Никој од пратениците-Албанци во македонското Собрание не се појавија одбележувањето на 35 години од независноста на Украина што се одбележа со специјална седница на Интерпартиската парламентарна група за поддршка на Кримската платформа.

Парламентарната група за поддршка на Кримската платформа на Собранието е формирана во октомври 2024 година, по иницијатива на претседателот на Собранието Африм Гаши, како израз на поддршка на Украина по руската нелегална анексија на Крим. Сепк, ниту Гаши, ниту еден од 10-те члена на групата пратеници, од албанските партии, не се појави на денешната прослава на Денот на независноста на Украина. Засега нема потврда дали станува збор за организиран бојкот или спонтана реакција на претениците Албанци од различни партии и политички определби.

Тие му замеруваат на украинскиот претседател Володимир Зеленски за неодамнешната изјава при посетата на Белград – дека Украина ги почитува меѓународното право и територијалниот интегритет на Србија. Таа изјава ги налути и Косовците, по што во Приштина беше симнато огромното украинско знаме, што беше истакнато на висококатница во главниот град на Косово, како симбол за поддршка на таа земја за време на конфликтот во Украина.

– Во истиот момент кога украинскиот претседател Зеленски се изјасни дека Косово е во составот на Србија, не може да ја има нашата поддршка. Во знак на протест решив да не дојдам на сесијата за независноста на Украина во Собранието, ниту, пак, во иднина ќе учествувам на каква било манифестација и одбележување во врска со Украина, изјави пратеникот Ријад Шаќири.

Од партијата ДУИ велат дека дел од пратениците се отсутни поради годишните одмори, а дел не биле информирани. Не беше присутен ни Сали Мурат од партијата на Турците, како и независниот пратеник Илир Демири, кој негира дека намерно ја бојкотирал сесијата.

Бидејќи претседателот на Интерпартиската група, собранискиот спикер Африм Гаши, не присуствуваше на сесијата, а наместо него, воведно обраќање имаше потпретседателот на Парламентот Антонијо Милошоски.

Милошоски во обраќањето рече дека Македонија е солидарна со украинскиот народ.

– Го сметаме украинскиот народ за братски народ, но исто така го сметаме и за нераскинлив дел од мозаикот на европските народи. Нашата поддршка не е само политичка, таа е, пред сè, човечка, и поддршката не е само дипломатска, таа е и материјална и морална и со сè она што можеме како држава во рамките на нашите капацитети да ѝ го дадеме на Украина во денешните услови – рече Милошоски.

Тој додаде дека мирот не значи само прекин на конфликтот, туку создавање услови Украина да може слободно и безбедно да ја гради својата иднина и да се развива.

Украина на 24 август 1991 година го усвои Актот за прогласување независност, со што ја обнови својата државност по распадот на Советскиот Сојуз. Годинава земјата ја одбележува 35-годишнината од тој настан во услови на војна со Русија.

Одбележувањето во Скопје е дел од парламентарната поддршка за Украина и активностите поврзани со Кримската платформа, меѓународна иницијатива насочена кон прашањето за Крим и територијалниот интегритет на Украина.

The post МАКЕДОНСКИТЕ ПРАТЕНИЦИ АЛБАНЦИ Ѝ СВРТЕА ГРБ НА УКРАИНА? Не се појавија на собраниската свеченост за 35 години од украинската независност appeared first on plusinfo.mk.

Холандскиот јавен радиодифузер AVROTROS соопшти дека Холандија нема да учествува на Евровизија 2027, што ќе биде втор последователен бојкот на музичкиот натпревар. Одлуката е донесена поради продолжувањето на конфликтот во Газа, учеството на Израел и, како што наведуваат од радиодифузерот, недоволните гаранции дека Евровизија повторно има независен и неутрален карактер.

Од AVROTROS велат дека неодамна објавените промени од Европската радиодифузна унија (ЕБУ) не им дале доволно уверување дека политиката ќе остане надвор од натпреварот. Според нив, меѓународните конфликти сè повеќе влијаат врз Евровизија и го поткопуваат нејзиниот неутрален карактер.

– Евровизија првично беше создадена за да ги зближува луѓето и земјите. Неспорно е дека меѓународните конфликти сè повеќе влијаат врз натпреварот, поткопувајќи го неговиот неутрален карактер – изјавил генералниот директор на AVROTROS, Тако Цимерман.

Холандскиот радиодифузер особено го посочува учеството на Израел во услови на војната во Газа. Тие сметаат дека хуманитарната состојба, прашањата поврзани со слободата на медиумите и политичкото мешање во претходното издание не се во согласност со вредностите што ги застапува јавниот сервис.

Холандија веќе не учествуваше на Евровизија 2026 поради истите причини. Тогаш AVROTROS одлучи да се повлече откако ЕБУ потврди дека Израел ќе може да учествува на натпреварот. За првпат по 24 години Холандија немаше свој претставник на Евровизија.

Интересно е што Холандија има една од најдолгите истории на Евровизија. Земјата учествуваше на првото издание во 1956 година и досега петпати победила – во 1957, 1959, 1969, 1975 и последен пат во 2019 година со Данкан Лоренс и песната „Arcade“.

Иако AVROTROS се повлекува, конечната одлука за тоа дали Холандија сепак ќе биде присутна на Евровизија 2027 е во рацете на холандската јавна радиодифузна организација NPO. Доколку се најде друг радиодифузер што ќе ја преземе холандската пријава, земјата би можела да има учесник и покрај одлуката на AVROTROS.

Евровизија 2027 треба да се одржи во Бургас, Бугарија, откако Бугарија победи на овогодишниот натпревар.

The post ХОЛАНДИЈА ЈА БОЈКОТИРА ЕВРОВИЗИЈА И ВО 2027. ГОДИНА „Евросонг повеќе не може да се смета за неутрален“ appeared first on plusinfo.mk.

Партијата Вреди целосно застана зад претседателот на Собранието Африм Гаши, кој, како што нагласува партиајта, за да избегне блокирање на државата заради дневна политика, е принуден да влече непопуларни потези кои му ги овозможуваат Уставот и Деловникот.

„Без да се мешаме во состојбите во македонскиот политички блок, изразуваме жалење што СДСМ во обидот да ја врати изгубената доверба од граѓаните на дневна основа создава нови и нови политички соперници.

Ваквата антинародна политика на раководството на СДСМ е доказ за нивното лицемерие. Актуелната Влада раководи со државата едвај две години, период во кој најмногу се занимава со нерешените прашања и долгови кои во наследство ни ги остави претходната Влада. Ова раководство на СДСМ, исто како она на ДУИ, само заради тоа што не се власт, со сите сили се обидува да ја блокира државата, правејќи се наудрени дека тие немаат одговорност за ништо. Вреди нема да дозволи опструкции на државата заради кои ќе страдаат граѓаните. А СДСМ треба да и одговори на јавноста дали станува второто лице на ДУИ“ – пишува Вреди во соопштение.

Претходно лидерот на СДСМ најави кривична пријава и интерпелација за претседателот на Собранието Африм Гаши бидејќи задолжил друг пратеник да ја води Комисијата со која претседателствува Сања Лукаревска од СДСМ. Истовремено, СДСМ се повлече од Комисијата за финансирање и буџет.

Како реакција, СОбранието соопшти дека постапувањето на претседателот на Собранието, Африм Гаши, е целосно во согласност со Деловникот на Собранието и во рамки на неговите уставни и деловнички надлежности.

СДСМ СЕ ПОВЛЕЧЕ ОД КОМИСИЈАТА ЗА ФИНАНСИРАЊЕ И БУЏЕТ Филипче најави кривична за Гаши бидејќи закажал седница без Лукаревска

ГАШИ НЕ ГО ПРЕКРШИЛ ДЕЛОВНИКОТ Ја свикал Комисијата за финансирање за да се испочитуваат роковите

The post ДАЛИ СДСМ СТАНУВА ВТОРОТО ЛИЦЕ НА ДУИ? Реакција на Вреди на опструкциите во Собранието appeared first on plusinfo.mk.

ФИФА не размислува за одложување на Светското првенство во 2026 година и покрај глобалните тензии предизвикани од војната меѓу Соединетите Американски Држави и Израел против Иран. Според директорот за операции на турнирот, Хајмо Ширги, натпреварувањето е „преголемо“ за да биде одложено.

Ширги ова го изјави во Далас, каде што ќе биде сместен идниот Меѓународен медиумски центар за турнирот, кој треба да започне на 11 јуни. Тој нагласи дека организацијата внимателно ја следи ситуацијата со конфликтот и неговите последици.

– Да имав кристална топка, би можел да ви кажам што ќе се случи, но очигледно ситуацијата се развива и се менува од ден на ден. Ние внимателно ја следиме – изјави Ширги.

Светското првенство треба да се одржи од 11 јуни до 19 јули во Канада, САД и Мексико.

– Работиме со сите наши федерални и меѓународни партнери за да ја процениме ситуацијата. Секако дека Светското првенство ќе се одржи. Турнирот е преголем и се надеваме дека секој што се квалификувал ќе може да учествува – додаде тој.

Првенството во 2026 година ќе биде најголемо во историјата на фудбалот. Наместо досегашните 32, на турнирот ќе учествуваат 48 репрезентации.

Натпреварите ќе се играат на 11 стадиони во САД, три во Мексико и два во Канада.

Во меѓувреме, администрацијата на американскиот претседател Доналд Трамп воведе забрана за патување за четири земји кои се квалификуваа на турнирот – Иран, Брегот на Слоновата Коска, Хаити и Сенегал. Сепак, најавено е дека за играчите, членовите на репрезентациите и нивните најблиски семејства ќе биде направен исклучок.

Ширги додаде дека ФИФА е во постојан контакт со иранската фудбалска федерација, но не откри детали од разговорите.

Функционерите на ФИФА во Далас ги претставија и плановите за голем фестивал на навивачи низ целиот град, кој ќе трае 34 дена за време на турнирот.

Според Ширги, токму ваквите настани ја покажуваат вистинската сила на Светското првенство.

– Со оглед на состојбата во светот денес, ова ќе биде одлична можност луѓето да се соберат. Светското првенство е навистина глобален настан кој ги зближува сите – рече тој, потсетувајќи на атмосферата на претходните турнири во Катар и Русија.

Организаторите се соочија и со критики поради високите цени на билетите.

Билетите за прва категорија достигнуваат цена од 8.680 долари, за втора категорија 5.575 долари, а за трета 4.185 долари. За натпреварите од првото коло цените се пониски, но и понатаму високи за многу навивачи.

Ширги објасни дека дополнителниот рок од 48 часа за купување билети бил воведен за да им се даде шанса на навивачите кои не успеале да добијат билет во посакуваната категорија.

По критиките, ФИФА најави дека ќе пушти и неколку стотици билети по цена од 60 долари по натпревар, кои ќе бидат распределени преку 48-те национални фудбалски асоцијации за нивните редовни навивачи.

Во јавноста веќе се појавија и повици за можен бојкот на турнирот.

Извршниот директор на Германска фудбалска асоцијација, Андреас Ретиг, изјави дека поради безбедносните и политичките тензии „во моментов не се радува на претстојното Светско првенство“.

Сличен став изнесе и потпретседателот на „DFB“, Оке Гетлих, кој смета дека националните репрезентации треба сериозно да размислат за бојкот на турнирот поради политиките на администрацијата на Трамп и нарушените односи со европските сојузници.

The post ТЕНЗИИ ВО СВЕТОТ, НО МУНДИЈАЛОТ ОСТАНУВА Светското фудбалско првенство ќе се игра, уверува ФИФА appeared first on plusinfo.mk.

Денеска, на Националниот совет за евроинтеграции, каде се презентираа приоритетите на Кипарското претседателство со Советот на ЕУ, од СДСМ немаше ниту еден присутен пратеник, тврди Бране Петрушевски од ВМРО-ДПМНЕ.

„Кога дури ни сопствените пратеници не му се појавуваат на седница што ја води Венко Филипче, прашањето веќе не е дали во СДСМ има внатрешен конфликт, туку колку е длабок“, пишува Петрушевски на својот Фејсбук профил.

Пратеникот прашува и дали со бојкотот на лидерот Филипче пратениците на СДСМ испраќаат порака до јавноста и до европските партнери.

„Очигледно, последниот Конгрес на СДСМ предизвика поголеми поделби, наместо обединување, како што вели Филипче“, коментира Петрушевски.

The post НЕ МУ СЕ ПОЈАВУВААТ НА СЕДНИЦИ НА ФИЛИПЧЕ, КОЛКУ Е ДЛАБОК КОНФЛИКТОТ? На седница за евроинтеграции ги немаше пратениците од СДСМ appeared first on plusinfo.mk.

Мобилните апликации кои им овозможуваат на граѓаните да избегнуваат американски производи ги освоија данските продавници. Најпопуларната меѓу нив, УденУСА, стана број еден и моментално го надмина ЧатГПТ.

Апликацијата им овозможува на купувачите да дознаат каде е произведена стоката скенирајќи го баркодот.

Програмерите тврдат дека апликациите не повикуваат на бојкот, туку нудат транспарентност и „поголема свесност при купување“.

Економистите, пак, предупредуваат дека влијанието на ваквите бојкоти е ограничено. Само 1% од храната што се консумира во Данска доаѓа директно од САД, според проценките нa Данске Банк.

Но, симболичното значење на апликациите е далеку посилно.

A 21 year old Dane has developed an app that lets users scan products to check whether they come partly or entirely from the United States.

The app, UdenUSA, currently ranks first among free applications in the “Utilities” category on the Danish App Store.

Although the app… pic.twitter.com/wHAtYL5KBu

— Nordic Daily (@Nordic_Daily) January 21, 2026

– Луѓето се лутат кога гледаат нешто што го сметаат за навредливо. Овие апликации им даваат чувство дека можат да направат нешто, макар и симболично – објаснува Пеле Гулдборг Хансен, истражувач на Универзитетот во Роскилде.

Од почетокот на јануари, изјавите на Трамп за можно американско преземање на островот Греналд повторно ја разгневија јавноста. Илјадници Данци и жители на Гренланд излегоа на улиците да протестираат против „куповниот“ однос на Вашингтон кон Арктикот.

The post БОЈКОТ НА АМЕРИКАНСКИ ПРОИЗВОДИ СТАНА МОДА МЕЃУ ДАНЦИТЕ Граѓаните со апликации го искажуваат револтот кон Трамп appeared first on plusinfo.mk.

Српскиот претседател Александар Вучиќ повторно ја засили својата реторика кон дел од европратениците, нагласувајќи дека „сите во Србија знаат“ оти единствено го бојкотира Тонино Пицула, известувачот на Европскиот парламент за Србија.

Во интервју за ТВ Пинк тој изјави дека нема намера да разговара со Пицула и „луѓето како него“, бидејќи, според Вучиќ, тие не ѝ мислат добро на Србија. Изјавата следува по неговата средба со францускиот министер за Европа и надворешни работи, Жан-Ноел Бар.

– Нема да разговарам со такви луѓе. Нема да разговарам со оние кои го посакуваат најлошото за Србија – рече Вучиќ, пренесе „Данас“.

Тој објасни дека одлучил да го бојкотира и европратеникот Владимир Пребилиќ, кого го нарече „личен асистент на Драган Шолак“, но подоцна се извинил за изјавата.

Вучиќ повторно се осврна на одлуката и тој и премиерката Ана Брнабиќ да не се сретнат со мисијата на Европскиот парламент во Белград. Посочи дека европратениците не го координирале своето доаѓање со властите во Србија и дека веќе пет месеци има закажано средби во Давос, каде ќе се сретне со еврокомесарката за проширување Марта Кос.

Претседателот порача дека Србија останува на европскиот пат, но нема да дозволи „понижување од страна на европратеници“. Според него, нивната мисија во Белград има цел да подготви „уште една декларација против Србија“ која би се усвоила во февруари или март.

The post БАРААТ УШТЕ ЕДНА ДЕКЛАРАЦИЈА ЗА СРБИЈА ВО МАРТ Вучиќ објасни зошто ги бојкотираше европратениците appeared first on plusinfo.mk.

The post ПОДГОТОВКИТЕ ЗА ЕВРОВИЗИЈА СИ ТЕЧАТ СПОРЕД ПЛАНОТ Израел ќе се натпреварува и покрај бојкотот на некои земји appeared first on plusinfo.mk.

Железничкиот сообраќај во Македонија од попладнево се нормализира целосно откако по делумниот бојкот во кој стапи вчера дел од машинскиот и извршен персонал, денеска е заокружена исплатата на ноемвриската плата и се работи на реализирање на останатите барања.

– На средба со државниот секретар во Министерството за транспорт Стефан Волкановски во врска со делумниот бојкот на поголемиот дел од машинскиот и извршниот персонал во МЖ Транспорт отворено е разговарано за проблемот и тој е надминат.  Исплатен е вториот дел од платата за ноември 2025 година и се работи активно на реализирања на останатите барања на Синдикатот. МЖ Транспорт продолжува со непречена тековна работа и останува во тесна координација со државните институции за надминување на предизвиците со кои се соочува претпријатието – информираат од Министерството за транспорт.

Првите возови што ќе стартуваат попладне по прекинот на делумниот бојкот се на релациите Скопје – Гевгелија во 16:55 часот и Скопје – Куманово во 16:57 минути.

Во тек на бојкотот што почна вчера во 04.47 часот сообраќаа поголемиот дел од товарните возови.

Првиот дел од плататата за ноември е исплатен на 18-ти минатиот месец, а со денешната исплата се заокружува ноемвриската плата, додека продолжува координацијата за  еализација на барањата на синдикатот за исплата на прекувремени часови, бонус плата за над 150 прекувремени часови, покачување на коефициентот за 0,80 поради зголемени животни трошоци, исплата на додаток од 10 отсто на платата за вонредно повикување на работа…

The post ЛЕГНА ВТОРАТА ПОЛОВИНА ОД ПЛАТАТА ЗА НОЕМВРИ Утре ќе возат возовите за Гевгелија и за Куманово appeared first on plusinfo.mk.

Ирска, Холандија, Шпанија и Словенија објавија дека ќе ја бојкотираат следната Евровизија во Австрија откако на денешен состанок беше одлучено дека Израел може да учествува. Овие држави ги предводеа повиците Израел да биде исфрлен од популарното музичко натпреварување поради предизвикување хуманитарна катастрофа во Газа и обвинувањата за неправични практики за гласање.

Ирскиот радиодифузер РТЕ објави дека ќе ја бојкотира Евровизија и нема да ја пренесува.

„Сметаме дека учеството на Ирска би било несовесно со оглед на ужасната загуба на животи во Газа и тамошната хуманитарна криза, која продолжува да ги доведува во опасност животите на толку многу цивили“, соопшти РТЕ.

Шпанија уште во септември донесе одлука дека нема да учествува ако Израел не биде исклучен, додавајќи дека исто така нема да врши пренос од настанот.

Исланд и Белгија соопштија дека дополнително ќе одлучат дали ќе учествуваат.

„Имавме целосна, искрена, чесна и доста трогателна дебата, но како што можеме да видиме од емпатичниот резултат, тие навистина се здружија во верувањето дека евровизискиот натпревар не треба да се користи како политички театар. Мора да задржи одредено чувство на неутралност“, изјави директорот на Евровизија, Мартин Грин.

Минатиот месец Европската радиодифузна унија објави дека ги заострува правилата за гласање на натпреварувањето за да го ограничи влијанието на владите. Ова уследи по обвинувањата дека Израел вештачки ја зајакнал својата позиција на годинашната Евровизија во Швајцарија благодарение на широка платена рекламна кампања.

The post НИТУ ЌЕ УЧЕСТВУВААT НИТУ ЌЕ ЕМИТУВААТ ПРЕНОС? Сѐ повеќе земји го бојкотираат Евросонг поради учеството на Израел appeared first on plusinfo.mk.