Фудбалската федерација на Македонија в среда ќе има седница на Управен одбор, на која селекторот Благоја Милевски треба да го презентира извештајот за двата порази во јунскиот квалификациски циклус, од Украина (2:3) во Скопје и од Англија (7:0) на „Олд Трафорд“.

Според одредени гласини во јавноста, а согласно поразите, можно е на УО на ФФМ да се разгледува и евентуален отказ за селекторот Благоја Милевски.

Сепак, од федерацијата засега нема никакви најави во пресрет на седницата на Управниот одбор на ФФМ.

– До овој момент од Управен одбор нема никаква информација дека Благоја Милевски веќе нема да биде селектор на македонската фудбалска репрезентација. Кога ќе имаме официјални информации, ќе објавиме – велат од ФФМ.

Дел од медиумите веќе шпекулираат за можните наследници на Милевски на клупата на националниот тим. Се споменуваат имињата на Владан Милојевиќ, човекот кој играше Лига на шампиони со Црвена Звезда е прв пик за нов предводник на репрезентацијата.

Од сите домашни имиња најблиску до промоција е Гоце Седлоски кој веќе на големо работи за да стигне до посакуваната цел. Поранешниот капитен на репрезентацијата и трофеен тренер лани имаше лоша година и три откази во една сезона.

Фудбалската репрезентација на Македонија во квалификацискиот циклус за ЕВРО 2024 досега забележа една победа, против Малта (2:1) и два порази, од Украина дома (2:3) и од Англија на гости (7:0). Во следното коло, на 9.септември, Македонија на домашен терен ја пречекува Италија.

The post МАКЕДОНИЈА ДОБИВА НОВ СЕЛЕКТОР? Фудбалската федерација утре ќе одлучува за судбината на Милевски appeared first on plusinfo.mk.

Популарниот Боби се обврза на соработка до 2024 година.

Претседателот на ФФМ, Муамед Сејдини му посака успешна работа на новиот селектор.

– Милевски е човекот кој ја создаде генерацијата која ни донесе многу успеси и радости. Ние во федерацијата сме уверени дека новиот селектор има капацитет за уште поголеми успеси. ФФМ му изразува поддршка – истакна Сејдини, подарувајќи му дрес на Милевски.

– Иако на дресот е бројот на годината (2024) со важност на договорот, посакуваме да соработуваме многу подолго – додаде првиот човек на ФФМ.

Милевски се заблагодари за поддршката и вети максимален ангажман на новото работно место.

– Со нетрпение чекам да почнам со работа со играчите кои во најголем број сме соработувале во минатото. Во септември продолжуваме со квалификациите за СП 2022. Победата над Германија не треба да не залажува. Репер треба да ни бидат настапите на ЕВРО 2020. Треба д аго искористиме правилно потенцијалот кој го поседуваме. Благодарност до ФФМ за поддршката и се надевам на успешни резултати – рече Милевски.

Тој на селекторското место ќе го наследи Игор Ангеловски, со кого македонската репрезентација избори историско, прво учество на Европското првенство 2020.

The post „Популарниот Боби“ е новиот селектор на македонската репрезентација appeared first on plusinfo.mk.