Директорот на владината Служба за општи и заеднички работи, Ивица Томовски, најави дека е во план заедно со Град Скопје да се реализира проект за обновување и за модернизација на жичницата на Водно.

Томовски информираше дека наместо претходно планираната траса од црквата „Свети Јован“ кон Средно Водно, се предлага поврзување од болницата Козле до Средно Водно.

Како што посочи, оваа локација нуди поширок простор каде што може да се обезбеди монтажен паркинг, што би им овозможило на граѓаните безбедно да ги остават своите возила и да продолжат понатаму.

– Доколку сакате да го паркирате возилото и да бидете сигурни дека има паркинг, за разлика од претходната локација, каде реално нема каде да паркирате возило, и треба да одите пеш – вели Томовски во гостување на ТВ Алфа.

Тој најави дека во текот на утрешниот ден треба да се одржи состанок со градоначалникот на Скопје, Орце Ѓорѓиевски, на кој ќе се разговара за двете теми, трасата и начинот на финансирање на проектот.

The post ЌЕ СЕ ДОГРАДУВА ЖИЧНИЦАТА ОД ДЕТСКАТА БОЛНИЦА КОЗЛЕ ДО СРЕДНО ВОДНО Ќе се гради и монтажен паркинг appeared first on plusinfo.mk.

Министерот за здравство, Арбен Таравари, денеска потпиша решение со кое досегашната директорка на детската болница „Козле“, д-р Каролина Симоновска, е разрешена од функцијата, а на нејзино место е назначена професорката Катерина Бошковска.

Оваа одлука веќе пристигнала во болницата, објавија дел од медиумите.

Директорувањето на Симоновска беше проследено со серија предизвици, меѓу кои најзначајно беше распаѓањето на бронхоскопскиот оддел, како и меѓучовечките несогласувања во институцијата.

Тензиите кулминираа со нејзиното барање до медиумите да не го спомнуваат нејзиното име, иако се наоѓаше на јавна функција.

Во последниот период, медицинскиот персонал од болницата алармираше за внатрешни проблеми, што доведе до зголемени реакции во јавноста. Симоновска инсистираше на анонимност во јавниот дискурс, што отвори прашања околу транспарентноста на управувањето со оваа здравствена институција.

Со назначувањето на проф. Катерина Бошковска, Министерството за здравство очекува стабилизирање на состојбите во болницата и подобрување на условите за работа на медицинскиот персонал, како и за пациентите.

САКА ДА БИДЕ ДИРЕКТОРКА, А НЕ САКА ДА ЈА ИМА ВО МЕДИУМИТЕ Д-р Каролина Симоновска од „Козле“ бара анонимност на јавна функција

The post ТАРАВАРИ ЈА РАЗРЕШИ ДИРЕКТОРКАТА НА „КОЗЛЕ“ Името нема да ѝ го спомнеме appeared first on plusinfo.mk.