Во мексиканскиот град Гвадалахара, на Меѓународниот аеродром, вечерва (недела) избувна хаос и паника меѓу патниците откако информации за пукање и вооружени инциденти почнаа да циркулираат на социјалните мрежи. Луѓето бегаа кон излезите и се криеја додека се ширеа видеа од активни престрелки и нереди на и околу терминалот, поради што аеродромските операции беа силно нарушени.

Ова насилство дојде како директна реакција на информацијата дека мексиканските безбедносни сили го убиле водачот на мексиканскиот наркокартел „Нова генерација од Халиско“ (CJNG), Немесио „Ел Менчо“ (Оseguera Cervantes) во голема воена операција во државата Халиско.

Според официјални извори, Ел Менчо, познат како еден од најбараните и најмоќни нарко-босови во светот, беше фатен и убиен во планините на Халиско откако мексиканските сили го опколиле неговото прибежиште. Овој успех беше резултат на долгорочна операција водена од мексиканската армија заедно со федерални единици.

По објавувањето на оваа вест, од повеќе делови на државата – вклучително Халиско, Мичоакан, Најарит, Гереро и други региони – пристигнуваат извештаи за вандализам, запалени возила, блокирани патишта и вооружени групи што поставуваат барикади во знак на отпор кон владините сили.

Во Гвадалахара, покрај хаосот на аеродромот, локалните власти забележаа и напади на други јавни простори, поради што полицијата беше мобилизирана за да ги заштити цивилите и да ја стави под контрола безбедносната ситуација.

Реакцијата на наводното убиство на „Ел Менчо“ ги натера и меѓународните тела да издадат предупредувања – Амбасадата на САД во Мексико објави безбедносна тревога, повикувајќи ги американските државјани да останат во засолниште и да избегнуваат движење на отворено поради блокади и постојани активности на организирани групи.

Оваа акција претставува еден од најзначајните удари во долгогодишната борба против организираниот криминал во Мексико. Немесио Осигера Сервантес, или „Ел Менчо“, беше основач и врвен шеф на Картел „Нова генерација од Халиско“ (Cartel Jalisco Nueva Generación – CJNG), картел што низ годините се прошири во најсилна криминална организација со меѓународни мрежи за трговија со дрога и насилни тактики.

Под негово водство, CJNG стана една од најактивните и најнасилни криминални групи во Мексико, често вклучена во судири со државни сили, други картели и операции што предизвикуваат големи нарушувања на јавниот ред и безбедноста.

Chaos erupts at Guadalajara International Airport in Jalisco, Mexico, as the CJNG Cartel launches attacks outside and potentially inside the airport, as retaliation for today’s successful elimination of CJNG leader El Mencho. pic.twitter.com/fspjMASWV1

— OSINTdefender (@sentdefender) February 22, 2026

Smoke rises from CJNG Cartel attacks and checkpoints across Puerto Vallarta in the Mexican state of Jalisco, following the elimination today of CJNG leader Nemesio Oseguera Cervantes, known more commonly as El Mencho. pic.twitter.com/F4BnaCqh6t

— OSINTdefender (@sentdefender) February 22, 2026

The post 🎥 ТОТАЛЕН ХАОС НА АЕРОДРОМОТ ВО ГВАДАЛАХАРА, МЕКСИКО Насилства по убиството на нарко-босот „Ел Менчо“ appeared first on plusinfo.mk.

Сојузот на синдикати денеска во 9 ќе го блокира пристапот до Собранието со што ќе почне блокади на институции кои, како што велат од синдикатот, го кочат зголемувањето на минималната плата на 600 евра и зголемувањето на останатите плати за 100 евра.

Ќе бидат блокирани улиците Даме Груев и 11 Октомври кај зградата на Собранието.

Од ССМ велат дека со блокадата ќе биде испратена порака до пратениците дека тие се оние кои го блокираат законот за зголемување на минималната плата повеќе од една година и кои не сакаат да ја прифатат иницијативата на ССМ за намалување на функционерските плати.

– Пратениците се уште се прават глуви на иницијативата на ССМ за зголемување на минималната плата и на останатите плати за 100 евра, како и за последната иницијатива на ССМ за намалување на нивните плати за 80 проценти, односно да си ја намалат основицата за пресметка на плата од просечна на минимална плата и да ги намалат нивните коефициенти на сложеност – изјави вчера претседателот на ССМ Слободан Трендафилов.

Според претседателот на Собранието Африм Гаши, законодавниот дом денеска ќе работи паралелно со протестот на ССМ. Очекува протестот да помине мирно, а ќе нема дополнително обезбедување на објектот.

– Нема да има специјално обезбедување на Собранието. Шефот на мојот кабинет се сретна со началниците во МВР, тие си имаат редовни безбедносни протоколи. МВР ги презема сите свои мерки. Се надевам дека се ќе биде мирно и ќе тече се како што треба. Така, тие ќе си протестираат, ние ќе си работиме – кажа Гаши вчера на брифинг со новинарите.

Неделава, според најавата на синдикатите, ќе има уште една блокада на Стопанската комора, а наредната недела ќе биде блокирана Вадата.

The post ССМ ГО БЛОКИРА СОБРАНИЕТО Бара минимална плата од 600 евра и повисоки плати за 100 евра за сите appeared first on plusinfo.mk.

Јавниот собир над населбата Баир во Битола заврши вечерва во 18:20 часот, по што започна расчистување на поставените препреки, информира Авто-мото сојузот на Македонија (АМСМ).

Од АМСМ соопштија дека сообраќајот сè уште се пренасочува, додека екипи на ЈП „Македонија Пат“ се на терен и работат на целосно отстранување на блокадите и нормализирање на сообраќајот.

Засега нема информации кога сообраќајот ќе биде целосно пуштен во двата правци.

The post ЗАВРШИ БЛОКАДАТА КАЈ БАИР Сообраќајот сè уште пренасочен, „Македонија Пат“ ги отстранува препреките appeared first on plusinfo.mk.

Превозниците на товар од Србија и Босна и Херцеговина продолжуваат да ги блокираат товарните терминали на граничните премини петти ден, додека превозниците во Црна Гора и Северна Македонија ги прекинаа блокадите откако ЕК објави нова визна стратегија што би го решила проблемот со ограничувањата за престој на професионалните возачи во Шенген зоната.

Во вторник, 3 февруари, ќе се одржи состанок на министрите од сите земји од Западен Балкан со претставници на Европската комисија за проблемот на превозниците од регионот во Шенген зоната, за што шефот на Делегацијата на ЕУ во Босна и Херцеговина, Луиџи Сорека ја информираше синоќа претседавачката со Советот на министри на Босна и Херцеговина, Борјана Кришто.

Тие телефонски разговараа за прекинот на непречениот проток на стоки и функционирањето на меѓународниот транспорт, предизвикани од блокадите на граничните товарни терминали кон земјите од ЕУ.
Новата визна стратегија на ЕУ што ја презентираше ЕК, како што беше најавено, ќе им помогне на превозниците од Западен Балкан, бидејќи „ЕУ сака да овозможи пофлексибилни правила за прекуграничните работници“.

Возачите на камиони од Северна Македонија, Србија, Црна Гора и Босна и Херцеговина почнаа да ги блокираат граничните премини во понеделникот, 26 јануари, сметајќи дека новиот систем за контрола на влез и излез (ЕЕЅ) во Шенген зоната дискриминира превозници од ЕУ.

The post СРПСКИТЕ И БОСАНСКИТЕ КАМИОНЏИИ НЕ СЕ ПОВЛЕКУВААТ ОД ГРАНИЦИТЕ Европската комисија ги покани министрите од Западен Балкан на средба appeared first on plusinfo.mk.

АМСМ соопшти дека поради протестот на камионските превозници, блокирани се повеќе гранични премини за влез и за излез од државата.

Здруженијата на транспортни компании на Македонија  Србија, Црна Гора и  Босна и Херцеговина, кои организираа заеднички протест, денеска ги продолжуваат блокадите на граничните терминали за товар кон земјите од ЕУ, но очекуваат денеска да биде донесено решение од Европската комисија за проблемот што создава ограничен престој за возачите во земјите од Шенгенскиот договор за 90 дена во период од шест месеци.

Во октомври 2025 година, Европската комисија воведе електронска регистрација за влез и излез (систем за излез и излез – EES), која строго ја контролира должината на престојот на професионалните возачи во 29-те земји од ЕУ и Шенгенскиот договор, со што им се преполови работното време и поради што, од 26 јануари, ги блокираат сите гранични товарни премини меѓу земјите од Западен Балкан и ЕУ.

Европската комисија, чии земји трпат штета поради неможноста за испорака на стока од Западен Балкан, вчера објави дека денеска ќе ја објави работната верзија на новата стратегија за визи на ЕУ, која треба да предвиди системско решение за професионалните возачи од земјите надвор од Шенгенскиот договор во форма на специјални визи.

The post ПРОДОЛЖУВААТ БЛОКАДИТЕ НА ТРАНСПОРТЕРИТЕ Затворени повеќе гранични премини, денеска се очекува решение appeared first on plusinfo.mk.

Бугарските превозници се жалат дека претрпуваат големи финансиски загуби поради блокадите што ги вршат превозниците од Србија, Босна и Херцеговина, Црна Гора и Северна Македонија протестираа поради проблемите со новиот систем за влез и излез од ЕУ. Транспортерите од Бугарија поради блокадите мораат да користат алтернативни патишта до европските дестинации, кои минуваат низ Романија, што го продолжува нивното растојание за 500-600 км, пишуваат бугарски медиуми.

Превозниците од Србија, Босна и Херцеговина, Црна Гора и Северна Македонија протестираа поради проблемите со новиот систем за влез и излез од ЕУ и економските загуби што произлегуваат од тоа за превозниците поради ограничувањето на престојот на територијата на земјите-членки на 90 дена во рок од 180 дена, објавија „Нова“ и „БНТ“.

Вчера, премините со Србија беа блокирани за тешки товарни возила во двата правци. Денес, по полноќ, сообраќајот беше ограничен за возила над 3,5 тони на нашите гранични премини со Северна Македонија „Врашка Чука“, „Брегово“, „Стрезимировци“, „Ѓуешево“, „Делчево“ и „Златарево“, пишуваат бугарските медиуми.

На заедничката граница меѓу Бугарија и Северна Македонија, блокадата ги опфаќа сите соседни гранични премини – Деве Баир – Ѓуешево, Делчево – Станке Лисичково и Ново Село – Златарево, на територијата на Република Северна Македонија. Бугарските возачи што минуваат се навремено известени за ограничувањата и опциите за чекање, со цел да се спречат метежи и тензии, пишуваат бугарските медиуми.

Протестот е планиран за 7 дена, но може да заврши порано доколку се одржи состанок со претставници на здруженијата и Европската комисија.

Во бугарските медиуми се пренесуваат ставови на транспортни здруженија дека ситуацијата е „економски неодржлива“ за компаниите, а се најавуваат и разговори меѓу претставници на транспортниот сектор и бугарските институции за координација на мерките и евентуален заеднички настап кон Европската комисија, со цел да се ублажат последиците од новиот систем за влез и излез во ЕУ.

Дополнително, бугарското Министерство за надворешни работи преку медиумите соопшти дека внимателно ја следи состојбата и дека, доколку ситуацијата ескалира, Бугарија ќе ги искористи дипломатските канали и контактите со Европската комисија за да се олесни режимот и да се најде решение за проблемите со новиот систем за влез и излез во ЕУ и примената на правилото 90/180 дена.

The post БУГАРСКИТЕ ПРЕВОЗНИЦИ СЕ ЖАЛАТ НА БЛОКАДИТЕ Трпат загуби, возат по 500-600 километри повеќе appeared first on plusinfo.mk.

Закажаната средба меѓу земјоделците од главните блокади низ Грција и грчкиот премиер Кирјакос Мицотакис, која требаше да се одржи денеска, е откажана, откако земјоделците од над 55 блокади доцна синоќа одлучија да не присуствуваат. Како причина ја наведоа одлуката на Владата да го ограничи бројот на нивни претставници, оценувајќи дека со тоа се поткопува можноста за суштински дијалог. Воедно, најавија и натамошно заострување на протестите, јави дописничката на МИА од Атина.

И покрај тоа, Мицотакис денеска сепак ќе одржи средба со земјоделци, но само со претставници на 18 блокади, односно со оние кои уште од минатиот месец се дистанцираа од останатите и побараа дијалог со Владата.

Откако Владата минатата седмица упати нова покана за средба, земјоделците од централните блокади ја прифатија и за време на викендот одржаа состаноци, на кои формираа два комитета: едниот со 25 претставници на земјоделците, а другиот со десет претставници на сточарите, рибарите и пчеларите, со цел одржување две одделни средби со премиерот.

Сепак, земјоделците тврдат дека, иако за ваков формат постоел договор со Министерството за земјоделство, од кабинетот на премиерот во последен момент било побарано делегацијата да се сведе на најмногу 20 лица и да се одржи само една средба. Ова барање било едногласно одбиено од блокадите, кои веќе 45 дена протестираат на автопатиштата низ Грција.

Според грчките медиуми, земјоделците оценуваат дека под овие услови не може да има вистински дијалог и ги осудуваат владините постапки, за кои велат дека имаат за цел поделба на земјоделскиот фронт.

Владини извори, пак, коментирајќи го одбивањето на средбата, наведуваат дека ваквиот став покажува оти дел од претставниците на блокадите немаат намера да бараат реални решенија за земјоделците.

– Секој што верува во праведноста на барањата и во можноста за решение, доаѓа на дијалог. За жал, уште еднаш обидот за разговор пропадна по вина на мала група претставници кои ја користат земјоделската борба за лични или вон институционални цели – порачале владини извори за грчките медиуми.

Грчкиот премиер во 15 часот по локално време ќе се сретне со претставници на земјоделците од Солун, Крит, Пелопонез и други региони, кои уште од почетокот зазедоа поинаков став и побараа дијалог со Владата.

Одлуката на земјоделците од централните блокади да ја бојкотираат средбата повторно ја заостри ситуацијата, која во изминатите денови се чинеше дека се смирува. Тие најавија интензивирање на протестите и не ја исклучуваат можноста со трактори да организираат протест и во Атина.

Земјоделците, сепак, порачуваат дека и понатаму бараат средба со премиерот, но само под услов на неа да учествуваат 25 претставници на земјоделците и десет претставници на сточарите, пчеларите и рибарите.

Протестите на земјоделците во Грција започнаа на 30 ноември минатата година.

The post НАМЕСТО СРЕДБА СО МИЦОТАКИС, НОВИ ПРОТЕСТИ Земјоделците ја заоструваат борбата во Грција appeared first on plusinfo.mk.

Од 10 часот по македонско, 11 по локално време се очекува грчките земјоделци да го затворат граничниот премини Ники кон нашата земја, а еден час подоцна и Евзони, во рамките на 48-часовната блокада, односно денеска и утре да се блокира целата национална патна мрежа, споредните патишта и клучните патни правци во Грција, како и граничните премини, јави дописничката на МИА од Атина.

На Евзони, паркираните трактори од 1 декември, на кои вчера им се придружија и од четири други околни места, според последните информации на МИА, се очекува почнувајќи од 12 часот по локално време да го блокираат сообраќајот за сите возила, за влез и излез од Грција кон нашата земја, а засега не е познато колку ќе трае блокадата, со оглед на тоа што земјоделците, одлуките ги носат на лице место и во последен момент.

Слична е ситуацијата и на Ники (Меџитлија), каде што блокадата ќе започне еден час порано и ќе се однесува на камиони, автомобили и автобуси, но според АНА-МПА, земјоделците периодично ќе отвораат за сообраќај.

Единствено на граничниот премин Дојран сообраќајот се одвива непречено, со оглед на тоа што таму не се поставени блокади.

Затворени ќе бидат и граничните премини кон Бугарија, како и Какавија кон Албанија.

Во другите делови на Грција, блокади се планирани на автопатот Солун-Атина, на автопатот Егнатија, на автопатиштата на Пелопонез, како и автопатот во западна Грција.

Со блокадите на различни локации, Грција во следните 48 часа ќе биде поделена на два дела, со оглед на тоа што невозможно е да се стигне од Солун до Атина поради затворањето, не само на автопатиштата, туку и на споредните патишта.

Одлуката за 48-часовната блокада беше донесена на масовниот состанок одржан во неделата во Малгара во близина на Солун, кога претставниците на земјоделците одлучија радикализација на активностите, веднаш по Водици што во Грција е на 6 јануари.

Од друга страна, грчката Влада вчера детално ги објасни мерките за поддршка на земјоделците, вицепремиерот Костис Хаѕидакис уште еднаш посочи дека од 27 барања на земјоделците, 16 се исполнети или се третираат позитивно, четири се разгледуваат, додека пак седум се или вон буџетската или вон европската рамка и повтори дека секогаш се отворени за дијалог со земјоделците.

Дел од мерките предвидуваат намалување на цената на струјата на 8,5 центи за киловатчас до 2028 година, поврат на посебниот данок на потрошувачка на нафта, 100 отсто покриеност на обесштетувањето при елементарни непогоди, специјален баркод за потеклото на производите.

Со оглед на тоа што станува збор за познати мерки, земјоделците изразија незадоволство од она што вчера го соопшти Владата и одлучија да продолжат со планираната 48-часовна блокада.

Паралелно, обвинителот на Врховниот суд на Грција Константинос Ѕавелас испратил нова наредба до обвинителите во целата земја во однос на земјоделските блокади, во која потсетува на првата наредба од пред еден месец, барајќи да биде извршена.

На 9 декември, Ѕавелас побара, обвинителите, со помош на надлежните полициски органи да интервенираат во случаите кога се вршат кривични дела што се гонат по службена должност, во однос на земјоделските блокади и доколку со тоа се нарушува безбедноста во сообраќајот.

– Во последниот период се забележува појавата на нарушување на безбедноста на сообраќајот на патиштата, со намера, главно преку поставување и одржување пречки, но и со други постапки подеднакво опасни за безбедноста на сообраќајот, со блокирање на движењето на возила, на јавни, национални и други патишта, од страна на учесници итн. во мобилизациите на земјоделците во земјата, пишува на почетокот на наредбата од минатиот месец.

Во наредбата на обвинителот се потсетува дека прекршоците поврзани со попречување на транспортот се гонат по службена должност, бидејќи непреченото функционирање на транспортната инфраструктура е општествено добро.

Според грчките медиуми, доколку земјоделците не ги запрат протестите и блокадите, Владата е подготвена да го спроведе „Планот Б“, што предвидува административни казни за оние кои продолжуваат со затворање на патиштата.

Протестите на земјоделците траат веќе 40 дена, со оглед на тоа што започнаа на 30 ноември.

The post НЕ ПОМИСЛУВАЈТЕ НА ПАТУВАЊЕ ВО ГРЦИЈА ВИКЕНДОВ Започнува целосна блокада на грчките патишта appeared first on plusinfo.mk.

Граничните премини кон Грција Богодродица-Езони и Меџитлиј-Ники од 15 часот денеска повторно се пуштени во сообраќај за сите видови возила, соопшти Авто-мото сојузот на Македонија.

Грчките земјоделци ги болираат граничните премини за сите возила за влез и излез од Грција во два четиричасовни термини: од 11 до 15 часот по македонско време (12 до 16 по локално време) и од 17 до 21 часот (18 до 22 часот по локално време), јави дописничката на МИА од Атина.

Низ цела Грција денеска кулминираат блокадите – во попладневните часови три часа ќе бидат блокирани и споредните патишта што ги поврзуваат Атина и Солун. На тој начин, земјата ќе биде практично поделена на два дела, бидејќи, освен што автопатот е веќе блокиран, а дополнително затворен е и автопатот Јониа, што ги поврзува градовите Антирио и Јанина.

The post ГРАНИЧНИТЕ ПРЕМИНИ КОН ГРЦИЈА ПРИВРЕМЕНО ОТВОРЕНИ Има блокади на внатрешните регионални патишта appeared first on plusinfo.mk.

Граничниот премин Евзони кон нашата земја за влез и излез од Грција и денеска ќе биде затворен за сообраќај на сите возила во периодот од 11 до 15 часот и од 17 до 21 часот по македонско време, поради блокадите поставени од грчките земјоделци, јави дописничката на МИА од Атина.

Земјоделците кои од 1 декември со нивните трактори се на граничниот премин, и денеска, исто како и вчера најавуваат две четиричасовни блокади на границата за влез и излез од Грција на патнички и товарни возила.

Првата блокада ќе трае до 16 часот по грчко (15 по македонско време), по што границата ќе се отвори на два часа, а земјоделците одново ќе го затворат граничниот премин од 18 до 22 часот (17 до 21 часот по македонско време).

Во деновите околу Божиќ беа отворени автопатишта и гранични премини, а земјоделците од вчера одново ги вратија блокадите на низа локации во цела Грција и се очекува и за Нова година, односно од вторник до петок одново да се тргнат блокадите, за да се олесни патувањето на граѓаните, но сепак тракторите ќе останат паркирани во една од коловозните ленти.

Од 57 блока низ цела Грција, 14 од нив, како и четири земјоделски здруженија, по состаноците одржани вчера бараат дијалог со Владата, објаснувајќи дека ова не значи дека се отцепуваат од заедничкиот фронт и појаснуваат дека станува збор за иницијатива за создавање услови за започнување дијалог.

Меѓу овие 14 блокови кои поддржуваат дијалог се и земјоделците на граничниот премин Евзони.

Протестите на земјоделците започнаа на 30 ноември, поради зголемените трошоци за производство и ниските цени за продажба на нивните производи, поради скандалот со европските земјоделски субвенции, а главното барање е исплатата на заостанатите субвенции.

The post ПОВТОРНО ДВЕ 4-ЧАСОВНИ БЛОКАДИ КАЈ ЕВЗОНИ Нема влез во Грција од 11 до 15 и од 17 до 21 часот appeared first on plusinfo.mk.