Иако во Европската Унија се веќе забранети голем број контроверзни адитиви, многу производи со вештачки бои сѐ уште можат да се најдат на полиците, особено оние увезени од САД или други земји.

Многу истражувања ги поврзуваат боите Црвена 40, Жолта 5 и Сина 1 со хиперактивност, нарушување на вниманието, а при поголеми дози дури и со оштетување на имунитетот и развојни проблеми кај децата.

Што се менува во САД, а што е веќе забрането во ЕУ?

Во Америка е најавена постепена забрана на синтетички бои добиени од нафта, нешто што ЕУ веќе го применува. На пример, титаниум диоксидот е веќе забранет во ЕУ, додека во САД сè уште се користи. Поради тоа, истата марка бонбони во ЕУ има поинаков, побезбеден состав.

Повеќе за ова на „Мајка и дете“.

The post ОД БОНБОНИ И ЛИЖАВЧИЊА ДО РАЗВОЈНИ ПРОБЛЕМИ Храната со вештачки бои се поврзува дури и со оштетување на имунитетот кај децата appeared first on plusinfo.mk.

Добротворна организација која работи со бездомници во Окленд, Нов Зеланд, несвесно делела лижавчиња со потенцијално смртоносна доза на метамфетамин во своите пакети со храна, пишува Гардијан.

Станува збор за донирани пакети со храна. Мисијата на градот Окленд им кажа на новинарите дека персоналот почнал да контактира со околу 400 луѓе за да пронајдат пакети што содржат дрога метамфетамин во омоти за лижавчиња.

Новозеландската полиција отвори кривична истрага.

Количината на метамфетамин во секоја бонбона била до 300 пати поголема од нивото што некој вообичаено би го земал и може да биде фатално, според Новозеландската фондација за дроги, организација за политика и тестирање на дрога, која прва ги тестирала лижавчињата.

Бен Биркс Анг, портпарол на Фондацијата, рече дека „прикривањето“ на дрогата како безопасна стока е вообичаена техника на прекуграничен шверц и дека повеќе слатки можело да се дистрибуираат низ Нов Зеланд.

-Уличната вредност на едно лижавче е 608 американски долари, што значи дека донацијата од непознатото лице била случајна и ненамерна – вели Биркс Анг.

Нема хоспитализирани.

The post НА БЕЗДОМНИЦИ ИМ ДЕЛЕЛЕ БОНБОНИ СО СМРТОНОСНА КОЛИЧИНА НА ДРОГА Новозеландската полиција отвори кривична истрага appeared first on plusinfo.mk.

Пронајдени се 70 пакувања, 5.000 бонбони со марихуана, 12 килограми марихуана и шест килограми хашиш, соопшти шпанската цивилна гарда.

Пронајден е и материјал за производство, пакување и дистрибуција на дрога, пренесува Хина.

Во акцијата се уапсени три лица, државјани на Велика Британија, Холандија и Русија, кои се осомничени за шверц на дрога и во моментов се во притвор.

Полицијата почна истрага откако пресретна серија пакети по пошта во кои се наоѓале слатки со марихуана испратени во Германија, Франција, Италија, Холандија, Португалија и Хрватска.

The post ПРОИЗВЕДУВАЛЕ ГУМЕНИ БОНБОНИ СО МАРИХУАНА!? Шпанската полиција откри тајна лабораторија appeared first on plusinfo.mk.

„На пат кон Бугарија важни средби за Србија. Инаку, мислам дека сум единствениот на светот што јаде кифлички и бонбони Харибо за појадок.“, твитна Вучиќ.

The post КИФЛИЧКИ И БОНБОНИ ЗА ПОЈАДОК Вучиќ го заслади летот до Софија appeared first on plusinfo.mk.

Многу е важно на вашето дете да му всадите здрави навики во исхраната уште од рана возраст; сепак, има многу мајки на кои им е „слатко“ кога детето јаде слатки, а не разбираат колкава штета му нанесуваат на сопственото дете на подолг рок.

Грубо кажано, шеќерот затапува. Шеќерот ја уништува концентрацијата и способноста за учење.

Со тоа што на вашето дете многу рано му давате слатки, му создавате навика да сака само слатка храна, а дополнително му акумулирате токсини во телото кои ќе му прават проблеми подоцна во животот.

Само затоа што последиците од нешто не се гледаат веднаш, не значи дека никогаш нема да се појават.

Повеќе за ова на порталот „Мајка и дете“.

The post ЛЕСНО Е ДА СЕ НАВЛЕЧAT НА БОНБОНИ И ЧОКОЛАДИ Научете ги децата да се хранат здраво appeared first on plusinfo.mk.

Едно момче од Перт, Австралија, било однесено во Брза помош откако се здобило со страшни изгореници кои му се појавиле откако ги јадел популарните бонбони. Високата киселина во слатко-киселите бонбони му го изгорела јазикот.

Според CPR Kids, повеќето пакувања со вакви слатки содржат предупредувања за децата, иако сметаат дека треба целосно да се избегнуваат, без разлика на возраста. „Важно е родителите да бидат свесни за можноста за изгореници предизвикани од киселите бонбони“, додаваат тие.

Повеќе за ова прочитајте на порталот „Мајка и дете“.

The post ДЕТЕ ЗАВРШИЛО НА ИТНА ПОМОШ ЗАРАДИ КИСЕЛИ БОНБОНИ Високата киселина во слатко-киселите бонбони му го изгорела јазикот appeared first on plusinfo.mk.