Европскиот автомобилски шампион Игор Стефановски – Иџе започнува ново поглавје во својата богата тркачка кариера. По освоените европски титули и бројните успеси на најпознатите ридски патеки, оваа сезона тој ќе настапува со прототип болид, најмоќната и најпрестижната класа во ридскиот автомобилизам.

Со овој историски чекор, Стефановски станува првиот македонски возач што ќе се натпреварува со прототип болид на официјални меѓународни натпреварувања, испишувајќи нова страница за македонскиот автомобилизам.

– Отворам ново поглавје во мојата кариера. За овој момент сонувам цел живот. Ќе бидам првиот возач од Балканот кој ќе настапува со прототипот Норма, еден од само 12 вакви болиди произведени во светот. Станува збор за исклучително моќно возило, прототип чија технологија и перформанси се блиски до болидите во Формула 1. Денес го тестирам токму на Водно, местото каде што започна мојата тркачка приказна. Со овој болид влегуваме во нова категорија, со исклучително силна и бројна конкуренција. Верувам дека и во оваа класа ќе бидеме конкурентни и ќе се бориме за нови подиуми на европските ридски трки – изјави Стефановски.

Новиот прототип болид претставува врв на инженерството во ридскиот автомобилизам. Конструиран е исклучиво за натпреварување, со ултралесна шасија, исклучителен однос меѓу тежината и силата и аеродинамика што овозможува максимални перформанси на најтешките планински патеки. Управувањето со ваков автомобил бара врвна физичка подготвеност, големо искуство и беспрекорна прецизност.

Со овој чекор, Игор Стефановски – Иџе не само што отвора ново поглавје во својата кариера, туку поставува нови стандарди за македонскиот автомобилизам, носејќи ја Македонија во највисоката класа на европските ридски натпреварувања.

The post ИЏЕ Е ПРВ ВОЗАЧ ОД БАЛКАНОТ КОЈ ЌЕ НАСТАПИ СО ПРОТОТИП БОЛИД „НОРМА“ Само 12 такви болиди се произведени во светот appeared first on plusinfo.mk.

Видеолотарија Касинос Австрија го поздрави новиот голем успех на трикратниот европски шампион, Игор Стефановски – Иџе, кој освои одлично второ место на легендарната трка Glasbachrennen во Германија.

Само неколку дена по сериозниот инцидент на трката во Чешка, кога настапот во Германија беше неизвесен до самиот крај, Иџе и неговиот тим уште еднаш покажаа што значат истрајноста, посветеноста и шампионскиот дух.

– По силниот удар во Чешка, многумина мислеа дека нема да се појавиме на трката во Германија. Неизвесноста траеше до последен момент, но кога добивме можност да настапиме, покажавме што знаеме и што можеме. Од неизвесност до второ место на подиумот, резултат кој има посебна тежина. Ова не беа само трки за бодови. Ова беа трки за престиж, за истрајност, за карактер и за докажување дека никогаш не смееш да се предадеш без борба – изјави Стефановски.

По освоениот подиум во Германија, Иџе и неговото ферари веќе се упатија кон Италија, каде автомобилот ќе биде подложен на детален технички преглед и целосна санација на оштетувањата. Целта е болидот повторно да биде подготвен на највисоко ниво за претстојните предизвици во Европскиот шампионат.

– Во Видеолотарија Касинос Австрија веруваме во луѓе кои ги поместуваат границите, не се откажуваат пред предизвиците и секогаш се стремат кон врвни резултати. Токму затоа, успехот на Иџе претставува инспирација и доказ дека со труд, посветеност и верба во сопствените способности, секоја цел е достижна. Видеолотарија Касинос Австрија му честита на Иџе и на целиот негов тим за новиот успех и им посакува уште многу победи, подиуми и незаборавни моменти во продолжението на сезоната. Шампионите не се препознаваат само по победите, туку и по начинот на кој се издигнуваат по секој предизвик. Иџе уште еднаш покажа дека припаѓа токму таму, меѓу најдобрите – рекоа од Видеолотарија.

The post ИЏЕ СТЕФАНОВСКИ СО НОВ ПОДИУМ ВО ГЕРМАНИЈА По инцидентот во Чешка, болидот ќе оди на детална проверка во Италија appeared first on plusinfo.mk.

Жителите на американската држава Масачусетс во саботата попладне слушнале силен тресок и почувствувале тресење на земјата, поради што многумина помислиле дека станува збор за земјотрес.

Но, причината била сосема поинаква.

НАСА соопшти дека над североисточниот дел на Масачусетс и југоисточен Њу Хемпшир се распаднал особено светол метеор.

Експлозија како 300 тони ТНТ

Според проценките на НАСА, метеорот се движел со брзина од околу 120.000 километри на час. При распаѓањето ослободил енергија споредлива со експлозија на околу 300 тони ТНТ.

Метеорот се распаднал на височина од околу 64 километри над Земјата.

Од НАСА нагласија дека не станува збор за дел од метеорски дожд, ниту за вселенски отпад или сателит што влегол во атмосферата.

A meteor exploded over the waters off Massachusetts on May 30, shaking the region with a loud blast heard across multiple towns. The object entered the atmosphere near Boston’s South Shore around 2:11 PM local time. No impact site has been reported yet. pic.twitter.com/j5ilAbjxNv

— Shanghai Daily (@shanghaidaily) May 31, 2026 

Граѓаните пријавувале силен тресок

Службите за вонредни состојби во Масачусетс добиле бројни повици од граѓани кои пријавувале силен тресок и потреси.

Сепак, не биле регистрирани повредени лица, ниту потреба од интервенција на полицијата или пожарникарите.

Нема земјотрес

Американскиот геолошки завод (УСГС) соопшти дека не е регистриран земјотрес.

Според нив, станува збор за звучен бум предизвикан од болид, термин што се користи за исклучително светли метеори кои експлодираат во атмосферата.

Институцијата додаде дека нема докази оти некој дел од објектот паднал на земјата.

The post 📽️ НЕ БЕШЕ ЗЕМЈОТРЕС, ТУКУ МЕТЕОР НАД МАСАЧУСЕТС Снимен звукот кој вознемири граѓани во 2 држави appeared first on plusinfo.mk.

Пред една година тимот Peugeot TotalEnergies го претстави PEUGEOT 9X8, чија аеродинамика и каросерија беа 90% обновени од техничкиот тим на Peugeot Sport. Под тешки временски услови, автомобилот бр. 93 заврши деветти, додека болидот бр. 94 беше погоден на стартот. Од своето деби во април 2024 година, тимот со PEUGEOT 9X8 освои поени на шест од осумте трки на кои учествуваше, вклучувајќи ја и последната во Катар.

– На 1.812 км Катар, бевме во чекор со некои од нашите конкуренти и завршивме на првото место во втората група. Нашата задача сега е да се искачи напред во водечката група. Стратешки и оперативно, тимот многу добро се справува за време на трките од крајот на сезоната 2024. Ако продолжиме вака, можеме да се бориме за победнички резултати – рече Jean-Marc Finot, потпретседател на Stellantis Motorsport.

51 ден го делат завршетокот на првата трка во Катар од почетокот на 6 часа Imola, втората трка на 2025 FIA WEC. Автодромот Enzo e Dino Ferrari во Imola (4.909 км) има уникатен изглед. Прототипите на Hypercar поминуваат половина од своето време со полн гас, достигнувајќи 300 km/h на главната права пред да сопираат во Variante Tamburello.

Справувањето со метежот на возила е главен фактор на Imola, со 36 автомобили (вклучително 18 хиперавтомобили) кои ја делат тесната патека. Покрај тоа пролетното време во Еmilia-Romagna може да биде многу непредвидливо, што ја комплицира стратегијата за пневматиците. Возачите, инженерите, техничарите, всушност сите во тимот Peugeot TotalEnergies ќе мора да останат исклучителни фокусирани и будни овој викенд.

– Претходната година не го знаевме доволно добро овој нов PEUGEOT 9X8 во тркачки услови, ниту самата патека која само што е додадена на FIA WEC. Всушност, сезоната 2024 ја поминавме учејќи ја патеката со овој автомобил и одредувањето на пакетот на пневматици. На Imola, ќе биде прв пат да се вратиме на патеката под исти услови како и претходната година, па затоа ќе биде одличен репер за мерење на напредокот. Се тркавме на Losail по првиот круг од сезоната, потоа на Imola во март. За жал, ужасното време ја прекина сесијата за „учење“ на автомобилот, која за завршивме на патеката во Брселона – објасни Olivier Jansonnie, технички директор во Peugeot Sport.

Од 1.812 км Катар на крајот на февруари, тимот Peugeot TotalEnergies и возачите вложија многу напор.

Tимот продолжи со тест на долги патеки на Le Castellet и трка на Spa-Francorchamps. Последното помина многу добро, со суво и изненадувачки благо време за сезоната. Двајцата возачи брзо најдоа свое темпо, овозможувајќи му на тимот да постигне солиден напредок во поставките на шасијата и изборот на пневматиците за претстојната трка.

Во меѓувреме возачите го одржуваа својот натпреварувачки дух. Malthe, Mikkel, и Paul се натпреваруваа во LMP2 прототипови на 12 часа Sebring, а Jean-Eric Vergne и Stoffel Vandoorne учествуваа на формула E на патеката во Мајами пред да се одржи Imola.

Слободниот трениг и квалификациите за 2025 6 часа Imola ќе се одржат во петок 18 април и сабота 19 април. Стартот на вториот круг на 2025 FIA светскиот шампионат на долги патеки ќе биде во недела 20 април во 13 часот по локално време.

The post PEUGEOT 9X8 СЕ ВРАЌА НА ИМОЛА Главен проблем е метежот од возила на тесната патека appeared first on plusinfo.mk.

Дојде долгоочекуваниот момент кога легендарниот британски возач Луис Хамилтон го направи својот прв круг во болидот на Ферари, по шокантната одлука да го напушти Мерцедес и да премине во редовите на својот голем ривал.

Тест-возењето се одржа на патеката во италијанскиот град Фиорано, каде Хамилтон дебитираше во црвениот болид под дождливи услови. Неговиот појавување во „црвениот“ тим е историски момент што го означува почетокот на ново поглавје во кариерата на седумкратниот светски шампион.

Stepping into a new era

Lewis Hamilton takes his first lap in a Ferrari! pic.twitter.com/LCOws2haSn

— Scuderia Ferrari HP (@ScuderiaFerrari) January 22, 2025

Во претстојната сезона, Хамилтон ќе биде тимски колега со Шарл Леклер, создавајќи дует што ветува возбудливи борби на патеките ширум светот.

A historic first day in the books pic.twitter.com/liMqgn8QC4

— Scuderia Ferrari HP (@ScuderiaFerrari) January 21, 2025

Со доаѓањето на Хамилтон, Ферари очекува враќање на тронот во Формула 1. Навивачите со нетрпение ја очекуваат сезоната, верувајќи дека овој трансфер ќе донесе нова енергија и многу победи.

Olé, Olé, Olé, Lewis, Lewis

Via [@F1GuyDan] pic.twitter.com/1yw5CbiSLk

— Hamilton Insights (@LH44_insights) January 22, 2025

Сите очи сега се вперени кон тимот од Маранело, кој со оваа аквизиција јасно порача дека е подготвен за големи успеси.

Lewis out on track in a Ferrari pic.twitter.com/sIMRLLZBSE

— Lewis Hamilton our champion (@lhourchampion) January 22, 2025

Хамилтон ги сподели своите емоции откако седна во болидот СФ-23 за време на тестирањето на патеката Фиорано во Италија.

– Првото искуство на возење автомобил Ферари беше едно од најдобрите чувства што некогаш сум ги доживеал во мојот живот. Кога го запалив моторот и тргнав на патеката, не можев да престанам да се насмевнувам од радост. Ова чувство ме потсети на првиот пат кога тестирав Формула 1 болид – тоа беше неверојатен и емотивен момент. Сега сум тука, речиси 20 години подоцна, и ги доживувам истите емоции – ја цитира „Planetf1“ изјавата на Британецот.

The post 📽️ ЛУИС ХАМИЛТОН ВО ЦРВЕНО Еве како изгледаше Британецот зад воланот на Ферари appeared first on plusinfo.mk.

По речиси 2 години работа, студенти на Универзитетот „Св. Кирил и Методиј“ во Скопје, обединети во тимот „МЕС рејсинг“ (MES racing), создадоа болид кој пред неколку денови беше претставен на натпреварот „Алп Адриа“ (Alpe Adria) што се одржа во Велика Горица, Хрватска, соопшти УКИМ.

„Целејќи кон унапредување на високото образование во земјава, како и кон отворање на нови можности за студентите и за поддршка на нивните идеи, Универзитетот „Св.Кирил и Методиј“ во Скопје одвои 620.000 денари за спроведување на проектот, а дополнително, Машинскиот факултет – Скопје и Факултетот за електротехника и информациски технологии – Скопје при Универзитетот „Св. Кирил и Методиј” во Скопје го поддржаа проектот со финансиски средства во висина од околу 280.000 денари. Препознавајќи го значењето на ваквиот тип на проекти, за понатамошно профилирање на врвни кадри како и за унапредување на економијата во земјава, и дел од македонските компании овозможија техничка поддршка и парични средства за реализирање на проектот, со што на студентите им беше овозможено нивната замисла да биде преточена во реалност и својата креација да ја претстават на таков престижен натпревар“, се наведува во соопштението.

Тимот „МЕС рејсинг“ брои 20 студенти, главно студенти од Машинскиот и Факултетот за електротехника и информациски технологии, но и неколку студенти од другите факултети.

Проф. д-р Ташко Ризов од Машински факултет – Скопје, појаснува дека натпреварот цели да ги едуцира студентите, да го поттикне нивниот претприемнички и иновативен дух, да придонесе во развојот на нови технологии, да овозможи вмрежување на локално и интернационално ниво, да го поттикне студентскиот активизам и да поттикне повеќе млади луѓе да започнат кариера во инженерството.

На овој европски натпревар, учество земаат преку 100 универзитетски тимови секоја година.

– Проектот „Формула студент” започна со една идеја од двајца студенти од четвртата година на Машинскиот факултет во Скопје. Овие двајца млади луѓе, поттикнати од желбата за поголема практична работа и со жед за нови знаења, несебично ја споделиле визијата со своите колеги. На почеток, идејата беше примена со ниво на скептицизам, прашувајќи се дали е возможно да се започне еден ваков студентски проект од нула, без никакви претходни ресурси и искуство. Денес, речиси по 2 години, сведочиме дека идејата се претвори во реалност – истакна професорот Ризов.

Вели дека е огромна чест македонски тим да биде дел од реномираниот европски натпревар.

– Голема е честа нашиот Универзитет со свој тим да биде дел од овој реномиран европски натпревар. Таа чест оваа година ни ја овозможи тимот „МЕС Рејсинг“. Тимот, под менторство на професори од Машинскиот факултет – Скопје, интензивно работеше на создавањето на болидот и притоа покажа силна истрајност, тимска работа и посветеност. Болидот стана симбол на нивната заедничка визија, нивните соништа и нивната посветеност за учење на нови нешта. Тимот „МЕС Рејсинг“ успешно го претстави универзитетот ,,Св. Кирил и Методиј” на натпреварот „Алп Адриа“, како дел од глобалниот ,,Формула студент” натпревар во Велика Горица, Хрватска – наведува професорот Ризов.

Студентот Димитар Алжуроски, тим лидер на „МЕС Рејсинг“, потенцира дека натпреварот е одлична можност за секој студент да го надгради своето знаење.

– Запознавме студенти, судии и инженери кои се на високи позиции или, пак, соработуваат со големи компании и можноста да се разговара со нив, да се научи нешто ново и да се земе пример од нив е навистина најзначајното нешто – вели Алжуроски.

Ректорката на УКИМ, проф. д-р Биљана Ангелова, упати порака до сите студенти постојано да го унапредуваат своето знаење и да ги презентираат своите креативни идеи на своите факултети за да добијат поддршка за нивно реализирање.

– Во нашата држава има многу брилијантни умови, а овој проект е само еден од многубројните докази за тоа. Навистина сме многу горди што нашите студенти се „во чекор“ со врвните светски откритија и што константно се надградуваат и отвораат нови хоризонти. Му благодариме на тимот „МЕС Рејсинг“ што достојно не претстави на престижниот натпревар во Хрватска. Се надеваме дека ни претстои период на многубројни успеси бидејќи нашата главна цел е да создаваме исклучителни кадри, целосно подготвени за пазарот на трудот, во секоја област – наведува ректорката Ангелова.

The post СЀ ЗАПОЧНА ОД ДВАЈЦА МЛАДИ ВИЗИОНЕРИ Студенти на УКИМ го претставија првиот болид на натпревар во Хрватска appeared first on plusinfo.mk.

Презентацијата на новиот болид беше организирана во базата на италијанскиот тим во Маранело со концерт и во присуство на голем број навивачи на Ферари.

За Ферари во претстојната сезона ќе возат Шарл Леклер од Монако и Шпанецот Карлос Саинц, додека нов шеф на екипата е Фредерик Васер.

Meet SF-23, #Tifosi!

Introducing our 2023 challenger #SF23 pic.twitter.com/O9uNS7mAIC

— Scuderia Ferrari (@ScuderiaFerrari) February 14, 2023

– Чувствувам дека сите се горди на сработеното и тоа е многу важно за мотивација на сите. Сезоната ќе биде долга, но мотивацијата е тука и таа е круцијална за перформансот – рече Васер.

Следното појавување во јавноста новиот болид на Ферари ќе го има на претсезонските тестирања од 23 до 25 февруари во Бахреин.

The @ScuderiaFerrari SF-23 makes its debut on-track at Fiorano, with @Charles_Leclerc behind the wheel!

What a way to make an entrance #F1 @Carlossainz55 pic.twitter.com/QdJYWFAe0R

— Formula 1 (@F1) February 14, 2023

Новата сезона во Формула 1 стартува на 5 март со трката за Големата награда на Бахреин.

Ферари последен пат ја освои титулата во конкуренција на конструктори во 2008, а една година претходно ја славеше последната титула во поединечна конкуренција кога триумфираше Финецот Кими Раиконен.

The post ФЕРАРИ ГО ПРЕТСТАВИ НОВИОД БОЛИД Дали оваа машина ќе ја донесе титулата дома по 16 години? (ВИДЕО) appeared first on plusinfo.mk.

Возачот на Ферари, Шарл Леклер, доби казна на Гран прито на Канада. Болидот на возачот од Монако беше опремен со третата контролна електроника во сезоната. Според прописите дозволени се само два блока.

Етапата од шампионатот во Формула 1 за Големата награда на Канада се одржува викендов во Монтреал.

На првото тренинг-возење Леклер оствари петто време, додека ноќеска по вториот тренинг се најде на втората позиција, веднаш зад лидерот Макс Верстапен од Ред Бул.

Главната трка ќе се вози утревечер со почеток во 20 часот по македонско време.

The post КАЗНА ЗА ЛЕКЛЕР Возачот на Ферари санкционира со десет позиции на канадското Гран при appeared first on plusinfo.mk.

Формула 1 деновиве е главна тема во светот на спортот, пред сѐ поради неверојатно интересната трка и големиот хаос кој ескалира во неделата во Саудиска Арабија.

Сепак, тука станува збор за други работи.

Знаете и самите дека Формула 1 болид има страшно големо забрзување на патеките, но и дека на вас влијаат исклучително силни странични сили во кривините и дека воопшто не е лесно да се вози таков тип на автомобил.

Исто така, воланот на Формула 1 болид има многу голем број на команди од „притисни да зборуваш“ до мапирање на моторот, активирање на ERS и DRS системите …

Во приложеното видео можете да видите само еден круг зад воланот на моќен автомобил, уживајте:

The post КОЛКУ Е ТЕШКО ДА СЕ ВОЗИ ФОРМУЛА 1? Еве зошто тие се најдобрите возачи во светот (ВИДЕО) appeared first on plusinfo.mk.

Седумкратниот светски првак во Формула 1, Британецот Луис Хамилтон, ќе стартува десет места поназад на патеката во Истанбул за Големата награда на Турција која е на програмата в недела, откако Мерцедес денеска го промени моторот на неговиот болид.

Хамилтон во текот на една сезона има право три пати да го смени моторот и со оваа промена го надмина тоа ограничување поради што уследи казната.

Британецот заостанува два бода во генералниот пласман зад Холанѓанецот Макс Верстапен (Ред Бул) на седум трки до крајот на сезоната.

Минатата сезона Хамилтон победи на трката во Истанбул, освојувајќи ја својата рекордна седма шампионска титула.

The post БРИТАНЕЦОТ ЌЕ СТАРТУВА ДЕСЕТ МЕСТА ПОНАЗАД Хамилтон казнет поради промена на моторот appeared first on plusinfo.mk.