Екс-лидерот на СДСМ Зоран Заев и актуелниот лидер на партијата Венко Филипче не само што се инволвирани во трговијата со дрога, очигледно претерано ја конзумираат, реагира ВМРО-ДПМНЕ во одговор на портпаролката на СДСМ Богданка Кузеска.

Според ВМРО-ДПМНЕ, ако подетално се погледнат прес-конференциите и заклучоците на СДСМ, ќе се дојде до сознание дека не само што нивни структури се поврзани со трговијата на марихуана туку се активни конзументи на истата.

„Дното во политиката е пробиено кога лица, кои на никаков начин не се поврзани со производство и трговија на дрога, Богданка Кузевска по насока на Зоран Заев излегува на прес и обвинува невини лица.

Ова покажува дека СДСМ или свесно дефокусира, и се нервозни поради фактот што лица од партијата и нивни екс функционери се сопственици на фабриките каде е најдена дрога, и на овој начин сакаат да ги дефокусираат трагите или лупаат глупости и водат лични пресметки помеѓу десетици крила внатре во партијата.

Очекуваме утре по овој принцип да нè обвинат и за земјотресот во Скопје и за ланскиот снег. Помината е секоја граница и пробиено е секое дно. Затоа СДСМ е на дното“, се вели во реакцијата на ВМРО-ДПМНЕ.

Претходно, Кузеска од СДСМ го нарече лидерот на ВМРО-ДПМНЕ Христијан Мицкоски, „македонскиот Мадуро“, велејќи дека неговата порака е дека сите фирми кои работат со медициннски канабис во Македонија се нелегални. Таа обвини и дека власта сè уште нема одговор за тоа како 5 тони дрога ја поминале македонско-српската граница.

„Дали сите фирми се нелегални? Тоа ли го порачува Мицкоски?! Ако е така, зошто не била навреме направена контрола, зошто власта дозволила нелегално да се произведува и да се складира?

Не се кажува дали државата ги субвенционирала? Што ќе се случи ако компаниите побараат отштета? Колку ќе чини оваа медиумска пропаганда, која на крајот ќе ја платат граѓаните.

Во меѓувреме, медиумите во Србија објавуваат нови информации што отвораат сериозни сомнежи. Според овие медиуми, уапсениот функционер на СНС, сестринска партија на ВМРО, поврзан со заплената во Крушевац, бил близок со српскиот министер за одбрана, Братислав Гашиќ.

Доколку ова се потврди, се отвораат нови сомнежи за можна поврзасност и на други функцонери во ВМРО. Прашуваме: Каква е улогата директорот на СОЗР и новоназначен организациски секретар на ВМРО?“, гласи дел од изјавата на Кузеска.

The post „НЕ САМО ШТО СЕ ПОВРЗАНИ СО ДРОГАТА, ТУКУ И ПРЕТЕРАНО ЈА КОНЗУМИРААТ“ Заев и Филипче се нервозни поради нарко-скандалот, тврди ВМРО-ДПМНЕ appeared first on plusinfo.mk.

Должни сме јасно и недвосмислено да укажеме дека изнесените наводи се целосно неосновани, неточни и претставуваат груба клевета и свесна конструкција, реагира Владата на денешната прес-конференција на опозициската СДСМ, на која портпаролката Богданка Кузеска обвини дека фирма со само тројца вработени за период од 2 месеци добила тендери од Владата во вредност од 1,2 милион евра.

„Обидите на опозицијата се јасни, да конструира наративи без фактичка основа. Затоа, уште еднаш потенцираме дека сите релевантни податоци се јавно достапни и лесно проверливи преку официјалните електронски системи на надлежните институции. Овие слаби и безидејни конструкции, лесно се распаѓаат при најосновна проверка. Станува збор за централизирана јавна набавка за 20 министерства со одлука на Владата. Набавката на овие системи има за цел да ја зајакне сајбер безбедноста на институциите преку навремена идентификација на безбедносни слабости и проактивна заштита од закани“, соопшти Владата.

Во текот на постапката, се додава во соопштението, имаше две понуди, а наведениот субјект имаше најповолна понуда. Постапката, вели Владата, беше спроведена без никаква забелешка, а не беше покрената жалба.

„Во врска со другата спомената јавна набавка, станува збор за реално потребен софтвер за проект кој го ветивме пред граѓаните со цел зголемена транспарентност и дигитализација на институционалните процеси. Предвидува модул за следење на договорите (нивна исполнетост и количина), модул човечки ресурси, модул увид за барања од разни институции до Службата за општи и заеднички работи, прегледност на режиски трошоци и која институција колку троши. Овие факти потврдуваат дека станува збор за тенденциозен обид за политичка манипулација, во кој се пласираат фабрикувани тврдења без ниту еден релевантен доказ“, се вели во соопштението на Владата.

Наводите поврзани со поединци и наводни привилегии се апсолутно неточни и се во директна спротивност со фактите и достапната документација од надлежните институции, се додава во соопштението.

„Јавно и одговорно тврдиме дека во сите постапки не постои ниту најмал пропуст, ниту најмала неправилност. Опозицијата, очигледно неспособна да понуди идеи, програми или визија, повторно посегнува по стариот и веќе прочитан рецепт на измислици, но ова се бледи и безидејни конструкции кои го разоткриваат очајот на оние што ги пласираат. Институциите работат транспарентно, законски и отчетно, а секој што тврди спротивно ќе мора своите зборови да ги поткрепи со факти, а не со празни политички конструкции. Ги охрабруваме сите заинтересирани страни да се информираат од официјалните извори и да не подлегнуваат на политички мотивирани шпекулации“, соопшти Владата.

На обвинувањата на Кузеска реагираше и ВМРО-ДПМНЕ од каде порачаа дека нејзината „бомба“ е петарда која ѝ пукна во рака.

„Следен пат нека излезе на прес со проверени информации. Не е јасно како по којзнае кој пат некој од СДСМ ја пушта низ вода, да излетува со недоволно проверени информации. Да го тргнеме настрана фактот дека јавните набавки се јавни и транспаренти и другиот факт дека Кузеска не го разбира ИТ светот, туку обвинува за сомнителни тендери со фирма на која власта на СДСМ и ДУИ им делела тендери и грантови од Фондот за иновации. Така, фирмата СИГМОИД која не постои 2 години, туку многу повеќе, само го сменила името од ДОО во ДООЕЛ и во 2019 година добила грант од ФИТР од над 1,4 милион денари. Потоа повторно добила грант од ФИТР и во 2020 година од над 25.000 денари“, соопшти ВМРО-ДПМНЕ.

Згора на тоа, се додава, фирмата добивала и тендери на кои се склучувале анекси со АЕК во 2021 година, кога на власт беа СДСМ и ДУИ, од скоро 700.000 илјади денари на кој потоа склучувале анекси.

„Потоа тендер од Агенција за пошти во 2020 година од над 120.000 денари, од ТИРЗ во 2021 од 720.000денари, повторно Агенција за пошти во 2021 година, од Државен завод за ревизија во 2022 годин од над 600.000 денари, од Агенција за супервизија на осигурување во 2022 година, и така натаму, до пред паѓање од власт во 2024 година, кога со АЕК склучиле два тендери од над 2,3 милиони денари. Еден куп тендери во времето на СДСМ“, реагира ВМРО-ДПМНЕ

Очекувавме, додаде партијата, дека Кузеска ќе го пофали новото раководство на ССМ составено од Зоран Заев, но очигледно и нема што да се пофали.

Кузеска денеска праша дали клучот за вретење милионски тендери е близината со премиерот Христија Мицкоски и обвини дека фирма со тројца вработени за 2 месеци добила тендери од Владата во износ од 1,2 милиони евра.

– Милионски суми, мал број на вработени, фаворити за тендери од власта на ВМРО-ДПМНЕ. Овие факти отвораат сериозни сомнежи за нетранспарентни постапки, фаворизирање и коруптивни тендерски шеми како во досегашните објавени бомби. Станува збор за фирмата Сигмоид Гроуп ДООЕЛ Скопје, формирана пред само две години, која во краток рок добила сериозни државни договори. И како и во првата бомба, повторно станува збор за ИТ опрема. Па како е ова можно? Која е близината? Дали причината за тоа е близината на сопственикот на фирмата, извесен Ј. Јанкуловски, кој дипломирал на Машинскиот факултет, токму на насоката мехатроника и роботика, каде што е Христијан Мицкоски професор – рече портпаролката на СДСМ, Кузеска.

The post ГРУБА КЛЕВЕТА И КОНСТРУКЦИЈА СЕ НАВОДИТЕ НА СДСМ Владата и ВМРО-ДПМНЕ со факти ја демантираа „бомбата“ на Кузеска appeared first on plusinfo.mk.

ВМРО-ДПМНЕ одговори на обвинувањата што ги изнесе СДСМ на прес-конференција, отфрлајќи ги како „лажни конструкции“ и „обиди за прикривање на криминалите од минатото“. Од партијата порачаа дека директорот на СОЗР, Ивица Томовски, не сторил никаква злоупотреба и дека, како што рекоа, СДСМ повторно измислува скандали без да провери елементарни факти.

Членот на Централниот комитет на ВМРО-ДПМНЕ, Валентин Манасиевски, одговори на новинарско прашање за наводните злоупотреби поврзани со Томовски, нагласувајќи дека „донаторството“ не претставува никакво незаконско дејствие.

– Каде е тука криминалот? Томовски е донатор на ВМРО-ДПМНЕ како и илјадници други, а податоците се јавно достапни – изјави Манасиевски, коментирајќи ги обвинувањата на СДСМ дека семејната фирма на Томовски добила 161 тендер вреден 5,3 милиони евра.

Тој додаде дека тимот за одбрана на криминалот на Заев и Филипче мислат дека откриле Америка, но всушност, како што рече, изнесуваат невистини.

– Наместо текстовите да им ги пишува Зоран Заев од Дубаи, добро е да ги проверат информациите со релевантни и стручни лица. Тие ќе им кажат дека ова е само димна завеса за прикривање на криминалот на Заев – рече Манасиевски.

Тој оцени дека е лага тврдењето дека Томовски преку фирма добил милионски тендери, бидејќи, како што потенцираше, тој нема фирма и нема приходи од компанијата што СДСМ ја споменува.

Манасиевски детално објасни и дека бројот на фирмата не е поврзан со личниот број на Томовски, како што тврдеше СДСМ, додавајќи дека во овие три наврати се потврдува дека СДСМ лаже.

– Но, го прашуваме Филипче: дали не е криминал што додека тој беше министер, вицепремиерот Кочо Анѓушев ги градеше модуларните болници, од кои една се запали и загинаа 14 луѓе? Кога ќе го испитаат овој случај? – додаде тој.

Од СДСМ на прес-конференцијата претходно тврдеа дека скандалот со семејната фирма на Томовски станува јасен и покажува шаблон на злоупотреби.

Портпаролката Богданка Кузеска изјави дека контакт бројот на Томовски бил поврзан со фирмата, а негови роднини биле дел од сопственичката структура.

– Затоа е нервозата, затоа што се фатени живи! – изјави Кузеска.

Таа тврдеше дека семејната фирма добила 161 тендер во вредност од 5,3 милиони евра и дека донаторството на Томовски и неговиот зет Кутановски за ВМРО-ДПМНЕ покажува поврзаност на парите и политиката.

– АКТ на СДСМ го следеше трагот на парите: Томовски само во 2021 година донирал 8.000 евра. Редовно уплаќал 499.700 денари, 100.000 денари, 70.000 денари… Се е јасно, вака парите завршуваат во белата палата – рече таа.

Од СДСМ побараа ДКСК и Јавното обвинителство да отворат истрага за конфликт на интереси и корупција во врвот на владата.

– Крадењето на народот мора да престане. Работата не е завршена – додаде Кузеска.

The post СДСМ ШИРИ ЛАГИ ЗА ТОМОВСКИ ЗА ДА ГО ПОКРИЕ ЗАЕВ Жесток одговор на ВМРО-ДПМНЕ на прес-конференцијата на СДСМ appeared first on plusinfo.mk.

СДСM не престанува со лаги, реагира владејачката ВМРО-ДПМНЕ на обвинувањата на опозицискиот СДСМ дека премиерот Христојан Мицкоски при престојот во Лондон се согласил во Македонија да се изградат кампови за мигранти.

„Лага и на денешната прес-конференција. И после едвај 120.000 гласови добиени додека е на пат на пасокизација, да ја доживее судбината на левата грчка партија која се распадна, СДСМ продолжува со истите глупости и измислици. Граѓаните ви кажаа што мислат за ваквите ваши глупости. Со лаги како оваа не се добива доверба кај граѓаните“, реагира ВМРО-ДПМНЕ.

Прочитани сте, се додава во реакцијата.

„Реформирајте се, ставете прст на чело, погледнете се во огледало и престанете да правите штета на државата и како опозиција со истите и повторно истите бесмислености“, предупредува ВМРО-ДПМНЕ.

СДСМ денеска на прес-конференција истакна дека македонската влада избегнува да даде одговори на клучните прашања „кои го потресуваат регионот“, а тоа е дали и што е договорено во однос на прифаќањето на мигранти и отворањето на мигрантски кампови во Македонија.

– Според информациите кои ги имаме од Британија, но и оние кои јавно ги објавија реномираните британски медиуми, фокусот на средбите на британската влада било токму ова прашање, но од нашата влада нема ниедна точна информација. Ова е јасен знак дека повторно на оваа тема нешто се крие. Мицкоски одбил да разговара на оваа тема со реномираниот медиум „Тајмс“ и вчера дал само штур одговор за македонската национална телевизија – рече портпаролката на СДСМ, Богданка Кузеска.

Според информациите од Лондон, додаде таа, Велика Британија нуди стратешки инвестиции за земјите од регионот, но тоа доаѓа со разговори и понуди за отворање на кампови за мигранти.

– Бидејќи нашата влада веќе речиси цела година договара ваков тип на заеми и инвестиции, најави кредит од 7 милијарди евра од Британија, Мицкоски веќе не може да се крие и мора јасно да одговори: Што точно се разговара на темата мигранти и кампови за мигранти?Дали е точно дека со договорот за заем има и друг договор за мигрантите кој владата не го соопштува? Зошто Мицкоски, кој единствено нешто што прави е ПР, одбил важно интервју за „Тајмс“? Ова го потврди самиот медиум. Зошто, ако нема што да крие, тој избегал? Дали се чека да поминат изборите. па да се соопшти оваа вест? За потсетување, Мицкоски досега тврдеше дека нема никаков договор за таква работа, но информациите говорат поинаку. Граѓаните имаат право да знаат што точно се разговара. Ова не е прашање за кое Мицкоски не може сам да носи одлуки без да ја информира јавноста – рече Кузеска.

The post ПРЕСТАНЕТЕ ДА ПРАВИТЕ ШТЕТА НА ДРЖАВАТА Владејачката ВМРО-ДПМНЕ реагира на тврдењата на СДСМ дека се договорени кампови за мигранти appeared first on plusinfo.mk.

СДСМ да не манипулира, учебници има за учениите, додека со СДСМ на власт милиони одеа на тендери кои завршуваа во приватни џебови, а учениците учеа од интернет материјали, реагира ВМРО-ДПМНЕ.

„Учебници има, а СДСМ упорно продолжуваат да лажат. СДСМ да престане да се резили со вакви празни фрази. Кога веќе излегуваат на прес-конференции и се брукаат со вакви тези, барем нека кажат кој учебник, според нив, фали“, се вели во реакцијата на ВМРО-ДПМНЕ.

Учебници има и наставата се одвива во најдобар ред, се додава во соопштението.

„Со СДСМ на власт 7 години, ниту еднаш, како на почеток на учебната години, така и во текот на целата, учениците немаа учебници. После 7 години Владата на ВМРО-ДПМНЕ, исто така го реши и проблемот со учебниците по странски јазици, така што за прв пат после нивното владеење учениците ќе учат од стандардизирани учебници, наместо од интернет материјали“, се вели во соопштението.

Владата на ВМРО-ДПМНЕ обезбедува учебници, ги покачува платите на вработените во образование и ги решава наследените проблеми, а СДСМ додека беше на власт единствено гледаше да спечали некој ден плус од тендерите во образованието, се додава.

„Додека СДСМ трошеше милиони евра за тендери за учебници, парите завршуваа во приватни џебови, а учениците страдаа и учебници не добиваа. Само во учебната 2018-2019 година со преку 27 нови договори склучени во 4 очи фирмите се офајдиле со повеќе од 7,5 милиони евра за набавка на учебници и помошен дидактички материјал за основно и средно образование“, реагира ВМРО-ДПМНЕ.

СДСМ, се додава, исто така, ветуваше студентски град, а на академските граѓани им обезбеди само руинирани домови без основни услови за живеење.

„СДСМ нема да може со лаги и манипулации да ги скрие нивните скандали од седумгодишното владеење, уништување на образовниот сектор и на цели генерации по желбите на Мила Царовска. Одговорност ќе има и тоа за сите криминали и криминални тендери кои, во владеењето на СДСМ, учениците ги оставија без елементарни средства за настава, учебниците, а парите завршуваа по приватни џебови“, соопшти ВМРО-ДПМНЕ.

Портпаролката на СДСМ Богданка Кузеска денеска ја повика министерката за образование Весна Јаневска да понесе одговорност затоа што, според партијата, учениците и понатаму немаат учебници.

„Власта ветуваше дека секој ученик од 1 септември ќе има учебник, септември одминува, а власта излажа, учебници нема. Илјадници ученици се приморани да учат без учебници, а тие што ги имаат се парталави, стари и оштетени. Родителите не се должни да печатат учебници дома, ниту наставниците да импровизираат. Наместо да преземе одговорност Весна Јаневска прво зборуваше дека проблемот ќе го решела со донации, а вчера смени лента, сега на сите што немаат учебници им вели имате ПДФ формат на интернет. Обврска на Министерството за образование и на власта е секоја учебна година да почне со обезбедени учебници за сите ученици.  СДСМ бара МОН веднаш да обезбеди учебници и да ги достави во најкраток можен рок – рече Кузеска.

The post НИВНАТА МИЛА ЦАРОВСКА УНИШТИ ЦЕЛИ ГЕНЕРАЦИИ, СДСМ ДА ПРЕСТАНЕ ДА СЕ РЕЗИЛИ Учебници има за сите деца, реагира ВМРО-ДПМНЕ appeared first on plusinfo.mk.

Локалните избори во октомври годинава можеби ќе бидат последниот тест за политичката егзистенција на опозицискиот СДСМ. Последната изјава на премиерот Христијан Мицкоски, во која посочи дека постои реална опасност СДСМ целосно да згасне поради едноцифрениот рејтинг, повторно го отвори прашањето кое долго време виси во воздухот – дали македонските социјалдемократи ќе доживеат судбина слична на грчкото ПАСОК?

Во историјата на современата политичка Европа, примери на некогаш моќни социјалдемократски партии кои исчезнале или паднале на маргините се зачестени. Највпечатлив пример е ПАСОК во Грција. Ова политичко движење, кое некогаш доминираше на политичкиот простор во соседната земја, доживеа катастрофален пад поради неспособноста да се справи со економската криза што ја зафати земјата во 2009 година.

Социјалдемократите тогаш не успеаја да понудат излез од кризата, а тоа го искористи левичарската партија Сириза на Алексис Ципрас, која презеде иницијатива, ја освои довербата на граѓаните и го турна ПАСОК на маргините, каде остана до денес.

Слична ситуација денес може да се забележи и во Бугарија, каде тамошната Социјалистичка партија по долги години доминација сега едвај го преминува изборниот праг и е рангирана на петтото место.

Во Шпанија, традиционалната Социјалистичка партија загуби голем дел од поддршката поради подемот на ПОДЕМОС, партија која им понуди на гласачите нова, свежа левичарска опција.

Во Франција некогаш моќната Социјалистичка партија денес е маргинална, со минимална политичка релевантност.

Дали оваа европска политичка динамика ќе се преслика и врз СДСМ? Македонските социјалдемократи веќе подолго време имаат сериозни проблеми со градење јасна идеолошка и програмска платформа, која би ги убедила гласачите во нивната автентичност и способност за управување со државата.

Рејтингот на партијата, според последните анкети, се движи во едноцифрени бројки, што може сериозно да го ограничи изборниот потенцијал на СДСМ на следните избори.

Ваквата ситуација претставува екстремно неповолен развој за партијата, забележува премиерот и лидер на владејачката ВМРО-ДПМНЕ, Христијан Мицкоски.

– Градиме, се бориме низ целиот свет, а Венко Филипче со една изјава вели – ‘јас прифаќам сѐ што ќе ми ставите на маса, само вратете ме на власт’. Тоа не е конструктивност, тоа е рушење. Затоа имаат едноцифрен рејтинг и мислам дека постои сериозна опасност дали таа политичка партија ќе продолжи да постои по локалните избори. Не би навлегувал подетално во анализа, но кај Филипче го забележувам предавничкиот, поданички и кодошки однос – изјави Мицкоски.

ПОСТОИ ОПАСНОСТ СДСМ ДА ПРЕСТАНЕ ДА ПОСТОИ ПО ЛОКАЛНИТЕ ИЗБОРИ Мицкоски вели дека опозициската партија има едноцифрен рејтинг

Сепак, искуството покажува дека политиката е полна со пресврти, а судбината на СДСМ ќе зависи од тоа дали ќе успее да се реформира, да ја консолидира својата база и да ги убеди гласачите дека може да биде автентичен политички фактор. Ако тоа не се случи, овие локални избори би можеле да бидат последни на кои ќе ја видиме оваа партија во релевантна улога на македонската политичка сцена.

Поранешни истакнати членови на СДСМ, во разговор за Плусинфо велат дека се крајно разочарани од актуелното раководство и од начинот на кој партијата ја води политиката. Тие забележуваат дека денешното раководство нема ниту визија, ниту сила да го врати СДСМ на вистинскиот пат.

Една од нив е екс-функционерката на СДСМ, Софија Куновска, која смета дека ваквиот СДСМ одамна нема никаква идеолошка врска со партијата кога ги удри темелите на независна Македонија.

Искрено жалам што СДСМ е паднат на ова дереџе. Оваа внатрешна состојба на партијата штети на демократските процеси во нашето општество.

Софија Куновска Екс-функционерка на СДСМ

– Или да бидам прецизна, од СДСМ се останати само централата и чесните членови во месните одбори кои сѐ уште веруваат дека ова раководство навистина се бори за некакви идеали, а не да го зачува нелегално стекнатиот имот на оние кои ја држат партијата во заложништво. Колку побрзо се освести партиската база дека е потребен длабок дисконтинуитет од „алаш вериш“ погрешните политики од претходно, толку повеќе шанса за СДСМ да почне да си го враќа потенцијалот. Вака е непрепознатлив и неатрактивен дури и за традиционалните гласачи. Искрено жалам што СДСМ е паднат на ова дереџе. Оваа внатрешна состојба на партијата штети на демократските процеси во нашето општество. Ова ВМРО-ДПМНЕ е ужасно слабо и дезориентирано, а ваквиот СДСМ му служи како алиби. Срамот е заеднички – ни изјави Куновска.

Политичкиот аналитичар Синиша Пекевски смета дека партијата на Филипче нема целосно да згасне како правен субјект, но дека целосно ќе се дефакторизира како политичка сила во Македонија.

– Јас уште пред повеќе од 5 години кажав дека СДСМ ќе пропадне како партија и дека потезите коишто ги влечат постојано водат кон реализација на тоа сценарио. Изборот на лидер на партијата заедно со раководството покажува колку суперсонично тонат во последно време. Сепак, не верувам дека СДСМ целосно ќе го снема од политиката и дека ќе згасне како правен субјект, но дефинитивно ќе дојде до ситуација кога ќе мора да се задоволи само со неколку советници во општините – објаснува Пекевски.

Тој му порача на Мицкоски да не се радува за положбата на СДСМ, бидејќи, како што вели, немањето конкуренција е лошо за демократијата во државата.

– Немањето конкуренција создава чувство на губење на реалноста. Потребно е да постои опозиција која ќе може вистински да се спротивстави на власта и да биде коректор на одлуките. Но, како што сега стојат работите, во однос на претстојните локални избори во октомври, максимумот што може да го освои СДСМ е едно до две градоначалнички места во некои мали општини. И тоа ќе биде тотален дебакл – изјави Пекевски.

Портпаролката на СДСМ, Богданка Кузеска, пак, смета дека нејзината партија е далеку од згаснување.

– Ние постојано слушаме од ВМРО-ДПМНЕ, ако се вратиме во минатото, ги лажеа и граѓаните дека Европската Унија ќе се распадне. Сега ги слушаме повторно со некакви прогнози, дека ќе се распадне партијата. Што повеќе гледаат дека СДСМ нуди квалитет и дека ќе понуди кандидати коишто навистина се квалитетни и ќе работат за интересите на граѓаните, како што, впрочем, досегашните градоначалници од редовите на СДСМ го покажаа тоа — дека работат во интерес на граѓаните, така ВМРО-ДПМНЕ ја пласира оваа теза, обидувајќи се да наметне некаква слика, а точно знаат во своите редови дека работата не им е баш добра – изјави Кузеска.

На последните парламентарни избори што се одржаа во мај минатата година, СДСМ освои 18 мандати, исто колку што освои и коалицијата Европски фронт, па со тоа го зазеде второто односно третото место на листата политички партии со најмногу освоени пратенички места. Осамена на врвот, секако, е политичката партија ВМРО-ДПМНЕ со освоени 58 мандати или 40 повеќе од СДСМ.

The post ЌЕ ИСЧЕЗНЕ ЛИ СДСМ ПО ИЗБОРИТЕ ВО ОКТОМВРИ? На партијата на Филипче не ѝ се пишува добро appeared first on plusinfo.mk.

За прв пат после 8 години Македонија бележи пад од 6 места на Индексот за слобода на медиумите за 2025 година, објавен од „Репортери без граници“, обвини портпаролката на СДСМ, Богданка Кузеска.

– После осум години постојан напредок под водство на владите на СДСМ ваков драстичен пад се случува за прв пат. Од 118-то место во 2016 година, со СДСМ Македонија напредуваше до 36-то место, на најдобро место во регионот, благодарение на посветените политики за слобода на говорот, транспарентност и независност на медиумите. Овој континуиран напредок на слободата на медиумите сега е сериозно загрозен. ДПМНЕ се врати – слободата на медиумите замина. Секогаш кога ВМРО-ДПМНЕ е на власт, слободата на медиумите се гуши, новинарите се под притисок, а медиумскиот простор се стеснува. Денес тоа повторно се случува. „Репортери без граници“ алармираат дека новинарите се изложени на закани и напади, а владините функционери покажуваат понижувачки ставови кон медиумските работници.  Наместо да ги унапредува демократските стандарди, Владата предводена од ДПМНЕ ги враќа добро познатите методи на контрола, притисоци и страв. Ова е јасен аларм за загрижувачката насока во која оди државата под власта на ДПМНЕ. Ја повикуваме јавноста, граѓанските организации и меѓународната заедница на будност, ова се загрижувачки тенденции.  Слободата на медиумите е темел на секое демократско општество и не смее да биде жртва на партиските апетити и авторитарните амбиции на ДПМНЕ. СДСМ останува цврсто на страната на слободното новинарство и ќе продолжи да се бори против секоја форма на цензура, притисок и медиумска репресија – рече Кузеска.

The post „ВМРО-ДПМНЕ СЕ ВРАТИ, А СЛОБОДАТА НА МЕДИУМИТЕ ЗАМИНА“ Кузеска за извештајот на „Репортери без граници“ appeared first on plusinfo.mk.

СДСМ најавува иницијатива за законски измени со кои ќе се постави јасен услов – премиер, вицепремиери, министри и пратениците да можат да бидат лица кои само поседуваат македонско државјанство.

– Бидејќи Мицкоски вели дека имало поголеми Македонци и помали, а Божиновска била најголема Македонка, тие измени ќе бараме да важат веднаш, од актуелниот состав. Нашите институции мора да ги водат луѓе кои имаат само една држава, и лојалност кон само една држава, кон Република Северна Македонија. Време е оваа Влада да покаже дали сака вистински патриотизам или ќе се служи со лажниот и понатаму. Нашиот став е јасен: политичарите мора да бидат лојални на народот, на државата и на иднината на оваа земја. Затоа, бараме веднаш Божиновска да поднесе оставка и повикуваме сите граѓани да ја поддржат оваа иницијатива за да осигураме дека само луѓе кои искрено стојат зад државата ќе можат да ја водат државата – рече портпаролката на СДСМ, Богданка Кузеска на денешната прес конференција.

The post ПРЕМИЕРОТ, МИНИСТРИТЕ И ПРАТЕНИЦИТЕ ДА НЕМААТ ДВОЈНО ДРЖАВЈАНСТВО Опозициската СДСМ најавува иницијатива за законски измени appeared first on plusinfo.mk.

– СДСМ е најдемократска партија во државата која единствена го бира својот претседател на демократски и непосредни избори. Оттаму легитимитетот на претседателот на СДСМ не може да се оспорува. Немаме намера да навлегуваме во лични напади, и остануваме посветени на демократските принципи кои ги почитуваат различните ставови, но во рамките на цивилизиран дијалог – рече Кузеска.

• СДСМ Е ЗАРОБЕНА ПАРТИЈА, ЈА ВОДАТ ТЕЗГАРОШИ ОД ГОРЊИ МИЛАНОВАЦ Шилегов напиша полноќна поезија за Заев, Филипче и за Зечевиќ

Инаку, Шилегов ноќеска објави Фејсбук статус преку кој обвини дека СДСМ е заробена партија.

„СДСМ е заробена партија. Уште од 2019 година. Со двајца октроирани „лидери” од јужните краишта. Тоа не е СДСМ. Тоа се тезгароши. Од Милановац. Горњи или Долни. Март е пролет!!! Пролет е СДСМ!!!!“, напиша Шилегов.

Подоцна тој објави уште еден статус како појаснување на првиот:

„1.000 зошто, едно затоа: За да нема нејаснотии, бидејќи имам многу јавувања, многу пораки, многу коментари: ако нешто не е во ред и гледаш дека е така, а молчиш, со молкот стануваш соучесник… Ете затоа“, наведува Шилегов.

СДСМ Е ЗАРОБЕНА ПАРТИЈА, ЈА ВОДАТ ТЕЗГАРОШИ ОД ГОРЊИ МИЛАНОВАЦ Шилегов напиша полноќна поезија за Заев, Филипче и за Зечевиќ

The post СДСМ Е НАЈДЕМОКРАТСКАТА ПАРТИЈА ВО ДРЖАВАТА, ПОЧИТУВАМЕ РАЗЛИЧНИ СТАВОВИ Кузеска му одговори на Шилегов appeared first on plusinfo.mk.

– Наместо Тошковски и ВМРО-ДПМНЕ да се охрабрат, кога веќе секако се фатени во скандалот и мораа да го признаат, тие се обидуваат одговорност да му ја натоварат на раководителот на смена на граничниот премин Блаце. Овој човек не е тој кој дал наредба да бидат пропуштени Гаши и сватовите без контрола. Затоа, СДСМ денес ќе ги објави сите податоци од свиркачите и ќе се дознае дека ВМРО-ДПМНЕ и Тошковски лажат и се обидуваат да го скријат вистинскиот кривец и извршител во скандалот. Според нашите информации, наредбата ја издал новоназначениот началник на Центарот за гранични работи Север, Наим Рамука. Согласно информациите кои ги добивме, еден час пред да поминат Гаши и сватовите, Наим Рамука заради наводна контрола, дошол на граничниот премин. Во суштина Рамука дошол за да го обезбеди поминувањето без контрола на Гаши сватовите. Наим Рамука е човекот кој одобрил ваков излез од државата, а потоа и влез при враќање на поворката. Не човекот кој го обвинува Тошковски, раководителот на смена на Блаце, туку Рамука кој токму Тошковски го поставил за началник на Центарот за гранични работи Север – рече Кузеска.

Таа прашува зошто Тошковски сака да го заштити Наим Рамука и го „мести“ раководителот на смена?

– Дали Тошковски повторно ќе се обиде да излаже и да го заштити својот нов началник на сметка на чесни луѓе кои си ја работат работата? До кога ќе траат лагите на МВР и ВМРО-ДПМНЕ? Ќе поднесе ли конечно Тошковски оставка? Ова е голем скандал кој не значи само тешка злоупотреба на граничниот премин, туку и своеволие, прекршување на законите и потенцијлно направени кривични дела кои допрва треба да се истражуваат. Безбедноста на границите ни е нарушена а граничната контрола целосно суспендирана и ставена под партиска команда на ВЛЕН и ДПМНЕ. Ова е недозволиво и опасно за државата членка на НАТО. Време е за одговорност, онаму каде што вистински е лоцирана, почнувајќи од министерот Тошковски па сѐ до крај. Прашуваме: Уште колку вакви примери има на злоупотреби, за пропуштање на возила и лица на граничниот премин без контрола Затоа, бараме целосно да се декласифицираат и да се објават снимките од граничниот премин Блаце за време на целиот ден. Граѓаните да видат кој се поминал без контрола но и да се види дали и други возила се пропуштаат на граничниот премин Блаце.  Тоа ќе биде основа и за истражните органи да постапуваат. Бараме Тошковски да си даде оставка. На тој начин ќе остави простор истражните органи, Јавното обвинителство, во транспрентна постапка и без притисок да ја утврди одговорноста на сите инволвирани во овој голем скандал. ОЈО да отвори детална истрага и овој скандал да има разрешница. Секој што го прекршил законот мора да одговара – порача Кузеска.

The post МВР ОБВИНУВА ПОГРЕШЕН ЧОВЕК Началник Наум Рамука одобрил незаконско поминување на граница за сватовите на Гаши, реагираше Кузеска appeared first on plusinfo.mk.