Поплавени улици, мостови и подруми во општините Сандански и Петрич, поради обилниот дожд кој паѓа од синоќа во Југозападна Бугарија, ги принуди овие две општини да прогласат вонредна состојба. На места паднатите количества дожд се од 20 до 80 литри на квадратен метар.
– Најтешка е положбата во селата околу Сандaнски – Лешница, Леуново, Склаве, Лилјаново, Ново Делчево и Џигурово – изјави градоначалникот на општината Атанас Стојанов, цитиран од БТА и БНР.

Според него, пријавени биле поплави на многу места и во градот Сандански, и во населените места. Силниот дожд создава проблеми и на берзата за зеленчук крај селото Крналово.
Поради свлечишта, сообраќајот на 151 км долгиот автопат „Струма“ во правец на Софија се одвива по заобиколувачката лента.

– Воведено е ограничување на брзината од 60 км/ч. Сообраќајот се регулира од тим на сообраќајната полиција. Возачите треба да се движат со зголемено внимание.
Спасувачки екипи се на терен за да ја контролираат ситуацијата. Затворен е патот од Петрич кон селото Митино, поради тоа што е поплавен.
Градоначалникот на Сандански потврди дека е вонредна ситуацијата на влезот на градот, каде водата поплави неколку мостови, а едно семејство се најде во тешка ситуација со својот автомобил. Екипи на противпожарната служба и багер успеаја да го извлечат семејството и автомобилот на безбедно место.

– Правиме сѐ што е можно за да одговориме на секоја пријава преку Противпожарната служба и преку екипите на општина Сандански. Ситуацијата е динамична, сложена и тешка – додаде Атанас Стојанов.
Крај селото Ново Делчево има заглавени автомобили поради огромна бара на еден од излезите на населеното место. Екипи на полицијата советуваа возачите дека преминуваат на сопствен ризик и дека треба да побараат друг пат. Слична е ситуацијата и на другите излези на селото, кои се блокирани од надојдената вода.

За денес, Националниот институт за метеорологија и хидрологија при БАН издаде предупредување за обилни врнежи во неколку региони во земјата.
За Хасково, Крџали, Пазарџик, Смолјан, Ќустендил и Благоевград е објавен портокалов аларм, а за други девет области и градот Софија алармот е жолт. За трите општини во Благоевградскиот регион – Петрич, Сандански и Струмјани – алармот за обилни врнежи е црвен.

The post 🎥 ОБИЛНИ ВРНЕЖИ И ПОПЛАВИ ВО ПИРИНСКА МАКЕДОНИЈА Сандански и Петрич прогласија вонредна состојба appeared first on plusinfo.mk.

Земјотрес денеска e почуствуван во Македонија, a епицентарот бил во Бугарија.

Потресот е почувствуван и на територија на Македонија, а епицентарот со јачина од 2 степени според Рихтер е во соседна Бугарија.

Според ЕМСЦ, епицентарот е на 15 километри југоисточно од Благоевград, пишува.

The post ЗЕМЈОТРЕС КАЈ БЛАГОЕВГРАД Се почувствува и кај нас appeared first on plusinfo.mk.

Претпладнево имаше неколку потреси, а најсилниот беше со сила од 3,9 степени по рихтеровата скала, кон исто така ги вознемири граѓаните во делчевско-пехчевскиот и беровскиот регион, а беше почувствуван со мал интензитет и во Кочани. Епицентарот на земјотресите е кај местото Симитли јужно од Благоевград.

The post УШТЕ ЕДЕН, ПОСИЛЕН ЗЕМЈОТРЕС КАЈ БЛАГОЕВГРАД Се вознемирија и жителите на источна Македонија appeared first on plusinfo.mk.

Сеизмолошката опсерваторија при Природно-математичкиот факултет во Скопје сооппшти дека епицентарот се наоѓа 140 км источно од Скопје во соседна Бугарија.

Граѓаните што го почувствуваа потресот велат дека траел петнаесетина секунди.

The post ЗЕМЈОТРЕС ОД 3,2 СТЕПЕНИ ПОЧУВСТВУВАН ВО ДЕЛЧЕВО Епицентарот е во Благоевград во Бугарија appeared first on plusinfo.mk.

На свеченото отворање присуствуваше и српскиот амбасадор во Бугарија Жељко Јовиќ, пречекан од градоначалникот на Општина Благоевград, Илко Стојанов.

Ова е втор српски почесен конзулат во Бугарија, по оној во Пловдив.

Целта на Конзулатот е да ги поддржи, да ги зајакне и продлабочи врските меѓу двата народа, изјави Жељко Јовиќ.

На почетокот на церемонијата пред трибината се појави граѓанин со протестен плакат. Тој бил однесен од полицијата, а за време на церемонијата немаше сериозни инциденти.

The post (ФОТО) „ЦРН ДЕН ЗА БУГАРИЈА“ Ситни инциденти на отворањето на новиот српски конзулат во Благоевград appeared first on plusinfo.mk.

– Ова одбивање ќе го обжалиме пред судот. На 10 февруари добивме решение за одбивање на регистрацијата, што значи дека на нашето здружение му е ускратена легитимноста и е забранета – се вели во пораката потпишана од Атанас Мазнев.

Македонскиот културен клуб „Никола Вапцаров“ – Благоевград“ беше отворен по приватна иницијатива на крајот на октомври лани, а неодамна беше скршен излогот на клубот и беа приведени четири лица во врска со инцидентот. Целите на здружението, декларирани од клубот, се: „културна комуникација меѓу народите и земјите од Балканот за мир и добрососедство, како и поддршка на универзалните човекови права, вклучително и правата на лицата кои припаѓаат на малцинствата“.

– Сметаме дека ова одбивање е непринципиелно. Во одбивањето е цитиран единствен правен текст – од Уставот на Република Бугарија – чл. 12, ст. 2, дека здруженијата на граѓани не можат да поставуваат политички цели и да вршат политички активности, кои ние, како што може да се види од горенаведените цели, не само што сме ги запазиле, туку дополнително сме напишале експлицитно во статутите кои нашето здружение ги нема за целта на вршење политичка дејност. Сепак, имаме одбивање за регистрација – додаваат од клубот.

The post ОДБИЕНА РЕГИСТРАЦИЈАТА НА „НИКОЛА ВАПЦАРОВ“ ВО БЛАГОЕВГРАД Клубот ќе го обжали одбивањето пред суд appeared first on plusinfo.mk.

Пуштени се од притвор двајцата општински службеници во Благоевград и нивните сопруги кои го вандализираа македонскиот клуб во градот. Притоа не е поднесена пријава, јавува бугарската телевизија Нова.

– Јас сум иницијаторка за тоа што се случи. Ова не е вандалски чин. Ја покажавме нашата длабока огорченост и незадоволство од случувањата на бугарско-македонската граница. Нашата држава беше понижена од РСМ – изјавила за телевизијата Људмила Костадинова, една од сторителите.

Костадинова била кандидатка за градоначалничка на Благоевград на последните два циклуси локални избори.

Двајцата мажи пак, вработени во јавното претпријатие „Озеленување“ во општината Благоевград велат дека го делат мислењето на иницијаторката Костадинова и дека се приклучиле на чинот.

– Требаше да се покаже дека сè уште има будни Бугари кои се заинтересирани за нашата земја – рекол Николај Иванов, еден од нив.

Вчера градоначалникот на Благоевград изјави дека ќе ги казни сторителите за вандализирањето кога ќе бидат казнети цариниците во Македонија, кои, според него, „предизвикале ментално и физичко насилство врз многу Бугари“.

КАКО ШТО ЌЕ ГИ КАЗНИТЕ ЦАРИНИЦИТЕ, ТАКА ЌЕ ГИ КАЗНАМ ВАНДАЛИТЕ Градоначалникот на Благоевград се огласи во врска со македонскиот клуб

The post ПУШТЕНИ СЕ ОД ПРИТВОР, НЕМА НИ ПРИЈАВА Се јавија службениците кои го кршеа македонскиот клуб во Бугарија appeared first on plusinfo.mk.

– Доколку се докаже вината на општинските службеници, ќе го применам принципот на реципроцитет на казните, тоа значи дека ќе ги казнам оние кои работат во општина Благоевград со точно иста казна како што ќе бидат казнети цариниците, граничната полиција и други функционери во Република Северна Македонија кои предизвикаа ментално и физичко насилство врз многу Бугари. Во моментот кога ќе бидат отпуштени вработените во Северна Македонија кои ги малтретираа бугарските граѓани, веднаш ќе ги отпуштам вработените во ОП Озеленување на општина Благоевград – изјавил градоначалникот Илко Стојанов.

The post КАКО ШТО ЌЕ ГИ КАЗНИТЕ ЦАРИНИЦИТЕ, ТАКА ЌЕ ГИ КАЗНАМ ВАНДАЛИТЕ Градоначалникот на Благоевград се огласи во врска со македонскиот клуб appeared first on plusinfo.mk.

Приведените се на возраст од околу 40 години. Засега не е јасно кои се мотивите, но медиумот тврди дека тие го признале делото.

По полициската акција во Благоевград, министерот за внатрешни работи Иван Демерџиев разговарал со својот македонски колега Оливер Спасовски и побарал органите на прогонот да ја завршат работата за дефинитивно идентификување на напаѓачите на Христијан Пендиков.

The post БУГАРСКА ПОЛИЦИЈА ПРИВЕЛА 4 ЛИЦА ЗА ВАНДАЛИЗИРАЊЕТО НА МАКЕДОНСКИОТ КЛУБ „НИКОЛА ВАПЦАРОВ“ Демерџиев очекува да се најдат и напаѓачите на Пендиков appeared first on plusinfo.mk.

Каменувањето се случи по веста дека со по 300 евра парична казна и протерување и 3 години забрана за влез во земјава добија тројцата бугарски државјани кои на граничниот премин Деве Баир се обиделе физички да нападнат полицајци, соопшти доцна вечерва Министерството за внатрешни работи (МВР).

Македонскиот клуб беше отворен во октомври минатата година.

The post ИСКРШЕНИ СЕ СТАКЛА НА МАКЕДОНСКИОТ КЛУБ Демолиран е „Никола Вапцаров“ во Благоевград appeared first on plusinfo.mk.