Пред почетокот на претставата, публиката во Битола ќе ги чуе македонската порака, чиј автор е актерката Сузан Акбелге од Турскиот театар од Скопје, како и пораката на Хелен Мирен, актерка од Велика Британија.

„Во далечната 1606 година кога во Лондон за време на големата чума театрите биле повеќе затворени отколку отворени, Вилијам Шекспир во самоизолација ги создал двете култни драми Кралот Лир и Магбет… Актерите ги напуштиле големите градови додека претставите се изведувале на отворено во помалите места. Кризите секогаш се шанса за преобразба. Какви суштински промени ќе донесат последиците од пандемијата сѐ уште не знаеме, но она што со сигурност го знаеме е дека светот во којшто човечката жед за консумирање го достигна врвот, наспроти битисувањето и креирањето, човечката рамнодушност кон сѐ околу него, општествената матрица која на сила втурнува политички чиновници кои уништуваат институции и цели генерации луѓе… актери, е неодржлив и дека промените се неминовни и нужни како на општествено, така и на социјално, економско, човечко и културолошко ниво“, се нагласува во пораката напишана од Акбелге која вечерва во Битола ќе ја прочита актерката Марија Стефановска.

Пред културниот аудиториум во Битола ќе биде прочитана и меѓународната порака на британската актерка Хелен Мирен која посочува дека ова време е многу тешко за изведувачките уметности, тешко е за многуте уметници, техничари и занаетчии, за жените кои се борат за своето место во оваа професија, која бездруго е обележена со несигурност. Според Хелен Мирен, оваа постојано присутна несигурност, ги направи театарџиите поспособни да ја преживеат оваа пандемија со мудрост и храброст.

Како што е познато актери на НУ Нроден театар-Битола најновата премиера „Ноќта кога ја убив месечината“ ја подготвија во време на пандемија која според репертоарот и вечерва ќе се одигра пред публика, а ќе настапат Марјан Ѓоргиевски, Александар Копања и Валентин Светозарев.

The post Шекспир во изолација ги напишал „Кралот Лир“ и „Магбет“, кризите се шанса за преобразба appeared first on plusinfo.mk.

На комеморативна седница што денеска се одржа во Битола, уметничкиот директор Илина Чоревска ја соопшти одлуката која беше поздравена со долготраен аплауз.

– Ми претствува ограмна чест да соопштам дека оваа сцена на која што денеска стоиме, позната како Големата сцена на НТБ од денеска ќе го носи името „Благој Стефановски Баге“. Одлуката е во чест за се што го направи за нашиот Народен театар, за оваа сцена и за неговата неисцрпна борба во сите години наназад – истакна Чоревска.

Благој Стефановски-Баге почина на 3 декември, на 67 годишна возраст.

The post Битолската голема театарска сцена именувана Благој Стефановски-Баге appeared first on plusinfo.mk.