Американскиот претседател Доналд Трамп ноќеска изјави дека договор за завршување на војната во Украина би можел да биде постигнат по неговиот самит со рускиот претседател Владимир Путин во Алјаска, јави ДПА.

– Мислам дека сме доста блиску до договор. Сега погледнете, Украина мора да се согласи со тоа. Украина мора да се согласи. Мислам, знаете, претседателот Зеленски мора да се согласи – изјави Трамп во интервју за Фокс њуз по состанокот.

Првично не беше јасно дали Трамп веќе го информирал Зеленски за резултатите од разговорите во времето на интервјуто, пренесува германската агенција.

Кога беше прашан каков совет би му дал на Зеленски по самитот во Алјаска, тој одговори: „Направете договор“.

• ПО 3 ЧАСА ЗАВРШИ СРЕДБАТА МЕЃУ ПУТИН И ТРАМП Историски разговори за Украина, НАТО и иднината на светот

Американскиот претседател ја опиша Русија како „многу голема сила“, а Украина не.

За тоа колку би можел да биде блиску до договор, Трамп рече:

– Секогаш велам, ако сум навистина блиску, велам 50:50, бидејќи толку многу работи можат да се случат. Но, мислам дека претседателот Путин би сакал да го реши проблемот.

Американскиот претседател повтори неколку проценки што ги даде на краткото заедничко појавување со Путин по речиси тричасовниот самит. На тоа појавување, Трамп рече дека двајцата лидери се согласиле за многу точки, но сè уште не постигнале заедничка цел.

На прес-конференцијката не им беше дозволено на новинарите да поставуваат прашања и не беа објавени никакви детали за дискусиите или каков било писмен документ, јавува ДПА.

The post БЛИСКУ СМЕ ДО ДОГОВОР, НО ЗЕЛЕНСКИ МОРА ДА СЕ СОГЛАСИ Трамп вели дека со Путин се согласиле за повеќе нешта appeared first on plusinfo.mk.

–  Како што реков, ние не сме многу далеку од договор. Само треба да ја имаме добрата волја, да гледаме позитивно и да ја имаме проектирана иднината пред нас. Верувам дека ќе случи до еве, вториот Совет на министри на ЕУ на 8, 9 или 10 кога и да е, и една средба помеѓу мене и премиерот Бојко Борисов, а верувам дека и нашите работни групи коишто контактираат интензивно ќе создадат и атмосфера за тоа, зборувам за двете страни. Нормално, се развиваат идеи, се разглобува секаков вид на варијанти во духот на дигнитетот и достоинството на двата пријателски народи да се изнајде европско решение со вградените европски вредности во него. Јас верувам дека тоа е возможно. Секако ова екстра време кое што испадна давајќи ни ја шансата за одложениот ГАК или Советот на министри е извонредна можност да бидеме паметни двете страни и да ја искористиме како можност – истакна Заев на маргините на Македонскиот енергетски форум 2020.

Одговарајќи на новинарско прашање околу тоа за што се дискутира со Бугарија, Заев посочи дека не се зборува за отстапки, туку за решенија за двете страни.

– Не зборуваме за отстапки. Се зборува за решенија на двете страни. Постојат начини како тоа да се реши. Секако, уште еднаш потенцирам, драго ми е што Бугарија го признава македонскиот јазик и македонскиот идентитет како наша реалност, а верувам низ тие формулации ќе се изнајдат и решенијата заради тоа што постојат решенија, секако внимавајќи едни на другите како страни во договорите – ние на бугарската страна, а бугарската страна да внимава на нас. Тоа го прават пријателите и верувам дека ќе покажеме уште еднаш дека сме големи пријатели – нагласи премиерот.

Во однос на реакциите на бизнис секторот, оти на сметка на политиката трпи релацијата на македонско-бугарските бизнис односи, Заев посочи дека деловните врски меѓу двете земји се извонредни.

– Како што се закочени насекаде низ светот може да трпат токму и тие. Македонско-бугарската комора има одлична соработка од двете страни. Во последната година иако е КОВИД година, во поголем дел од месеците имаме нови 12-13 бугарски инвестиции и две наши македонски во Бугарија, барем нотирани во мојот кабинет, што е навистина реткост. Секако се случуваат во различен вид на дејности. Жалам што трговијата е опадната секаде, па опадната е билатерално и помеѓу двете земји, но перспективите се одлични. Тоа нека биде само мотивација повеќе политиката да ги изнајде начините на решавање на политичките проблеми за да може економиите да соработуваат, да овозможуваат работни места, да креваат плати, да создаваат профити за бизнисите, а преку тоа да почувствуваат благодет и Македонците и Бугарите –  рече премиерот Заев.

The post Заев: Не сме далеку од договор со Бугарија, верувам дека ќе се случи appeared first on plusinfo.mk.