Премиерот Христијан Мицкоски денеска во врска со најавите на СДСМ и нејзиниот лидер Венко Филипче за нов закон за борба против корупцијата, со кој, како што посочуваат, ќе се врати довербата во правосудството, рече дека станува збор за истите луѓе кои кога биле на власт ги направиле измените на Кривичниот законик, со кои се овозможи застарување на дела и избегнување одговорност.

– Пред неколку недели, кога првпат ја слушнав оваа иницијатива, мислев дека станува збор за нешто што би можело да се прочита во рубриката „Верувале или не“. Затоа се воздржав од коментар и почекав извесно време. Но, гледам дека тие сериозно ја промовираат оваа идеја и очигледно навистина веруваат во неа. Станува збор за луѓе кои беа дел од власта во периодот кога беа направени измени на Кривичниот законик, со кои беа избришани одредени одредби што овозможија застарување или избегнување на одговорност за голем број предмети поврзани со висока корупција – рече Мицкоски.

И денес, без никаква задршка, додаде тој, десетина дена ја убедуваат македонската јавност дека токму тие ќе бидат носители на борбата против корупцијата.

– Искрено, тешко ми е да се изначудам на тоа што го слушам. Доколку навистина се убедени во својата невиност, тогаш не треба да стравуваат од ниту еден судски процес. Но, моето чувство е дека работите не стојат така – рече премиерот Мицкоски денеска одговарајќи на новинарско прашање по отварањето на новиот базен Карпош.

The post ОВОЗМОЖИЈА ЗАСТАРУВАЊЕ НА ДЕЛА, A СЕГА ПРЕДЛАГААТ ЗАКОН Идејата на СДСМ е како од „Верувале или не“ appeared first on plusinfo.mk.

Има случаи што не оставаат простор за релативизирање. Случајот со директор фатен со 50.000 евра во автомобил, како дел од договорено мито од 100.000 евра, е токму таков. Ова не е политичка конструкција, не е медиумска шпекулација, туку акција со обележани пари, документирана од институциите.

И токму затоа, проблемот повеќе не е само во поединецот. Проблемот е во реакцијата на институциите на системот. Да, институциите постапиле. Но политиката повторно падна на тестот. Добро и очекувано е што дел од партиите со соопштенија го осудија случајот, но она што најмногу боде очи е односот на партијата чиј член е осомничениот. Наместо јасна, недвосмислена и остра осуда, наместо дистанцирање, наместо барем привремена суспензија од партијата, слушнавме и прочитавме едно мошне бледо соопштение – бенигно и стереотипно до немај каде. И тука веќе не станува збор за правни нијанси, туку за политички интегритет.

Презумпцијата на невиност не значи презумпција на молк. Таа не значи дека партијата треба да стои на страна додека некој нејзин функционер е фатен со неколку десетици илјади евра во кеш. Напротив токму во вакви моменти се покажува дали една партија има капацитет да се прочисти одвнатре. Ова не е прашање на политички напад туку прашање на елементарна доследност. Особено загрижува тоа што станува збор за случај со јасни елементи: барање мито, посредник, договорени рати, фаќање на дело. Ако ни во ваква ситуација нема храбра и принципиелна реакција, тогаш кога?

Токму ваквите „бледи соопштенија“ ја разјадуваат довербата. Не само во партиите, туку во целиот систем. Затоа што граѓаните не ги мерат институциите по зборови, туку по постапки. А постапката тука недостасува.

Проблемот не е само во тоа што некој побарал 100.000 евра. Проблемот е што постои чувство дека можел да го направи тоа. Дека ризикот е управлив и преман. Дека системот е доволно мек за да издржи вакви удари без вистински последици.

И затоа, одговорноста не завршува со апсењето. Таа почнува таму. И продолжува со прашањето: дали партиските структури ќе имаат храброст да кажат јасно „овој арамија повеќе не е наш човек“? Засега, одговорот изостанува. И тоа зборува повеќе од секое соопштение.

Целата шема, со посредник, со однапред договорени рати, со образложение за наводна „забрана“ на стока е конструкција која не делува како импровизација, туку како рутина. Ова не е момент на слабост, ова е ладна, свесна пресметка. Фактот што некој е подготвен да побара 100.000 евра, да организира исплата во неколку чекори и да ја спроведе шемата без очигледен страв од последици, говори за нешто подлабоко, за чувство дека системот може да се контролира, дека ризикот е управлив.

И токму затоа, овој случај не е изолиран. Пред само неколку месеци, слично сценарио се случи и во истиот сектор, со речиси истата сума. Кога корупцијата се повторува со ваква прецизност, тоа веќе не е инцидент, туку тоа е модел. Модел во кој институции што треба да ги штитат земјоделците, стануваат филтер низ кој поминува само оној што ќе плати.

Но, за разлика од многу претходни случаи кога вакви скандали завршуваа без јасен епилог, овојпат има и една важна разлика што не треба да се игнорира.

Институциите постапија брзо, координирано и без очигледна селективност. Апсењето на функционер на ваква позиција, фатен на дело, испраќа порака дека линијата „наши и ваши“ е одамна избришана. Токму во тоа лежи надежта дека системот конечно почнува да функционира независно од партиската припадност. Пораката е кристално јасна, никој не е недопирлив. И ако таа пракса продолжи доследно, тогаш ваквите 100.000 евра нема да бидат само скандал, туку и пресвртница.

Во вакви случаи, повикувањето на морал веќе звучи речиси илузорно. Не затоа што моралот не треба да постои, туку затоа што очигледно не е фактор што ги запира ваквите постапки. Кога некој е подготвен да организира шема со посредници и рати, јасно е дека границата веќе одамна е помината. Токму затоа, единственото што останува е системот и неговата способност да казнува.

Ваквите случаи бараат најригорозни казни. Не како одмазда, туку како порака. Порака дека функцијата не е привилегија за злоупотреба, туку одговорност. Порака дека секој што ќе посегне по јавниот интерес ќе се соочи со реални последици. Ваквите случаи мора да станат пример како завршува функционер кој побарал мито.

На крајот неминовно се наметнува и едно суштинско прашање: дали постојната законска рамка е доволна за да ја спречи корупцијата кај носителите на јавни функции? Ако ваквите скандали се повторуваат со иста шема и со чувство на неказнивост, тогаш очигледно санкциите не се доволно одвраќачки.

Токму затоа, во момент кога се отвора прашањето за нов Кривичен законик, неопходно е да се размислува за построг третман на корупцијата кај функционерите. Не како сосема ново кривично дело, туку како потешка, квалификувана форма на веќе постоечките дела,  кога сторителот е лице со јавна функција. Тоа би значело повисоки казни, задолжителна забрана за вршење функција, целосна конфискација на незаконски стекнатиот имот и приоритетно, брзо судско постапување. Затоа што кога корупцијата доаѓа од позиција на моќ, штетата не е само во парите туку во разградувањето на довербата во државата.

Функцијата не смее да биде олеснителна околност. Таа мора да биде најтешката отежнителна околност кога станува збор за мито и корупција.

The post 100.000 евра мито appeared first on plusinfo.mk.

Собранието денеска со 76 гласа „за“ го усвои Законот за изменување и дополнување на Кривичниот законик, предложен од група пратеници на ВМРО-ДПМНЕ и Коалицијата.

– Со овој закон се исправа една сериозна неправда направена со измените на Кривичниот законик од септември 2023 година, донесени од претходната власт, со кои беа ублажени казните за корупција, беа избришани клучни одредби за злоупотреби во јавните набавки и беа создадени услови за застарување на предмети од висок профил – изјави Миле Лефков, пратеник на ВМРО-ДПМНЕ.

Според него, новите законски решенија ја враќаат суштината на казнената политика – превенција и репресија против корупцијата и организираниот криминал, ја зајакнуваат надлежноста на обвинителството за гонење на организиран криминал и корупција и постапуваат согласно забелешките содржани во Извештајот на Европската комисија за 2023 година, како и согласно Решението на Уставниот суд од 12 февруари 2025 година.

– Со законот се воведува и ново кривично дело за злоупотреба на интимни снимки и материјали, се зајакнува заштитата од родово-базирано и семејно насилство согласно Истанбулската конвенција, се проширува примената на проширената конфискација и се прави доусогласување со законите поврзани со проектот „Safe City“. Ова е јасен доказ дека кога постои политичка волја, државата може да се движи напред – рече Лефков и додаде дека со денешното гласање, Собранието испратило јасна порака дека борбата против корупцијата нема алтернатива, а правдата мора да биде еднаква за сите.

The post ВОВЕДЕНО НОВО КРИВИЧНО ДЕЛО ЗА ЗЛОУПОТРЕБА НА ИНТИМНИ СНИМКИ Измените во Кривичниот законик исправаат сериозна неправда направена од власта на СДСМ appeared first on plusinfo.mk.

,,За 16 месеци, споредбено со изминатите 7 години навистина се направи еден охрабрувачки исчекор во делот со борбата со корупцијата и би сакала ова да го поткрепам со факти. Повикувајќи се токму на Извештајот од Европската комисија, после два последователни најлоши извештаи во 2023 и 2024 година, конечно 2025 година ја бележиме со еден охрабрувачки раст од една оцена 1,55 и со една тенденција 3,11 за подготвеноста во делот на усогласување со европското законодавство“.

Вака изјави Марија Петрушевска, пратеничка во Собранието од редовите на ВМРО-ДПМНЕ, во денешното издание на регионалната телевизија Њусмакс.

Зборувајќи во врска со Самитот ЕУ-Западен Балкан, Петрушевска истакна дека Македонија останува цврсто посветена на реформите, регионалната соработка и усогласеноста со надворешната и безбедносната политика на ЕУ.

– Овој Самит претставува исклучителна можност, токму челниците на ЕУ да ја потенцираат политиката на проширување, како дел од својата геостратешка определба и приоритет кога станува збор за силна и обединета Европа. Сите земји од Западен Балкан, не само географски, туку и културолошко припаѓаат во тоа европско семејство. Овој Самит е дел од таа стратешка агенда на ЕУ со којшто ќе се потенцира или повторно ќе се адресира прашањето, дека политиката на проширување особено кога се однесува на земјите од Западен Балкан, вклучително и Македонија е високо на агендата – посочи Петрушевска.

За очекувањата од самитот Петрушевска вели:

– Очекуваме на овој Самит да се адресираат и прашањата кои што ги засегаат и регионот, а во којшто е вклучена и Македонија. Тоа е регионалната соработка, потоа прашањата кои што се поврзани со надворешната и безбедносната политика. Во овој дел, Македонија е навистина во еден чекор понапред споредбено од нашите соседи.

Петрушевска додаде дека во последниот Извештај на Европската комисија, во делот на надворешните односи, како што вели таа, се потенцираше дека земјата останува во целост усогласена со надворешната и безбедносна политика на ЕУ.

– Меѓутоа, за прв пат се споменува и се поздравува пристапувањето на СЕПА и партнерството кое што Министерството за одбрана го потпиша со ЕУ, а тоа се однесува на безбедност и стабилност – кажа Петрушевска.

The post ОХРАБРУВАЧКИ БРОЈКИ ВО ИЗВЕШТАЈОТ НА ЕК ЗА БОРБАТА ПРОТИВ КОРУПЦИЈАТА Македонија бележи промени по 7 години стагнација appeared first on plusinfo.mk.

„Она што мислам дека не е корисно е да заземете една страна за кое било прашање, вклучително и за толку важно како што е миграцијата, само за да добиете политички поени. Мислам дека тоа не е продуктивно. Тоа е навистина лоша услуга за граѓаните, едно важно прашање да се сведе само на политичка тема“.

Ова го изјави вечерва американската амбасадорка Ангела Агелер, во интервју за телевизија Сител, коментирајќи ја дебатата за мигрантите што ја отвори лидерот на СДСМ, Венко Филипче.

Потсетувајќи дека темата за мигрантите е актуелна и во нејзината земја, Агелер рече дека САД водат разговори за ова прашање со многу држави.

– Тоа е нормално. Значи, постоењето разговор не значи дека има политика. Ова е тема со која се борат граѓаните и затоа, секако, разговарате со пријателите, со сојузниците и со партнерите, како заедно да се справуваме со ова.

На прашањето на водителката Славица Арсовска за меѓусебните обвинувања меѓу партиите за корупција, за разочараноста на луѓето
од политиката и од инситутции, како и за оставката на јавниот обвинител, амбасадорката одговори:

– Тоа е интересен развој. Една работа што ја сметам за нездрава, a се случува во многу земји и во САД, е тоа партии да се расправаат само за да не се согласуваат, што е некорисно. Ништо не се постигнува со тоа, туку треба да излезете пред јавноста и навистина да имате план. Тоа да велите “јас ќе противречам на сè што ќе кажете затоа што сме ос различни партии” не помага на никого. Што сакате да постигнете? Навистина ме погодува ова, особено кај младите, кои често велат дека не им се важни темите за кои зборуваат некои политичари. Младите велат: „Јас се грижам за економија, важно ми е какви можности за работа има. Вие се расправате за работи што не влијаат на мојот живот. Зборувајте за работи што влијаат на моето здравство, на мојата безбедност, на моите економски можности тука, за работните места за моите деца, за сите тие можности и што правите за да донесете тука надеж за ова држава, за народот, за просперитет и за безбедност“.

Амбасадирката Агелер оцени дека Владата е посветена во борбата против корупцијата.

– Гледам луѓе во Владата и во судството кои се навистина посветени на тоа. Ги поздравувам и им благодарам, затоа што искрено се како гласови во пустина. Се надевам дека повеќе луѓе ќе им се придружат, зашто некои работи треба правилно да се направат.

На прашањето дали смета дека борбата против корупцијата напредува или стагнира, Агелер одговори:

– Јас сум Американка и сум оптимист. Верувам искрено и забележувам во последните неколку месеци – дел од тоа е и Кочани – дека има ниво на свесност и ниво на препознавање какво што порано немаше. Тоа е придружено со одреден замор. Кога патувам низ земјата зборувам со студенти, родители, градоначалници и со обичнк луѓе и понекогаш слушате вистинско помирување дека ништо не се менува. Но, интересно, дел од тоа беа и локалните избори, а видовме млади лидери кои рекоа „ќе го направиме ова поинаку“. Луѓето сега зборуваат на начин што покажува дека не само се свесни, туку и следат поблиску од порано. И мислам дека бараат одговорност од своите избрани претставници. Одговорноста е неверојатно моќна работа.

The post АМБАСАДОРКАТА АГЕЛЕР ИСПРАТИ ОСТРА ПОРАКА ДО ФИЛИПЧЕ Со темата за мигрантите тој им прави лоша услуга на граѓаните appeared first on plusinfo.mk.

Државава во изминатите година и пол е консолидирана по распадот и пустошот во која беше затекната при преземањето на власта. Во изминатите месеци се поставени темелите и почнува фазата на резултати што на граѓаните ќе им донесат подобар живот, порача претседателот на ВМРО-ДПМНЕ Христијан Мицкоски на завршниот митинг во Скопје пред гласањето за вториот круг на локалните избори в недела.

Како што рече, „ни ја оставија во распад и потоната во сиромаштија“ и затоа било потребно „време, трпение и вера да ги помрднат работите и да почнат да ја исправаат земјата од колената на кои некои ја поставија“.

– Ни оставија институции што не работеа, економија што одеше надолу и која буквално се распаѓаше, сиромаштија која растеше, морал што беше во минус и не само финансиски, туку и идентитетски, долгови и договори, што ги плаќаме сите ние, граѓаните. Минатата власт ја остави државата во пустош. Го расклопија системот парче по парче, како да бил нивни личен имот. Го претворија јавниот сектор во партиска филијала, институциите во неми сведоци, а народот во заложник – кажа Мицкоски.

Во минатите денови од кампањата среќавал луѓе „со надежи и сомнежи, доверба и барање за одговорност“ и нивните пораки, рече, мора внимателно да се сфатат и со разбирање и благодарност да се прифатат.

– И јас сум свесен дека обврската која ја имаме и одговорноста која ја носиме е огромна. Затоа што при овие наши средби со граѓани и наши промоции на програми, секој стисок на рака е договор. Договор дека ќе работиме сериозно, посветено и вистински … Најтежок товар што можеш да го носиш е довербата на еден народ. И тоа секој политичар треба да го знае, дека народот гледа. Нашата задача не е едноставна. Не само заради ситуацијата која ја наследивме, туку таа е многу поголема. Нашата цел не е само политичка победа, туку обновување на вербата дека Македонија може и мора да биде подобра земја. И иако оди потешко од што мислевме, сепак основите ги поставивме. Не можевме веднаш да почнеме со екстремно позитивни резултати, моравме прво да направиме темели. Некои мислеа дека тоа ќе оди преку ноќ. Но, темел не се прави од муабет, туку од пот и многу поминати часови на средби, планирања, анализи, патувања, размена на мислења и одлуки. И токму затоа денес можам да кажам: темелот е поставен. Сега, по изборите, почнува фазата на жестока работа и големи резултати – истакна лидерот на ВМРО-ДПМНЕ.

Соопшти дека во наредниот период ќе почнат повеќе од 70 крупни нови проекти – во инфраструктура, енергетика, здравство, образование, земјоделство, култура, технологија, правда и други области, дека ќе има нови училишта, модерни болници, мерки за чист воздух, дигитална администрација и инвестиции што ќе треба да донесат достоинствени плати. Рече дека ќе почнат „серија конкретни мерки кои ќе го подобрат животот на луѓето, ќе ја зацврстат економијата и ќе донесат подобро во секој дом“.

– Да, животот е скап, секој ден е борба со сметки, со гориво, со кирија. Но нема да чекаме да се намалат цените сами од себе. Ќе создадеме услови, за повеќе пари во џебот, за поевтино живеење, за повеќе можности. Мора да ја направиме државата сојузник на граѓаните, а не непријателски систем кој е трул и кој ги предизвикува да се иселуваат. Ниту еден млад човек нема да биде оставен без шанса за дом. Ниту една мајка нема да мора да избере помеѓу кариера и семејство. Ниту еден бизнис нема да пропадне затоа што државата му стои на пат. Тоа е вистинската промена. Ова не е фантазија, ова е план. Затоа го градиме системот што во иднина ќе функционира без оглед на тоа кој е на власт, долгорочно и со коренити промени, затоа што државата не е ничија приватна фирма, туку наш заеднички дом – рече Мицкоски на собирот во центарот на Скопје.

Кога ја презеле власта приоритет било да се консолидира државата, а бидејќи веќе се поставени темелите, сега, рече, почнува фазата на резултати, при што нагласи: „Таа фаза не може да започне без жестока и правична борба против корупцијата“.

– Да бидам кристално јасен: борбата против корупцијата не е слоган. Таа е тест за нашата совест и легитимитет. Ќе има еднаквост пред законот и одговорност за злоупотреба, без оглед на функција, партија или препорака. Држава без доверба е куќа без темел. А доверба нема без правда. И ова е нашиот завет. Корупцијата е најскапата даночна стапка во оваа земја. Кога ја рушиш, ги ослободуваш парите за градинки, училници, возила за брза помош, лаборатории, локални патишта, нови болници и услуги. Затоа мора сите заедно да се бориме жестоко – рече Мицкоски.

За опонентот СДСМ кажа дека е партија што „падна на 125 илјади гласови“ затоа што, рече, „кога политиката станува себична, народот ги затвора вратите“ и „тоа е училиште за сите нас како не треба“.

The post ТЕМЕЛИТЕ СЕ ПОСТАВЕНИ, СЕГА ПОЧНУВААТ КОНКРЕТНИ ЧЕКОРИ Мицкоски ветува 70 нови проекти за подобар живот на граѓаните appeared first on plusinfo.mk.

– Од нас нема да слушнете едно пред камера, а друго зад затворени врати. Тоа е суштината на довербата – да бидеме исти и во зборовите и во делата. Тука е и најголемата противречност кај Венко Филипче: од една страна зборува за уставни измени, од друга страна за откажување од преговорите ако има ново вето. Таков пристап не носи сигурност, туку неизвесност за правецот во кој треба да оди државата – изјави министерот за надворешни работи, Тимчо Муцунски.

Тој потсети дека изминатите години се покажало што значат политиките на брзи потези и празни ветувања

– СДСМ и ДУИ отворале надеж со секое ветување, а ја поништувале со секој притисок. Заедничките документи што се носеа во Собранието не донесоа сила, туку слабост – беа дерогирани веднаш штом ќе се појавеше предизвик – рече Муцунски.

Министерот нагласи дека патот на сегашната влада е поинаков и се базира на решенија кои носат траен напредок.

– Подобро е да покажеме трпение и мудрост, отколку да направиме потег кој утре ќе биде уште поголем товар за државата. Тоа е државнички пристап: да мислиме на денес, на утре и на задутре – додаде тој.

Муцунски потенцираше дека европската иднина не е празна фраза, туку конкретна борба против корупцијата, модерна администрација, дигитализација, инвестиции во патишта и инфраструктура, како и создавање нови можности за граѓаните.

– Ние веруваме дека резултатите дома создаваат почит надвор. Токму затоа сме решени да обезбедиме европска иднина која ќе биде достојна, одржлива и прифатлива за сите. Тоа го заслужува македонскиот народ – порача Муцунски.

The post САМО ПРАЗНИ ВЕТУВАЊА И БРЗИ ПОТЕЗИ Муцунски ја критикува политиката на Филипче и на СДСМ appeared first on plusinfo.mk.

Верувам дека правиме една поинаква перцепција за тоа како се гради една политика, верувам дека може да изградиме поинаква политика и мора да биде поинаква. Мораме да ја промениме перцепцијата за политиката, вели пратеничката Катерина Димитровска.

– За жал, македонскиот народ има една поинаква слика за политичарите, што можеби е оправдано од искуството од минатото. Политиката мора да биде поинаква од она што беше досега. Оваа Влада и нашето парламентарно мнозинство го докажуваат токму тоа, дека не сме сите исти. Ние сме сервис на граѓаните и носиме решенија исклучиво во нивна корист – рече Димитровска во синоќешниот поткаст „ВМРО-ДПМНЕ зборува“, насловен „Дали политиката може да биде поинаква?“.

Димитровска говореше за новиот пристап во политиката, пристап што значи одговорност и работа во интерес на граѓаните. Таа нагласи дека ВМРО-ДПМНЕ ја има довербата од граѓаните, а за тоа зборуваат делата, не зборовите, и дека вистинската политика се води на терен, во директен контакт, преку разговор и поддршка.

– Граѓаните ни ја дадоа довербата и сега ние треба да ја оправдаме. Тоа е и најголемата одговорност, но и најголемата чест. Можам слободно да кажам дека народот ни верува. Не со зборови, туку со делата кои ги правиме. Не по маркетинг, туку по принципи. Кога ќе видат дека нешто што сме го ветиле го сработуваме, дека нешто што ни го кажале го процесуираме во Собранието, така се гради довербата на народот и на целата држава – рече пратеничката.

Има многу да се работи, додаде таа, системот не се менува преку ноќ.

– Но, веќе се гледа разликата, гласот на народот се слуша, не само во кампањи туку и после изборите. Ние сме таму да им служиме, а не да владееме. Јас верувам во една поинаква политика што не бега од народот, туку оди кај него. Политика што е народна и тоа е патот што го одиме чекор по чекор, истрајно, со визија, со срце и така градиме една доверба – посочи Димитровска.

Димитровска се осврна и на борбата против корупцијата и истакна дека прв пат по долги години гледаме резултати, институциите постапуваат, а предмети што се држеле во фиоки повторно се разгледуваат.

– Корупцијата се решава системски, со политичка волја и со личен пример. Прв пат по долги години гледаме дека таа волја постои, барем од врвот на Владата. Гледаме резултати, институции што почнуваат да постапуваат, предмети што се држеле во фиоки пак се разгледуваат, имаме функционери кои не ја сметаат државата за своја сопственост – вели Димитровска.

Во делот за локалниот развој, таа подвлече дека градоначалниците од ВМРО-ДПМНЕ покажуваат резултати и истакна дека со поддршката на Владата се реализираат големи капитални инвестиции кои на долгорочен план значат развој и подобар животен стандард за својот народ.

– Секоја општина се развива подеднакво каде што имаме градоначалници на ВМРО-ДПМНЕ. Секој градоначалник работеше посветено изминативе години и тоа веќе се гледа. Денес со поддршка на Владата имаме големи капитални инвестиции насекаде, не само во општините каде што е ВМРО-ДПМНЕ, туку во сите општини и тука покажавме дека не сме исти. Има разлика во пристапот и во резултатите и тоа веќе се гледа. Ние сме само една година на власт во оваа борба за обнова и напредок, а веќе граѓаните ја препознаваат промената, гледаат дека се гради и се инвестира – заклучи Димитровска.

The post ВЛАДАТА НА ВМРО-ДПМНЕ ГРАДИ ЗА СВОЈОТ НАРОД Ние не владееме, туку им служиме на граѓаните, вели Димитровска appeared first on plusinfo.mk.

Ова тело е чекор напред во обидот конечно да воспоставиме функционален и синхронизиран систем кој ќе ѝ застане на патот на корупцијата, рече денеска премиерот Христијан Мицкоски во Владата на конститутивната седница на Меѓуресорското тело за координација на активностите против корупцијата.

– Веднаш да бидам јасен. Ова тело нема да биде само уште една административна конструкција. Ние сме овде за да создадеме нова форма којашто ќе има суштина, а нема да биде форма без содржина. Сакаме да изградиме механизам што ќе делува брзо, ефикасно и бескомпромисно – рече Мицкоски.

За жал, изминатите години гледавме како корупцијата тивко, но упорно ја разјадува довербата и кај граѓаните, но и во институциите, рече премиерот во обраќањето пред министрите, амбасадорите и претставниците на граѓанските организации за борба против корупцијата.

– Гледаме судски постапки што траат со години. Обвиненија што никогаш не завршуваат со пресуда. Истраги што се отвораат само кога ќе станат медиумска сензација. Сето тоа создаде чувство кај граѓаните дека правдата е селективна, а корупцијата – прифатена. И токму тоа е најголемата штета. Не само изгубените пари. Туку изгубената верба. Корупцијата убива надеж. Ги тера младите да си заминат. Ги обесхрабрува чесните. Го подрива општеството. Сакам да подвлечам дека корупцијата е најголема пречка за растот, развојот и иднината на една држава – рече Мицкоски.

Не смееме да делуваме отсутно и да не зборуваме за случаите кои силно удираат по правдата, додаде тој.

– Ова е моментот кога мора да покажеме дека законите важат за сите. Оваа борба не е само борба против криминалот и корупција, туку ова е борба за душата на нашата татковина. За вредностите што сакаме да ги живееме. За тоа дали ќе бидеме општество на ред и закон или на врски и на договори под маса – рече Мицкоски.

Меѓуресорското тело има историска одговорност да воспостави координација помеѓу сите клучни институции. Тоа се: Државната комисија за спречување на корупцијата, Министерството за внатрешни работи, Јавното обвинителство, Финансиската полиција, Управата за јавни приходи, Царинската управа, Министерството за правда, Министерството за финансии и други.

– Овие институции веќе имаат надлежности. Она што им недостасува е координација, храброст и одговорност. Ова тело мора да биде местото каде што информациите се споделуваат навремено.
Каде што никој не премолчува. Каде што се преземаат иницијативи, се следат случаи и се бараат резултати – додаде премиерот Мицкоски.

• МИЦКОСКИ ЛИЧНО ЌЕ СЕ ЗАЛОЖИ ЗА ПРАВДА ЗА ТЕОДОРА Премиерот е згрозен од пресудата, бара Судскиот совет да ја разгледа пресудата и работата на судијата

Тој рече дека мора да се признае реалноста и дека граѓаните не се задоволни од работата на судиите.

– Судството и обвинителството се слабата алка во борбата против корупцијата. И тоа не е мое мислење. Тоа е впечаток на народот. А народот не греши кога со години гледа како правдата се одложува, извртува, исчезнува. Судството мора да ја врати својата улога, не како нем набљудувач, туку како клучен актер во оваа борба. Ќе ги поддржиме со законски решенија, со буџет, со логистика, сè што треба ќе направиме. Но, истовремено бараме отчетност. Не може повеќе предметите да чекаат, додека јавноста очекува. Како што има кажано Винстон Черчил: „Силата на еден народ не се мери само со армијата, туку и со правдата што тој народ ја гарантира“. Граѓаните не сакаат спектакл. Тие сакаат резултати. Сакам да гледаме функционери коишто кога ќе се огрешат, кога ќе бидат вовлечени во криминал ќе одговараат, институции што не толерираат, и систем што штити, а не краде – им порача Мицкоски на судиите.

Нема да дозволиме борбата против корупција да остане на хартија, повтори тој.

– Ќе следиме конкретни резултати. Ќе поставиме индикатори и истите ќе ги објавуваме јавно.
Нема веќе недопирливи. Нема веќе „тој е наш“. Јас лично, како претседател на Владата, ќе бидам дел од секој извештај, секоја средба, секоја проценка. Ќе бидам најгласниот поддржувач на ова тело, но и негов најголем критичар, ако не дава резултати, се разбира. Ова не е борба на една Влада. Ова е борба на целото општество – рече Мицкоски.

На крајот од својот говор премиерот Мицкоски ги повика граѓаните, медиумите, невладиниот сектор и бизнисот да бидат дел од овој процес, да пријавуваат, да реагираат и да не молчат.

– Ќе изградиме систем каде што функцијата ќе значи служба, а не привилегија. Каде што законот ќе важи за сите – не само за обичниот човек. Каде што младите ќе останат тука – затоа што ќе имаат причина да веруваат. И не заборавајте корупцијата е најголемата пречка за растот, развојот и иднината на една држава. Да создадеме држава која нема да се срами од вистината. Туку ќе се гордее со неа. Држава во која корупцијата не е навика – туку забранета зона. Држава во која не победуваат најгласните – туку најчесните  – рече премиерот Христојан Мицкоски на конститутивната седница на Меѓуресорското тело за координација на активностите против корупцијата.

The post НЕМА ВЕЌЕ НЕДОПИРЛИВИ, НЕМА ВЕЌЕ „ТОЈ Е НАШ“ Формирано тело за брза реакција против корупцијата appeared first on plusinfo.mk.

Македонија назадувала во демократијата.

„Рејтингот за судска рамка и независност се намали од 3,25 на 3,00 поради лошото работење на Државниот судски совет и наводите за непотизам при именувањата на обвинители и судии“, се вели во извештајот.

Се додава и дека рејтингот за корупција се намалил од 3,25 на 3,00 поради голем број наводи за корупција против високи функционери, како и поради измените во Кривичниот законик со кои се намалија казните за корупција и доведоа до отпуштање на случаи против поранешни и сегашни владини функционери.

Како резултат на тоа, збирната оценка за демократија на Македонија се намали од 3,86 на 3,79. Процентот на демократија изнесува 46,43 проценти.

Фридом Хаус нваедува дека „судството и понатаму е една од најкритикуваните и најнедоверливи институции во Македонија“. Извештајот ги споменува контроверзите околу смената на лидерот на Советот на судии, но и други скандали.

„Дополнително, назначувањето на нови обвинители и судии со семејни врски со истакнати политичари ги зацврсти перцепциите на јавноста за непотизам во судството“, се вели во анализата.

Извештајот се осврнува и на поголемите корупциски скандали во изминатите години како што е скандалот со клиниката на Онкологија, пожарот во модуларната болница во Тетово и други скандали.

Се спомнува и воведувањето на измените на Кривичниот законик која била „рационализрана“ со процедура во која се користи европското знаменце, а овие измени, според Фридом Хаус, биле „неочекувани“ и предизвикале јавен бес кај домашната јавност.

Фридом Хаус забележува дека во Македонија има зголемена политичка тензија меѓу власта и опозицијата поради уставните измени и бугарското вето, но дека таа теннзија почнала уште од усвојувањето на Преспанскиот договор од 2018 година.

„Слободата на изразување генерално се почитува, но медиумскиот пејзаж останува значително фрагментиран, вклучително и по етничка линија. Новинарите, особено оние кои известуваат за корупција и злоупотреба на власта, продолжуваат да се соочуваат со малтретирање и други предизвици“, се вели во извештајот.

The post МАКЕДОНИЈА ШЛАЈФУВА И НАЗАДУВА ВО ДЕМОКРАТИЈАТА „Земјата е цикличен хибрид“, оценува Фридом Хаус appeared first on plusinfo.mk.