Голема полициска акција во австрискиот град Инсбрук открила два нелегални бордели кои работеле под превезот на салони за масажа, а под истрага се најдоа пет лица осомничени за подведување, организирање проституција и експлоатација на жени.

Истрагата на тиролската криминалистичка полиција започнала на почетокот на годинава, кога под сомнение се нашле две бугарски државјанки на возраст од 42 и 48 години. Според истражителите, тие управувале со салон за масажа кој всушност функционирал како нелегален бордел.

Полицијата се сомнева дека жените организирале доаѓање на сексуални работнички од странство во Инсбрук и земале значителен дел од нивната заработка.

Во случајот се опфатени и двајца мажи – 80-годишен австриски државјанин и 65-годишен Шпанец. Тие се осомничени дека во име на организаторите регрутирале жени во странство и ја координирале нивната работа во Австрија.

Паралелно со оваа истрага, под лупа на полицијата се нашол и друг салон за масажа во сопственост на 75-годишна Австријка. Истражителите се сомневаат дека и таму се вршеле нелегални сексуални услуги, при што сопственичката наводно земала дел од приходите.

Во координираната акција учествувале припадници на тиролската криминална полиција, локалната полиција, Финансиската полиција и Федералната канцеларија за имиграција и азил. Извршени биле претреси на повеќе локации во Инсбрук, при што биле запленети документи и предмети кои, според истражителите, можат да послужат како доказ во постапката.

За време на истрагата биле идентификувани 12 жени на возраст меѓу 25 и 55 години од Африка, Јужна Америка и Европа, кои биле пријавени за учество во нелегална проституција. Дел од нив биле сослушани како можни жртви на подведување и експлоатација.

Австриските власти соопштија дека истрагата продолжува, додека еден од спорните салони веќе е затворен по налог на надлежните институции.

The post БАЛКАН-ЕКСПРЕС БОРДЕЛ ВО АВСТРИЈА Полицијата разбија тајна мрежа за подведување во Инсбрук appeared first on plusinfo.mk.

Кетрин Де Ноар, жената која го води еден од најголемите легални бордели во Европа, сподели детали за клучниот протокол за безбедност познат како „правило од осум секунди“. Ова не е само препорака, туку ригорозен протокол кој обезбедува заштита на вработените во секое време.

Де Ноар веќе долго време го води овој бизнис кој прима помеѓу 500 и 1.000 клиенти дневно. Таа отворено зборува за своите искуства во јавноста – од необични анегдоти до профили на редовни посетители. Покрај водењето на бизнисот, таа се занимава и со истражување на сексуалната работа и истакнува дека најчудните приказни честопати немаат никаква врска со самиот сексуален чин. Сепак, без оглед на причините за доаѓањето на клиентите, Де Ноар нагласува дека безбедноста на персоналот е апсолутен приоритет.

Во видео споделено на Инстаграм, таа објасни дека безбедноста е „клучна карактеристика“ на клубот.

 

View this post on Instagram

 

A post shared by Catherine De Noire (@catherine_de_noire)

– Затоа сите соби се опремени со копчиња за паника – напиша таа. Иако дискретно, нивното присуство е клучно за процедурите за итни случаи на борделот.

– Секој вработен знае точно каде е копчето и е обучен како и кога да го користи. Ако ситуацијата стане непријатна, заканувачка или ескалира, вработениот може брзо и тивко да го притисне копчето.

Притискањето на копчето не активира никаков звук во самата соба, што е намерно направено за клиентот да не биде свесен дека е повикана помош, со што се спречува понатамошна ескалација. Сепак, во исто време, во седиштето на обезбедувањето се огласува сирена, а бројот на собата од која е направен повикот веднаш се прикажува на мониторите.

Овој систем му овозможува на безбедносниот тим да реагира екстремно брзо – буквално за неколку секунди.

– Работиме според она што го нарекуваме „правило од осум секунди“. Ова значи дека, откако ќе се активира копчето, безбедносниот персонал мора да стигне до собата во рок од осум секунди. Ова не е само упатство, ова е строг протокол“ – додава менаџерката.

За да се обезбеди почитување на овој протокол, персоналот поминува низ редовни вежби и обуки врз основа на различни сценарија, сè за да можат да се движат низ зградата што е можно побрзо. Кога ќе се активира алармот, најмалку двајца телохранители брзаат во собата, ја отклучуваат вратата и ја проценуваат ситуацијата со цел безбедно да ја смират. Во такви ситуации, менаџерите како Де Ноар обезбедуваат поддршка и ги решаваат сите понатамошни чекори за да ја обезбедат безбедноста на сите вклучени страни.

The post ЗАПОЗНАЈТЕ ЈА МЕНАЏЕРКАТА НА НАЈГОЛЕМИОТ ЕВРОПСКИ БОРДЕЛ Ова е светото „правило од 8 секунди“ кое ги спасува животите на вработените appeared first on plusinfo.mk.

Според портпаролот на полицијата Кристофер Верхњак, проститутката „ја прекинала услугата околу 16 часот бидејќи човекот бил премногу брутален“. Потоа побарал враќање на парите, а кога вработените го одбиле тој станал уште понасилен.

Тој се заканил и дека ќе го запали целиот бордел. Полицијата пристигнала на местото на настанот и го привела.

The post НЕЗАДОВОЛЕН ОД УСЛУГАТА ВО БОРДЕЛ Србин барал да му бидат вратени парите, упатил закани и бил приведен appeared first on plusinfo.mk.

„Fun Palast“ се надева дека ќе ја зголеми стапката на вакцинација, како и бројот на клиенти што е намален поради пандемијата.

Во замена за вакцинацијата, посетителите добиваат бесплатна сесија од 30 минути во „сауна клубот“ со „дама по свој избор“.

Нивото на примена вакцинација во Австрија е меѓу најлошите во западна Европа што доведе до тоа Владата да воведе построги ограничувања.

Околу 65 отсто од населението во Австрија е во целост вакцинирано против ковид-19, а оние кои не примиле вакцина сега им е забрането посетување кафулиња, ресторани и фризерски салони и др.

Борделот се надева дека ќе добие некои нови клиенти со оваа понуда.

„Имаме пад на прометот за 50 отсто. Се надеваме дека ова барем малку ќе го зголеми. Ова го организираше еден мој познаник. Реков зошто да не? И онака сакав да се вакцинирам поради правилото 2G. Ова е совршено“, рекол Герхард од борделот.

За ова зборувал и сопственикот на борделот Питер Ласкарис.

„Видов дека ни требаат 70 до 75 отсто за имунитет на стадо. Многу луѓе кои дојдоа во Австрија од други земји ја одбиваат вакцината или не знаат за што се вакцинирани. Бидејќи овие луѓе се нашата целна група и клиенти, ние одлучи да поставиме контролен пункт за вакцинација“, изјавил тој за Ројтерс.

„Мислам дека ова е многу добра идеја бидејќи името на нашето место е „Fun Palast“, што сугерира дека луѓето ќе се забавуваат овде и ќе се вратат барем малку во нормала“, додала вработената Мина.

The post БОРДЕЛ ВО ВИЕНА НУДИ ВАКЦИНАЦИЈА ЗА КОВИД Во замена добивате 30-минутна „забава“ со дама по избор appeared first on plusinfo.mk.

Полицијата во главниот град на Шпанија потврди дека пронашла шест лица во станот додека организирале оргии за борделот.

Според локалните медиуми, неколку соседи во зградата повикале полиција да се жалат на луѓето што влегуваат и излегуваат од станот и пуштаат гласна музика.

Според извештаите, полицијата во саботата влегла во станот и пронашла четири жени и двајца мажи голи во спалната соба. Локалните власти исто така пронашле и алкохол по целиот под.

Полицијата, наводно, се сомнева дека куќата функционира како бордел, бидејќи само една од жените била регистрирана како станарка во куќата.

Во извештаите тврдат дека локалните власти поднеле пријава против станарите за кршење на прописите.

The post Полицијата прекинала оргии и уапсила четири жени и двајца мажи, за време на полициски час appeared first on plusinfo.mk.