„Оваа година, повторно 1.200 ученици од сите основни и средни училишта од Прилеп се здружија за да го формираат нашиот најголем национален симбол – македонското знаме. Возобновувањето на оваа прекрасна традиција ја зацврстува нашата љубов кон татковината и нејзините вредности, а воедно е дел од богатата програма посветена на 11 Октомври“, објави Јовчески.

Ова е повеќе од перформанс, додаде тој,  тоа е израз на нашата почит кон историјата, кон сите оние кои се бореле за слободата и независноста на Македонија.

„Симболично, преку овие млади генерации, ја негуваме љубовта кон татковината и ги всадуваме основните вредности на слободата, демократијата и почитта кон националните симболи. Нашата иднина е во рацете на овие млади луѓе и затоа е клучно да ги учиме на важноста на историјата, на сплотеноста и љубовта кон нашата татковина. Со нивната енергија и ентузијазам, ние се движиме напред кон нови достигнувања, горди на минатото и полни со надеж за иднината. Да живее Република Македонија!“ напиша прилепскиот градоначалник.

The post 1.200 УЧЕНИЦИ ГО ФОРМИРАА МАКЕДОНСКОТО ЗНАМЕ Прилеп ѝ го честита 11 Октомври на Македонија appeared first on plusinfo.mk.

Од страна на општинската изборна комисија на новоизбраниот градоначалник Јовчески му беше доделено уверението како и на сите 27 советници во Советот на Општина Прилеп. 

По преземањето на функцијата новоименуваниот градоначалник Јовчески се заблагодари за укажаната доверба и истакна дека ќе биде градоначалник на сите граѓани на Општина Прилеп. 

Јованоски му го честиташе четиригодишниот мандат на Јовчески и му посака успеси во работењето и реализација на проекти во интерес на граѓаните. 

Новоименуваниот градоначалник Јовчески веднаш по примопредавањето на функцијата ги посети сите сектори во Општина Прилеп и се поздрави со сите вработени при што истакна дека очекува успешна соработка. Како кандидат на ВМРО-ДПМНЕ и коалицијата, Јовчески уште во првиот круг на седмите локални избори ја обезбеди довербата на граѓаните да ја води општина Прилеп во наредните четири години. 

Тој  вети дека прва негова задача како градоначалник ќе биде да се направи еден пресек, една ревизија на целокупното работење во минатите 4 години на локалната самоуправа  и јавните претпријатија.

-И како што велиме ние во Прилеп, за да имаме чиста сметка и долга љубов, прва задача ќе биде да се направи еден пресек, една ревизија на целокупното работење во минатите 4 години на локалната самоуправа  и јавните претпријатија. Мора да се знае каде бил потрошен секој еден денар од граѓаните, буквално секој денар. Тоа мора да биде така, не само за да бидеме отчетни и за да почнеме од нула, туку за и ние да имаме намус, што би рекле моите пријатели од Канатларци, односно, да можеме и по 4 години, повторно да ја побараме вашата поддршка за чесното и наменско трошење на буџетски средства – рече д-р Јовчевски во изборната кампања.

За утре е закажана конститутивната седница на Советот на Општина Прилеп на која што ќе бидат верифицирани 27 мандати на членовите на советот, а исто така ќе биде избран и новиот претседател на советот.

The post ПОЗНАТИОТ ПРИЛЕПСКИ ЛЕКАР ГО ПРЕЗЕДЕ КОРМИЛОТО Јовчески прво ќе се зафати со ревизија на општинските сметки appeared first on plusinfo.mk.

– Денес, речиси до 16 часот бев во просториите на ОЈО Прилеп каде дадов изјава, доказни материјали,меѓу кои и тие од вчерашниот ден. Ги повикувам СДСМ да престанат да ја замајуваат јавноста со моето непојавување на ТВ дебати. Стратегијата која што ја направиле со цел да ми го одвлекуваат вниманието и да ми го губат времето со тоа што по цели денови ќе поминувам во полиција,или ОЈО им е погрешна. И напротив уште повеќе ме мотивираат да работам и да  победам! Мојот став по однос на ова прашање е непроменет и така ќе остане се додека надлежните институции, раководени од кадри на СДСМ не ги преземат соодветните мерки кон насилниците. Ако ова денес мене и на моето семејство ми се случува, утре може истото да му се случува и на некој друг! И повторно ќе порачам! Дебатата ќе се случи во недела, на 17 октомври. Во недела јас и моите прилепчани, заедно за подобро утре на сите ќе ја извојуваме најголемата победа! – порача д-р Јовчевски. 

The post НОВИ ЗАКАНИ И НАПАДИ КОН Д-Р БОРЧЕ ЈОВЧЕСКИ Докторот достави докази до Обвинителството appeared first on plusinfo.mk.