По окончување на судскиот случај „Поштенска банка“ во полза на обвинетите во 2024 година, еден од нив, гевгелискиот бизнисмен Томе Главчев, во јануари годинава, поднел кривична пријава против поранешните обвинители на Специјалното јавно обвинителство Катица Јанева, Бурим Рустеми и Лиле Стефанова. Главчев ги пријавува дека од него барале Поткуп.

Во пријавата, во која детално се опишани сите дејствија со кои тројцата обвинители вршеле притисоци врз обвинетите во случајот „Поштенска банка“, Главчев пријавува дека првопријавената Катица Јанева, индиректно, преку сведокот Бојан Јовановски од Скопје, побарала од него подарок од 1 милион евра, за себе и за обвинителите кои постапувале во предметот (Бурим Рустеми и Лиле Стефанова), за да извршат службени дејствија што би морале да ги извршат, да дадат позитивно мислење за прифаќање на поднесениот предлог за гаранција, а потоа да се донесе наредба за запирање на кривичната постапката.

На кривичната пријава на Томе Главчев, обвинителката Лиле Стефанова возвратила со кривична пријава против него за Лажно пријавување по член 366 од Кривичниот законик. Главчев за Плусинфо вели:

-Во врска со кривичната пријава за наводно лажно пријавување, сметам дека е неопходно јавно да ги изложам фактите и околностите, бидејќи станува збор за случај кој отвора сериозни прашања за функционирањето на правниот систем и за еднаквоста пред законот. Имено, во периодот кога против мене се водеше постапка во предметот „Поштенска банка“, јас лично бев изложен на барање за исплата на 1 милион евра, со јасно укажување дека со тоа би се запрела постапката против мене. Ова не е паушално тврдење. Поседувам материјален доказ, односно аудио-снимка, која е доставена до надлежните институции и која треба да биде предмет на сериозна и независна проверка. Откако категорично го одбив ова барање, постапката против мене не само што продолжи, туку траеше повеќе години. Во истиот период, по предметот постапуваа обвинители кои беа директно вклучени во случајот. Дали е случајност што по одбивањето на бараниот износ, притисокот продолжи? Тоа е прашање на кое јас не давам конечен одговор, туку го поставувам како основано сомнение кое институциите се должни да го испитаат.

Клучна средба во просториите на телевизијата 1ТВ

Според пријавата на Главчев, клучниот настан се случил во јануари 2019 година, кога тој веќе имал поднесено барањето за определување гаранција наместо определените мерки за претпазливост. Според пријавата, во непосредна средба, која била остварена по барање и налог на Катица Јанева, што се случила во Скопје, во просториите на тогашната Телевизија 1ТВ, сведокот Боки 13 го известил Главчев дека разговорот што ќе се води бил по налог на првопријавената Катица Јанева, со намера да му го пренесе начинот на кој ќе се запре поведената истражна постапка. Тоа требало да се случи во две фази – за една недела да му биде вратена патната исправа, а за две недели да се запре истрагата. Ова, се разбира, доколку Главчев ги почитувал поставените услови.

Потоа на телефон сведокот Боки 13 ја побарал Катица Јанева, која му рекла на Томе Главчев да му пренесе на својот бранител да го дополни барањето за гаранција, по што веднаш ќе му биде вратена патната исправа, а Боки 13 ќе му пренесе кој е условот да се запре во целост постапката. Сведокот Боки 13 го продолжил разговорот и го пренел барањето од Катица Јанева – дека за ова е потребно да се плати 1 милион евра, од кои 30% веднаш, а остатокот штом ќе се добие решение за запирање на истрагата. Томе Главчев одговорил дека не е проблем да ги даде парите, но може да ги плати по завршената работа. Боки 13 рекол дека тоа не е прифатливо, дека понудата не зависела од него и дека сè што требало му биде пренесено на Главчев – пренесено е.

Инаку, според пријавата, Боки 13 претходно во два наврати се сретнал со Главчев во Гевгелија и од него барал реклами за 1ТВ, првиот пат 50.000 евра, а вториот пат 100.000 евра. Во пријавата Главчев опишува една средба со Бојан Јовановски во хотелот „Рамада“:

„Се сретнав со Бојан во хотелот Рамада во Гевгелија. Со него беше за мене тогаш непознат господин, кој ми се претстави дека е адвокат Васко Димишковски од Скопје. Бојан ми кажа дека знае дека утрешниот ден ќе заседава кривичниот совет по жалбата на СЈО, дека тој, заедно со адвокатот чија сестра е судија за претходна постапка во Кривичниот суд, можат да ми завршат работа да се одбие жалбата на СЈО и да не ми се определи притвор, ниту пак да имам некоја друга мерка. За оваа услуга побараа износ од 500.000 евра. Јас на ова се пошегував дека парите ми се закопани во нивата и ако ме почекаат, ќе се обидам да ги најдам, на што Бојан реагираше: ’Ти се зафркаваш со нас‘“.

Откако Томе Главчев нема да ги плати побараните пари, против него почнува постапката: наредби за вештачења, други процесни дејствија итн. Но, по хаваријата на СЈО и по разрешувањето Катица Јанева, предметот „Поштенска банка“ преминува во Основното јавно обвинителство за гонење организирал криминал и корупција. Таму предметот паѓа во рацете на Бурим Ристеми и на Лиле Стефанова, кои стартуваат со нов обвинителен акт.

Одмаздата на Бурим Рустеми и на Лиле Стефанова

По стапувањето во сила на измените на Кривичниот законик во јуни 2024 година, Рустеми на главна расправа се откажал од обвинението кон шестмина од обвинетите во предметот „Поштенска банка“. Тоа сепак не го сторил и за Томе Главчев и за уште двајца обвинети, иако немало никаква разлика во нивниот статус со првообвинетиот во предметот и со другите обвинети. Според пријавата на Главчев, Рустеми не го повлекол обвинението за него само поради фактот што бизнисменот не го платил побараниот износ од 1 милион евра. Лиле Стефанова, пак, учествувала во сите дејствија преземени од СЈО, а подоцна и со овластување на Републичкиот јавен обвинител, учествувала во одмаздата поради неуспехот Главчев да го изрекетираат и во обидот да се прикријат трагите за тој обид.

– Замислете – коментира Главчев – по повеќе од пет години, обвинението беше повлечено за шест лица опфатени во истиот предмет, меѓу кои и против првоосомничениот, додека за тројца, меѓу кои и јас, постапката продолжи. За истиот настан и врз основа на истите докази. Ова отвора сериозно прашање: како е можно за исто дело и исти докази да има сосема различен третман? Наместо одговори на овие прашања, денес јас сум соочен со кривична пријава за „лажно пријавување“. Со други зборови, наместо да се проверат наводите и доказите кои ги доставив, се отвора постапка против оној што пријавил сомнение.

Откако во март 2024 година постапката против сите обвинети во случајот „Поштенска банка“ ќе биде запрена, Томе Главчев нема да се смири поради неправдата и во јануари годинава ќе поднесе кривична пријава против тројцата обвинители за кривичното дело Поткуп.

Манипулациите во Обвинителството продолжуваат, како уште да командува СЈО

Особено загрижува фактот што веднаш по поднесувањето на неговата кривична пријава, нејзината содржина очигледно станала достапна во контекст на постапка против него, иако до денес нема добиено никаква формална разрешница по истата. Ова сериозно го доведува во прашање принципот на доверливост во постапувањето и ја поткопува довербата во институциите, смета Главчев и додава:

– И прашањето на надлежност отвора дилеми. Како граѓанин на Гевгелија, кој пријавата ја поднел во Скопје, бев повикан да дадам изјава во обвинителство кое нема очигледна поврзаност со ниту една од овие околности. Ова кај мене создава чувство на правна несигурност и дополнителен сомнеж во однос на начинот на кој се води постапката.

Посебно сериозна околност, објаснува Главчев, која дополнително ја компромитира довербата во целиот процес, е фактот што подносител на кривичната пријава против него е обвинителка против која тој претходно има изнесено основано сомнение дека била дел од дејствијата кои ги пријавил. Истата обвинителка постапувала по предметот „Поштенска банка“ против него, а воедно е и на позиција координатор во обвинителството каде што е поднесена пријавата против него.

– Ова отвора сериозно прашање за потенцијален конфликт на интереси и непристрасност во постапувањето, бидејќи во ваква ситуација се создава впечаток дека лице за кое се пријавува сомнение, истовремено има влијание или улога во постапка која се води против пријавителот. Сакам јасно да потенцирам: мојата пријава беше поднесена во добра верба, врз основа на лично доживеан настан и со материјален доказ. Јас не сум орган кој утврдува вина, тоа е обврска на институциите. Мојата обврска како граѓанин беше да пријавам сомнение за сериозно незаконито постапување. Во едно правно уредено општество, граѓанинот кој пријавува сомнеж за криминал треба да биде заштитен, а не да стане предмет на прогон. Во спротивно, се испраќа опасна порака дека секој што ќе се охрабри да пријави сомнение, ризикува самиот да стане обвинет. Затоа, очекувам од надлежните институции да постапуваат професионално, непристрасно и во согласност со закон, и пред сè, да ги проверат наводите и доказите кои се доставени, наместо да се насочуваат кон оној што ги пријавил. Правдата не смее да биде селективна – апелира Томе Главчев.

The post НОВА ЕПИЗОДА ОД АФЕРАТА „РЕКЕТ“ • ГЛАВЧЕВ ПРИЈАВИЛ ТРОЈЦА ОБВИНИТЕЛИ ДЕКА МУ БАРАЛЕ ПОТКУП ОД 1 МИЛИОН ЕВРА ЗА „ПОШТЕНСКА БАНКА“ Катица Јанева, Бурим Рустеми и Лиле Стефанова да се јават „на каса“ appeared first on plusinfo.mk.

Апелација му ја намали казната на осудениот Бојан Јовановски-Боки 13 во предметот „Рекет“ од 9 на 5 години затвор, објави Скопје1. Со ова, Јовановски е слобода.

Како што пишува медиумот, судиите ја донеле пресудата поради нови околности кои довеле до поблага осуда. До нив била доставена обемна медицинска документација на осудениот, во кои е опишана  здравствената состојба на осудениот, а е потпиша од различни професори и доктори, како и од различни државни болници.  Освен што се констатира дека Јовановски не може да биде лекуван зад решетки поради тоа што затворот нема терапии,  доктори и услови, во документацијата се нотира и дека тој има инвлидитет, бидејќи му е отстранет најголем дел од желудникот и од тенкото црево. Во документацијата има и извештаи за неговата состојба по 2 живото-загрозувачки операции додека бил во затвор. Има документација и дека сега има интестинална метаплазија, што може да резултира со гастричен-карцином. Нетретирањето на ваквите состојби, според докторите, можат да доведе до фатални последици.

Судиите пред нив имале неколку опции при донесување на одлуката. Една можност е да ја преиначат претходната пресуда во однос на санкцијата, што и го направиле.

Боки 13 беше осуден на 9 години затвор за кривичното дело Примање награда за противзаконито влијание и Перење пари, во предметот Рекет, во кој на 7 години завр беше осудена поранешната шефица на згаснатото Специјално јавно обвинителство, Катица Јанева.

Јовановски моментно е надвор од затвор, со отпуст за лекување.

The post БОКИ 13 Е НА СЛОБОДА Апелација му ја намали казната од 9 на 5 години затвор appeared first on plusinfo.mk.

Судијката Мери Дика-Георгиевска, е кума на осудениот во случајот „Рекет“ – Бојан Јовановски-Боки 13. Таа беше и еден од сведоците во овој случај во кој и се судеше и на поранешната Специјална јавна обвинителка, Катица Јанева

По завршувањето на Правниот факултет во 1986 година, Дика работи во адвокатурата се до 1996 година, кога е избрана за судија во Основен суд Скопје II Скопје на стопанска материја. Таму работи до 2005 година, кога е избрана за судија во Апелација.

Од 2012 до 2018 година, таа е член на Судскиот совет, по што се враќа во Апелација.

На денешната седница на Судскиот совет, судијката Татјана Петровска е избрана за претседателка на Основниот суд во Битола, а Јасмина Шишковска Стојковиќ за претседателка на Основниот суд во Прилеп.

Во Основните судови во Велес, Делчево, Крива Паланка и Штип, досегашните претседатели ќе останат да ја вршат функцијата в.д. претседатели сѐ до изборот на нови претседатели.

Во судот во Куманово претседателката Снежана Манева, беше повторно избрана на раководната функција.

The post КУМАТА НА БОКИ 13 НА ЧЕЛО НА СКОПСКА АПЕЛАЦИЈА Судијката Мери Дика Георгиевска назначена за претседателка на Апелацискиот суд Скопје appeared first on plusinfo.mk.

Порталот наведува дека директорот Шпенд Тахири одлуката за преместување на Јовановски ја донел само четири дена откако е поставен на функцијата, но ниту на Јовановски, ниту на адвокатскиот тим не им ги кажал причините.

И Народниот правобранител за порталот потврдил дека Јовановски е со нарушено здравје и треба да биде преместен во подобри услови.

– Утврдено е дека тој престојува во просторија со уште четири лица и истата не ги исполнува стандардите предвидени како со домашното законодавство, така и со меѓународните правила. Условите за одржување на хигиена во оваа просторија се далеку полоши од оние кои Јовановски ги имал кога престојувал во полуотвореното одделение. Народниот правобранител смета дека треба да се разгледа можноста тој да биде сместен во просторија која има подобри хигиенски услови, од онаа во која сега престојува – изјавил Народниот правобранител по посетата на Јовановски.

Порталот наведува дека се шпекулира дека Јовановски е преместен откако дал интервју за А1он.

Адвокатскиот тим на Јовановски се сомнева дека преместувањето е реваншизам со кој ќе се овозможи молк и дупла казна. Управата за извршување на санкции тогаш одбила да даде одобрение.

Бојан Јовановски е хоспитализиран во градската болница „Св. Наум Охридски“ и е задржан на лекување, потврдија од Управата за извршување санкции. Од таму велат дека во текот на денот, по побаран медицински преглед, лекар од затворот Идризово му издал упат на осуденикот Јовановски.

The post БОКИ ВО „ИДРИЗОВО” ПОДЛОЖЕН НА ТОРТУРА Му се одмаздува ли некој на Јовановски за неговото интервју за А1он? appeared first on plusinfo.mk.

Од изведените докази можеше да се види секојдневната работна комуникација на Ерцеговиќ во врска со 1ТВ, но и од други организации и проекти на кои работела во периодот 2017-2019 година.

Ерцеговиќ, на почетокот реагираше на терминологијата што ја користи обвинителството, бидејќи опремата не е одземена и таа не била приведена, туку дека таа самата се пријавила и дека сите компјутери дозволила да бидат земени и на ниту еден немала лозинка, односно биле целосно отворено.

Дополнително, таа реагираше дека за изведната комуникација обвинителството не укажало дека не е лично нејзина, туку само препратена комуникација од други лица.

На следното рочиште на барање на одбраната на Фросина Ременски, судот дозволи да бидат сослушани вештаците, кои ги изработиле вештачењата, кои треба да бидат изведени како докази.

Обвинителството, на почетокот на денешното рочиште изведе превод од српски на комуникација на првообвинетиот Јовановски и друго лице, од кој можеше да се види како тој нарачува и купува алишта и накит од Милано, како и договара барања за поврат на ДДВ за купената стока.

Бранителот на Јовановски, адвокатот Сашко Дуковски реагираше дека преводот на предложениот доказ требало да биде доставен заедно со доказот пред почетокот на рочиштето, а не потоа дополнително да биде прифатен од Судот.

– Овој превод е неблаговремен и незаконски, изјави Дуковски.

Случајот го води судијката Софче Гаврилова Ефремовска, а застапник на обвинението е обвинителката Милица Гаврилова.

За случајот со невладината организација Меѓународниот сојуз, основана од Бојан Јовановски-Боки 13, преку која според обвинението биле измамени бизнисмени за наводни центри за возрасни лица, обвинети се и Фросина Ременски, Миле Јовановски, таткото на Боки 13 и Јасна Мандиќ Ерцеговиќ.

Јовановски е обвинет за измама и перење пари. Ременски е обвинета за помагање во делото измама, Мандиќ за помагање во измамата и перењето пари, Миле Јовановски се терети за помагање во перењето пари и за неовластено изработување, држење, посредување и тргување со оружје. Како правно лице обвинета е и невладината организација.

The post Судењето за „Меѓународен сојуз“ продолжува на 25 декември со сослушување на вештаците appeared first on plusinfo.mk.

На денешното рочиште одбраната треба да продолжи со воведни зборови.

Судскиот процес го води судијката Софче Гаврилова-Ефремова.

На минатото рочиште во воведните зборови обвинителката Вилма Рускоска рече дека ќе докаже оти обвинетите свесно ги сториле делата и дека од почетокот оваа организација е темелена на лаги, за да им се извлечат пари на бизнисмените Силјан Мицески и Ардијан Амзоски.

Обвинетите, пак, се изјаснија дека не чувствуваат вина за делата кои им се ставаат на товар.

Според обвинението, обвинетите ги измамиле бизнисмените Силјан Мицески и Ардијан Амзоски дека ќе учествуваат во проект преку „Меѓународен сојуз“ на Бојан Јовановски-Боки 13 и ги оштетиле со повеќе од милион евра.

The post Рочиште за судскиот процес „Меѓународен сојуз“ на Боки 13 appeared first on plusinfo.mk.