Обединетите Арапски Емирати (ОАЕ) планираат да деблокираат дел од иранските средства што со години беа замрзнати во земјата, како дел од поширок договор кој би требало да придонесе за намалување на тензиите и обновување на соработката меѓу двете страни.

Според информациите што ги објави „Ројтерс“, станува збор за најмалку 10 милијарди долари ирански средства, додека првите три милијарди долари веќе биле префрлени.

Изворите наведуваат дека конечниот износ што би можел да биде деблокиран може да достигне и до 20 милијарди долари.

За возврат, Иран би требало да ги прекине нападите и да ја продолжи економската и разузнавачката соработка со Обединетите Арапски Емирати.

Доколку договорот биде целосно реализиран, тој би можел да претставува значаен чекор кон деескалација на тензиите во регионот и обновување на комуникацијата меѓу двете земји, чии односи во изминатите години беа обременети со бројни безбедносни и геополитички предизвици.

Засега нема официјална потврда од властите во Техеран и Абу Даби за деталите од евентуалниот договор.

The post ОАЕ ПОДГОТВЕНИ ДА ГИ ОСЛОБОДАТ ИРАНСКИТЕ МИЛИЈАРДИ Емиратите нудат деблокада на средства во замена за мир appeared first on plusinfo.mk.

Нови тензии ја тресат една од најважните поморски артерии во светот. Американската Централна команда потврди дека извршила напад врз уште еден танкер во Оманскиот Залив, додека Индија обвини дека на бродот имало нејзини морнари. Во нападот загинаа тројца морнари. Во меѓувреме, Иран објави дека го затвора Ормускиот Теснец на неодредено време.

Според ЦЕНТКОМ, американски сили презеле акција против танкерот „Џалвир“, кој пловел под знамето на Гвинеја-Бисао. Американската страна тврди дека бродот се обидувал да транспортира иранска нафта и не ги почитувал инструкциите на американската војска.

Во соопштението се наведува дека американски авион испукал два проектила „Хелфаер“ кон машинската просторија на бродот, со цел негово онеспособување.

Дипломатски скандал, на танкерот имало 20 морнари

Индија реагираше остро по инцидентот. Според индиското Министерство за надворешни работи, на танкерот имало 20 индиски морнари. Властите во Њу Делхи соопштија дека сите се безбедни, но евакуацијата сè уште трае.

Индиските претставници тврдат дека ова е трет брод со индиски морнари што бил погоден во последните денови.

Поради ситуацијата, индиската дипломатија повикала висок американски претставник на разговори.

Таткото на морнар убиен во американскиот напад врз танкерот за нафта „Сетебело“ за „Ројтерс“ изјави дека последен пат разговарал со својот син во вторник и дека „сè било во ред“. Рамџи Чаурасија вели дека неговиот син го напуштил домот пред осум или девет месеци.

U.S. Central Command (CENTCOM) has announced that U.S. forces have disabled the 9th vessel that failed to comply with the U.S. naval blockade of Iran and the 3rd just this week. Last night at 1120pm E.T., U.S. forces fired 2 AGM-114 ‘Hellfire’ missiles into the engine room of the… pic.twitter.com/bWfIc2VEPX

— OSINTdefender (@sentdefender) June 11, 2026

Иран возврати со ракети

Техеран тврди дека одмаздата за американските напади веќе е во тек. Според иранскиот Корпус на Револуционерната гарда, биле лансирани 12 балистички ракети кон американски цели на Блискиот Исток.

Иранските власти соопштија дека мета биле вкупно 18 американски воени цели, меѓу кои воздухопловни бази и командни центри.

Според ИРГК, нападнати биле локации каде се стационирани американски борбени авиони Ф-35, Ф-15 и Ф-16, како и воздухопловната база Ал-Азрак и командниот центар во неа.

Вашингтон засега не ги потврди бројките што ги објави Техеран.

„Затворено до понатамошно известување“

Техеран во меѓувреме повторно објави дека Ормускиот Теснец е затворен.

Новоформираната иранска Управа за Персискиот Залив соопшти дека блокадата останува во сила до понатамошно известување.

Од американска страна претходно беа објавени спротивни тврдења дека поморскиот сообраќај продолжува и дека бродови и понатаму влегуваат и излегуваат од регионот.

Токму поради тоа останува нејасно колкав дел од Теснецот е реално прооден и во каков обем се одвива меѓународниот транспорт.

„Ќе пукаме на секој брод“

Иранските власти испратија и нови закани. Според наводите во иранските медиуми, Техеран предупредил дека секој брод што ќе се обиде да ја прекрши блокадата може да стане легитимна цел.

Во исто време продолжуваат дипломатските напори за смирување на кризата.

Турција, Кина и Саудиска Арабија повикаа на итен прекин на воените операции и враќање на преговорите, предупредувајќи дека понатамошната ескалација може да предизвика сериозни последици за целиот регион и за светската економија.

Заканите од Техеран доаѓаат во момент кога САД и Иран разменуваат нови напади, а стравувањата од директен и поширок регионален судир се сè поголеми.

Ормускиот Теснец останува една од најчувствителните точки на планетата, бидејќи низ него минува значителен дел од светската трговија со нафта и течен природен гас.

The post ПАДНА ТРЕТ ТАНКЕР, ЗАГИНАА ТРОЈЦА ИНДИСКИ МОРНАРИ Њу Делхи бесен на Вашингтон, Ормуз пак затворен appeared first on plusinfo.mk.

САД извршија нов бран напади врз Иран втора ноќ по ред, а според американската војска цел биле воени капацитети за надзор, комуникациски системи и позиции на противвоздушната одбрана.

ЦЕНТКОМ соопшти дека во операцијата биле вклучени сили на Маринскиот корпус, Воздухопловните сили и Морнарицата на САД. Во нападите била употребена прецизно наведувана муниција врз цели за кои Вашингтон тврди дека претставувале закана за американските сили и за меѓународниот поморски сообраќај.

„Силите на ЦЕНТКОМ извршија напади врз ирански воени капацитети за надзор, комуникациски системи и позиции на противвоздушната одбрана низ Иран“, се наведува во соопштението објавено на Икс.

Од американската команда порачаа дека акцијата е одговор на, како што ја опишуваат, неиспровоцираната и континуирана иранска агресија.

BREAKING: CENTCOM has declared night two complete, releasing its own footage of the USS Michael Murphy firing Tomahawks at Iran as the official record of the operation.

The accounting names surveillance capabilities, communication systems, and air defenses “across Iran,”… pic.twitter.com/MRY5O0BggR

— Mario Nawfal (@MarioNawfal) June 11, 2026

Утрово на социјалните мрежи кружеше видео на кое се гледа како пресретнувачи од американската противвоздушна батерија МИМ-104 „Патриот“ соборуваат ирански балистички ракети со среден дострел над воздухопловната база Музафак Салти во Јордан.

Missile interceptors from an American MIM-104 “Patriot” Surface-to-Air Missile Battery engage Iranian medium-range ballistic missiles earlier this morning over Muwaffaq Salti Air Base in Jordan. pic.twitter.com/TYe3qCmGnq

— OSINTdefender (@sentdefender) June 11, 2026

Ормуз, затворен или отворен?

Иранските медиуми објавија експлозии во близина на градовите Минаб и Сирик во јужниот дел на земјата.

Во меѓувреме, Техеран соопшти дека го затворил Ормускиот Теснец за бродски сообраќај. Американската страна веднаш го оспори тоа тврдење.

„Трговските бродови продолжуваат да влегуваат и да излегуваат од Ормуз“, соопшти ЦЕНТКОМ.

Претходно, претседателот на САД, Доналд Трамп, најави дека американските сили ќе продолжат со нападите врз Иран.

– Ги погодивме силно вчера и повторно силно ќе ги погодиме денеска – рече Трамп.

„Ќе го претвориме регионот во пекол“

Дополнителни тензии предизвика изјавата на командантот на воздухопловните сили на Револуционерната гарда, Сејед Маџид Мусави.

– Го правите светиот Ормуски Теснец небезбеден? Ќе го претвориме регионот во пекол за вас, од територијата на целиот Иран – изјави Мусави, цитиран од агенцијата Мехр.

Заканата уследи откако Револуционерната гарда објави дека Ормускиот Теснец е затворен за сите бродови. Американската војска, пак, останува на ставот дека поморскиот сообраќај се одвива без прекин.

The post 📽️ САД УДРИЈА ВТОРА НОЌ ПО РЕД, ИРАН СЕ ЗАКАНИ „Ќе го претвориме регионот во пекол“ appeared first on plusinfo.mk.

Јордан и Кувајт денеска соопштија дека биле цел на ирански ракети и оти нивната противвоздушна одбрана ги елиминирала заканите, додека иранскиот Корпус на исламската револуционерна гарда (ИРГЦ) соопшти дека цел на нивните напади во текот на изминатата ноќ била и американската Петта флота во Бахреин.

Јорданската војска соопшти дека нејзините системи за противвоздушна одбрана пресретнале и собориле пет ракети лансирани од Иран кон подрачјето Ал Азрак во провинцијата Зарка, пренесува „Ал Џезира“. Во соопштението, војската на Јордан наведува дека пресретнувањето на иранските ракети во воздухот предизвикало пад на нивни остатоци, но нема жртви ниту материјална штета. Се додава дека воени инженерски тимови се распоредени за да ги обезбедат остатоците од ракетите и да ги отстранат сите потенцијални експлозивни делови. Во соопштението се нагласува дека јорданските вооружени сили делуваат на највисоко ниво на подготвеност и оти нема да толерираат никакво кршење на воздушниот простор на земјата.

Генералштабот на кувајтската војска утрово соопшти дека противвоздушната одбрана на земјата „во моментов пресретнува непријателски воздушни цели“. Во објава на Х, кувајтската војска ги повика жителите да се „придржуваат до безбедносните упатства и насоки издадени од надлежните органи и да се потпираат на информации од овластени официјални извори“.

Иранскиот Корпус на исламската револуционерна гарда (ИРГЦ) соопшти дека неговите воздухопловни сили лансирале ракети со долг дострел кон воздухопловна база во Јордан, каде што е стациониран американски воен персонал, како и оти цел на нападот била Петтата флота на САД во Бахреин. ИРГЦ наведува дека иранските ракети погодиле и уништиле четири критични цели во базата во Јордан, вклучувајќи хангари за борбени авиони Ф-35 (F-35) и главниот команден и контролен центар. Во своето соопштение, ИРГЦ истакнува дека ракетниот напад е завршница на поширока операција за одмазда, во која била погодена 21 цел во разни американски воздухопловни и поморски бази ширум регионот и во која бил соборен американски дрон МК-9 (MQ-9) над иранскиот воздушен простор.

Според соопштението на ИРГЦ, Петтата флота на САД во Бахреин била нападната со дронови како одговор на американските напади врз подрачја во јужниот дел на Иран. Гардата соопшти дека американските удари оштетиле телекомуникациска кула и два резервоари за вода во иранскиот пристанишен град Сирик. ИРГЦ предупреди дека неговите сили и понатаму се целосно подготвени да упатат „разорен и одлучувачки“ одговор на сите следни воени акции на САД и дека Вашингтон ќе ја сноси целата одговорност за последиците од понатамошната ескалација.

Претходно, американската Централна команда (ЦЕНТКОМ) синоќа соопшти дека покренала нови, возврати напади врз Иран, откако иранската војска собори американски хеликоптер Апачи во близина на Ормуската Теснина. Во соопштението на ЦЕНТКОМ се наведува дека американската војска „делувала во самоодбрана“ и дека нападите почнале по налог на американскиот претседател Доналд Трамп. „Мисијата претставува пропорционален одговор на неоправданата иранска агресија“, се вели во соопштението.

ЦЕНТКОМ претходно вчера соопшти дека американски воен хеликоптер АХ-64 Апачи се урнал во близина на Ормуската Теснина откако бил нападнат од ирански јуришен дрон Шахед, а војниците биле спасени во рок од околу два часа по несреќата и се во стабилна состојба. Трамп тогаш рече дека иранската војска го нападнала и го соборила хеликоптерот и најави дека американската војска ќе одговори на тој напад.

Реагирајќи на пораката на Трамп, иранскиот министер за надворешни работи Абас Арагчи порача дека Ормуската Теснина не е дел од меѓународните води, туку дека надлежноста над неа ја делат Иран и Оман и оти се наоѓа на илјадници милји оддалеченост од брегот на САД, додавајќи дека странските воени сили во близина на иранските територии претставуваат постојан ризик. Арагчи додаде дека Иран го претпочита „јазикот на дипломатијата“, но дека војската на земјата покажала дека умее да „зборува и на други јазици“.

The post РАКЕТИ НАД ЈОРДАН И КУВАЈТ, ИРАН ТВРДИ ДЕКА НАПАДНАЛ АМЕРИКАНСКИ ЦЕЛИ Блискиот Исток влегува во нова опасна ескалација appeared first on plusinfo.mk.

Американскиот претседател Доналд Трамп изјави дека го предупредил израелскиот премиер Бенјамин Нетанјаху да не отвора нов фронт против Иран, нагласувајќи дека во таков случај Израел би можел да остане без американска поддршка.

Во интервју за американскиот портал Аксиос, Трамп откри дека директно му порачал на Нетанјаху да биде внимателен со идните потези.

– Му реков: „Биби, подобро внимавај, инаку многу брзо ќе останеш сам“ – изјавил Трамп.

Американскиот претседател ги отфрли и критиките дека евентуален конфликт со Иран би бил спротивен на неговото предизборно ветување дека нема да вовлекува нови војни, порака што често ја повторуваше за време на кампањата за враќање во Белата куќа.

Изјавите на Трамп доаѓаат само неколку часа пред Израел и Иран повторно да разменат одмазднички напади, што дополнително ги зголеми стравувањата од поширока ескалација на Блискиот Исток.

Тензиите меѓу двете земји остануваат високи, а меѓународната заедница со загриженост ги следи случувањата поради опасноста конфликтот да се прошири и надвор од границите на Израел и Иран.

The post „БИБИ, ВНИМАВАЈ! МНОГУ БРГУ ЌЕ ОСТАНЕШ САМ“ Трамп откри што му кажал на Нетанјаху зад затворени врати appeared first on plusinfo.mk.

Иран вчера тврдеше дека нема „никаков конкретен напредок“ во преговорите со Соединетите Држави за завршување на војната на Блискиот Исток, додека нападите повторно се интензивираат во областа на Персискиот Залив.

– Разменети се пораки за потребата од прекин на агресијата врз Бејрут, но во преговарачкиот процес не е остварен никаков конкретен напредок – изјави иранскиот министер за надворешни работи, Абас Арагчи, мислејќи притоа на израелските напади врз проиранскиот Хезболах во Либан.

Секој напад врз либанската престолнина би довел до „повторно избувнување на војна од големи размери“, предупреди тој во интервју за либанската телевизиска станица „Ал Мајадин“, како што јави иранската новинска агенција „Тасним“.

Овие изјави се во целосна спротивност со оние кои подоцна ги изнесе американскиот претседател Доналд Трамп во Овалната соба.

– Ми велат дека преговорите одат многу добро (…) Кој знае (…), можеби сè ќе биде завршено уште овој викенд – оцени Трамп.

Тој исто така изјави дека сака да ги „одвои“ разговорите за Либан од оние за Иран, додека Техеран смета дека станува збор за едно исто прашање.

Американскиот државен секретар Марко Рубио ја увери комисијата на американскиот Конгрес дека прашањето за збогатениот ураниум „јасно се разгледува“, признавајќи дека Техеран нема дадено свое одобрение.

Судбината на збогатениот ураниум е едно од главните спорни прашања на патот кон можен договор. Соединетите Држави и Израел го обвинуваат Иран дека сака да развие нуклеарно оружје, што Техеран го отфрла.

Претходно во текот на денот, Кувајт го обвини Техеран за напад врз неговиот аеродром, што е прв смртоносен напад од стапувањето во сила на примирјето, кое стана сè покревко поради судирите меѓу Иран и САД во Заливот.

Според наводите на властите, во нападот со дронови едно лице загинало, а 63 се повредени. Исламската револуционерна гарда, идеолошката војска на Исламската Република, го негираше нападот врз аеродромот.

Непријателствата во последните денови повторно се интензивираа, особено околу Ормуската Теснина, стратешки важен поморски премин за транспорт на енергенси кој е под контрола на Техеран.

Кувајт соопшти дека во средата бил мета на вкупно 13 балистички ракети и 17 ирански дронови.

– Експлозиите се нижеа една по друга и беа многу блиску до станбените области. Децата за првпат ја почувствуваа сериозноста на ситуацијата – раскажа за АФП 40-годишниот Пакистанец Хасан Шеик, кој живее недалеку од аеродромот.

Овие нови напади повторно ја кренаа цената на нафтата на речиси 100 долари по барел, по смирувањето на пазарот минатата недела поради надежите за договор меѓу Техеран и Вашингтон со кој трајно би се ставил крај на конфликтот.

Според наводите на американската Централна команда (CENTCOM), Иран во текот на ноќта истрелал ракети кон Бахреин, што предизвикало американски воени воздушни напади како одговор врз иранскиот остров Кешм. Според Техеран, погодена е комуникациска кула.

Од друга страна, Исламската револуционерна гарда објави дека гаѓала воздушна база во Кувајт и седиштето на американската Петта флота во Бахреин, како одговор на нападот врз Кешм и нападот врз ирански танкер. Таа исто така соопшти дека цел бил и брод поврзан со Израел и Соединетите Држави.

Иранските дипломати ги обвинија Кувајт и Бахреин дека му дозволуваат на Вашингтон да ја користи нивната територија за дејствување против Иран. Кувајт го демантираше тоа и истовремено најави протерување на двајца членови на иранската амбасада.

Писмена изјава од врховниот ирански водач Моџтаба Хамнеи се очекува денеска, на годишнината од смртта на основачот на Исламската Република, Рухолах Хомеини, која се одбележува со голема церемонија во неговиот мавзолеј. Оваа година таа комеморација се совпаѓа со еден од главните шиитски верски празници, кој масовно се одбележува на улиците.

Додека израелските и либанските делегации повторно се состанаа вчера во Вашингтон, во израелски воздушни напади во Либан беа убиени најмалку девет лица, вклучувајќи еден војник и двајца спасувачи.

Марко Рубио изјави дека се надева оти израелско-либанските преговори ќе резултираат со „план за дејствување“ за безбедноста во Либан.

Од друга страна, Израел објави дека пресретнал „непријателска летала“ и две ракети истрелани од Либан, додека Хезболах ја презеде одговорноста за нападот врз израелска територија.

Додека Хезболах се противи на преговорите меѓу Либан и Израел, либанскиот премиер Наваф Салам тврди дека тие остануваат „најевтината опција“ за неговата земја, која беше вовлечена во регионална војна на 2 март откако либанското движење отвори оган кон соседната држава.

The post ИРАН ВЕЛИ ДЕКА НЕМА НАПРЕДОК, ТРАМП ТВРДИ СПРОТИВНО Спротивставени пораки од Техеран и Вашингтон appeared first on plusinfo.mk.

Ракети повторно ги засенија надежите за дипломатски пробив меѓу САД и Иран. Земјите започнаа нова рунда напади откако разговорите за прекин на огнот не донесоа напредок.

Американската Централна команда (ЦЕНТКОМ) соопшти дека извела напади врз цели на иранскиот остров Кешм, сместен во Ормускиот Теснец, пишува Би-Би-Си. Од Вашингтон тврдат дека акцијата била изведена во самоодбрана.

ЦЕНТКОМ вели дека нападите биле одговор на ирански активности насочени кон американски интереси и кон бродови што пловат низ регионот.

Ракети кон Кувајт и кон Бахреин

Американската војска соопшти дека Иран испукал ракети кон Кувајт и кон Бахреин. Според истите информации, дел од проектилите се распаднале, а останатите биле пресретнати од системите за противвоздушна одбрана.

На социјалните мрежи се појавија повеќе снимки од Кувајт. На некои се тврди дека прикажуваат проектили, на други дронови.

Dashcam footage shows the potential interception of an Iranian ballistic missile or the self-detonation of Patriot surface-to-air missile interceptor earlier over Kuwait, during tonight’s attack by Iran. pic.twitter.com/V184MEncnF

— OSINTdefender (@sentdefender) June 2, 2026

Video shows a car accident in Kuwait City as missiles flew overhead.

Kuwait’s military said it intercepted incoming drones and missiles after Iran launched attacks targeting US installations in Kuwait and Bahrain. pic.twitter.com/jR9IkKWhQ2

— Al Jazeera Breaking News (@AJENews) June 3, 2026

На друга снимка се тврди дека се прикажани камиказе дронови на Иран на небото над Кувајт.

تصاویری از پهپادهای انتحاری سپاه پاسداران در آسمان کویت pic.twitter.com/zjh9UPkFz5

— خبرگزاری تسنیم (@Tasnimnews_Fa) June 3, 2026

Иран, пак, тврди дека нападнал американски бази и воени цели во регионот како одговор на американските операции.

Техеран предупреди дека секое загрозување на Ормускиот Теснец ќе има висока цена.

Американците нападнале и танкер

ЦЕНТКОМ соопшти и дека американските сили онеспособиле танкер што пловел кон Иран. Според американската верзија, бродот не одговорил на повеќекратни предупредувања во период од 24 часа.

Објавена беше и снимка на која, според Пентагон, се гледа моментот на нападот.

Вашингтон тврди дека станува збор за дел од поморската блокада што ја спроведува во регионот.

„Седнете, опуштете се“

Новите судири доаѓаат само неколку дена откако Доналд Трамп порача дека Иран сака договор и дека решението е поблиску отколку што многумина мислат.

– Само седнете и опуштете се. На крајот сè ќе биде добро – изјави американскиот претседател.

Но теренот испраќа поинаква порака. Разговорите за прекин на огнот и за поширок мировен аранжман останаа заглавени и во текот на викендот не беше постигнат значаен напредок.

Рубио без нови отстапки

Американскиот државен секретар Марко Рубио настапи пред Конгресот и порача дека Вашингтон нема да нуди олеснување на санкциите кон Иран без конкретни чекори од иранска страна.

– Секое олеснување на санкциите мора да биде поврзано со причините поради кои тие беа воведени – рече Рубио, мислејќи на нуклеарната програма на Иран.

Ормускиот Теснец останува главен спор

Една од клучните точки на спорот останува Ормускиот Теснец. Вашингтон бара гаранции за безбедна пловидба и отворање на поморскиот коридор.

Паралелно се отвораат и прашањата за иранската нуклеарна програма и за режимот на санкции.

Техеран обвинува дека американската страна постојано ги менува условите.

– Вашингтон поставува нови и контрадикторни барања – изјави портпаролот на иранското Министерство за надворешни работи, Есмаил Багаеи.

The post 📽️ САД И ИРАН РАЗМЕНИЈА НАЈЖЕСТОКИ НАПАДИ ВО ПОСЛЕДНИТЕ 2 МЕСЕЦА Тревога во Кувајт и во Бахреин, преговорите во ќорсокак appeared first on plusinfo.mk.

Американскиот претседател Доналд Трамп жестоко го нападнал израелскиот премиер Бенјамин Нетанјаху поради ескалацијата на конфликтот во Либан, обвинувајќи го дека со своите потези го турка Израел во уште подлабока меѓународна изолација. Според американски извори, Трамп во телефонски разговор полн со навреди и остри зборови го нарекол Нетанјаху „луд“, потсетувајќи го дека му помогнал во периодот кога се соочуваше со судски процеси за корупција.

Разговорот се случил во момент кога тензиите на Блискиот Исток дополнително се зголемуваат, а Израел размислувал за нови напади врз цели на Хезболах во Бејрут.

Според двајца американски функционери и уште еден извор запознаен со разговорот, Трамп бил бесен поради израелските воени активности во Либан и му порачал на Нетанјаху дека заканите за бомбардирање на либанската престолнина дополнително ќе го изолираат Израел во светот.

– Луд си. Ќе беше во затвор да не бев јас. Ти го спасувам задникот. Сите те мразат сега. Сите го мразат Израел поради ова – му рекол Трамп на Нетанјаху, според американски функционер.

Друг извор тврди дека американскиот претседател во еден момент го прашал израелскиот премиер:

– Што по ѓаволите правиш?

Според информациите објавени од „Аксиос“, разговорот се случил откако Иран се заканил дека ќе ги прекине разговорите со САД поради израелските операции во Либан. Американската администрација стравувала дека евентуален напад врз Бејрут дополнително ќе ја влоши безбедносната состојба во регионот.

Извори од Вашингтон велат дека Трамп не го оспорувал правото на Израел да се брани од нападите на Хезболах, но сметал дека Нетанјаху во последните денови оди предалеку и непотребно ја продлабочува кризата. Американски претставници изразиле загриженост и поради големиот број цивилни жртви во Либан.

По интервенцијата на Трамп, израелски функционер изјавил дека Израел засега нема да изведува напади врз цели на Хезболах во Бејрут.

Сепак, само неколку часа подоцна следуваше порака дека Израел нема намера да се откаже од воените операции.

Нетанјаху објави дека разговарал со Трамп и му го пренел ставот на Израел дека доколку Хезболах продолжи со нападите врз израелските градови и граѓани, израелската армија ќе ги таргетира неговите позиции во Бејрут.

– Доколку Хезболах не престане да ги напаѓа израелските градови и граѓани, Израел ќе ги таргетира целите во Бејрут – порача Нетанјаху.

Тој нагласи дека Израелските одбранбени сили ќе продолжат со планираните операции во јужен Либан и покрај меѓународните повици за воздржаност и деескалација.

Уште поостар беше министерот за национална безбедност Итамар Бен-Гвир, кој отворено ја критикуваше одлуката на Трамп да ги запре планираните воздушни напади врз јужните предградија на Бејрут.

– Време е да му се каже не на Трамп – изјави Бен-Гвир, додавајќи дека Израел мора да води независна безбедносна политика и да не дозволи надворешен притисок да влијае врз неговите воени одлуки.

Тој порача дека Израел треба да продолжи со нападите врз Хезболах, да ги постигне своите воени цели и да обезбеди безбедност за жителите на северниот дел од земјата.

Размената на остри пораки меѓу Трамп и израелското раководство открива сериозни несогласувања меѓу Вашингтон и Тел Авив околу начинот на кој треба да се води конфликтот со Хезболах, во време кога постои стравување дека судирите би можеле да прераснат во поширока регионална војна.

The post „ЛУД СИ, ЌЕ БЕШЕ ВО ЗАТВОР ДА НЕ БЕВ ЈАС“ Трамп му се развикал на Нетанјаху, Бен-Гвир порача: „Време е да му кажеме не“ appeared first on plusinfo.mk.

Американскиот потпретседател Џ.Д. Венс синоќа изјави дека сè уште не е сигурно дали претседателот Доналд Трамп ќе поддржи можен договор со Иран, во време кога медиумите објавуваат дека американските и иранските преговарачи постигнале прелиминарен договор за рамка за завршување на конфликтот, пренесе ДПА.

Венс пред новинарите во здружената база „Ендрјус“ изјави дека преговарачите „постигнале голем напредок“, но дека за неколку прашања, меѓу кои и ограничувањата на иранската нуклеарна програма, сè уште се разговара.

– Разговараме со нив. Мислиме дека преговараат, барем досега, со добра намера и дека постигнуваме одреден напредок – рече Венс.

Тој додаде дека не може да каже дали и кога Трамп би го поддржал евентуалниот меморандум за разбирање.

– Се надеваме дека ќе продолжиме да напредуваме и дека претседателот ќе биде во позиција да го поддржи договорот, но тоа допрва ќе се утврдува – изјави Венс.

Претходно вчера, порталот „Аксиос“ објави дека американските и иранските преговарачи постигнале рамковен договор со кој би се продолжил прекинот на огнот и би започнале преговори за нуклеарната програма на Иран.

Според извештајот, договорот предвидува рок од 60 дена за постигнување конечен договор. Американски извори ја потврдиле содржината на написот.

„Аксиос“ наведува дека условите на договорот во голема мера биле финализирани до вторникот, но дека двете страни сè уште треба да обезбедат одобрение од политичкото раководство.

Од друга страна, иранската агенција Тасним, блиска до Корпусот на исламската револуционерна гарда, објави дека не е финализиран ниту потврден никаков прелиминарен договор, повикувајќи се на извор близок до преговарачкиот тим.

The post СЕ КРОИ ДОГОВОР ЗА ИРАН, НО ИМА ЕДЕН ПРОБЛЕМ Последниот збор ќе го има Трамп, открива Венс appeared first on plusinfo.mk.

Премиерот на Израел, Бенјамин Нетанјаху, денеска изјави дека ѝ наредил на израелската армија да ги игнорира ограничувањата од прекинот на огнот и да ја прошири контролата врз околу 70 отсто од Појасот Газа, пренесуваат израелски медиуми.

Прекинот на огнот, постигнат со посредство на САД во октомври 2025 година, ја воспостави таканаречената „Жолта линија“, со која околу 53 отсто од Газа останаа под израелска воена контрола.

Нетанјаху изјавил дека моментално Израел „држи Хамас под силен притисок“ и дека контролата постепено се зголемувала.

– Во моментов го држиме Хамас за гуша. Контролираме 50 отсто од територијата на Појасот Газа, а по примирјето отидовме на 60 отсто, а мојата директива е да одиме на 70 отсто – изјавил Нетанјаху.

Прекинот на огнот стапи во сила по две години војна, која започна на 7 октомври 2023 година, кога Хамас изврши напади во Израел.

И покрај договорот, судирите на теренот продолжуваат, а според извештаи од регионот примирјето се прекршува речиси секојдневно.

Од октомври досега, во израелските напади во Газа загинале повеќе од 900 Палестинци, додека околу 90 отсто од населението е раселено.

Повеќе од два милиони луѓе живеат во импровизирани и пренатрупани кампови, со сериозен недостиг на храна и основни услови.

Обединетите нации проценуваат дека обновата на Газа ќе чини над 35 милијарди долари.

The post НОВА ЕСКАЛАЦИЈА ВО ГАЗА Нетанјаху нареди проширување на офанзивата на 70 отсто appeared first on plusinfo.mk.