Најдобро и најевтино ќе биде новиот клинички центар да се направи близу ГОБ 8 Септември, информираше денеска министерот за здравство Азир Алиу, кој имаше брифинг, а потоа даде и изјава за медиумите, по повод една година откако е на министерската функција.

Изјацата доаѓа откако Владата обзнани дека преговара за земјиштето спроти „8 септември“ кај спортскиот центар Борис Трајковски за можна локација.

Министерот Алиу смета дека не е грешка да се инвестира и во местото каде што сега се наоѓа Клиничкиот центар Мајка Тереза, со оглед на тоа што дури и веднаш да почне да се прави, ќе бидат потребни најмалку 4 години за новиот клинички да биде завршен. Министерот подвлече дека тој временски период не е мал и додаде дека таму каде што сега се вложува, нема да се руши просторот, па, оценува дека не е грешка да се инвестира.

– Не е трошење пари за џабе – подвлече тој.

На новинарско прашање, Алиу одговори дека во Министерството за здравство, како и на Инфективна клиника, ТОАРИЛУЦ, Трансфузиологија, веќе делумно функционира фингерпринтот – односно идентификација со отпечаток од прст на вработените во овие установи. Се работело тоа да се прошири и на другите клиники.

Се работело на чекалните во болниците, да се направат како што треба. Рече дека ќе биде поевтино да се оди за цела држава, наместо посебно за секоја клиника да се бара и да се купуваат столчиња. Се работело и на тоа да се реши проблемот со кречењето.

На прашање дали ќе бидат опфатени и тоалетите, министерот одговори потврдно.

– На Онкологија е почнато со реновирање на тоалетите. На онкологија во план е да се гради плус уште еден кат – најави министерот, меѓу другото.

Тој информираше и дека се работи на дигитализација во здравството. Се работело со картичка пациент да оди кај лекар, на преглед, да се има евиденција колку време чека еден пациент. Ова, наместо да му даваат бројче и да чека со ливче за да може да се следи системот.

Министерот се согласи со констатацијата на еден од новинарите дека хигиената не е на ниво во дел од клиниките, додавајќи дека некои клиники немаат доволно хигиеничари.

Прашан за регионализација, тој кажа дека се прави функционална анализа, некои услуги ќе се затвореле во некои болници, ќе се инвестирало во најблиската болница до тој град – чекор кон регионализацијата.

По една година од преземањето на функцијата министер за здравство, тој рече дека е голема одговорноста да се води таков ресор – сензитивен како што е здравството, дека не е лесно.

– Периодот за една година е прекраток за да кажеме дека денеска имаме здравствен систем што е различен од вчера. Тоа што можам денеска да го кажам пред вас е дека денеска, тоа што го немавме пред една година, имаме јасна слика за здравствениот систем и јасна цел кај сакаме да стигнеме со реформите во здравството – и од инфраструктурна гледна точка и од човечки капацитети и од технологија и дигитална трансформација. Чест ми е денеска пред јавноста да кажам дека мапирањето на здравствениот систем ни ги кажа сите недостатоци во системот, но, исто така, ни даде – буст, ни даде енергија за да може да креираме и да предвидуваме проекти, со што здравството нема само да лечи, туку и ќе предвидува – истакна Алиу.

Според капацитетите и како држава и од финансиска гледна точка и од инфраструктурна гледна точка, тој рече дека на 24. овој месец, нашата држава или нашиот здравствен систем веќе станува дел од европските здравствени системи.

– Така, ние ќе бидеме полноправна членка на EU4Health, на една од најголемите или најголемиот здравствен фонд во Европа, од кој што ќе црпиме финансиски средства од Европа, ќе црпиме и технички и експертиза од нив. Потоа, имајќи предвид дека знаеме што треба да промениме во здравството, од јули, ќе почнеме да аплицираме на оваа програма и се надевам дека ова ќе ни дојде дополнителна енергија со цел да може да се забрзаат реформите во здравството – подвлече министерот Алиу.

The post НАЈДОБРО И НАЈЕВТИНО Е НОВИОТ КЛИНИЧКИ ДА БИДЕ БЛИЗУ „8 СЕПТЕМВРИ“ Не е за џабе ниту инвестирањето кај сегашниот комплекс „Мајка Тереза“ appeared first on plusinfo.mk.

Министерството за здравство, со поддршка од Светската здравствена организација, Канцеларијата на СЗО во Северна Македонија и Канцеларијата на СЗО за квалитет на здравствена заштита и безбедност на пациентите во Атина, започна значајна национална иницијатива за зајакнување на квалитетот на здравствената заштита и безбедноста на пациентите во земјата.

Иницијативата, како што соопшти Министерството за здравство, има за цел да придонесе за подобрување на здравствените услуги и постигнување подобри здравствени исходи за граѓаните, во согласност со приоритетите утврдени во владината програма за здравство. Во нејзина основа е првата сеопфатна проценка на националната рамка за квалитет на здравствената заштита, која ќе се реализира во периодот од мај до август 2026 година.

Процесот официјално беше означен со национална работилница во Скопје, на која присуствуваа министерот за здравство Азир Алиу, претставникот на СЗО во Северна Македонија д-р Аким Али и д-р Жоао Бреда, раководител на Канцеларијата на СЗО за квалитет на здравствена заштита и безбедност на пациентите во Атина. На настанот учествуваа и претставници на клучни здравствени институции, академската заедница, професионални здруженија и пациентски организации.

Министерот Алиу истакна дека квалитетот и безбедноста на пациентите се суштински дел од реформите во здравството.

– Нашата цел не е само да обезбедиме повеќе здравствени услуги, туку услуги кои се побезбедни, поквалитетни и поориентирани кон пациентот; услуги кои носат подобри резултати, поголема доверба и сигурност за граѓаните. Квалитетот и безбедноста на пациентите не се дополнителен елемент на реформата — тие се нејзината суштина – изјави министерот Алиу.

Процесот на проценка ќе вклучи консултации со здравствени институции, професионални здруженија, академската заедница, пациентски организации и други релевантни чинители, како и теренски посети, технички состаноци, интервјуа и преглед на релевантните политики и практики. Наодите ќе обезбедат основа за зајакнување на управувањето со квалитетот, отчетноста и континуираното подобрување на здравствените услуги.

– СЗО ја поздравува силната заложба на Министерството за здравство и националните партнери да ги постават квалитетот на здравствената заштита и безбедноста на пациентите во центарот на здравствените реформи. Квалитетот е од суштинско значење за постигнување подобри здравствени исходи, зајакнување на довербата на јавноста и обезбедување инвестициите во здравството да донесат конкретни придобивки за луѓето. СЗО останува посветена да ја поддржи Северна Македонија во преточување на наодите од оваа проценка во практични активности кои ќе го зајакнат здравствениот систем и ќе го подобрат искуството на пациентите – изјави д-р Аким Али, претставник на СЗО во државава.

За време на посетата на Северна Македонија, д-р Жоао Бреда сподели меѓународни искуства и примери од земји од Европскиот регион на СЗО кои успешно спровеле национални политики за квалитет и програми за подобрување на квалитетот.

– Квалитетот на здравствената заштита е еден од најсилните двигатели на подобри здравствени исходи и посилни здравствени системи. Со спроведувањето на оваа сеопфатна проценка, Северна Македонија покажува лидерство и јасна посветеност кон континуирано подобрување. Овој процес не е само проценка на моменталната состојба, туку и можност да се идентификуваат конкретни области за дејствување. СЗО е горда што ја поддржува земјата во развојот на посилна национална рамка за квалитет, унапредување на безбедноста на пациентите и вклучување на луѓето, како и во градењето култура на учење во здравствениот систем – изјави д-р Жоао Бреда.

Од Министерството за здравство и СЗО нагласуваат дека заедничката цел е воспоставување посилна рамка за квалитет и безбедност на пациентите, како и создавање здравствен систем кој ќе биде поефективен, поотчетен и целосно ориентиран кон потребите на граѓаните.

The post ЌЕ СЕ БАРААТ СЛАБИТЕ ТОЧКИ ВО ЗДРАВСТВОТО Министерството и СЗО почнаа национална анализа и проценка appeared first on plusinfo.mk.

Аналитичкиот извештај за болничкото лекување 2023–2025 година на Фондот за здравствено осигурување на РСМ (ФЗОРСМ) покажува стабилен раст на бројот на пациенти, зголемени буџети и постепено зајакнување на капацитетите на здравствениот систем, истакнаа на денешната прес-конференција директорот на ФЗОРСМ Сашо Клековски и заменик-директорот Седат Бислими.

Според податоците, во 2025 година биле лекувани 194.230 пациенти, што е зголемување од 5,1 отсто во однос на 2023 година. Во истиот период, вкупниот болнички буџет пораснал за 24 отсто, достигнувајќи 32,5 милијарди денари.

– Просечното болничко лекување траело малку под 5 дена, го чинело здравствениот систем околу 32 милијарди денари, а просечната сложеност на интервенциите изнесувала 1,55 –  рече Клековски.

Најголем раст на болнички случаи има во две категории – очни болести и болести на мускулно-скелетниот систем, со раст од околу 20 проценти. Тоа, рече, се должи на обидите да се намалат листите на чекање за операции на катаракта, како и за планирани операции на колкови и слично.

Од друга страна, посочи Клековски, има пад од 3 проценти кај хоспитализациите за циркулаторни, односно кардиоваскуларни болести. Треба дополнително да се анализира дали станува збор за тренд на намалување на овие заболувања, што, рече, би било позитивен сигнал.
Забележан е и пад од 7,5 проценти кај хоспитализациите поврзани со бременост и породување, што, потемцира, повторно е одраз на демографските промени.

– Во однос на сложеноста на болничките случаи, хируршките интервенции генерално се издвојуваат по својата комплексност и тие се споредливи со земјите со среден европски развој.
Она што можам да го истакнам е дека имаме напредок во 9 од 12 општи болници, што е за поздравување. Од клиничките болници, најголема сложеност покажува Клиничката болница Штип, а најголем напредок има Клиничката болница Битола. Морам да ја издвојам и ГОБ „8 Септември“, која иако формално е општа болница, со индекс на сложеност близу 2 има ниво споредливо со клиничките центри и нуди значително посложени интервенции – рече Клековски.

Според Извештајот, бројот на болнички случаи расте стабилно — од 184.829 во 2023 година на 194.230 во 2025 година (+5,1 проценти), со пораст кај речиси сите типови здравствени установи, освен кај клиничките болници. Болестите на очите бележат +21,9 проценти повеќе хоспитализации, а заболувањата на мускулоскелеталниот систем +28,9 проценти, што укажува на надоместување на одложените ортопедски интервенции по пандемијата. Хоспитализациите поради кардиоваскуларни заболувања бележат пад од 26.651 на 25.876 случаи (–2,9 проценти) — позитивен сигнал кој укажува на можни подобрувања, рече Клековски.

Договорните буџети со ЈЗУ бележат раст од 24 отсто за две години  милијарди денари, при што најголем апсолутен пораст има кај универзитетските клиники (+33 отсто).

Анализата по установа открива јасна структура во однос на комплексноста на третманите. Тоа е изразено преку Индексот на комплексност на случаи Case Mix Index — ЦМИ, односно  просечната релативна тежина на сите DRG Diagnosis Related Groups случаи во една здравствена установа за одреден период.

На врвот се кардиохируршките болници: ПЗУ „Систина“ — CMI 18,4 и ПЗУ „Филип Втори“ — CMI 15,4, по што следуваат: УК за Хематологија — CMI 9,8, УК за Државна кардиохирургија — CMI 9,1. Кај општите болници, ГОБ „8 Септември“ со CMI 1,95 се издвојува како единствена општа болница со вредност на ниво на клиника и практично функционира како референтен центар за Скопје.Меѓу регионалните болници, Клиничката болница Штип предничи со CMI 1,31, додека Клиничката болница Битола бележи најголем пораст во 2025 година (+0,09).

Според ФЗО, особено значајно е што 9 од 12 општи болници го подобриле својот CMI во 2025 година во споредба со 2024 година. ОБ Куманово има најголем раст (+0,091), а ОБ Струмица за првпат го надминува прагот од CMI 1,0.

– Ова укажува дека регионалните болници постепено преземаат посложени случаи, што претставува позитивен сигнал за децентрализација на здравствената грижа и подобар пристап за граѓаните надвор од Скопје – велат од Фознот за здравствено осигурување.

The post БОЛНИЦИТЕ ЛЕКУВААТ ПОВЕЌЕ ПАЦИЕНТИ, СРЕДСТВАТА ПОРАСНАЛЕ ЗА 24% Анализата на ФЗО за последните 2 години покажува општ раст во здравството appeared first on plusinfo.mk.

Седум лица беа повредени во саботата, кога автомобил со голема брзина се заби во пешаци во италијанскиот град Модена, при што најмалку четворица беа сериозно повредени, јавија италијанските медиуми.

Откако ги прегазил пешаците, возачот, на возраст од 31 година, со нож нападнал минувач кој се обидел да го запре. Минувачот бил раскрвавен во главата, но не е посериозно прободен.

Откако група минувачи успеале да го совладаат, напаѓачот бил уапсен од полицијата.

Италијанскиот министер за внатрешни работи Матео Пјантедози изјави дека 31-годишниот напаѓач не е осомничен за терористички акт, туку имал психички проблеми.

Градската префектка Фабриција Триоло на прес-конференција изјави дека возачот, дипломиран економист роден во 1995 година и претходно непознат за полицијата, во 2022 година поминувал низ период на „психолошка нестабилност“.

– Во 2022 година беше на лекување во нашите центри за ментално здравје поради проблеми поврзани со шизоидно нарушување. Потоа исчезна од нашиот радар и, за жал, денес повторно се појави на ваков драматичен и трагичен начин – изјави градоначалникот на Модена, Масимо Мецети.

Неговиот дом во близина на Модена бил претресен, но извори цитирани во италијанските медиуми велат дека досегашната истрага не покажала никакви знаци на радикализација.

Меѓу повредените има и двајца странски државјани – германски турист кој бил на одмор во Италија и жена од Полска. Повредените биле пренесени во повеќе болници низ регионот Емилија-Ромања.

55-годишна жена, која била згмечена во излог на продавница, е хоспитализирана во болницата Оспедале Маџоре во Болоња. Нејзиниот живот е во опасност, а лекарите морале да ѝ ги ампутираат нозете.

Во истата болница на интензивна нега се наоѓа и 52-годишен маж. И уште еден маж, кој бил прегазен од автомобилот, останал без долните екстремитети.

53-годишна и 69-годишна жена биле примени во болницата Баџовара во Модена. Таму се лекува и 69-годишен маж, чии повреди се оценети како полесни.

27-годишна девојка, 71-годишна жена и 47-годишен маж се хоспитализирани во Поликлинико ди Модена. Тие се здобиле со полесни повреди и не се во животна опасност.

 

View this post on Instagram

 

A post shared by @premiernews.mk

The post 🎥 (ВОЗНЕМИРУВАЧКО) СЕ ПОЈАВИ ВИДЕО ОД ПРЕГАЗУВАЊЕТО ПЕШАЦИ ВО МОДЕНА, ИТАЛИЈА Сигурносните камери го фатија бруталниот момент appeared first on plusinfo.mk.

Македонските болници би можеле да се соочат со недостиг на шприцеви, епрувети, ракавици и материјали за снимање, поради воената криза во Иран. Најкритична е состојбата со контрастните средства што се користат за компјутерска томографија и магнетна резонанца, објави ТВ Алфа.

Залихите се сведени на минимум, а од Клиничката Болница Штип апелираат до матичните лекари и специјалистите да упатуваат на снимање само итни случаи. Според најавите, нови количини од добавувачот се очекуваат на 21 мај.

– Станува збор за контрастни средства кои се користат при снимање со компјутерски томограф и магнетна резонанца. Залихите ни се на долна граница, а ниту добавувачите немаат резерви, бидејќи производителот не работи со капацитетот со кој работел претходно – изјави Владко Захариев, директор на Клиничка болница – Штип.

Поради намаленото производство, се очекува недостигот да биде глобален. Во однос на шприцевите, епруветите и латекс производите, од болницата велат дека засега располагаат со резерви за најмногу два месеца. Доколку состојбата во Иран продолжи, ќе се прават прерапределби меѓу болниците.

The post МАКЕДОНСКИТЕ БОЛНИЦИ ЌЕ СЕ НАЈДАТ ВО ЗОРТ ПОРАДИ ВОЈНАТА ВО ИРАН Веќе недостигаат контрастни средства, а ќе нема шприцеви, ракавици, епрувети… appeared first on plusinfo.mk.

Со децении болницата ја доживувавме како физичка метафора на здравствената грижа, како цврста градба во која се влегува со болка, а од која се излегува со надеж. Нејзината ограничена и строго дефинирана просторна архитектура се претвори и во архитектура на нашиот начин на размислување за здравјето, која се движи од влезот, преку приемот, кон одделението, до креветот и чекањето за лекарската визита. Но, најинтересните здравствени процеси и реформи што денес се случуваат во светот го менуваат ова наше поимање, создадено врз основа на нашето локализирано искуство. Денес сe почесто се поставува прашањето до каде може да достигне болничката грижа, наместо прашањето каде се наоѓа болницата. Одговорот на оваа дилема бара да се утврдат контурите на идејата за „болница без ѕидови“.

Не станува збор за поетска идеја или слика, за научно-фантастичен расказ или илузија на човечкиот ум. Напротив, оваа идеја треба да се прифати како зрела реорганизација на медицинската одговорност во системот, нешто што веќе е карактеристично за најнапредните здравствени системи во светот.

Во Англија, виртуелните одделенија се дефинираат како hospital at home, односно болничка грижа во домот на пациентот, со цел лекувањето да се одвива во поприродна средина, додека болничките кревети да останат достапни за оние на кои навистина им се потребни. Во САД, програмата Acute Hospital Care at Home веќе има добиено широки институционални размери; CMS (Centers for Medicare & Medicaid Services) соопшти дека до октомври 2024 година во оваа иницијатива учествувале 366 болници и биле третирани повеќе од 31.000 пациенти. Во Австралија, пак, Hospital in the Home одамна е дел од институционалниот речник на јавниот здравствен систем.

Вредноста на овие искуства не лежи само во новитетот што го претставуваат или во ентузијазмот што можат да го предизвикаат во помалку развиените системи. Таа лежи во фактот дека зад нив сe повеќе стојат конкретни резултати, а не само институционален ентузијазам.

Едно истражување објавено во JAMA Network Open во 2025 година, спроведено во рурални области во САД и Канада, покажува дека дел од возрасните пациенти со акутни заболувања можат успешно да се третираат и во домашни услови, кога грижата што ја нуди системот е добро организирана. Ова значи дека квалитетот на грижата не зависи само од ѕидовите што ја опкружуваат, туку од прецизноста со која таа е организирана.

Секако, тука почнуваат да се отвораат и посериозните аспекти на оваа тема. Болницата без ѕидови бара повисоко ниво на системска дисциплина и институционална одговорност. Бара внимателна селекција на пациенти, домашни посети, далечинско следење, 24-часовна достапност на медицинските тимови и јасна распределба на одговорностите. Во најдобрите модели што функционираат во светот, домот станува продолжение на болницата затоа што протоколите се цврсто поставени и нивната примена е прецизно координирана. Таму каде што овие предуслови недостигаат, идејата може да остане само привлечна фраза.

Прашањето што природно се наметнува е дали оваа тема има смисла и за Македонија. Мојата проценка е дека има, но под услов да се размислува постепено, со клиничка строгост и без реторички претерувања. Во извештајот North Macedonia: Health system summary 2025, објавен од European Observatory on Health Systems and Policies во март 2026 година, се нагласува дека земјата го проширува дигитализирањето преку „Мој термин“, електронски здравствени картони, е-рецепти, порталот „Мое здравје“ и можностите за телемедицина. Ова сe уште не е „болница во домот“, но е токму основата без која една таква идеја не може да добие одржлива форма, правна сигурност и клинички истражувања.

Во оваа слика постои и еден домашен сигнал дека насоката веќе може да се насети. Во Дебар беше промовиран пилот-проект за телемедицина во дерматовенерологијата, поврзувајќи ги Скопје, Дебар и Делчево. Изборот на овие региони не беше случаен, станува збор за периферни подрачја каде што недостигот од специјалисти и оддалеченоста од поголемите центри директно влијаат врз пристапот до здравствена грижа. Овој пилот-проект не е „болница без ѕидови“ во целосна смисла на зборот, но е дел од истата реформска логика: знаењето да се доближи до пациентот, наместо пациентот секогаш да го носи товарот на системот.

Токму тука вреди да се даде и одговор на критиката што може да се појави: дали е оправдано да се отвори ваква тема во време кога има листи на чекање, недостиг од кадар, нееднаквости во пристапот и организациски слабости? Токму овие проблеми ја прават темата актуелна. Во систем каде што патувањето до специјалист често претставува трошок, замор и губење време, каде што болничкиот кревет е ограничен ресурс и некои пациенти остануваат подолго отколку што е потребно, секој модел што ја доближува грижата до домот на безбеден начин претставува порационална организација на постојните капацитети. Значи, не станува збор за дискусија за некаква луксузна иднина, туку за поумно користење на сегашноста.

За Македонија, најразумниот пат би бил внимателно дизајниран пилот-проект со јасно дефинирани категории пациенти. На пример: пациенти кои примаат интравенска антибиотска терапија, стабилизирани кардиолошки и пулмолошки пациенти, одредени состојби по акутната фаза што бараат надзор, но не и целосен болнички престој, како и случаи од рурални средини каде што самата дистанца претставува дополнителен ризик. За ова ќе бидат потребни мобилни медицински тимови, клинички протоколи за прием и отпуст, далечинско следење, јасно регулирани одговорности и модел на финансирање што ја препознава услугата, а не само физичката употреба на креветот. Меѓународните искуства укажуваат дека постепеноста е најсигурниот пат кон одржлива практика.

Во суштина, станува збор за подлабока промена во здравствената култура. Современата медицина е изградена околу институциите. Но човекот живее дома, со семејството, со своите навики, со своите стравови, често на периферијата. Кога здравствениот систем ќе созрее доволно за да пренесе дел од својата клиничка моќ токму таму, тој не само што го зачувува својот сериозитет, туку и го продлабочува својот хуманизам.

Затоа, болницата без ѕидови заслужува да се отвори и кај нас со внимателност и чувство за реалност, како внимателен чекор кон пофлексибилен и поправеден систем, кој ја поврзува технологијата, клиничката строгост и достоинството на пациентот.

The post Болница без ѕидови appeared first on plusinfo.mk.

Кочани денеска им се заблагодари на лекарите, медицински тимови од земјата и странство, волонтери, хумани луѓе, амбасадите во земјата, државните институции и на министерствата кои учествуваа во спасување и хоспитализација на повредните во пожарот во кочанската дискотека „Пулс“, кој се случи пред една година.

Градоначалникот на општина Кочани, Владко Грозданов во емотивниот говор на денешниот централен настан во рамките на одбележување на годишнатата од трагедијата во Кочани, во кој згаснаа 63 животи, а 193 млади луѓе беа повредени рече дека „денес стоиме овде со тешки, но благодарни срца“.

– Стоиме со спомените на една ноќ што засекогаш ќе остане врежана во колективната меморија на Кочани. Ноќ во која болката го погоди нашиот град со сила што никој не можеше да ја замисли. Пожарот во „Пулс“ не беше само трагедија. Тој беше судир со најтешките човечки страдања. Во тие часови на ужас, нашите деца, нашите млади, се најдоа лице в лице со огнот и чадот. Лице в лице со страдањето се најдоа и оние кои се заколнале дека ќе го чуваат животот: лекарите, медицинските сестри, техничарите, болничарите, хуманите луѓе. Многумина од вас што сте денес тука, ги видовте раните од блиску… едноставно со еден збор – повеќе од хорор – рече Грозданов.

Tокму во тие најтешки моменти, според Грозданов, се случи нешто штo ние, во Кочани никогаш нема да го заборавиме.

– Ние не останавме сами! Од сите страни пристигна помош. Болниците во државата и во многу други држави ги отворија своите врати. Доктори и медицински тимови се ставија на располагање без двоумење. Амбулантни возила, полициски возила, армиски возила, хеликоптери, авиони појдоа кон непознати дестинации, носејќи ги нашите деца кон спас, кон нова надеж – вели Грозданов.

Тој додаде дека Кочани никогаш нема ги заборави редицата на луѓе кои даруваа крв за повредните, како и на редицата од луѓе кои носеа храна, вода, намирници и ги нудеа своите домови за семејствата на повредните млади луѓе.

– И затоа, денес, од името на граѓаните на Кочани, од името на родителите и на семејствата, од името на младите кои денес повторно учат да живеат – ви велиме едно големо, длабоко и искрено: Ви благодариме! Благодариме за вашата храброст. Благодариме за вашата пожртвуваност. Благодариме за секој час поминат покрај болничките кревети. Благодариме за секој спасен здив. Благодариме за секој живот што успеавте да го вратите од работ на бездната. Кочани ви благодари – подвлече во својот говор градоначалникот на Кочани Грозданов.

Благодарници од Општина Кочани добија 36 болници од странство, амбасади, државни институции и министерства. Претставникот од болницата „Пиригов“ од Република Бугарија го врачи ѝ клучот од болницата на градоначалникот на Кочани, во знак на пријателство и солидарност.

Во рамките на манифестацијата „Кочани ви благодари“ имаше музичко-сценски настап на познатиите светски реномирани музичари, Симон Трпечевски, Игор Дурловски и Зарина Парсевда.

The post КОЧАНИ НЕ ГИ ЗАБОРАВИ ТИЕ ШТО ПОМОГНАА ВО КОБНАТА НОЌ Благодарници за поединци и институции од земјава и странство appeared first on plusinfo.mk.

Во втората половина од 2025 година ја презедов одговорноста да го водам Министерството за здравство со јасно поставена цел -здравството да нема потреба од импровизација, туку од архитектура. Од првиот ден, мојот фокус не беше да ветувам брзи решенија, туку да поставам одржливи темели за систем што внимателно планира, мери, се пресипитува и континуирано се подобрува.

Втората половина од 2025 година беше период на поставување развојна насока. Време исполнето со внимателно слушање на здравствените работници, темелна анализа на податоците, со цел реално согледување на состојбата во здравството. Овој процес се одликуваше со тивка и структурирана работа, затоа што трајните промени во здравствениот систем бараат јасност и трпение.

Од задоцнета реакција кон управување во реално време

Една од клучните пораки што ја истакнав на мојата прва прес-конференција беше дека одлуките во здравството мора да се носат врз основа на реални податоци, а не на интуитивно чувство или моментален надворешен или внатрешен притисок. Во месеците по јуни 2025 година започна поставувањето темели на новиот пристап, насочен кон навремено препознавање на ризиците пред тие да се претворат во проблем за граѓаните.

Во 2026 година, овој пристап станува стандард. Целта е Министерството за здравство да функционира како систем што во реално време ги следи капацитетите, оптоварувањата и човечките ресурси и интервенира со промислени, проактивни, а не реактивни мерки.

Инвестиции што создаваат капацитет и рамномерност

Оваа година означува важна фаза на капитални инвестиции, кои се резултат на анализите и планирањето започнати во втората половина од 2025 година. Со инвестиција од 205 милиони евра, ќе напредуваат проектите за клиничките болници во Штип, Тетово и болницата во Кичево. Овие инвестиции нема да бидат само градежни зафати, туку дел од инфраструктурна политика за јакнење на регионалните капацитети и намалување на хроничната преоптовареност на постојните клиники од терциерно здравство. Според нашите анализи, 70% од пациентите кои треба да добијат здравствени услуги на примарно и секундарно здравство тие се приморани, поради системски слабости се упатуваат на терциерно ниво. Оваа аномалија, освен што претставува екстра трошок за пациентите, таа е губење време за нив, но исто така, претставува и дополнителен товар за терциерното здравство, односно значјано отежнување на исполнувањето на неговата обврска за научно истражувачка дејност и следење на новите технологии и протоколи кои се дел од современите трендови во здравството.

Во насока на одговорно планирање, во текот на оваа година ќе започне и изработка на физибилити студија за нов клинички центар во Скопје, како неопходен чекор за долгорочен и одржлив развој на здравствениот систем во нашата држава.

Дополнително, решавањето на проблемот со паркирањетво клиничкиот комплекс „Мајка Тереза“ во Скопје, ќе биде резултат на конкретен проект што покажува дека реформите не се однесуваат само на големи стратегии, туку и на секојдневните услови кои директно влијаат врз пациентите и здравствените работници.

Првпат здравството ги познава своите човечки капацитети

Еден од најзначајните процеси започнати во втората половина на 2025 година е креирањето прва структурирана база на податоци за човечките капацитети во здравството. Првпат, системот гради реална слика за професионалните профили, нивната распределба и критичните недостатоци.

Врз основа на овие податоци, во 2026 година започнува и суштинска промена во системот на специјализации и курикулуми за специјалистичка едукација. Специјализациите повеќе нема да се креираат изолирано или врз основа на застарена историска меморија, туку ќе се адаптираат врз основа на реалните потреби на здравствените институции. Преку овој пристап, ќе се воведе појасна структура на општи специјализации и супспецијализации, не само во терцијарното, туку и во примарното и секундарното здравство. На овој начин ги оспособуваме нашите човечки капацитети нивниот профил да биде компатибилен со потребите на сите нивоа на здравствениот систем.

Оваа реформа значи подобро планирани кадри, поквалитетни услуги и систем кој не произведува специјалисти „по желба“, туку професионалци што реално му се потребни на здравството и на граѓаните.

Дигитализацијата како алатка за транспарентност и доверба

Од јуни 2025 година, дигитализацијата е поставена како централна столб на реформата. Годинава, овој пристап го конкретизираме преку националната стратегија за дигитална трансформација на здравството, со фокус на дигитализација на процесите, зголемување на транспарентноста и носење одлуки базирани на податоци.

Дигитализацијата не е цел сама по себе, затоа ја поставуваме таа да биде алатка за зголемување на отчетноста, за намалување на просторот за злоупотреби и за создавање пофер систем за секој граѓанин.

Правна рамка за здравство што превенира

Сериозна реформа не е можна без стабилна правна основа. Затоа, во моментот се подготвуваат две целосно нови законски решенија во здравството, додека 12 постојни закони се адаптираат и модернизираат, во согласност со стратегијата, мисијата и визијата што ја градиме.

Целата кон која системски се стремиме е да создадеме правна рамка што поддржува превентивно здравство, а не систем кој реагира само кога болеста веќе се појавила.

Довербата како секојдневна обврска

Позитивниот фидбек што го добив од преземањето на мандатот во јуни 2025 година не го доживувам како личен успех, туку како дополнителна одговорност за постојана доследност и транспарентност во извршувањето на министерската функција. Довербата, без воздржување, се гради секој ден, со прецизни одлуки и искрена комуникација.

Здравството во 2026 година нема да биде совршено, но ќе биде подобро планирано, потранспарентно, попредвидливо и поблиску до сите граѓани. Тенденцијата која е поставена води кон систем што нема да реагира од страв, туку ќе делува со знаење, податоци и одговорност. Ова е насоката на движење на здравството која ја започнавме во јуни 2025 година, за да продолжиме сериозно и одговорно и текот на 2026 година.

И оваа активност почна во јуни 2025 година, за да се гради сериозно и одговорно во текот на оваа година.

Модерниот екосистем и нашата одговорност

Современиот здравствен екосистем во светот функционира како жива мрежа во која клиниките, лекарите, лабораториите, регистрите, осигурувањето, но и самите граѓани се внимателно поврзани преку податоци, стандарди и јасни патеки на пациентите. Најразвиените системи веќе не го мерат успехот само по број на интервенции, туку по тоа колку успеале да спречат појава и развој на болест, колку брзо препознале ризик и колку безбедно го насочиле пациентот низ системот. Тоа е премин од „пожарникарско“ здравство кон здравство кое преку предвидување превинира, односно здравство кое е исполнето со современи болници, интероперабилни дигитални платформи, поддржано од вештачка интелигенција и телемедицина која релативизирајќи го просторот ја елиминира географијата како бариера.

Токму затоа, дигитализацијата кај нас не смее да се сведе на набавка на софтвер или на „електронски печат“ за старите навики. Таа мора да биде системска алатка што ги ослободува лекарите од административни обврски, ги прави податоците побрзи од бирократијата и ја гради довербата преку транспарентност. За помалите држави како Македонија, ова е и шансата за „скок“ со правилно поставени правила на упатување и алгоритамски „gatekeeper“ меѓу примарно, секундарно и терциерно ниво, со поврзани регистри и стандарди што создаваат заеднички јазик на системот, можеме да ја исправиме аномалијата каде што пациентите непотребно завршуваат на терциерно. Така, инвестициите во инфраструктура, кадар и дигитални решенија стануваат една иста политика на рамномерност, безбедност и предвидливост.

Иднината која ја гледаме во светот, како што се дигитални близнаци што симулираат исходи, ВИ што препознава ризик пред симптомите, виртуелни болници без ѕидови и персонализирана медицина, не мора утре да биде наша секојдневна реалност, но мора денес да биде наша насока. Нашата обврска е да преминеме од вчерашната реалност на преполни болници, лекари под огромен притисок, системи што постојано се обидуваат да балансираат меѓу ограничени ресурси и сè поголеми очекувања од граѓаните, кон иднина исполнета со здравство водено од податоци, паметни болници, дијагностика поддржана од вештачка интелигенција и технологии што не само што реагираат, туку превенираат и предвидуваат.

Авторот е министер за здравство

The post Здравството во 2026 – од темели до систем што планира, превенира и штити appeared first on plusinfo.mk.

Големи предизвици го одбележаа здравствениот систем во 2025 година, оцени денеска министерот за здравство Азир Алиу по средбата со новинарите. Тој истакна дека повеќе проекти се во тек или во завршна фаза во јавните здравствени установи, а нови активности се планираат и за 2026 година.

– Здравствениот систем во секоја држава се соочува со предизвици, така е и кај нас. На крајот на годината веќе располагаме со база на податоци од здравствениот систем. За првпат имаме база на човечки ресурси, а наскоро ќе имаме и база на инфраструктура и технологии. Од аспект на законите, 12 закони веќе се во постапка на обработка и изменување, а работиме и на два нови закони кои досега не постоеја, но процесите налагаат да ги имаме. Очекувам до крајот на февруари сите законски решенија да бидат завршени – истакна Алиу.

Министерот појасни дека во Министерството за здравство се формирани шест работни групи кои го следат квалитетот на клиничките услуги. Пет од нив, како што наведе, веќе доставиле извештаи според кои немало клинички пропусти во третманот на пациентите, додека една група сè уште работи, а извештај за конкретен случај се очекува наредната недела.

Говорејќи за дигитализацијата како еден од клучните приоритети во здравството, Алиу информира дека во тек се активности на работната група за унапредување на регистрите на здравствени работници и здравствени установи, како и нивно поврзување со приватните здравствени установи во рамки на Националниот систем за електронски евиденции во здравството.

Една од главните придобивки, како што посочи, е централизирано и интегрирано управување со податоци, како и зголемена интероперабилност меѓу јавните и приватните здравствени установи. Посебна работна група работи на изработка на Стратегијата за дигитално здравство, при што веќе е поставена основа за нејзино финално усвојување и имплементација.

Работна група за лабораториски стандарди – LOINC ќе работи на усогласување на лабораториските тестови и резултати со меѓународно признати стандарди. Паралелно се работи на реконструкција и модернизација на дата-центарот, како и на воспоставување секундарен дата-центар, со цел унапредување на ИТ-инфраструктурата на Министерството за здравство и Управата за електронско здравство. Почната е и набавка на нова опрема, информира министерот.

Во фаза на реализација, како што нагласи Алиу, се проекти за реконструкција и адаптација на КАРИЛ, реновирање на 10 операциони сали со нивните предпростории, ходници и машински сали на Хируршките клиники при Клиничкиот центар „Мајка Тереза“ – Скопје, како и обновување на компресорски станици и станици за медицински гасови во Клиниката за токсикологија, Клиниката за хируршки болести „Св. Наум Охридски“, Општата болница во Струга – нефрологија и Општата болница во Гостивар.

Меѓу проектите со готова или завршна фаза на техничка документација се реконструкција и адаптација на простор во Клиниката за гинекологија и акушерство за потребите на програмата за биолошко потпомогнато оплодување (ин витро фертилизација), изградба на нов објект за Психијатриската болница во Демир Хисар, како и УНОПС-проектот за гасификација на објектите на Здравствениот дом – Скопје, ЈЗУ за геријатрија, Психијатриската болница Бардовци, Клиничката болница во Тетово и Центарот за јавно здравје Тетово.

Планирани се и проекти за изградба на поликлиники и амбуланти во соработка со општините, реконструкција на Општата болница во Велес, формирање Центар за цистична фиброза во рамки на Институтот за белодробни заболувања кај децата – Козле, како и децентрализација на онколошките услуги преку отворање регионални центри за дневна терапија во ГОБ „8 Септември“ и клиничките болници во Тетово, Штип и Битола.

The post ГОЛЕМИ ПРЕДИЗВИЦИ ВО ЗДРАВСТВОТО Алиу најави законски реформи и нови проекти appeared first on plusinfo.mk.

Четири лица загинаа и најмалку 12 се повредени во пукање што се случило денеска во градот Лиланд во сојузната држава Мисисипи, соопштија локалните власти.

Градоначалникот на Лиланд, Џон Ли, за СИ-Би-Ес Њуз изјави дека пукањето се случило околу полноќ и оти четири повредени лица биле со хеликоптер пренесени во локални болници. Засега нема информации за нивната здравствена состојба. Истрагата е во тек.

Leland, Mississippi homecoming game shooting:

– Shooting occurred during gathering after the game

– 20 people were shot, according to Sen. Derrick Simmons

– At least 4 killed, 16 injured

– 4 in critical condition

(CBS, KCCI) | Footage: Brina Ladii Savage via Facebook pic.twitter.com/mpckPj6tDo

— Breaking Avian (@BreakingAvian) October 11, 2025

Ли изјави дека пукањето се случило на главната улица. Во тоа време, во градот имало луѓе кои дошле да учествуваат во прослава по повод натпревар за враќање на поранешни ученици на средното училиште Лиланд.

Лиланд е мал град во округот Вашингтон, со околу 4.000 жители, според податоците од пописот на населението од 2020 година.

The post 📽️ ХОРОР ПО НАТПРЕВАР ВО АМЕРИКА Четири лица се убиени во масовно пукање, а 12 се повредени appeared first on plusinfo.mk.