– Во однос на мерките, ќе ги слушнеме предлозите, како и согледувањата. Тоа што јас можам да кажам и од тоа како се одвиваат работите во регионот, сметам дека целокупните процеси да продолжат со превентивните мерки и инсистирање на механизми да се зголеми процентот на вакцинација. Денеска испративме писмо до сите матични лекари да ги повикаат на вакцинација сите свои прикрепени пациенти коишто не се вакцинирани и се надевам дека ова ќе биде уште еден механизам за мотивација и колку е битен овој процес – рече министерот.

Тој потенцираше дека во земјите каде што има висок процент на вакцинација, а има нови бранови, притисокот врз болниците е значително помал, истакнувајќи дека и во Македонија еден од главните критериуми за евентуално нови рестриктивни мерки ќе биде ризикот по болничките капацитети.

– Во моментов притисокот врз болничките капацитети го прават невакцинираните пациенти. Спасот е во вакцинацијата, како и почитувањето на оние превентивни мерки и протоколи за собирите – одговори Филипче.

The post КОМИСИЈАТА ЌЕ СЕ СОСТАНЕ ВО ПЕТОК Филипче смета дека не се потребни нови рестриктивни мерки appeared first on plusinfo.mk.

Директорот на општата болницата во Кичево, д-р Станко Трпески за Плусинфо ја потврди информацијата и ни ја објасни ситуацијата околу починатата 28 годишна медицинска сестра, која не била вакцинирана, поради тоа што други здравствени причини.

– Во текот на минатата недела нашата колешка беше примена во болницата во инфективното одделение кај нас при што и беше укажана соодветна грижа. Таа се лекуваше во болнички услови од четвртокот до неделата, но поради влошената здравствена состојба беше транспортирана на Инфективната клиника во Скопје – ни изјави директорот на кичевската болница.

Д-р Трпески вели дека по пристигнувањето во Скопје, состојбата на сестрата значително се подобрила, но за жал во текот на вчерашниот ден изненадувачки дошло до влошување на состојбата, по што во попладневните часови ја добиле лошата вест, дека младата медицинска сестра не успеала да се избори со коронавирусот.

За Плусинфо д-р Трпески изјави дека секојдневно се вложува состојбата со новозаболените со коронавирус во Кичево и во моментов има 40 лица во модуларниот ковид-центар кои се на кислородна поддршка.

– Капацитетот на модуларниот центар е 45 кревети, а доколку има потреба во координација со МЗ ќе биде реактивиран дел од интерното одделение каде што на почетокот на пандемијата можеа да се сместат 20 пациенти и кој се користеше до пуштањето во употреба на модуларниот ковид-центар – ни изјави д-р Трпески.

The post УШТЕ ЕДЕН ЗДРАВСТВЕН РАБОТНИК ЈА ЗАГУБИ БИТКАТА СО КОВИД-19 Почина 28 годишна медицинска сестра од Кичево appeared first on plusinfo.mk.

Во ковид центрите во болниците низ земјава во изминатите 24 часа е пријавено дека се лекуваат вкупно 414 пациенти позитивни и суспектни на корона вирусот. Во ковид центрите во Скопје се хоспитализрани 25 нови пациенти. Вкупно 251 лице сомнително и потврдено за ковид -19 се лекува на инфективните оддели во главниот град, информира Министерството за здравство.

По извештаите на болниците кои пристигнуваат во Министерството за здравство на дневна основа, во болницата Битола се хоспитализирани 27 пациенти позитивни и суспектни на КОВИД-19. Во болницата во Штип се хоспитализирани 36 пациенти. На инфективното одделение во Тетово има 15 пациенти, во Велес се лекуваат 33 болни, а во Куманово 50 пациенти позитивни и суспектни на ковид-19. Во ковид центарот во Охрид има хоспитализирано 53 пациенти, во Прилеп 65, во ковид центарот во Гостивар 9, а во Струга 22 болни. Во болницата во Струмица хоспитализирани се 33 пациент, во Кочани 7, во Кичево 8, Кавадарци 37, во Гевгелија 6 лица, а во Дебар 13 позитивни и суспектни на корона вирусот.

Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 655 и има околу 410 празни болнички кревети во ковид центрите.

Во ковид центрите во Скопје се хоспитализрани 25 нови пациенти.

Во последното деноноќие, на интерните клиники  имало 7 приеми. Во ковид центарот во ГОБ „8 Септември“ имало 9 нови приеми на пациенти и 9 на Инфективната клиника во текот на вчерашниот ден. Во Козле не биле примени пациенти.

Во моментов на Кожната клиника во ковид центарот се лекуваат 20 пациенти, на Клиниката за неврологија 13 болни, а на Институтот за ТБЦ се примени вкупно 28 пациенти со симтоми на корона вирусот.

Во ГОБ „8 Септември“ има вкупно 76 болни, а на Клиниката за инфективни болести лежат 88 пациенти, додека во Иститутот за белодробни заболувања кај деца Козле има 23 пациенти. На ГАК има 3 хоспитализирани ковид позитивни пациентки.

Вкупно 251 пациенти потврдени и сомнителни за ковид- 19 се лекуваат на инфективните оддели во болниците во главниот град. Голем дел од пациентите се на кислородна поддршка.

Бројот на приеми во изминативе денови е стабилен и утрово до 8 часот имало 97 слободни места, а се очекува во тек на денот по направените исписи на оздравените пациенти да се ослободат и дополнителни места.

Сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени.

The post Во болнички услови се лекуваат 655 лица позитивни на ковид-19 appeared first on plusinfo.mk.

Во изминатите 24 часа во ковид центрите во болниците низ земјава е пријавено дека се лекуваат вкупно 404 пациенти позитивни и суспектни на корона вирусот. Во Скопје вкупно 254 лица сомнителни и потврдени за ковид-19 се лекуваат на инфективните оддели, информира Министерството за здравство.

По извештаите на болниците кои пристигнуваат во Министерството за здравство на дневна основа, во Битола се хоспитализирани 25 пациенти позитивни и суспектни на ковид-19. Во болницата во Штип се хоспитализирани 34 пациенти. На  инфективното одделение во Тетово има 14 пациенти, во Велес се лекуваат 34 болни, а во Куманово 52 пациенти позитивни и суспектни на КОВИД 19. Во ковид центарот во Охрид има хоспитализирано 53 пациенти, во Прилеп 59, во ковид центарот во Гостивар 7, а во Струга 24 болни. Во болницата во Струмица хоспитализирани се 31 пациент, во Кочани 7 во Кичево 8, Кавадарци 34, во Гевгелија 9 лица, а во Дебар 13 позитивни и суспектни на корона вирусот. Имајте предвид дека бројките се менуваат од час во час, според направените приеми и исписи на пациенти.

Вкупната бројка на пациенти позитивни и суспектни на корона вирусот кои се лекуваат на инфективните оддели во главниот град и во болниците низ земјава е 658 и има околу 415 празни болнички кревети во ковид центрите.

Во изминатите 24 часа во ковид центрите во Скопје се хоспитализрани 27 нови пациенти поради компликации од корона вирусот. Вкупно 254 лица сомнителни и потврдени за ковид -19 се лекуваат на инфективните оддели во главниот град.

Во последното деноноќие, на интерните клиники имало 10 приеми.

Во ковид центарот во ГОБ „8 Септември“ имало 9 нови приеми на пациенти, а 3 на Инфективната клиника  во тек на вчерашниот ден. Во Козле биле примени 5 пациенти.

Во изминатите 24 часа дома се пуштени 23 оздравени пациенти.

Во моментов на Кожната клиника во ковид центарот се лекуваат 20 пациенти, на Клиниката за неврологија 13 болни, а на Институтот за ТБЦ се примени вкупно 28 пациенти со симтоми на корона вирусот.

Во ГОБ „8 Септември“ има вкупно 76 болни, а на Клиниката за инфективни болести лежат 90 пациенти, додека во Иститутот за белодробни заболувања кај деца Козле има 26 пациенти. На ГАК има една хоспитализирана ковид позитивна пациентка.

Вкупно 254 пациенти потврдени и сомнителни за ковид- 19 се лекуваат на инфективните оддели во болниците во главниот град. Голем дел од пациентите се на кислородна поддршка.

Бројот на приеми во изминативе денови е стабилен и утрово до 8 часот имало 95 слободни места, а се очекува во тек на денот по направените исписи на оздравените пациенти да се ослободат и дополнителни места.

Инаку, сите одделенија на клиничките болници располагаат со болнички места до кои има довод на кислород. Министерството има увид во состојбата со капацитети и доколку има потреба одделенијата ќе бидат дополнително проширени.

The post Во болнички услови се лекуваат 658 пациенти од ковид-19 appeared first on plusinfo.mk.

Негирајќи ги тврдењата на лидерот на ВМРО-ДПМНЕ Христијан Мицковски, министерот Филипче на прес-конференција во Владата одговарајќи на новинарско прашање посочи дека за болничките кревети има обезбеден централен довод на кислород, а она каде што нема, има кислородни концентратори.

– Не е точно дека нема слободни кревети и дека нема кислород. Еве, практично сите кревети на Клиниката за оториноларингологија се обезбедени со централен довод на кислород. Онаму каде што нема, има кислородни концентратори, рече Филипче.

Изрази жалење што ВМРО-ДПМНЕ не покажала разбирање и го блокирала процесот на поставување на модуларните ковид болници.

– Тоа ќе значеше дека сите болници ќе беа опремени со дополнителни кревети, со физички одделни простории за третман на ковид пациенти кои се целосно опремени. За многу болници дури и опрема за којашто првпат доаѓа во тие градови. Но, верувам дека ќе го изменаџираме и овој бран. Очекуваме овој тренд на стабилност да продолжи, рече Филипче.

Во однос на случувањата во битолската болница за кои беа објавени снимки на социјалните мрежи, Филипче посочи дека случајот го испитува Државниот здравствен и санитарен инспекторат и оти се подготува дополнителен стручен надзор за девет случаи низ државата.

Засега, како што посочи, не се размислува за воведување на порестриктивни мерки во Прилеп и Битола.

The post Министерот тврди дека има слободни болнички кревети и кислород appeared first on plusinfo.mk.

Министерот Венко Филипче, кој денеска заедно со министерката за одбрана Радмила Шекеринска присуствуваше на предавањето на воено-санитетските возила, изјави дека помошта е повеќе од потребна во ситуација кога здравствениот систем е под голем притисок.

– Притисокот е голем и неопходен е брз транспорт. Оваа помош е драгоцена и ќе биде важна бидејќи ќе го зголеми бројот на тимови кои ќе бидат на располагање за транспорт на пациенти. Здравствениот ситем веќе неколку денови по ред е под огромен притисок. Ситуацијата е критична. Утринава имавме координативен состанок соа директорите на интерните клиники и договаравме распоред на пациенти и дполнителни болнички капацитети. Формиран е дополнителен тим којшто е одговорен за третманот на пациентите на интерните клиники, истакна Филипче.

Министерката Шекеринска рече дека во овие моменти кога земјата се соочува со пандемијата, поребно е сите да бидат одговорни и да се најде начин за да се помогне.

– Со овие возила значително се зајакнуваат капацитетите да овозможат брза реакција на здравствените институции во моементи на тешки здравствени ситуациии.Тоа се возила кои даваат можност за транспорт на повеќе лица. Ги даваме како поддршка затоа што сега сите ресурси на државата, треба да ги насочиме тука, нагласи Шекеринска.

Двајцата апелираа да се почитуваат мерките и препораките за да може да се надмине актуелната ситуација.

The post Брзата помош доби пет болнички возила на Армијата за справување со ковид-кризата appeared first on plusinfo.mk.

Нашата земја со 4,2 болнички кревети на 1 000 жители е некаде во средина. Од регионот Србија има 5,6 болнички кревети на 1 000 жители, по што следи Црна Гора со 3,9 и Албанија 2,8 – во 2013 година, за кога има последен пат податоци.

Според податоците на Државниот завод за статистика, во периодот од 2008 до 2018 година во нашата земја има раст на бројот на лекари, но пад на бројот на болнички постели на 1 000 жители.

Бројот на лекари во 2018 изнесува 6 364, од кои 3 831 специјалист. Со тоа бројот на лекари на 1 000 жители изнесува 3,1, што е раст во однос на 2008 година, кога имало 2,6. Ние, според податоците на намалување на бројот на болнички постели во споредба со пред десет години, од 4,5 на 1 000 жители во 2008, на 4,2 во 2018 година, покажуваат податоците на ДЗС.

На ниво на ЕУ просекот на болнички кревети изнесува 5 на 1 000 жители, покажуваат податоците на Евростат за 2018 година. Над 7 болнички кревети во ЕУ во 2018 имале Бугарија – 7,5, Австрија – 7,2 и Унгарија – 7, додека Германија во 2017, за кога има последно податоци е рекордер во ЕУ со 8 болнички кревети на 1 000 жители. На другиот крај од скалата се Данска со 2,4, Италија – 3,1 и Грција со 4,1 билнички кревет на 1 000 жители.

На ниво на ЕУ најмногу доктори на 1 000 жители има Грција – 6, по што следат Австрија со 5,2 и Норвешка со 4,8, покажуваат податоците на Евростат за 2018 година. Германија има 4,3, додека Шпанија – 4 и Италија – 3,9. На другиот крај од скалата се Велика Британија со 2,8, Романија со 3 и Франција со 3,1 доктор на 1 000 жители во 2018 година.

Во регионот со најмногу доктори, по Грција следува Бугарија со 4,2, Хрватска со 3,4, Словенија со 3,1, Србија со 2,9 и Црна Гора со 2,8 доктори на 1 000 жители. За Косово нема податоци, додека Албанија има 1,2 во 2013 година, за кога последно има податоци.

The post Во ЕУ пет, кај нас 4,2 болнички кревети на 1 000 жители, a најмногу доктори има Грција appeared first on plusinfo.mk.