Битолската полиција денеска до ОЈО Битола поднесе кривична пријава против Б.А. (33) од Битола, Н.Ц. (25) од селото Ерековци, прилепско, со место на живеење во Битола, И.Ѓ. (40) од Битола и П.Д. (38) од Битола поради основано сомнение за сторено кривично дело Предизвикување општа опасност.

„На 12 јули годинава, околу 2.05 часот, Б.А. и Н.Ц., по насоки од И.Ѓ., дошле со мотоцикл во близина на куќа во Битола, по што Б.А. фрлил експлозивна направа кон куќата. При тоа биле оштетени фасади од куќи, прозорци и врати, а биле опожарени 7 возила. Четвртообвинетиот П.Д. пак, му помогнал на Б.А. да сокрие докази во врска со кривичното дело“, соопшти битолската полиција.

Вчера и денеска по наредба од Основен суд Битола од страна на полициски службеници од СВР Битола се извршени претреси на повеќе локации во сопственост на осомничените, при што се пронајдени една рачна бомба, марихуана, шише со непозната течност со семки во внатрешноста, солзавец, предмети со траги од прашкаста материја, како и предмети со кои се извршени кривични дела, се додава во соопштението.

„Б.А., Н.Ц. и П.Д. се лишени од слобода, а се преземаат мерки за пронаоѓање на И.Ѓ“, се вели во соопштението од СВР Битола.

The post ПОЛИЦИЈАТА ГИ УАПСИ БОМБАШИТЕ ОД БИТОЛА Тројца се фатени, еден е во бегство appeared first on plusinfo.mk.

Експлозија ноќеска ги вознемири битолчани, откако напаѓач, кој засега не ѝ е познат на полицијата, фрлил бомба на улицата Охридска.

„На 12.7.2025 година во СВР Битола било пријавено дека во околу 2.05 часот, од страна на непознат сторител била фрлена експлозивна направа на улицата Охридска во Битола.  Од самата експлозија се направени оштетувања на патнички возила од марките „фолксфаген“, „бмв“, „тојота“, „киа“, „рено“, „матиз“ и „тико“, сите со битолски регистарски ознаки, паркирани на улицата. Направени се и неколку оштетувања на прозорци и врати од околните куќи“, соопшти полицијата.

Увидот во присуство и по насока на јавен обвинител го извршила увидната екипа на СВР Битола, при што се преземаат мерки за расчистување на настанот, се додава во соопштението.

The post ФРЛЕНА БОМБА ВО БИТОЛА, ОШТЕТЕНИ 7 ВОЗИЛА И ПОВЕЌЕ КУЌИ Бомбашот не е фатен, полицијата трага по него appeared first on plusinfo.mk.