Се сеќавате на британскиот пејач Бој Џорџ, легендарниот фронтмен на групата Калчр клаб (Culture Club)? Тој сега има 65 години и е принуден да се повлече од претстојната продукција на мјузиклот „Исус Христос Суперѕвезда“ (Jesus Christ Superstar) во лондонскиот Вест Енд, само неколку дена пред премиерата.

Одлуката доаѓа по жестоките критики што ги предизвика неговата нова песна „We Will Dance Again“, во која јавно изразува поддршка за Израел. Песната, објавена на крајот на јули, содржи стихови со кои Бој Џорџ ја брани израелската воена операција во Газа и ја оспорува употребата на терминот „геноцид“ за конфликтот. Во неа се спомнува и нападот на музичкиот фестивал „Нова“ на 7 октомври 2023 година, а пејачот упатува критики и кон дел од музичарите кои јавно застанаа на страната на Палестинците.

Контроверзиите доведоа до најави за протести пред театарот каде што требаше да се игра претставата. Менаџерот на Бој Џорџ, Пол Кемсли, соопшти дека одлуката за повлекување е донесена за да не биде засенета продукцијата и за да се зачува добрата атмосфера меѓу сите учесници во проектот. Улогата на кралот Ирод, која требаше да ја игра Бој Џорџ, ќе ја преземат други актери од актерската екипа.

Пејачот, пак, порача дека неговата намера не била да поттикнува поделби, туку да им оддаде почит на жртвите од нападот на фестивалот „Нова“. Тој истакна дека жали за сите невини жртви, без разлика на која страна се наоѓаат, но додаде дека нема намера да се откаже од правото јавно да ги изразува своите ставови.

Ова не е првпат Бој Џорџ јавно да застане во одбрана на Израел. Тој и претходно ја поддржа израелската учесничка на Евровизија и потпиша отворено писмо против исклучување на Израел од натпреварот. Со новата песна, сепак, предизвика уште поголеми реакции, а расправата за границите меѓу уметничката слобода и политичкиот активизам повторно се најде во центарот на вниманието.

The post БУРНИ РЕАКЦИИ ПО ПРОИЗРАЕЛСКАТА ПЕСНА НА БОЈ ЏОРЏ Мораше да се повлече од мјузиклот „Исус Христос Суперѕвезда“ appeared first on plusinfo.mk.

Бој Џорџ и италијанската пејачка Сенхит, кои го претставуваа Сан Марино на Евровизискиот натпревар во Виена, не успеаја да стигнат до големото финале. Нивната песна „Superstar“ не доби доволно гласови во првата полуфинална вечер. И покрај елиминирањето, познатиот музичар и фронтмен на бендот Culture Club, кој е и еден од авторите на песната, вели дека целото искуство било фантастично.

Бој Џорџ (64) ѝ се придружи на Сенхит на сцената како специјален гостин, но и покрај неговиот статус на музичка легенда и неговиот енергичен настап, дуото не успеа да обезбеди едно од десетте места што водат до финалето.

За Сан Марино, кој често се потпира на меѓународни ѕвезди за да ги зголеми своите шанси, како што беше соработката со раперката Фло Рида во 2021 година, ова беше уште еден неуспешен обид.

Неколку часа по елиминацијата, поп-легендата проговори на социјалните мрежи. „Тажен сум, но искуството беше фантастично“

Во својата објава на платформата X, Бој Џорџ ја сподели својата тага поради елиминирањето, но и благодарноста за можноста.

– Ако гласавте за нас, ви благодарам многу. Жал ми е што не стигнавме до финалето, но моето евровизиско искуство беше фантастично. Не би сменил ниту минута. Ѝ благодарам на Сенхит и на целата делегација од Сан Марино – напиша музичарот.

If you voted for us, thank you so much, I was sad we didn’t get through to the final but my @eurovision experience has been fabulous. I wouldn’t take a minute of it back. Thanlks to @senhitofficial and the entire San Marino delegation. What a fun bunch. We will perform together…

— Boy George (@BoyGeorge) May 12, 2026

Тој исто така објави дека ова не е крај на нивната соработка и дека ќе настапат заедно на концертот на неговиот бенд Culture Club во Милано во јули.

Објавата беше проследена со лавина пораки за поддршка од обожавателите кои му кажаа дека за нив тој е победник без оглед на исходот од гласањето. Многумина ја пофалија песната „Superstar“ како оптимистична и позитивна и изразија жалење што Европа не ја препозна.

The post БОЈ ЏОРЏ СЕ ОГЛАСИ ОТКАКО НЕ ВЛЕЗЕ ВО ФИНАЛЕТО НА ЕВРОСОНГ „Тажен сум, но искуството беше фантастично“ appeared first on plusinfo.mk.