Додека презимето Бекам е глобално препознатливо, зад името Нелсон Пелц лежи тивка финансиска моќ што далеку ја надминува онаа на Бекамови.

Американскиот милијардер вреди околу 1,6 милијарди долари, додека комбинираното богатство на Дејвид и Викторија се проценува на приближно 680 милиони долари.

Во подкастот „The Rest Is Entertainment“, новинарката Марина Хајд даде увид во финансиската динамика меѓу двете семејства.

– Од она што го слушам, Бекамови му даваат на Бруклин многу пари, но не и луда сума. Тие некако го имаат тој сон дека тој ќе застане на свои нозе и ќе стане независен – коментира таа.

Од друга страна, правилата се многу различни во семејството Пелц.

– Можеби Нелсон Пелц би го негирал тоа, но слушнав дека им рекол: „На ќерка ми ѝ давам милион долари месечно“, додава Хајд, заклучувајќи: „Единственото нешто што Бекамови не го очекуваа беше дека нивните деца ќе бидат тие што ќе треба да потпишуваат предбрачни договори. Мислеа дека ќе биде обратно.“

Минатата година беше објавено дека Дејвид и Викторија не биле воодушевени од финансиската зависност на нивниот син од семејството на неговата сопруга Никол, или од неговиот живот во Лос Анџелес. Бруклин живее со Никол во луксузна вила вредна 11 милиони фунти, но според изворите, таа е главен сопственик на имотот.
Во разговор за The Sun во јуни 2025 година, извор близок до семејството открил:

– Парите, како што велат, се коренот на секое зло. Во случајот Бекамови против Пелц, се покажа дека е доста комплицирано. Дејвид и Викторија се две деца од работничката класа кои успеале. Кога дојде збор за купување куќа, секако дека не сакаа само да му дадат милиони на својот син – каква порака би испратило тоа?

Од друга страна, Нелсон Пелц не штедел никакви пари кога станувало збор за среќата на неговата ќерка. Во 2022 година, тој потрошил околу 3,5 милиони долари на свадбата, јасно ставајќи до знаење дека целосно го прифаќа Бруклин како дел од семејството.

The post СНААТА НА БЕКАМОВИ ДОБИВА ЏЕПАРЛАК ОД ТАТКО Ѝ Милијардерот одвојува милион долари месечно за својата ќерка?! appeared first on plusinfo.mk.

На Интернет избувна расправија помеѓу пејачката Били Ајлиш и технолошкиот могул Илон Маск, а поводот е статусот на Маск на иден прв светски билионер. Дебатата за богатството и општествената одговорност ја подели јавноста откако пејачката ги прозва ултрабогатите, а основачот на Тесла не ѝ остана должен.

Сè започна на доделувањето на Innovator Awards на Wall Street Journal, каде 23-годишната Ајлиш ги повика најбогатите луѓе во светот да донираат повеќе.

– Живееме во време кога светот е навистина темен и тежок, а луѓето имаат поголема потреба од емпатија и помош од кога било. Ако имате огромно богатство, би било прекрасно да го вложите за добри работи и да им помогнете на оние на кои им е потребно – изјави таа.

Нејзините коментари се совпаднаа со веста дека Маск и управата на Тесла договориле најголем платен пакет во корпоративната историја. Ако ги исполни поставените цели во следните десет години, меѓу кои производство на 20 милиони електрични возила и пуштање во работа на милион самовозечки такси, Маск би можел да стане првиот билионер во историјата. Соочена со овие вести, Ајлиш го нарече Маск „патетична кукавица“, што веднаш предизвика лавина реакции.

Милијардерот не молчеше долго. На платформата X кратко одговори: „Не е баш од најостроумните“.

Коментарот дополнително ја разгори расправата.

По Масковата изјава, поддржувачите на Ајлиш остро реагираа.

– Ако така зборува за пејачка која има Греми, што мисли за нас останатите – напиша еден корисник. Друг додаде дека Маск очигледно е свесен за глобалните проблеми, „а сепак не бира да направи ништо“.

Критичарите на Маск оценија дека навредите не го решаваат суштинското прашање.

– Нарекувањето на пејачката „глупава“ не ја менува поентата. Таа постави легитимно прашање за одговорноста на милијардерите – стои во еден коментар.

Но имаше и спротивни мислења. Поддржувачите на Маск велат дека славните личности немаат право да диктираат како некој ќе го троши своето богатство.

– Негови пари, негов избор – напиша корисник на X, а друг додаде: „Зошто им кажувате на богатите луѓе како да ги трошат парите за кои работеле?“

The post НЕ Е БАШ ОД НАЈПАМЕТНИТЕ! Илон Маск брутално ѝ одговори на Били Ајлиш по нејзините критики на богаташите appeared first on plusinfo.mk.

Одлуката на главните политички партии во Велика Британија да ги укинат даночните олеснувања за имотот на странците што се чува во странски фондови натера голем број од богатите  емигранти, од менаџери на хеџ фондови до поранешни извршни директори и милијардери од Блискиот Исток  да го напуштат Лондон.

Најголемиот дел од нив изминатите месец и половина се преселија во италијанскиот комерцијален центар  – Милано.

Овој град станува се популарен банкарски центар по Брегзит бидејќи нуди ниски даноци на жители кои не се од Велика Британија и други жители кои бараат алтернативно упориште во Европа.

Италијанскиот план  за привлекување богати странци од Велика Британија, познат во богатите кругови како „svuota Londra“ или „празен Лондон“ им нуди на овие доселеници  да изберат да платат фиксна даночна стапка од 200.000 евра за да избегнат италијански давачки врз странските приходи според систем сличен на оној што го нуди Велика Британија повеќе од два века. Италија дозволува олеснување од данокот на наследство за средства во странство за оние кои го сакаат нејзиниот рамен даночен режим. Дури и ако богат странец стане целосен даночен резидент во Италија, тој и неговите семејства обично се соочуваат со данок на наследство од осум проценти – далеку под стандардната стапка на Велика Британија од 40 проценти, една од највисоките меѓу развиените земји.

Таа фискална предност, заедно со близината до Лондон и  полесниот семеен начин на живот, ја зголемуваат привлечноста на Милано.

– Италија се покажа како исклучително популарна. Никогаш не се само даноците тие што ги движат овие промени, туку дали брачниот другар и децата се среќни – вели  Марк Аиксон, експерт за глобално богатство во Utmost Wealth Solutions во Лондон.

Италија воведе свој режим на богати нерезиденти во 2017 година и веќе привлече партнери во фирми за приватен капитал и инвестиции и други богати поединци.

Сега, постои нов поттик по неодамнешните даночни промени во Велика Британија.

Италија очекува да профитира и од најавата на Швајцарија дека ќе ги разгледува промените во даноците за подароци и наследство што би можеле да ги одвратат потенцијалните емигранти, дури и ако се смета дека е малку веројатно да поминат во закон.

The post МИЛАНО СТАНУВА НОВ КОМЕРЦИЈАЛЕН ЦЕНТАР ВО ЕВРОПА Богаташите од Лондон незапирливо се селат во Италија appeared first on plusinfo.mk.

Понекогаш се обидуваме да им дадеме на нашите деца нешто само затоа што тоа е нешто што ни значи нам. Но, на крајот понекогаш се разочаруваме затоа што тоа не е исто толку привлечно за децата како што е за нас. Па зошто тогаш да не заштедите пари некогаш?

Летањето во авион не е нешто што секој може да си го дозволи, а камоли да лета во прва класа со сите привилегии што ги носи таа. Малку подобар оброк, дополнителен пијалак, пошироко и поудобно седиште… Всушност, сето тоа се придобивки кон кои децата се рамнодушни, па излегува дека плаќањето билет за прва класа за деца, со други зборови, е фрлање пари?

Повеќе за ова, како и видеото, ќе ги најдете ТУКА.

The post ДЕЦАТА ЛЕТААТ СО ЕКОНОМСКА, РОДИТЕЛИТЕ СО ПРВА КЛАСА! Дали богатите луѓе треба да ги разгалуваат своите деца или не? appeared first on plusinfo.mk.

Еден од руските олигарси објавил дека купил еден апарат за 1,8 милиони рубли (околу 20.000 евра) и дека има намера да купи уште два апарати. Сепак, како што истакнал, побарувачката во моментов е огромна, поради што на апаратите се чека и по осум месеци.

Според информациите од московската компанија „Хедвеј груп“, државните болници ширум Русија имаат вкупно околу 42-43 илјади респиратори.

Според тоа, има расположливи околу 29 апарати на 100.000 жители, што е многу повеќе отколку во Италија, каде што ист број на луѓе поседуваат само осум апарати за вештачко дишење.

Други руски богаташи одат и подалеку и освен што купуваат вентилатори, вработуваат и лекари за ексклузивно да ги лечат ако се појави потреба.

Вирусот имун на богатството

Според претставниците на неколку респираторни компании, кои произведуваат респиратори, во последните две недели приватни лица сочинувале  30 отсто од купувачите на респиратори, а многу компании ги распродале сите залихи и прават листи на чекање со неизвесен исход.

Респираторите главно се увезуваат од Кина, Италија и Германија, иако последните две земји забранија извоз, потсетуваат руските производители.

Руското Министерство за здравство соопшти дека е бесмислено да се купуваат респиратори за домашна употреба, бидејќи се потребни и други медицински помагала за лекување на тешка пневмонија, кои се применуваат исклучиво на одделенијата за реанимација и интензивна нега.

– Тоа е хистерична одлука, како и купувањето тони тоалетна хартија, само со различен буџет. Единствено место каде е можно лекување е болница. Вие нема да успеете на тој начин да се опремите во канцеларија или дома – рекол неврохирургот од Научниот центар за неврологија Алексеј Каскејев.

Тој добил понуда да основа вистински медицински центар.

– Некои од моите колеги добија слични понуди. Значи, додека сиромашните трчаат по брашно, богатите работат на опции за свој сопствен спас – рекол тој.

Извор: Спутник

FOTO: thejeffreylord.com

The post Паника меѓу олигарсите поради коронавирусот: Купуваат респиратори, лекари, опремуваат домашни клиники appeared first on plusinfo.mk.