Кинеската компанија „Хенан Куангшан Крејн“ стана хит на социјалните мрежи откако им подели на своите вработени дури 180 милиони јуани (околу 26 милиони американски долари) годишни бонуси, или речиси 70% од вкупниот профит остварен минатата година.

Бонусот им беше врачен на вработените за време на годишната церемонија на која  се собраа околу 7.000 работници. Околу 800 маси беа поставени во големата сала, а некои од нив беа покриени со готовина што вработените можеа да ја избројат и – да ја чуваат.

Во некои делови од програмата, работниците беа поканети на сцената каде што им беше дозволено да земат онолку банкноти колку што можат да избројат во ограничено време.

Снимките од настанот, кои брзо се проширија низ кинескиот интернет, покажаа како вработените носат купови пари, а некои едвај успеваат да ја задржат сумата што ја собрале, објави „Саут Чајна Морнинг Пост“.

A dream corporate party took place in China

During a Chinese New Year celebration, Henan Kuangshan Crane piled up mountains of cash for 7,000 employees.

There were $26 million in cash laid out on the table. The only rule: take it with your hands and carry it away yourself.

The… pic.twitter.com/hH79ej7Bk6

— NEXTA (@nexta_tv) February 26, 2026

Сопственикот на компанијата Цуи Пејџун дополнително ги изненади вработените за време на настанот кога одлучи да ги зголеми наградите. Обраќајќи се до финансискиот оддел, тој праша зошто се делат апарати за домаќинство наместо пари и нареди на секој вработен да му бидат исплатени дополнителни 20.000 јуани (околу 2.800 долари).

Вкупно, вклучувајќи ги и бонусите исплатени преку други канали, на вработените им беа распределени повеќе од 180 милиони јуани. Во 2025 година, компанијата оствари профит од околу 270 милиони јуани.

„Хенан Куангшан Крејн“, основана во 2002 година, произведува кранови и опрема за ракување со товар и работи во повеќе од 130 земји низ целиот свет. „Куи Пејџун“ држи речиси 99% од сопственичкиот удел во компанијата.

The post 📽️ КИНЕСКА КОМПАНИЈА ПОДЕЛИ БОНУСИ НА НЕВООБИЧАЕН НАЧИН Парите беа поставени на 800 маси, а работниците земаа кој колку може да изброи appeared first on plusinfo.mk.

Градежни инженери, возачи, работници во логистиката и во туризмот се најчестите огласи за вработување во Хрватска. За дел од работните позиции се нето плати изнесува и  3.000 евра, а се нудат и сместување, бонуси за продажба или флексибилно работно време.

Градежните инженери се меѓу најбараните кадри, а огласите доаѓаат од повеќе локации во земјава. Во некои огласи за оваа позиција се нуди плата од 2.500 евра нето, со задолжителен услов пет години стаж, поседување на возачка дозвола Б категорија, како и напредно познавање на компјутер.

Значајна побарувачка се забележува и за позиции во логистика -логистички соработници, за кои се нудат плати од 1.400 до 1.500 евра бруто, со надоместоци и попусти за вработените.

Возачите со Ц и Е категории се исто така барани. Потребно е претходно искуство од најмалку две години, а работодавците нудат плати од 2.500 до 3.000 евра, како и 24 дена годишен одмор.

Продажниот сектор е постојано активен и баран. За работно место продавач во специјализирана продавница потребна е возачка дозвола Б категорија, се плаќаат патни трошоци и се нуди договор на неопределено време. Позицијата сезонски продавач носи флексибилно работно време (20, 30 или 40 часа неделно), како и заработка до 1.250 евра нето месечно.

Пред почетокот на летната сезона се зголемува побарувачката за работници во туризмот. На пример, хотел со пет ѕвезди во Дубровник бара собарки, а нуди плата од 1.200 до 1.500 евра, сместување, како и покриени патни трошоци, пишува Пословни хр..

The post ВО ХРВАТСКА СЕ БАРААТ ОД СОБАРКИ ДО ГРАДЕЖНИ ИНЖЕНЕРИ Се нудат плати до 3.000 евра и бенефиции appeared first on plusinfo.mk.

Медиумите вчера ја објавија веста дека Советот на јавни обвинители едногласно ја именувал обвинителката Наташа Крстевска Цалева за вршител на должноста шефица на Вишото јавно обвинителство Скопје, поради оддалечувањето на вишиот јавен обвинител Мустафа Хајрулахи.
Во веста беше нагласено дека одлуката била донесена по предлог на републичкиот јавен обвинител Љупчо Коцевски, кој нагласил дека Крстевска Цалева ги исполнува сите услови за раководење со Обвинителството. Се потсетува и тоа дека Хајрулахи бил оддалечен од функцијата поради тоа што против него се води дисциплинска постапка поради наводни неправилности во работењето, како и кривична постапка за наводен мобинг.

Она што не е јасно е по кој закон Советот на јавни обвинители именувал в.д. шеф на Вишото јавно обвинителство Скопје. Ако биле применети одредбите на Законот за јавно обвинителство (Службен весник на РСМ број 4 од 16.2.2020 година), тогаш лесно може да се заклучи дека одлуката е незаконска.

Што вели Законот за јавни обвинители?

Во член 25 став 3 од тој закон пишува: „Ако на јавниот обвинител на јавното обвинителство му е истечен мандатот, му престанала функцијата или е разрешен, Советот на јавни обвинители на Република Северна Македонија со одлука донесена од мнозинство гласови од вкупниот број членови на Советот, определува јавен обвинител од редот на јавните обвинители во тоа јавно обвинителство, кој ќе ја врши должноста до изборот на јавен обвинител во тоа јавно обвинителство, а ги исполнува условите за јавен обвинител на тоа обвинителство, но не подолго од шест месеци.“

Ова значи дека Советот за јавни обвинители можел да определи нов шеф на ВЈО Скопје само по три основи: ако на актуелниот шеф му е истечен мандатот, ако му престанала функцијата или ако е разрешен. Неспорен факт е дека на Хајрулахи не му е истечен мандатот, не е разрешен и не му престанала функцијата по друг основ.

Точно е дека дисциплинската постапка што се води против него може да заврши и со одлука за разрешување, но дисциплинската не е завршена, таа штотуку почнала. Точно е и тоа дека евентуалниот конечен исход на истрагата за наводен мобинг, што е отворена против Хајрулахи, би можело да биде и правосилна осудителна пресуда, но постапката е во фаза на истрага и за Хајрулахи уште не е подигнато ни обвинение. Таа постапка е далеку од правосилна пресуда.

Дали можеби Советот за јавни обвинители суспензијата на Хајрулахи можел да ја протолкува како основа за престанок на функцијата? Не. Никако. Еве што вели Законот во членот 87:

„(1) На јавниот обвинител функцијата му престанува:
– по сопствено барање,
– ако го изгуби државјанството на Република Северна Македонија,
– ако трајно ја загуби способноста за вршење на функцијата јавен обвинител,
– ако ги исполни условите за старосна пензија со право на продолжување согласно со Законот за работните односи,
– ако на негово барање и со негова согласност е избран или именуван на друга јавна функција, освен кога функцијата јавен обвинител мирува под услови утврдени со овој закон или
– ако е осуден со правосилна судска одлука на казна затвор во траење од најмалку шест месеци.
(2) Во случаите од ставот (1) на овој член престанокот на функцијата јавен обвинител го утврдува Советот на јавни обвинители на Република Северна Македонија.“

Внимателно ги проучивме и законските одредби за дисциплинската постапка против јавен обвинител (таква се води против Хајрулахи), односно членовите 93, 94, 95, 96 и 97. И таму нема никаков основ за одлуката на Советот на јавни обвинители.

Во случајот на Хајрулахи, евентуално можело да се примени членот 25 став 2 од Законот, кој вели: „Јавниот обвинител на Република Северна Македонија, вишиот јавен обвинител на вишо јавно обвинителство, основниот јавен обвинител на Основното јавно обвинителство за гонење на организиран криминал и корупција и основниот јавен обвинител на основно јавно обвинителство за време на нивно отсуство ги заменува јавен обвинител од тоа обвинителство, што тие ќе го определат со годишниот распоред за работа.“ Интересно е дека Хајрулахи, поради своето отсуство, веќе постапил по оваа одредба и определил да го заменува обвинителката Наташа Гоџовска.

Од каде и зошто одеднаш расправа за „состојбите“ во скопското Вишо јавно обвинителство?

Но, на Советот за јавни обвинители тоа не било доволно и очигледно некому му било многу важно да избере нов в.д. шеф на скопското Вишо јавно обвинителство, макар тоа да се стори и незаконски. Според сознанијата на Плусинфо, оваа „игранка“ во Советот за јавни обвинители можеби има врска со клучната причина поради која Хајрулахи, како што тврди самиот, е раска во очите на јавниот обвинител Љупчо Коцевски и на обвинителот Гаврил Бубевски, кој потекнува од поранешното Специјално јавно обвинителство (СЈО) на Катица Јанева.

Погодувате, станува збор за случајот „Бонусите на СЈО“, покренат врз основа на наод на Државниот завод за ревизија, кој утврил дека тоа обвинителство незаконски поделило бонуси на своите вработени во износ од 4,5 милиони евра. Хајрулахи тврди дека Љупчо Коцевски е под контрола на неколку поранешни обвинители на СЈО и под нивно влијание врши притисок случајот да биде затворен.

Но, да одиме со ред…

Заменикот на Вишиот јавен обвинител на ВЈО Скопје, Јован Цветановски, на почетокот на јануари, до Совет на јавни обвинители и до Јавното обвинителство на Република Северна Македонија доставил Годишен распоред во кој точно наведува кој ќе биде негов заменик. Ниту од страна на Советот на јавни обвинители ниту од страна на Јавното обвинителство немало било каква реакција за Годишниот распоред.

Но, иако двајцата виши јавни обвинители кои не се по волја на Коцевски, Хајрулахи и Цветановски, се оддалечени или под суспензија, со една прилично чудна одлука (бр. 02-30/1), Советот за јавни обвинители напрасно свикува седница за 10 февруари (вчера), на која прва точка на дневниот ред е „Разгледување на состојбите во Вишото јавно обвинителство Скопје и одлучување по истата“.

Дали обвинителката Сарамандова била фаворитот на Коцевски?

Врз основа на неофицијални сознанија за текот на оваа седница, ќе поставиме неколку прашања:

Прво, дали скриената намера била на местото на Хајрулахи да се постави обвинителката Наташа Сарамандова (за која во обвинителски кругови се тврди дека е блиска со Гаврил Бубевски – колегијално, се разбира), за да се олесни блокирањето на предметите „Бонусите на СЈО“ и за Васко Ковачевски?

Второ, дали е вистина дека на седницата на Советот за јавни обвинители токму обвинителката Сарамандова била предлог на јавниот обвинител Љупчо Коцевски, таа да седне во фотелјата на Хајрулахи?

Трето, дали е точно дека предлогот за Сарамандова за в.д шефица на ВЈО го прифатил Ермон Незири, јавен обвинител и член на Советот на јавни обвинители, за кого во обвинителски кругови исто така се тврди дека е близок до Гаврил Бубевски (колегијално, се разбира)?

Четврто, дали е точно дека предлогот за Сарамандова наишол на одбивање од страна на другите членови во Советот на јавни обвинители?

И петто, дали Наташа Крстевска Цалева, всушност, била втор предлог на седница на Советот за јавни обвинители, на кој спомнатиот Ермон Незири наводно се спротивставил?

Која е „мааната“ на Наташа Крстевска Цалева?

„Мааната“ на Наташа Крстевска Цалева е тоа што нејзина мајка е Роксанда Крстевска, за која во обвинителски кругови се тврди дека била блиска до СДСМ, но и дека била советник на поранешното СЈО на Катица Јанева. Во врска со оваа забелешка и со текот на седницата на Советот за јавни обвинители, ќе поставиме уште две прашања:

Прво, дали е вистина дека и сопругот на претседателката на Советот на јавни обвинители, Душица Димитриевска, исто така работел во СЈО и дека од фамозните бонуси на СЈО тој зел 20.000 евра?

Второ, дали и членот на Советот за јавни обвинители Светлана Жупановска (која учествувала и во работата на Советот кога се одлучувало по жалбата на вишиот јавен обвинител Мустафа Хајрулахи), работела како стручен соработник во поранешното СЈО и исто така зела 20.000 евра од бонусите?

Дали предметот „Бонуси за СЈО“ е прапричина на сите конфликти меѓу обвинителите?

Сите овие околности упатуваат на тоа дека не треба туку така да се отфрли тезата на суспендираниот и кривично гонет виш јавен обвинител Мустафа Хајрулаху, дека неговата судбина и конфликтот со државниот јавен обвинител Љупчо Коцевски зависат од тоа дали ќе успее акцијата за блокирање на случајот „Бонуси на СЈО“. Коцевски опстанува на тезата дека подносителот на кривичната пријава, партијата ВМРО-ДПМНЕ, не е оштетена страна во случајот и дека тоа е причина пријавата да се отфрли.

Како и да е, со внимание очекуваме денеска да ја видиме одлуката на Советот за јавни обвинители за именување на Наташа Крстевска Цалева на позицијата в.д. шефица на Вишото јавно обвинителство Скопје. Посебно ќе биде интересно да се прочита на кој дел од Законот за јавни обвинители се повикува таа одлука. Ние се потрудивме, но такви одредби во Законот не најдовме.

Без оглед што е суспендиран поради дисциплинска постапка и е под истрага поради крајно сомнителна кривична пријава, Мустафа Хајрулахи не е разрешен, не му престанала функцијата и е далеку од крај на мандатот. Поинаку речено, според словото на Законот за јавни обвинители, тој и понатаму е шеф на Вишото јавно обвинителство. Тоа што Советот за јавни обвинители донел одлука да го смени, утре може да биде основа и за кривична постапка против членовите на ова тело, ако се покаже и ако се докаже дека одлуката била незаконска.

Нашиот впечаток е дека и оваа „игранка“ во Советот за јавни обвинители покажува зошто довербата на граѓаните во македонското правосудство е само 2 отсто.

The post НОВАТА ШЕФИЦА НА СКОПСКОТО ВИШО ОБВИНИТЕЛСТВО Е ИМЕНУВАНА НЕЗАКОНСКИ Каква е оваа „игранка“ во Советот на јавни обвинители? appeared first on plusinfo.mk.

Предметот за бонусите е вратен во Обвинителството за организиран кримининал, потврди за „Република“ јавниот обвинител од Вишото јавно обвинителство, Јован Цветановски. Ова значи дека е донесена одлука спротивна од наредбата на државниот јавен обвинител Љупчо Коцевски.

– Има одлука за бонусите во СЈО. Предметот е вратен во Обвинителството за организиран криминал. Решението на Обвинителството за организиран криминал е укинатои дадени се напаствија за продолжување на истрагата за тоа што треба да преземе ОЈО. Целата работа се враќа за утврдување на кривична одговорност – ја објаснува Цветановски одлуката.

Вчера пак државниот јавен обвинител Љупчо Коцевски соопшти дека е поднесен предлог за дисциплинска постапка против вишиот јавен обвинител Мустафа Хајрулахи и против јавниот обвинител од Вишото јавно обвинителство, Јован Цветановски.

Цветановски претходно објасни дека согледувајќи како се одвиваат работите, „држи“ муабетот од вишиот јавен обвинител Хајрулахи дека целта на неговата суспензија е да се направи притисок за случајот за бонусите на СЈО, предмет кој се наоѓа кај него.

Притисокот кој подолго време го прави Коцевски е со цел да се потврди првостепената одлука на ВМРО-ДПМНЕ и партијата како поднесител на кривичната пријава да не се даде својство на оштетен. Според тврдењата на Хајрулахи, Коцевски го повикал на 19 декември да се качи кај него.

– Одам кај него, не дочека јас да го прашам ни како сте, ми се обраќа со зборовите Стигна ли предметот кај вас. Му викам Кој предмет? Вика: предметот за бонусите на СЈО. Да, викам стигна. Кај кого е? Викам кај Цветановски. Вика ќе треба да се потврди првостепената одлука и на политичка партија, на ВМРО-ДПМНЕ, како поднесител на кривичната пријава, да не се даде својство на оштетен. Му викам: обвинителе нека го проучи предметот па ќе видиме. Ги тргна наочарите, ги фрли на маса и рече: јас завршив! Тој мислеше дека има работа со обвинител кој ќе му каже секако, прифатено. Јас се симнав во мојот кабинет, го викнав обвинителот кај кого е предметот му кажав дека ќе составам службена белешка и му објаснив што е како е и кои се притисоците. Службената белешка ја доставив во Совет за јавни обвинители и тие бараа од Коцевски да се произнесе. Дали е нормално републички јавен обвинител да наметнува исход на одлука на обвинител кој не го проучил се уште предметот. Законот е дециден – јавниот обвинител во своето постапување е самостоен. Јас на мојот обвинител не можам да му наложам каква одлука да донесе – раскажа Хајрулахи во емисијата „На кавга со Иван“.

The post ПРОПАДНА ОБИДОТ ДА СЕ ЗАБОШОТИ ПРЕДМЕТОТ „БОНУСИТЕ НА СЈО“ Обвинителот Цветаноски не потклекна под притисокот на шефот Коцевски appeared first on plusinfo.mk.

Претходно беше објавено дека парискиот клуб не исплатил ниту плата на напаѓачот, ниту бонуси од април. Долгот е речиси 100 милиони евра.

– Ова е сè уште во тек. Сега сѐ е во рацете на застапниците на Килијан, но јас сум уверена во ПСЖ и дека сè брзо ќе се врати во нормала. Понекогаш за време на раскинувањето треба да одлучите кој ќе го земе телевизорот, мебелот, автомобилот… Токму тоа го правиме сега. Се надевам дека сето ова нема да го засени она што го доживеавме и нема да го паметиме само ова. Сакам да се сеќаваме на позитивните моменти поврзани со ПСЖ, дури и во оваа тешка година, играјќи на „Паркот на принцовите“. Прекрасно е. Како во врска, не е секогаш сè мазно, има подеми и падови… Но за шест месеци сѐ ќе биде подобро – изјави Фаиза Ламари.

Таа одговори и на прашањето дали се можни дополнителни правни постапки меѓу Килијан и ПСЖ.

– Ако нема друг избор, тогаш да, се разбира. Се надевам дека ќе бидат испочитувани условите од договорот што го потпишавме пред две години – додаде Фаиза Ламари.

Килијан Мбапе од пред два официјално стана фудбалер на Реал Мадрид.

The post „ДОЛЖАТ 100 МИЛИОНИ ЕВРА, НЕМА ДА ИМ ГИ ПРОСТИМЕ“ Мајката на Мбапе најави тужба против ПСЖ appeared first on plusinfo.mk.

„2023 беше среќна и добитна за играчите на 2win.mk на Видеолотарија Касикос Австрија. Тие заедно поделија 262.177.000,00 денари за добивки и награди. Збирниот износ на освоените џекпот добивки на плаформата за интернет игри на среќа 2win.mk оваа година е 150.350.000,00 денари. Играчите на видеолотариските игри најчесто ги играа 40 Супер Хот, Брнинг хот и Шајнинг кроун“, велат од Видеолотарија.

Играчите на спортско обложување годинава заедно освоија 830.245.000,00 денари.

Во текот на 2023 беа реализирани и наградни игри со вкупен награден фонд од 28.803.000,00 денари.

The post ВИДЕОЛОТАРИЈА ИСПЛАТИ ПОВЕЌЕ ОД 262 МИЛИОНИ ДЕНАРИ Фантастична сума добија играчите на 2win.mk од добивки и награди appeared first on plusinfo.mk.

Со исплатата на февруарската плата, околу 1.000 вработени во Веро и во Jumbo маркетите ќе добијат зголемени нето плати до 3.000 денари. Ова е втор поголем финансиски надомест за вработените во компанијата за 4 месеци, откако во ноември менаџментот донесе одлука да им исплаќа месечен бонус од 2.000 денари. Исплаќањето на овој месечен бонус за вработените се воведе како редовна практика со цел компанијата дополнително да ги мотивира сите вработени и континуирано да го наградува трудот на најпосветените работници. Зголемувањето на платите и исплатата на месечните бонуси за само 4 месеци значително ги придвижува нагоре месечните примања на вработените.

Од менаџерскиот тим на Веро велат дека како работодавец компанијата секогаш наоѓа соодветен начин да им обезбеди бенефиции на своите вработени, дури и во кризни периоди.

– Веро на македонскиот пазар е 25 години, период во кој константно инвестираме во маркетите, услугите и во нашите вработени. Покрај во нивниот финансиски бенефит, вложуваме и во едукација и развој на тимот вработени со што креираме одлична клима за градење професионална кариера и личен развој. Грижата за вработените и нивната финансиска стабилност се наш приоритет бидејќи на тој начин обезбедуваме стабилност и просперитет на околу 1.000 семејства во земјава – рече Петар Денковски, генерален менаџер на Веро.

Зголемувањето на платите и воведувањето други финансиски бенефиции за вработените доаѓа во период кога Веро интензивно инвестира во отворање нови маркети. Во моментов во тек се градежни активности за отворање нов Веро и Jumbo маркет во Куманово, како и на уште еден маркет во Скопје во рамки на новиот трговски центар „Дајмонд“ кој наскоро треба да се отвори.

The post ВРАБОТЕНИТЕ ВО ВЕРО И ВО ЏАМБО ДОБИЈА ПОВИСОКИ ПЛАТИ До 3000 денари покачување за околу 1000 вработени appeared first on plusinfo.mk.

Вкупните бонуси, кои ќе бидат исплатени овој месец покрај регуларната плата, ќе изнесуваат десетици илјади фунти и  потекнуваат од кралскиот приватен приход.

„Персоналот кој годишно заработува помалку од 30.000 фунти ќе добие еднократна сума во износ од 600 фунти, оние кои годишно заработуваат меѓу 30.000 и 40.000 фунти ќе добијат 400, а сите на кои годишната плата над 40.000 фунти ќе добијат бонус од 350 фунти“, пишува „Сан“.

Лице блиско до кралското семејство за весникот вели:

-Кралот дава пари од сопствениот џеб за своите вработени со најниск примања. На тој начин сака да им помогне со животните трошоциво кризно време.

The post ЧАРЛС ТРЕТИ ЌЕ ГИ ПОМОГНЕ ВРАБОТЕНИТЕ СО БОНУС Од свој џеб ќе им исплати до 600 фунти appeared first on plusinfo.mk.

Оставките на Баербок и Хабек од челници на Зелените можат сериозно да ја дестабилизираат новата германска влада предводена од Олаф Шолц. За случајот прв објави неделникот Шпигел, што го натера Јавното обвинителство да ја поведе истрагата.

Густо е и внатре во партијата. Внатрешните партиски ревизори веќе поставиле прашања за исплатата на корона бонусите на управниот одбор, јавува агенцијата ДПА.

The post СИ ДЕЛЕЛЕ КОРОНА БОНУСИ Германскиот вицеканцелар и министерката Аналена Баербок ќе дадат оставки appeared first on plusinfo.mk.

Извршниот директор на Тесла, Илон Маск, продаде уште 934.090 акции, или околу 1,02 милијарди долари сопственички удел во компанијата за електрични автомобили и неговата компанија која се занимава со соларна енергија, покажуваат финансиските податоци објавени доцна синоќа на Волстрит.

Во исто време, Маск ги искористи опциите за купување на скоро 1,6 милиони акции на Тесла по фиксна цена од 6,24 долари по акција, која му беше доделена како надомест во пакетот за компензација во 2012 година, бидејќи не прима плата и парични бонуси, јави Си-Ен-Би-Си.

Со користењето на опциите, чиј рок истекува следната година, Маск го зголеми својот удел во Тесла овој квартал од околу 170,5 милиони акции на над 177 милиони акции, јави Вол Стрит Џурнал.

Шефот на „Тесла“ почна да продава акции на 8 ноември, делумно за да ја намири даночната сметка што му следува врз основа на опции.

The post МИЛИЈАРДЕРОТ ГИ ПРОДАВА АКЦИИТЕ ДОБИЕНИ КАКО ПЛАТА И БОНУСИ Маск продаде акции во вредност од над 1 милијарда долари appeared first on plusinfo.mk.