по право.

– На еден начин сме сите поврзани со овој предмет, која и да ни е улогата. Од самиот почеток сите се соочивме со една морална дилема и силен притисок од јавноста да ја утврдиме вистината што се случувало во критичните дела. Од почетокот имаме дилема дали, што, како и на кој начин се случени кривичните настани. Дали обвинетите се вистинските сторители, дали ги извршиле и најважно, зошто? Кој е мотивот, која била целта, дали е виша цел, дали е материјална и која е улогата на обвинетите? Немаме одговор од овие докази со кои располагаме и уште повеќе од театарот и начинот на кој се изведени истражните работи, аматеризмот и желбата за политички поени, со цел да се направи дефокус на вистината. Правецот на истрагата е погрешен и намерата на истрагата е овие луѓе да бидат судени по секоја цена. Од сето ова што го видовме изминативе 20 месеци, се покажа дека самото Јавно обвинителство не може да состави правилно и квалитетно обвинение и талка низ предметот, презентирајќи и кажувајќи работи кои се далеку од вистината. Нема одговор кои се вистинските сторители, зошто се убиени Панче и Вања и зошто се обвинети обвинетите. Истрагата е водена од погрешни луѓе и затоа изобилува со пропусти кои не може да доведат до вистината кој ги уби двете жртви и зошто овие лица се обвинети? – рече Манев во завршните зборови.

Адвокатот потсети дека Видевски бил лишен од слобода во недела на 02.12.2023 година. Самиот отишол кога полицијата го викнала на распит.

– Самиот сакал да помогне во расчистувањето на настаните за кои е осомничен. Не бегал во тој период, а имал можност, доколку е навистина виновен. Имаше и психијатриско вештачење во предметот, јасно е дека Боре не е луд. Обвинетиот, откако сам се пријавил во велешката полиција, која добро постапила со него, но го испратила во полиција во Скопје. Таму, видно од неговиот исказ даден пред обвинител, но и пред судот, тој е предмет на тортура, изразена со стари методи на работење за да се изнуди признание. Тој настан е детално опишан, а полицијата знае дека на Боре му се извадени двата бубрега и има еден трансплантиран. Но и покрај тоа полицијата му вршела тортура за да му изнуди признание за делата. Тој нема вмешаност во овие настани. Но полицијата, сакајќи набрзина да создаде ситуација на решавање на предметот, успева, по 24 часа тешка тортура, да изнуди признание од Боре Видевски. Тука се гледа непрофесионалноста на полицијата и на Јавното обвинителство. Со еден поглед се гледа дека признанијата се со идентични зборови, што значи дека тоа се однапред подготвени описи на дејствијата, само во записниците се сменети имињата на обвинетите. А зошто? Затоа што до тој момент полицајците немале ништо, а требало да презентираат нешто пред јавноста. Лошото работење се гледа низ целиот предмет. Ни во судот не се виде дека Видевски има вмешаност. Со изнудено признание, со тортура која продолжила и во затворот, откако му се влошила здравствената состојба, кога неговиот бубрег почнал да откажува и работел до 30 отсто, бил пренесен на клиника. Го прашувам Јавното обвинителство кој ќе одговара ако се случеше најлошото и Боре починеше од тортурата? – праша адвокатот на Видевски.

Тој потсети на сведочењето на Боре за критичните денови.

– Не беше потребно да се обезбедува доказ од ЈКП Дервен за присутност на работното место на 22 ноември, затоа што самиот претходно кажа дека не е искуцан на картичката, затоа што бил скоро префрлен на нова позиција и во тој момент немал картица за куцање на присуство на работното место. Особено што и во кривичната пријава полицијата тврдеше дека Жежовски е убиен на 22 ноември навечер. Затоа и немаше потреба Обвинителството во дополнителна доказна постапка да докажува дека Боре не се куцнал на работа. Обвинителството не ги викна да сведочат неговите колеги Марјан Ѓошев и Марјан Станков, за да се создае целосна слика за настанот. Обвинителството е со двојни аршини и без волја истрагата да ја насочи кон правична насока за да се дојде до вистинските сторители – рече Манев.

Според него, Обвинителството направило крупна грешка со снимките од камерите во Велес на кои наводно се гледа Панче. Тој го оспори времето на убиството на Панче повикувајќи се на снимките од безбедносните камери на бензинските станици „Макпетрол“ и „Лукоил“ во Велес.

– Што докажуваат тие снимки, кои се од 22 ноември 2023 околу пладне, а на кои се гледа Панче Жежовски? Со тоа паѓа времето на делото. Јавното обвинителство потврди дека Панче е убиен наутро, па како е жив на пладне? Како е жив час и половина откако е убиен и закопан? На што ги темели Обвинителството своите тези? На снимките од хотел „Романтик“ не се гледа ниедно од обвинетите лица, најмалку Боре. Како се дојде до крај на истрагата без да се прикажат овие снимки со кои може да се расчисти вистината? Сведокот Гоце детално објасни како тој, а не полицијата, дошол до овие докази. Се работи за снимки кои целосно ќе го превртат обвинението, но Обвинителството не ги изведува. Местоположбата на камерата на „Макпетрол“ гледа точно кон црниот паркинг кој е посочен од Кешишев во врска со делото грабнување на Панче – рече Манев.

Според него, начинот на кој Обвинителството ги прикажало снимките од камерите од куќата на обвинетиот Велибор Манев е спротивен на Законот за кривична постапка.

– Снимките се целосно инструирани докази. Но Обвинителството заборави дека само човек кој е надвор од умот може сам да се снима додека планира кривични дела. Ниеден од нив нема одземена деловна способност.  Обвинителството заборави уште еден битен факт – не приложи никаков доказ за вештачењето на ресиверот од кој наводно се извадени снимките од куќата на Манев, што значи нема доказ што ќе покаже дека времето на нив е реално. Во својот исказ Манев кажува дека е тепан од полицијата и така ја дал шифрата од неговиот ресивер. Сите знаеме дека секој што ја има шифрата од ресивер може да го менува времето на снимките. Овие снимки беа презентирани во дел од постапката кога ние бранителите немавме можност да бараме вештачење на ресиверот. Кешишев за утрото на 22 ноември рече дека не присуствувал пред куќата на Манев, а Обвинителството тврди дека бил пред таму пред грабнувањето на Панче. Од сите овие причини ние не веруваме во вака поставените докази. Има аргументи од кои се гледа направена конструкција – рече адвокатот Манев.

Тој додаде дека за убиството на Панче, Обвинителството не доставило ниеден доказ дека Боре е инволвиран, освен снимките од куќата на Манев.

– Обвинението се темели на изнуденото признание и на исказот на Манев, кој рече дека Видевски требало да влезе кај Панче и да го турне. Зошто нема ниедна ДНК трага од Видевски на телото на Панче? Нема такво нешто во доказниот материјал. Убиениот Панче логично е да се обидел да се брани. Зошто на телото на Панче нема ниедна трага од Боре, кој наводно го нападнал? Зошто нема траги од Боре во домот на Панче? Самиот Боре наведува дека немал лоши односи со Панче, а местото Рудник, каде е најден Панче, не го посетил во изминативе 15 години. Нема трага дека Видевски присуствувал на грозоморниот чин и учествувал во убиството на Панче. Обвинителството нема ниеден доказ за убиството, нема мотив, нема траги од борбата, нема ДНК и други траги, нема снимка на која се гледа неговиот лик. Обвинителството ја темели вмешаноста на Боре само на изнудено признание и на исказ на еден од обвинетите, кој вели дека создале група за кривични дела, без да прецизира кој каква улога имал во таа група. Од сето ова е јасно дека се неосновани тврдењата на Обвинителството дека Боре заедно со другите дејствувал во група која подготвувала кривични дела. Единствено заедничко им е членството во Десна и активностите во таа партија – рече адвокатот Манев.

Во врска со пиштолот „зброевка“ на Боре, адвокатот рече дека бил легално купен, имал дозвола, но дека не е пронајден во неговиот дом.

– Кај Панче беше пронајдена чаура, па се наметна прашањето дали од пиштолот на Боре е испукан тој куршум. Но Обвинителството, неразбирливо, не изврши вештачење на чаурата, за да провери дали таа е испукана од пиштолот на Боре. Во полицијата, во базите на МВР мора да постои документ за траги од пиштолот на Боре, а Обвинителството тврди дека нема, но јасно е дека тоа е невозможно – рече адвокатот Манев.

Во врска со второто дело кое му се става на товар, убиството на малолетната Вања, бранителот на Видевски, рече дека Обвинителството нема доказ ни за тоа.

– Обвинителството се обидува да го инволвира, а како доказ го има само изнуденото признание од тепање на полицијата. Анализирајќи ги доказите се доаѓа до заклучок дека Обвинителството нема никаков доказ за Боре во ова убиство. Единствено има ДНК трага на пластична чаша во „рено кангу“, но Боре самиот кажа дека најмалку 30 пати го возел тоа возило, кое се користело за потребите на партијата и не е чудно во него да биде пронајдена негова ДНК трага. На снимките од Сејф сити и на останатите снимки од движењето на возилата по грабнувањето на Вања не се гледа ликот на Боре. За ден 27 ноември тој има земено слободен ден од работа поради партиски цели. Вечерта на 26 ноември бил на состанок, а на 27 ноември претпладне заедно со Манев заминале за Велес – рече бранителот Манев и праша зошто Обвинителството не го проверило движењето на возилото на Манев за време на критичните настани.

Тој прашува зошто полицијата не проверила и дали со тоа се избегнува да се дојде до релевантни докази или се кријат битни траги за двете убиства.

– Што се крие? Тоа го знаат само полицајците што ја водеа истрагата и јавните обвинители. Ние мора да дојдеме до овие одговори – рече адвокатот Манев.

The post БРАНИТЕЛОТ НА БОРЕ ВИДЕВСКИ ТВРДИ ДЕКА ТОЈ Е ЖРТВА НА МОНТИРОВКА Дали поради пропусти во истрагата нема да се дојде до вистината за злосторството? appeared first on plusinfo.mk.

Бојан Манев, адвокат на Боре Видевски прашува како е можно МВР од една страна да дава документ дека пиштолот е легален, а од друга страна објаснува дека нема испукување во базата на податоци.

– Како може од легално оружје да нема најдено трага во база на податоци? Или некој во МВР не сака да ги пребара архивите и да го најде испукувањето или е нешто друго. Ова е страшно голем проблем – праша Манев.

Според него, ова е страшно нејасна ситуација, легално оружје да не биде испукано и како тоа оружје е влезено во правен промет ако не е испукано.

– Нема теоретска можност оружјето да не е испукано – убеден е Манев.

Овој пиштол е важен бидејќи е можно со него да е убиен Панче Жежовски во Велес.

The post КАКО Е МОЖНО МВР ДА НЕМА ПОДАТОЦИ ЗА ПИШТОЛОТ? Адвокатот на Боре Видевски прашува дали некој не сака да ги пребара архивите appeared first on plusinfo.mk.

Зошто не е вештачена чаурата која била пронајдена покрај убиениот Панче Жежовски беше главна тема на денешното продолжение од судењето за убиствата на Вања Ѓорчевска и на Панче Жежовски кои се случија во ноември 2023 година.

Според доказите кои ги изнесе обвинителката Жаклина Крстевска Јосифовска, таа повикувајќи се на полициски извештаи, рече дека не можело да се направи споредба на оружјето кое го поседувал обвинетиот Боре Видевски со карактеристиките на пронајдената чаура, поради тоа што тој не направил пробно испукување.

Од друга страна првообвинетиот Љупчо Палевски инсистира на тоа да се вештачи најдената чаура.

На денешното изведување дополнителни докази беше презентирана и чаурата произведена во Македонски Брод, пронајдена покрај убиениот Жежовски, за која има балистички извештај од 5.12.2023 година од Одделот за форензички испитувања.

Судијата ја извади чаурата и ја покажа во најлонче.

Обвинителката предложи да се изведе како доказ и известување по донесена наредба од ОЈО до Сектор за оружје, експлозивни и опасни материи, отсек за оружје Велес, во однос на околноста дали е извршено пробно испукување кое обвинетиот Видевски го поседува според евиденцијата на МВР. Известувањето е од 6 мај 2025 година.

– Овој доказ го предлагам на околност дека од предметното оружје на обвинетиот Видевски, во евиденцијата на отсекот за експлозивно оружје во Велес нема податоци за извршено пробно испукување за оружјето кое тој го поседува и тоа пиштол „зброевка 75“, калибар 9 милиметри, евидентиран на 29.12.1998 година на име Боре Видевски. Ова беше од причина да се види дали може да се направи споредба на оружјето кое го поседува Видевски со карактеристиките на пронајдената чаура, најдена на 3.12.2023 и извршениот увид во местото Рудник, Велес, непосредно до местото каде е пронајден закопан оштетениот Панче Жежовски – рече обвинителката.

Во врска со овој доказ Палевски се јави за збор.

– За овој доказ му посочувам на Судот дека барав вештачење на чаурата, која потенцирам, е доказ на одбраната, а не на Обвинителството. Барав да се вештачи, а не да се утврдува дали има отисок од ударната игла. Наместо вештачење на чаурата, гледам наредба за доставување податоци, а тоа не е вештачење. Вештачењето го прави МВР форензика, а не Одделот за граѓански работи, експлозиви и оружје. Така што ова како доказ нема употребна вредност во оваа доказна постапка. Поседувам докази со кои ќе докажам пред Судот дека ова ЈО неполни 18 часа по пронаоѓањето на телото на Жежовски е запознаено со ова оружје, но тие документи на МВР не постојат ниту во истражните списи, ниту во судските списи. Затоа сметам дека ова не може да биде изговор да не биде вештачена предметната чаура со однапред познато оружје. Мене не ми пречи ова да биде изведено како доказ, но и понатаму инсистирам на наредба за вештачење – рече Палевски.

Обвинителката понатаму предложи известување од МВР, Оддел за форензички испитувања од 09.05.2025, по доставено барање од ОЈО Скопје за дополнително известување во врска со извештајот од анализа, во врска со предметната чаура пронајдена по увидот во местото Рудник кај Велес.

– Овој доказ го предлагам на околност дали карактеристиките на пронајдената чаура се совпаѓаат со карактеристиките на оружјето кое е евидентирано на име на обвинетиот Боре Видевски, „зброевка 75“ и воопшто дали за пронајдената чаура е направена споредба со податоците од базата која ја поседуваат. Видно од известувањето, доставен е одговор дека во балистичкиот извештај меѓу другото е наведено дека предметната чаура потекнува од муниција со калибар 9 милиметри од производителот „Сувенир“ од Македонски Брод, произведена 2002 година. Истата поседува траги од испалување. Механичките траги од испалувањето се внесени во системот за автоматска компарација и не се постигнати совпаѓања и поклопувања на трагите со внесените чаури во системот, кои потекнуваат од кривично-правни настани во Македонија. Компаративна анализа била направена за предметната чаура и во однос на пиштолот „зброевка“ на обвинетиот Видевски, за што во прилог на барањето беше доставено и известувањето од Отсекот за оружје од Велес. Се известува дека со оглед на тоа дека нема податоци за извршено пробно испукување, не е направена споредба и се појаснува дека без доставени чаури од пробно испукување не може да се врши компаративна анализа на пронајдената чаура – рече обвинителката.

Палевски имаше забелешка на овој исказ од обвинителката.

– ОЈО со задоцнување од една година се обидува да изгради за себе алиби за непостапување во откривање на оружјето. Не ме удостои со одговор дека барање за вештачење барал обвинетитот од нив и сето ова, претходниот доказ и овој, се обично покривање за лошата истрага и непостапување во врска со оружјето. Во дополнение ќе доставам докази за нивното непостапување – рече Палевски.

Судијата ги праша сите обвинети дали е исцрпена нивната листа на докази. Сите потврдија освен Палевски кој побара извештај од обдукција.

Палевски праша кога ќе бидат изложени предмети како докази. Судијата рече дека сите докази се изложени, а ако Палевски смета поинаку, треба да ги предложи во дополнение.

The post ПАЛЕВСКИ БАРА ВЕШТАЧЕЊЕ НА ЧАУРАТА НАЈДЕНА КАЈ ЖЕЖОВСКИ Видевски не направил пробно испукување од „зброевката“, а полицијата не направила споредба на чаурите appeared first on plusinfo.mk.

Неминовно е да се направи или нова истрага или реконструкција на настаните кога се грабнати и убиени Панче Жежовски (74) во Велес и Вања Ѓорчевска (14) во Скопје, побара денеска адвокатот Бојан Манев, бранител на третообвинетиот Боре Видевски.

– Ова е фаза на постапката кога секој од обвинетите ја кажува својата верзија на приказната. На крајот, по исказите кои се дадени досега, по исказите кои беа дадени во Обвинителството, а кои беа читани на расправите, по сè што е досега кажано, неминовно е да се направи или реконструкција на настанот или настанот да се врати во истрага. Има три причини за тоа. Прво, мора да се врати, бидејќи сè почесто се споменуваат други лица кои не се обвинети, ниту се учесници, а се споменуваат во исказите на обвинетите. Второ, постојат неколку снимки кои Обвинителство, не знам од кои причини, не ни даде да ги гледаме. Една од нив е снимка од бензиската станица на Лукоил во Велес, каде јасно се гледа ликот на Панче Жежовски. Таа снимка е направена некаде околу 12 часот на 22 ноември 2023 година, преку ден. А во обвинението велаѕ дека човекот е убиен утрото во 9 часот. Некои работи мора да се расчистат во самата приказна, дали со реконструкција дали со враќање на предметот во истрага – рече адвокатот Манев пред Кривичниот суд.

Третата причина поради што предметот треба да се врати во истрага, според Манев, е што Јавното обвинителство нема прилоено никакво вештачење на зрната од жртвите, со цел да се утврди дали се убиени со легално или со нелегално оружје.

– Работа на Обвинителството во истражна постапка е да ги утврди сите факти и да ги повика луѓето. Зошто Обвинителство тоа не го прави, зошто не изведува и други докази кои што се од битно значење, тоа треба да ги прашате обвинителките – изјави Манев, откако беше одложено денешното рочиште поради болест на адвокатот Јовица Страшевски, кој е бранител на првообвинетиот Љупчо Палевски Палчо.

• АКО СТРАШЕВСКИ ПАК НЕ ДОЈДЕ НА РОЧИШТЕ, СУДИЈАТА ЌЕ МУ НАЗНАЧИ СЛУЖБЕН АДВОКАТ НА ПАЛЧО На 23 април ќе продолжи судењето за убиствата на Вања и на Панче

Манев рече дека не е спорно што адвокатот се разболел.

– Денешното одложување е поради здравствени проблеми на адвокатот на Љупчо Палевски. На секого може да му се случи да има здравствен проблем и да има висок крвен притисок. Мислам дека тоа е во ред. Согласно Законот за кривичната постапка, судијата има право да постави бранител по службена должност, меѓутоа, мислам дека е човечки едно одлагање, да се дозволи. Мислам дека не се работи за бегање, туку за здравствен проблем. Во ред е тоа што го зборува судијата, но мислам дека ќе дојде на наредното рочиште – рече адвокатот Бојан Манев, бранител на обвинетиот Боре Видевски.

The post АДВОКАТОТ НА БОРЕ ВИДЕВСКИ БАРА РЕКОНСТРУКЦИЈА ИЛИ НОВА ИСТРАГА Има видео на кое Панче е жив на 22 ноември во 12 часот, а Обвинителството не го изведе како доказ appeared first on plusinfo.mk.

Во време кога јавноста со внимание ги следи деталите од судењето за монструозните убиства на Вања Ѓорчевска и на Панче Жежовски, еден детал од сведочењето на третообвинетиот Боре Видевски го сврте вниманието во поинаков правец – кон прилепскиот манастир „Успение на Пресвета Богородица“, познат како Трескавец.

– Еден конгрес на партијата Десна се одржа во селото Бразда, во една црква, а другиот во август во манастирот Трескавец, затоа што никој не сакаше да ни изнајми простор – изјави на суд Видевски.

Оваа негова изјава предизвика силна реакција, особено кај верниците и кај пошироката јавност, бидејќи Трескавец – духовното срце на Прилепско, е манастир со огромна историја и со големо значење за Охридската архиепископија.

• ПАРТИЈАТА ДЕСНА БИЛА ЗАГРИЖЕНА ДЕКА ЌЕ СЕ СМЕНЕЛО ИМЕТО НА МПЦ?! Обвинетиот Боре Видевски тврди дека дал изјави под присила

Идејата дека токму таму се одржувал политички конгрес звучеше скандалозно. Но, вистината, според црковните достоинственици, е поинаква.

Нашата редакција стапи во контакт со епископ хераклејски г. Климент и игумен на манастирот Трескавец, кој категорично ги демантираше наводите на Видевски.

Според него, политичката партија Десна никогаш не одржала конгрес во рамки на манастирскиот комплекс.

– Согласно информациите од монахот Калист, кој живее во манастирот, тие дошле без претходна најава, пред влезот на манастирот развиориле знамиња, одржале краток собир, се фотографирале и заминале. Ниту побарале дозвола, ниту пак им била издадена било каква согласност за одржување конгрес во манастирскиот комплекс – изјави владиката Климент за Плусинфо.

Овој случај отвора сериозни прашања – не само за злоупотребата на верските објекти во политички цели, туку и за обидите на некои актери да ги вмешаат духовните институции во своите наративи, особено во чувствителни судски постапки.

The post РАЗВЕАЛЕ ЗНАМИЊА ПРЕД МАНАСТИРОТ, СЕ СЛИКАЛЕ И СИ ЗАМИНАЛЕ Партијата на Палчо никогаш не одржала конгрес во Трескавец, тврди владиката Климент appeared first on plusinfo.mk.

Судијата Ивица Стефановски го испрашуваше третообвинетиот за убиствата на Вања Ѓорчевска и на Панче Жежовски, Боре Видевски од Велес. Видевски ги негираше сите наводи од обвинението, рече дека не може да наведе посебна причина зошто го изнел пиштолот од дома и дека првообвинетиот Љупчо Палевски никогаш не му се заканувал.

– На кој ден се слави Архангел Михаил во Велес? – праша судијата.

– На 20 или на 21 ноември, кој како има можност, јас го славев на 21 ноември. Веќе се не почитуваат старите традиции, слави кој како има можност – рече Боре.

Видевски повтори дека не се евидентирал на работа.

– Во врска со евидентирањето реков дека на тоа работно место не се евидентирам затоа што сум нов, префрлен сум од работна единица магацин во комерција, кои се на различни локации. Последното работно место е во управната зграда на Дервен, во паркот во градот – рече Боре.

– Ги видовте снимките. Зошто клекнувавте со Кешишев зад колата пред дворот на Велибор кога поминува едно возило? – праша судијата.

– Не сум се криел од нешто или некого. Немам поим зошто сум клекнал, можеби ми пречело нешто на главата, па сум се поднаведнал – рече Боре.

– На главата имавте капа, да не ви пречеше капата? – праша судијата.

– Мислам на гранки, но не сум сигурен – рече Боре.

Тој рече дека не се сеќава дека му покажувал нешто на телефон на Велибор дента кога тој ги берел јапонските јаболка.

– На снимките се гледаат радиостаници, дали вие ги видовте и зошто ги носевте? – праша судијата.

– Да. Јас првпат ги видов и мислам дека беа донесени за проба, да видиме дали работат – рече Боре.

– На снимките се гледа дека на одреден датум доаѓате кај Велибор дома со вашата „шкода фелиција“, со изгаснати светла, во раните утриснки часови, се гледа како ставате ракавици. Така ли е и зошто ставате ракавици? – праша судијата.

– Не сум сигурен за саатницата и за датумите, мислам дека тоа не е во раните утрински часови, туку е навечер. Не знам ни сам која беше причината, мислам дека ми се јави Велибор да дојдам и ми рече ајде да се спуштиме надолу по патот и ми ги даде ракавиците. Без да размислам ги ставив и продолживме надолу по улицата, но се вративме за десетина минути, бидејќи не видов никаква цел каде да се оди. Ми беше глупо и му реков да се вратиме – рече Боре.

Тој рече дека Велибор не му кажал каде одат, дека цело време зборувал нејасно и дека затоа се вратил. Боре рече дека Велибор не му го покажал спрејот WD-40.

– Дали некогаш, кога сте се возеле со Велобор, сте виделе лопати во „рено кангу“? – праша судијата.

– Не сум видел лопати – рече Боре.

– Сте биле ли во допир со „рено кангу“? – праша судијата.

– Како и сите други во партијата, го користевме „реното“. Сум го користел при селењето на партијата. Сум ги возел и двата пикапа, „рено канго“ и „фиат добло“ – рече Боре.

Тој додаде дека партијата се селела на крајот на октомври, почеток на ноември 2023 година. После тоа, бидејќи колите биле во дворот една зад друга, имало потреба да се помести едната или другата кола. Почесто го преместувале „кангото“ за да го отворат гепекот и да однесат нешто во канцеларија. Возилото било често отворено и клучот бил оставен во бравата на возилото.

Видевски рече дека Манев го зел „кангуто“ поради работата со градежни работи, зашто неговата кола често била во дефект.

– Зошто ви беа потребни радиостаници? – праша судијата.

– Не знам точно, ова е претпоставка. Партијата планираше одредени активности, собиравме декларации за МПЦ-ОА. Кога ќе соберевме 130.000 декларации, планот беше да се разделат по помесните цркви. Но, да не биде тоа одење и оставање во црква на одредена личност, туку да биде со литија од граѓани од Велес и околината. Планот беше да се тргне од Велес, па да се одржат литии и во другите градови. Радиостаниците, претпоставувам беа за конекција, за да се комуницира ако има повеќе народ. Еден да стои напред, друг позади, трет на страна и да не се користат мобилни за конекција, туку радиостаниците – рече Боре.

– Дали сте седеле кај Манев во куќата, заедно со Палевски и Кешишев и при тоа Велибор и Влатко отишле да купат гориво во галони? – праша судијата.

– Сум бил во куќата, но не знам дали биле по гориво или по друга работа – рече Боре.

– Дали сте имале закани од Палевски? – праша судијата.

-Не. Никогаш – рече Боре.

– Каде е вашиот пиштол? – праша судијата.

– Не знам. Тоа не е од сега, од поодамна. Дека не се најде дома разбрав при претресот. Можам да кажам дека повеќе години не ми текнало на него, ниту каде е ставен. Последната евиденција беше, ако се сеќавам точно, во 2017 година, во полиција, сектор за оружје, кога требаше да се пререгистрираат дозволите. Но, ни тогаш не го барав пиштолот, туку ги однесов само дозволите. После рекоа дека ќе ме викнат, но остана на тоа и не ме викнаа. Ако не ги сметам овие година и пол, тогаш 2 години претходно го немам видено пиштолот. Многу поодамна беше ставан на разни места во куќата и на крај е дислоциран надвор. Не можам да се сетам каде – рече Боре.

– Го изнесе некој комшија или вие? – праша судијата.

– Јас го изнесов, но не се сеќавам каде го дислоцирав – рече Боре.

– Надвор од куќата го изнесовте? – праша судијата.

– Мислам дека да – рече Боре и додаде дека не може да се сети каде го однел.

– Изнесовте пиштол и не се сеќавате каде е? – праша судијата.

– Не можам да се сетам ни кога е изнесен и каде е ставен. Тоа е направено многу поодамна од тие две години кои ги спомнав. Не сум љубител на оружје, купен е, да не речам од помодарство, пред повеќе од 30 години, бидејќи имаше прилика да се набави дозвола за тоа – рече Боре.

– Се сеќавате дека сте го изнеле пиштолот од дома, ама не се сеќавате каде? Зошто го изнесовте пиштолот од дома? – праша судијата.

– Не можам да наведам посебна причина – рече Боре и додаде дека дома го чувал на разни места.

Судијата го праша Видевски зошто не користеле мобилни телефони и дали било вообичаено за активности на партијата да се користат мотороли.

– Никој не рече дека е вообичаено. Тоа се први активности на партијата. Нема ништо невообичаено, затоа што дотогаш и не сме имале никакви активности – рече Боре.

Тој одговори дека не знае чија била идејата да користат мотороли и дека не знае кој ги донел. Ги видел и зел една.

– Не ви беше невообичаено Велибор да ве бара навечер и да ви даде ракавици, да се прошетате и да се вратите? – праша судијата.

– Не знам колку било доцна, но не ми се верува дека било многу доцна. А за тоа зошто ме повикал, знаеше и друг пат да ми каже, имам работа, ако сакаш дојди – рече Боре.

– Овој пат за каква работа ве викна? – праша судијата.

– Не знам, да видиме нешто – рече Боре.

– Видовте ли нешто? – праша судијата.

– Не видовме ништо. Бевме по патот и се вративме, оти јас реков да се вратиме – рече Боре.

Тој додаде дека Велибор не кажал конкретно каде одат и дека кога му рекол да се вратат, Манев веднаш прифатил. Видевски додаде дека не се сеќава дали и претходно се случувало Манев да му се јави и да го повика да прошетаат без да му каже каде и зошто.

Со ова заврши испрашувањето од страна на судијата на обвинетиот Боре Видевски.

ВО ПРВИОТ ИСКАЗ РЕКОЛ ДЕКА ПАЛЕВСКИ ГИ ИЗВРШИЛ УБИСТВАТА, ВО ВТОРИОТ НЕГИРАЛ СЀ Боре Видевски негира дека е вмешан во убиствата на Вања и на Панче

The post БОРЕ СЕ СЕЌАВА ДЕКА ГО ИЗНЕЛ ПИШТОЛОТ ОД ДОМА, АМА НЕ СЕ СЕЌАВА КАДЕ ГО ОДНЕЛ Видевски вели дека никогаш немал закани од Палевски appeared first on plusinfo.mk.

Бидејќи обвинетиот Боре Видевски на претходното рочиште негираше вина за грабнувањата и убиствата на Вања Ѓорчевска и на Панче Жежовски, обвинителите побараа да се прочитаат неговите искази дадени во Обвинителството на 4 и на 21 декември 2023 година.

Во записникот од испитување на Боре од 4 декември 2023 година тој вели дека останува на сѐ што кажал во полиција.

„Целата ситуација се договорила без јас да знам. Велибор ми спомна дека ќе се бараат пари, јас бев во криза и се согласив. Четворицата се договоривме да се земе колата на Панче, но да остане жив. Го грабнавме и отидовме до селото Рудник, го извадивме, го ставивме во грмушките. Јас и Влатко се вративме назад, а Палевски и Манев останаа кај дупката и слушнав истрел. Велибор го предложи Панче, оти му должел пари. Го грабнавме од дома, јас го удрив, тој падна, а Велибор го врза. Палчо му ги зеде клучевите и телефонот. Со ‘цитроенот’ и со ‘реното’ отидовме кај Рудник. Сите четворица го однесовме кај ископаната дупка. Јас и Влатко се вративме, и како што кажав, слушнав истрел. Се свртев и го видов Палчо со пиштол во рацете.

Во Скопје го прашав Палевски зошто го стори тоа. Рече дека така е почисто. Во неделата ми се јави Велибор да одиме во Скопје, оти требало да се грабне девојката. Таму Палчо ми кажа дека бил известен од таткото на девојчето дека утре ќе оди на училиште сама, треба да се грабне и да се однесе. Планот беше да бараме откуп и да ги поделиме парите. Тргнавме на 27.11 кон Радишани, каде јас и Влатко се преместивме во ‘цитроенот’. Палчо ни кажа во која зграда да одиме, ни рече да го земеме девојчето, знаеше во кое време точно ќе излезе. Ја отворивме вратата со шрафцигер. По пола час девојчето излезе, Велибор ѝ ја врза устата и ѝ рече да не вика оти ќе ја убие. Велибор ја стави девојката во гепекот, ѝ го зедовме телефонот. Палчо ни рече да го уништиме, Велибор го удри телефонот два пати со чекан, и јас го удрив. Стигнавме во Бразда, го отворивме гепекот, девојчето беше во вреќа. Палчо почна да ја прашува како се вика, кои ѝ се родители, каков имот има. Девојчето одговори дека татко им не ги сака, ама мајка ѝ сѐ ќе даде за неа. Имаат станови, имоти. Ја извадија од вреќата, слушнав истрел. Се доближив, девојчето лежеше во дупката, која не знам од каде се создаде таму. Велибор ја закопуваше. Го прашав Палчо зошто го стори тоа, молчеше. Го запаливме ‘цитроенот’. Во партија пак го прашав ‘Зошто го стори тоа, не беше договорот да ја убиеме’, рече ‘да помине време, ќе бараме откуп од семејството’.

После тоа си отидов во Велес и видов на мрежите дека девојчето се бара. Не знам колкав дел од парите јас требаше да добијам, не беше договорено. Мислам дека ги уби двајцата со ист пиштол. Неделата вечерта на Палчо му се јави некој. Палчо рече дека тоа беше таткото кој му рекол дека девојчето само ќе излезе утрото“, се наведува во записникот од исказот на Боре даден на 4 декември 2023 година во Обвинителство.

Во Записникот од 21.12.2023 е заведено дека Видевски рекол дека нема потреба од лекар и дека немало прекршување на полициските овластувања. „Неделата кога дојде полицијата кај мене, на 3.12, јас бев на пазар. Рекоа дека одиме во ПС Велес, таму ми ги зедоа телефонот и ташничето и ме однесоа во Скопје, во ПС Пролет. Ме симнаа во келија во станицата, ме качија во канцеларија и тогаш почна тортурата. Бев тепан насекаде, освен во главата. Се грижев за трансплантираниот бубрег. Јас не знам кој ме тепаше, претпоставувам дека беа инспектори. Тепањето траеше половина час и се засилуваше. Рекоа дека ако не кажам сѐ што бараат, ќе ми натоварат сѐ. Реков дека со Палевски се познавам неколку години, а со Велибор одамна. Кешишев го знам како готвач на Палевски, а Александар не го познавам. На 22.11 бев на работа. После се прибрав дома, после требаше да одиме на именден кај братот на мојата сопруга. Но, ѝ се слоши на мојата ќерка, отидов во Здравствен дом Велес, сопругата се погрижи за неа оти е медицинска сестра. Отидовме вечерта на гости.

Следното утро отидов на работа. Да појаснам дека јас сум понов на работното место во управната зграда на ЈП Дервен и немам картичка за куцање. Мојата работа беше да ги средувам нарачките. На 22.11 бев цел ден на работа. Во ЈКП Дервен работам со договор на еден месец, а последниот договор ми е на 6 месеци. Не го знам Панче, не го познавам. Во тоа село сум бил пред 10 години. Сакам да кажам дека тоа што претходно го кажав, на минатиот распит, беше од страв, под присила од полицијата. Не сум запознаен со предметните настани и не сум учествувал во нив. Бев исплашен за мојот живот и за моето здравје. Побарав Васко Стојков да ми биде бранител, тој е член на партијата, а бранителот по службена должност го прифатив, но немав доверба во него. Критичниот ден и наредните денови јас контактирав со Манев, можно е и да сме се сретнале. Со Кешишев нема шанси да се видам, освен ако не отидам во партија. На 26 вечерта околу 22.30 часот отидовме во партија, имавме состанок, требаше да организираме конгрес, сакавме да учествуваме на изборите.

Велибор е слободен само во недела и затоа во тој ден отидовме да се договараме. Собиравме и потписи против плановите за промена на името на црквата. Вечерта останавме до доцна и си легнавме. Утредента станав во 10, таму беа Палевски, Велибор, Кешишев. Во понеделникот не бев на работа имав земено 2 слободни дена. За тие два дена не поднесов барање за одмор, оти не прават проблем на работа.

Не знам колку члена има партијата, имаше 1.500. Не знам со кого контактирал Палевски. Не знаев дека е заминат од Македонија. Повторувам дека реков дека немало пречекорување на полициските овластувања од страв“, е наведено во записникот.

На прашањето зошто токму него полицијата го привела и е осомничен, Видевски рекол дека не знае. Тој негира дека бил на улицата Наум Наумовски Борче во Скопје и дека на 27.11.2023 година се возел во „цитроен“ или во „кангу“.

Видевски негира дека Палевски имал оружје. Рече дека не бил во населбите Радишани и Маџари, а во Бразда бил еднаш, во црквата во селото, каде се одржал првиот конгрес на Десна.

Адвокатите Бојан Манев, Горан Бошевски и Владимир Туфегџиќ немаа прашања за Видевски на денешното рочиште. Палевски го испрашуваше Боре и тој повтори дека нема врска ниту со „цитроенот“, ниту со делата.

– Дали сите наводи на Јавното обвинителство ги негирате во целост? – праша Палевски.

– Да – рече Боре.

– Дали еден полицаец, на околност оружје, или обвинител во текот на истрагата ве праша дали поседувате оружје? – праша Палевски.

– Сигурен сум дека не – рече Боре.

– Обвинителството наведе доказ во форма на прашање дека Манев ви пратил слика како Жежовски стои покрај „цитроенот“. Не ви беше чудно што ви праќа таква фотографија на 13.11.2023? – праша Палевски.

– Прво реков дека е можно, но не сум сигурен дека ми пратил слика. Но кој било може да ми прати слика по грешка, па многу работи така ги игнорирам – рече Боре.

Адвокатот Јовица Страшевски го праша Боре дали му е чудно што во истрагата Обвинителството и полицијата не му ја покажале фотографијата што му ја испратил Велибор Манев.

– Точно е, сликата воопшто не ми е покажана, ниту ми е спомната, ниту сум прашан – рече Боре.

ОБВИНЕТИОТ БОРЕ ОТФРЛА СЕКАКВА ПОВРЗАНОСТ СО УБИСТВАТА НА ВАЊА И НА ПАНЧЕ Видевски негира сѐ, а досега не прикажа никакво алиби

The post ВО ПРВИОТ ИСКАЗ РЕКОЛ ДЕКА ПАЛЕВСКИ ГИ ИЗВРШИЛ УБИСТВАТА, ВО ВТОРИОТ НЕГИРАЛ СЀ Боре Видевски негира дека е вмешан во убиствата на Вања и на Панче appeared first on plusinfo.mk.

Со читање на двата исказа што третообвинетиот Боре Видевки од Велес ги дал пред јавен обвинител во истрагата денеска во Кривичниот суд ќе продолжи судењето за грабнувањата и за свирепите убиства на 74-годишниот Панче Жежовски и на 14-годишната Вања Ѓорчевска. Потоа Видевски ќе го испрашуваат адвокатите на останатите обвинети и судијата Ивица Стефановски.

На минатото рочиште Боре Видевски ја негираше вината за двете грабнувања и убиства. Рече дека за време на убиството на Жежовски бил на работа, а за време на убиството на Ѓорчевска спиел во седиштето на партијата Десна во Скопје до 10 часот, по што си отишол дома во Велес. Поради тоа што на суд дава различни наводи од истрагата, обвинителката Жаклина Крстевска Јосифовска побара да се прочитаат исказите на Видевски дадени во ОЈО Скопје на 4 и на 12 декември 2023 година.

• ПАРТИЈАТА ДЕСНА БИЛА ЗАГРИЖЕНА ДЕКА ЌЕ СЕ СМЕНЕЛО ИМЕТО НА МПЦ?! Обвинетиот Боре Видевски тврди дека дал изјави под присила

За убиствата на Панче и на Вања, што се случија на 22 ноември 2023 година во околината на Велес и на 27 ноември 2023 година во околината на Скопје, освен на каратистот Видевски, им се суди и на Љупчо Палевски Палчо, поранешен лидер на Десна и на Велибор Манев и на Влатко Кешишев, сопартијци на Палчо. Му се суди и на Александар Ѓорчевски, татко на убиената Вања, за помагање во грабнувањето на неговата ќерка.

Пред Видевски сведочеше второобвинетиот Манев, кој во детали ги призна злосторствата и го посочи и Боре како соучесник. Манев рече дека во Панче и во Вања пукал Палчо, а девојчето го грабнале по грешка, односно требало да грабнат жена. Рече и дека Александар е невин, а во истрагата го посочил под присила и ќотек од полицајците.

Ги негираше доказите

Видевски на минатото рочиште ги негираше доказите против него.

За снимките од пред куќата на Велибор Манев, за кои Обвинителството тврди дека се од вечерта пред да биде убиен Жежовски и од деновите потоа, Видевски вели дека не се од тој период. Во врска со содржината на снимките, на кои се гледаат како со Палевски шетаат по улицата со радиостаници во рацете, Видевски рече дека вршат подготовки за да се одржи црковна литија во Велес, како активност на партијата Десна.

Рече дека вечерта на 21 ноември бил дома и со домашните ја славел славата Свети Архангел Михаил. Немал гости, а домашните не ги викнал за сведоци затоа што сметал дека Обвинителството нема да ги прифати нивните искази, оти ќе ги смета за пристрасни.

• ОБВИНЕТИОТ БОРЕ ОТФРЛА СЕКАКВА ПОВРЗАНОСТ СО УБИСТВАТА НА ВАЊА И НА ПАНЧЕ Видевски негира сѐ, а досега не прикажа никакво алиби

За неговите биолошки траги што се пронајдени во возилото „рено кангу“ рече дека го возел при преселбата на партијата.

За време на убиството на Жежовски, на 22 ноември рече дека бил на работа од 7 до 15 часот, а потоа бил дома. Рече дека не знае дали некој колега го видел на работа тој ден, но додаде дека има потврда дека бил на работа. За време на убиството на Вања рече дека бил во седиштето на партијата Десна и спиел. Претходната вечер со Велибор Манев дошле во Скопје и во партиското седиште останале до доцна, разговарајќи за партиски теми, по што си легнале. Кажа дека станал околу 10 часот, останатите тројца биле, исто така, таму, по што тој и Манев заминале во Велес.

Рече дека има ловечка пушка и понекогаш оди во лов, но и дека има аверзија кон оружје, па одамна не знае каде му е пиштолот.

Таткото Александар го посочил под присила

Каратистот Видевски е втор од обвинетите кој сведочи дека го посочил таткото на Вања, Александар Ѓорчевски, како вмешан во киднапирањето на неговата ќерка, под присила од полицијата. Рече дека кажал дека го познава Александар откако полицаец со дрвна палка му се заканил дека ќе го убие.

Видевски тврди дека и во полициската станица и во притворот полицајците многу го тепале, а низ тепањето му повторувале какви детали за злосторствата треба да признае. Рече дека признал сè од страв од тепањето, затоа што има трансплантирани бубрези.

• ОБВИНЕТИОТ БОРЕ ВИДЕВСКИ БИЛ НА РАБОТА КОГА СЕ СЛУЧИЛЕ УБИСТВАТА? Неговиот адвокат тврди дека постојат докази за тоа

Адвокатот на Видевски, Бојан Манев, по судењето рече дека има сведоци дека Боре на 22 ноември бил на работа. За сведочењето на Велибор Манев, кој ги призна злосторствата и рече дека и Боре учествувал, адвокатот Манев рече дека е невистинито. Додаде и дека времето на смртта на Панче Жежовски е проблематично, затоа што постојат снимки од бензинска на „Лукоил“ од 22 ноември во 12 часот на кои се гледа дека Жежовски во тој момент сè уште е жив, а според обвинението бил убиен во 9 часот.

По Видевки, искази ќе даваат Кешишев, Ѓорчевски и првообвинетиот Палевски, а потоа ќе следува дополнение на доказната постапка.

Според обвинението Палевски, Манев, Видевски и Кешишов ја грабнале 14-годишната Ѓорчевска за да присилат член на нејзиното семејство да даде откуп, но ја убиле. Жежовски го грабнале и го убиле за да му го земат „цитроенот“, кој им требал за грабнувањето на девојчето.

The post КАРАТИСТОТ ВИДЕВСКИ НЕГИРАШЕ СЀ, ЌЕ СЕ ЧИТА ШТО КАЖАЛ ВО ИСТРАГАТА Продолжува судењето за убиствата на Вања и на Панче appeared first on plusinfo.mk.