Откако кон крајот на септември пропагандата на СДСМ, од перото на Бранко Тричковски, се обиде грубо да го дисциплинира професорот Денко Малески, поради неговите колумни на порталот Либертас за војната меѓу Русија и Украина, деновите повторно се огласија пропагандистите на Бихаќка, со нов, брутален напад врз професорот.

На сите што го познаваат професорот Малески им беше јасно дека обидот на Тричковски да му „врзе шлаканица“ на водечкиот македонски теоретичар на реал-политиката нема да заврши работа. Малески е самоуверен ерудит, човек убеден во своите ставови – со кои, ако не ви се допаѓаат, можете евентуално да полемизирате со аргументи, да ги толерирате и да ги игнорирате, но не и да ги хејтате – а згора на тоа, човекот е и во години кога не му приличи да се вознемирува или да го менува својот дискурс под влијание на агресивната пропаганда, па дури кога таа доаѓа и од политичкиот камп за кои многумина сметаат дека е „негов“.

Така, на 25 и 26 ноември, по обзнанувањето на планот на Доналд Трамп за мир во Украина, Малески објави две значајни колумни на порталот Либертас, во кои ја заокружи својата анализа за причините за војната, а ги прокоментира и шансите за мирно решение. После тие колумни, пропагандистите на СДСМ, предводени од Тричковски, се огласија со нови, повој пат брутални напади врз Малески.

Тричковски веќе нема да го чита, Благојче Атанасовски „вознемирен и згрозен“

Со својот препознатлив саркастичен и хејтерски стил, Тричковски на Фејсбук напиша: „Драга Савета, не можам да го читам Денко Малески, дал сум нормален!? Не си!“ Списокот од 70-тина луѓе на кои им се допаднал овој пост ги открива познатите имиња на сдсмовската пропаганда, а некои од тие имиња се лажни и зад нив се кријат добро познати личности поврани со Бихаќка.

Но, најбруталниот напад дојде од еден неочекуван млад човек, кој за себе вели дека учел од професорот Малески. Благојче Атанасоски е колумнист на Слободен печат, но во оваа прилика се огласил на порталот Локално. Напишал „отворено писмо до Денко Малески“. Освен што во насловот Атанасоски не го удостоил својот професор со неговото звање (тоа е знак на елементарна некултура), ударниот пасус на ова писмо покажува на кое ниво колумнистот на Слободен печат и на Локално, „полемизира“ со Малески:

„Запрепастен сум, фрапиран, вознемирен, дури би рекол и згрозен од неколкуте последни колумни на професорот, во кои тој, веќе отворено ‘вината за војната во Украина’ ја префрла на колективниот Запад, најмоќните држави од Европа во прв ред, како и на поранешната американска дипломатија и aдминистрација на претседателот Бајден, а никаде со ниту една реченица, не пишува за ‘улогата’ на рускиот претседател и неговата вина за ‘специјалната воена операција’ во Украина“.

Во своето отворено писмо, Благојче Атанасоски главно ги цитира „аргументите“ со кои Бранко Тричковски се обиде да го „дисциплинира“ Малески. Колумната на Атанасовски можете да ја прочитате на наведениот линк. За читателите на Плусинфо сепак е поважно да дознаат  што е тоа со што професорот Малески ги вознемирил Тричковски и Атанасовски, до толку што првиот решил да престане да му ги чита колумните, а вториот дури и се згрозил, па така загрозен решил да му напише „отворено писмо“.

Малески: „Русија победи, а Америка, НАТО и ЕУ изгубија“

На 25 ноември, во колумна на порталот Либертас под наслов „Русија победи, а Америка, НАТО и ЕУ изгубија“, Малески, меѓу другото, пишува: „Во својот мировен план од 28 точки, чија судбина е сè уште неизвесна, Доналд Трамп ги вметна практично сите барања на Русија. Тој, за разлика од европските политичари, знае дека мировните договори се рефлексија на реалноста, а реалноста е дека Русија победи, а Америка, НАТО и ЕУ изгубија. Западниот план да се сруши автократскиот режим на Путин со најсилните економски санкции наметнати врз една држава и најмодерно оружје за украинската армија која се подготвуваше за оваа војна последниве десетина години, не успеа“.

И ова: „Погрешната проценка на Америка и на Европа за моќта оваа огромна земја да го издржи сето тоа, предизвика ужасна трагедија за храбрите Украинци кои изгинаа на бојното поле и за иднината на остатокот од државата. Крстоносната војна на Западот во името на демократијата доживеа дебакл. Зашто, во меѓународната политика не одлучува моралната супериорност на ‘вредностите’ туку силата на оружјето. А кога голема сила бара да се земат предвид нејзините безбедносни грижи, како што тоа, со години, упорно го бараше Русија, мора да се има слух и да се бара дипломатско решение. Во спротивно, загрозен е мирот во светот, а во нуклеарната ера, загрозен е и опстанокот на човештвото“.

Фаталната одлука на самитот на НАТО во 2008 година беше објава на војна против Русија

Ден подоцна, на 26 ноември, во колумна на порталот Либертас под наслов „Да не се радуваме предвреме: и во југословенските војни фрчеа мировни планови“, професорот Денко Малески прави и една историска ретроспектива на конфликтот меѓу Русија и Украина од 2008 година до денес.  

„Денес – пишува професориор – повторно фрчат мировни планови: американски, европски, украински… Политичките претставници на трите учеснички во војната, Америка, Украина и ЕУ, се наоѓаат пред колосален проблем: да ги усогласат своите позиции визави Русија за која три нешта не се предмет на преговори: неутрална Украина надвор од НАТО, де јуре признавање на четирите области плус Крим за дел од Русија, разоружана Украина која нема да претставува закана за Русија. За Русите политиката на Западот е егзистенционална закана, закана за која се ‘оди до крај’.

Фактот дека, од самиот почеток на кризата, Русија не ги менува овие три барања, кажува дека преговори за нив нема да има. Но, Украина и ЕУ ги оспоруваат токму тие точки. Забораваат дека фаталната одлука на самитот на НАТО во Букурешт во 2008 за идно членство на Украина во алијансата беше, како што изјави и канцеларката Меркел по гласањето, објава на војна на Русија. Забораваат дека денес таа војна е изгубена и дека следи руски диктат на условите а не преговори од типот кои ги замислува Каја Калас. Зашто,времето за вистински преговори со Русија беше, да речеме, април 2022 во Истанбул, кога Зеленски, по наговор на Борис Џонсон, ги напушти преговорите и се определи за војна.

Но, супериорната идеалогија на демократски против автократски држави не помогна во светот на реалната политика. Одлучи ситуацијата на бојното поле и диспропорцијата во моќ меѓу Русија и Украина. Одлучи и стравот од нуклеарен холокауст кај големите сили…“

Не им е крив само професорот Малески, целиот свет сега не им чини

Консеквентно на својата анализа на причините на конфликтот, на мировните иницијативи, на неговата динамика и на актуелната ситуација, професорот Малески заклучува: „Силата која ќе го напише вистинскиот мировен план е Русија“.

Разбирливо е зошто овој дикурс толку многу ги вознемирило првите пера на сдсмовската пропаганда, кои вложија исто толку љубов, умеење и знаење колку што и во нив вложи пропагандата на Западот, за да опрвадаат една неодржлива ситуација на бескрајно продолжување на војната во Украина до нејзиниот конечен пораз. Денес свропските бирократи и еден дел европските лидерни повторно го притискаат Зеленски да одбие било какво мировно решение кое нема да го наметнат ЕУ и НАТО, знаејќи дека тој притисок води кон нови борби на фронтовите и нови жртви, после што позицијата на Украина ќе биде уште полоша.

Но, она што вистински ги разочарува сдсмовските пропагандисти е фактот што во светот, па и во Европа, веќе доминира расположението за мир и за окончување на војната. Тоа ќе создаде свет што нашите фанатици на лажниот „прогресивизам“ не го разбираат и не сакаат да го прифатат. Во еден од своите последни постови Тричковски тоа отворени го признава. Па вели: „Македонија и остатокот на светот тргнаа во спротивна насока од таа за која јас се залагав.  Штета за светот и за Нордот. Хахаха! Мака ми е, но не поради тоа што мојата опција загуби, туку затоа што знам дека победничката ќе заврши во катастрофа за цивилизацијата и за човечкиот род…“

Но, како што тоа обично бива, до најистакнатите пропагандисти на СДСМ – најфрапираните, навознемирените и најзгрозените – новите директиви стасуваат побавно и потоа потешко се варат во нивните воспалени глави. Кога нивната опција губи, тие гледаат победа. Во мирот тие гледаат „катастрофа на човечкиот род“. Во своето водење медиумска војна за „визијата“ која се темелела на „модерноста“, ама преку труповите на милиони Украинци и Руси, тие гледаат некаков морален дискурс.

Како и да е, како и претходниот напад (види линк под текстов), така и најновиот брутален напад врз професорот Денко Малески ќе заврши со неуспех и со бедна капитулација на напаѓачите. Тие, едноставно, не се известени дека штабот на нивната пропаганда е затворен и дека следуваат нови директиви.

НА ПРОПАГАНДАТА НА СДСМ СЕГА НЕ Ѝ ЧИНИ И ДЕНКО МАЛЕСКИ Бранко Тричковски решил началнички да го дисциплинира

The post НОВ БРУТАЛЕН НАПАД НА ПРОПАГАНДИСТИТЕ НА СДСМ ВРЗ ДЕНКО МАЛЕСКИ Вознемирени и згрозени од објективните анализи на професорот за војната во Украина и за шансите за мир appeared first on plusinfo.mk.

Ова го тврдат уставните и политичките експерти со коишто разговаравме откако вчера, лидерот на Демократско движење, Изет Меџити, најави дека косовската владејачка партија Самоопределување активно ќе се вклучи во изборите во земјава.

Ваквата одлука, според политичките аналитичари, бездруго испраќа многу лоша политичка порака која, помеѓу другото, може сериозно да ги загрози односите помеѓу Скопје и Приштина.

Исто така, експертите предупредуваат дека мешањето на странска политичка партија во македонски парламентарни избори е директна закана по територијалниот интегритет и суверенитет на Македонија.

Лоша порака

Нашиот Устав забранува државјанин на друга држава да се кандидира на избори во Македонија, а уште помалку да биде назначен за пратеник во македонското Собрание, дури и да има двојно државјанство, вели за Плусинфо поранешниот претседател на Собранието, Тито Петковски.

А замислете како би изгледале работите доколку во македонското Собрание влезат пратеници кои се огромни симпатизери на косовската партија Самоопределување. Чија страна ќе заземе тој пратеник кога ќе дојде ред во Собранието да се расправа за односите Македонија-Косово?

Тито Петковски Поранешен претседател на Собранието

– Ние немаме договор со Косово за двојно државјанство. Во случајов со косовската партија Самоопределување, која ќе учествува на изборите во Македонија, единствените коишто ќе можат да земат учество се македонски државјани кои се само симпатизери на партијата на косовскиот премиер Албин Курти и кои немаат право да гласаат на избори во Косово. Нашиот Устав е категоричен: тој што нема македонско државјанство не може да се кандидира за пратеник во Собранието – објаснува Петковски.

Според него, со ваквиот потег, албанските политички партии од опозицијата играат на картата – емоции, а како што додава, ова во секој случај не претставува добра порака за градење добри односи со Косово.

– Ако се сеќавате, албанските опозиционери во земјава неодамна го пречекаа косовскиот премиер Албин Курти во Тетово како да е нивни премиер. Тие му дадоа такво значење. А всушност, вистинското политичко влијание може да се остварува на повеќе начини. Лоша порака испраќа и премиерот на Косово со тоа што се определува формално да коалицира со партии коишто се регистрирани во Македонија. Со ваквиот потег, тој прикажува посебни чувства кон Македонија и смета дека земјава е составен дел од Косово. Тоа е во битието на Курти којшто не знае ни да го сокрие. Исто така, сметам дека ваквата коалиција не е добра ниту за албанските политички партии од опозицијата во Македонија. Тие почнуваат да се однесуваат како спортски клубови, па изнајмуваат и купуваат играчи од странство. Како и да е, ова не е добро во поглед на градење стабилни односи помеѓу Скопје и Приштина. А замислете како би изгледале работите доколку во македонското Собрание влезат пратеници кои се огромни симпатизери на косовската партија Самоопределување. Чија страна ќе заземе тој пратеник кога ќе дојде ред во Собранието да се расправа за односите Македонија-Косово? Во секој случај, ова е прв пример и ние досега не сме биле ставени во ситуација политичка партија од странство да учествува на парламентарни избори во Македонија. Но, ваков е стилот на Курти, бидејќи и самиот тој беше однесен во Косово од Албанија и беше поставен за премиер. Инаку, Албин е роден во Албанија и тој е албански државјанин – вели Петковски.

Ако политичката партија не е запишана во Судски регистар, таа практично не може да биде правно лице и не може да учествува во изборниот процес

Светомир Шкариќ Професор по уставно право

На оваа тема Плусинфо разговараше и со професорот по уставно право Светомир Шкариќ кој ни потврди дека политичка партија од странство не може да се кандидира на избори во Македонија доколку не е регистрирана во Судски регистар.

– Политичките партии мора да бидат регистрирани, односно да бидат запишани во Судски регистар. Дури тогаш стануваат правно лице. Ако политичката партија не е запишана во Судски регистар, таа практично не може да биде правно лице и не може да учествува во изборниот процес – кратко ни одговори Шкариќ.

Според тоа што го кажува професорот, за да учествува на следните парламентарни избори во Македонија, косовската партија Самоопределување ќе мора да се клонира, односно да формира свој огранок во земјава кој би бил заведен во Судскиот регистар.

Опасно за Македонија

Уставните експерти треба да се произнесат во однос на тоа дали владејачка политичка партија од една држава може да учествува со свои листи за пратеници во друга држава, вели политичкиот аналитичар Благојче Атанасоски.

– Веројатно станува збор за лица со двојно државјанство за да се запази законски предвидената формалност, но во однос на легитимитетот, етиката во политиката, но и политичките пораки во најмала рака е дискутабилно. Прво, бидејќи на тој начин се дозволува упад на политика на странска политичка партија. Второ, која би била поентата лица кои не живеат во Македонија да учествуваат во политичкиот живот кај нас? И трето, дали се дава до знаење дека етничко албанската опозиција кај нас е само „подружница“ на косовската власт? Тоа е многу опасно по територијалниот интегритет и суверенитет на Македонија, но со оглед на тоа какви сѐ преседани се случиле кај нас во овие три децении на независноста, не ме изненадува и ваквиот потег – вели Атанасоски.

Етничко албанската опозиција, додава тој, веројатно сака во предизборието да се налепи на успехот на косовскиот премиер Албин Курти и неговата популарност кај нас, односно меѓу етничките Албанци во Македонија.

Тоа е многу опасно по територијалниот интегритет и суверенитет на Македонија, но со оглед на тоа какви сѐ преседани се случиле кај нас во овие три децении на независноста, не ме изненадува и ваквиот потег

Благојче Атанасоски Политички аналитичар

– Особено што косовскиот премиер е условно кажано директен противник на „вечниот“ етничко албански лидер во државата, односно на Али Ахмети. Сепак, тоа не е причина вие да ја користите неговата популарност за да го поразите својот политички опонент. Напротив, тоа треба да го сторите со политики на понуда за подобрување на квалитетот на животот на граѓаните. Но тоа се случува во нормална парламентарна демократија и во нормална република. Ние сме етнотрибалистичка партитократија каде што повеќе од три децении на картата на етничкиот национализам се печалат политички поени и се добиваат избори – посочува Атанасоски.

На прашањето дали може да се случи пратенички столчиња во македонското Собрание да зафатат и пратеници од Косово, тој вели дека шансите за такво нешто се големи.

– Без разлика дали на претстојните парламентарни избори ќе победи или изгуби т.н етничко албанската опозиција, веројатно доколку имаат на своите листи пратеници со двојно државјанство, тие би станале дел од македонското Собрание. Но тоа е наша вина, односно вина на нашиот уставно-правен систем кој дозволува такви состојби. Само мало потсетување: поранешниот кандидат за претседател на државата Блерим Река потоа стана министер во Владата на соседно Косово. Сметам дека тоа треба да се уреди со закон што побрзо, за да не може да ни се случува наплив на вакви „кадри“ во македонската политика особено од меѓународно целосно непризнаена држава како Косово – објаснува Атанасоски.

Заедничка програма, канцеларија, кампања…

Лидерот на партијата Демократско движење, Изет Меџити, вчера пред споменикот „Скендербег“ во Скопје откри дека косовската партија Самоопределување на косовскиот премиер Албин Курти ќе биде четвртата политичка партија во коалицијата Европски сојуз.

– Од денеска Европскиот сојуз се состои од четири политички партии. Сега значи во овие четири е и Самоопределување, програмата ја работиме заедно, и нова канцеларија заедничка, и кампањата ќе биде заедничка, и ќе бидат дел парламентарните листи, значи ќе има членови и претставници од Самоопределување – изјави Меџити.

Во коалицијата влегуваат партиите Алтернатива, Беса, Демократско Движење и Самоопределување од Косово. Со косовската политичка партија Самоопределување ќе се води заедничка кампања и ќе има заеднички изборни листи.

Меџити, исто како и неговите коалициски партнери Африм Гаши и Билал Касами најави дека пратениците од коалицијата Собранието ќе протестираат ако албанската опозиција не добие член во Државната изборна комисија (ДИК).

Меџити смета дека избори со сегашната шестчлена изборна комисијата ќе бидат нелегитимни.

– Се соочуваме со тенденција за фалсификат на изборите подготвена од господинот Талат Џафери – изјави Меџити.

ПАРТИЈАТА НА КУРТИ НА ИЗБОРНИТЕ ЛИСТИ ВО МАКЕДОНИЈА „Самоопределување“ влегува во коалицијата на Меџити, Гаши и Касами

The post ДАЛИ КУРТИ Е ПОДОБАР ОД МУРТО? Клонирањето на Самоопределување од Косово во Македонија крие цела приказна appeared first on plusinfo.mk.

Не е исклучена можноста следната техничка влада да биде формирана без учество на опозициската ВМРО-ДПМНЕ.

Ова денеска го изјави актуелниот претседател на Собранието и иден технички премиер Талат Џафери, откако партијата на Христијан Мицкоски објави дека се двоуми дали да учествува во идната техничка влада.

Но, дали техничката влада без учество на најголемата опозициска партија би имала смисла? Како би функционирала таквата техничка влада и која партија ќе ги „присвои“ ресорите што законски ѝ припаѓаат на опозицијата? Ќе има ли легитимитет таа техничка влада или ќе продолжи да делува како редовна, но со премиер Албанец? Што добива, а што губи ВМРО-ДПМНЕ доколку не влезе во техничката влада?

Инаку, ВМРО-ДПМНЕ го смета Џафери за недостоен за технички премиер, и во следниот период ќе реши дали ќе учествува во преодната влада. Актуелниот координатор на пратеничката група на СДСМ во Собранието Јован Митревски е утврден кандидат за претседател на Собранието.

Техничката влада треба да биде избрана на 28 јануари следната година.

Намален легитимитет

Неучеството на опозицијата во т.н техничка влада, во согласност со Пржинскиот договор, со свои министри и заменици-министри во одредени. со закон утврдени ресори, ќе значи поставување на прашањето за легитимитетот на претстојните избори, бидејќи и смислата за ваков вид влада од 100 дена е токму таа: да се направи институционална контрола во рамки на предизборието, коментира за Плусинфо политичкиот аналитичар Благојче Атанасоски.

Веројатно ова е своевидна пи-ар стратегија на опозициската ВМРО ДПМНЕ за да го зголеми своето гласачко тело не давајќи легитимитет на влада предводена од „Албанец премиер од редовите на криминалната ДУИ“.

Благојче Атанасоски Политички аналитичар

– Целта на формирањето техничка влада е за да се спречи евентуално институционална злоупотреба од страна на власта во нагласување на изборните резултати или користење на ресурсите од институциите, што практиката на повеќепартиски избори во овие три децении и тоа како ни покажала таква политичка „култура“ на однесување кај сите политички партии без разлика на нивниот етнички предзнак. Од друга страна, веројатно ова е своевидна пи-ар стратегија на опозициската ВМРО-ДПМНЕ за да го зголеми своето гласачко тело, недавајќи легитимитет на влада предводена од „Албанец премиер од редовите на криминалната ДУИ“. Сепак, сметам дека разумот ќе преовлада, опозицијата ќе номинира свои претставници и изборите ќе бидат одржани во демократски дух и фер натпревар, и на крајот резултатите ќе бидат признаени од сите како валидни, односно како изразена волја на граѓаните кои излегле да гласаат – коментира Атанасоски.

Крајно време дојде, додава тој, политичките партии конечно да покажат почит кон граѓаните.

– Особено што велиме дека Македонија заслужува да ги започне преговорите со ЕУ, односно сите партии велат дека се проевропски настроени во својата реторика. Ако се такви, тогаш нека се однесуваат така и во предизборната кампања, на самиот ден на гласањето и постизборно. Досега сме се изнагледале разни балкански случаи со македонска мизерија кога станува збор за организирање и учество во еден изборен процес кој треба да биде врв на демократијата, така што мислам дека крајно време дојде да покажат повеќе култура, почит кон граѓаните и кон институциите и цивилизирано европско поведение на претстојните претседателски и парламентарни избори – порача Атанасоски.

Неговиот колега Петар Арсовски вели дека легитимитетот на техничката влада ќе биде намален доколку опозицијата не даде свои претставници, но, како што што објаснува, тоа не значи дека таа влада нема да може да функционира.

– Пржинскиот формат е наменет за да се спречат злоупотреби, а ако такви злоупотреби веќе не постојат, тогаш опозициската ВМРО-ДПМНЕ имаше предлог за целосно укинување на техничката влада. Би било добро кога сите политички партии би дале свои претставници во техничката влада, а ако не се случи такво нешто, тогаш сигурно е дека идната техничка влада ќе има намален легитимитет. Сепак, имајќи предвид дека се работи за последните 100 дена пред избори, јас лично сметам дека техничката влада ќе биде формирана и не очекувам поголеми политички турбуленции – истакна Арсовски.

Можност за развластување

Според пратеникот и член на Извршниот комитет на ВМРО-ДПМНЕ Антонио Милошоски, органите на партијата во следните неколку дена ќе одлучуваат дали опозицијата ќе учествува во техничката влада.

ВМРО-ДПМНЕ, вели Милошоски, треба да учествува во техничката влада за да ги развласти СДСМ и ДУИ.

– Ќе заседаваат Извршниот и Централниот комитет, но сметам дека кога владата ја предводи човек како Талат Џафери, кој безброј пати го прекршуваше Деловникот, кој не го пополнува местото член на ДИК кое ѝ следува на опозицијата, а со месеци го влечка овој оглас и не го става на дневен ред, тогаш тој што би имал намера да не учествува во ваква влада за организирање на избори, може само да им даде поголема шанса на Џафери, Груби, Спасовски да прават малверзации – изјави Милошоски.

Ценам дека министер за внатрешните работи, труд и социјала и тројца заменици во земјоделие, финансии и министерство за информатичко општество и администрација би биле добар влог во зголемување на изборниот систем и намалување на малверзациите на СДС и ДУИ.

Антонио Милошоски ВМРО-ДПМНЕ

Милошоски смета дека доколку партијата донесе одлука да биде дел од техничката влада, министрите кои ќе ги добие ВМРО-ДПМНЕ ќе имаат поголеми шанси да ја направат владата потранспарентна и ќе можат да попречат незаконитости кои планираат да ги прават СДСМ и ДУИ.

– Ценам дека министер за внатрешни работи, труд и социјала и тројца заменици во земјоделие, финансии и министерство за информатичко општество и администрација би биле добар влог во зголемување на изборниот систем и намалување на малверзациите на СДС и ДУИ. Затоа што не е случајно што Фатмир Бесими е шеф на изборен штаб на ДУИ, нему приоритет ќе му биде да создава прилики за ДУИ да го избере тоа министерство за финансии за изборни цели. ВМРО-ДПМНЕ ако учествува во техничка влада таму би имале заменик кој ќе се обиде тоа да го спречи – рече Милошоски.

Законска обврска?

За најавите на опозициската ВМРО-ДПМНЕ дека ќе размисли дали ќе учествува во техничката влада, премиерот и лидер на СДСМ, Димитар Ковачевски, вели дека тоа е законска обврска.

– Таа законска обврска е наведена во Законот за влада, во законот за избори и сметам дека сите политички партии треба да ја испочитуваат својата законска обврска, исто како што е моја законска обврска на 100 дена пред изборите да поднесам оставка, што ќе го направам. Исто така е и обврска на сите политички партии да учествуваат во изборниот процес, оти во спротивно се става една дамка во изборниот процес, без никаква потреба – рече Ковачевски.

Од опозициската ВМРО-ДПМНЕ велат дека нема да учествуваат во таа техничка влада, но мислам дека тоа ќе им биде грешка.

Ристо Пенов Министер за локална самоуправа

Тој потсети дека неодамна, како што кажа, имало успешна лидерска средба на која со исклучително широк консензус беше договорен датумот за претседателски избори и датумот за парламентарните избори во редовен термин, а беше поддржано дека ќе имаме техничка влада.

– Нема да има промена на Изборниот законик во тој дел и на Законот за влада, што значи дека сите политички партии треба да учествуваат во изборниот процес така како што е предвиден согласно закон и на крајот да имаме демократски избори, како што имавме во изминатиот период по 2016 година и да добиеме и претседател на држава, и Парламент, а се разбира и Влада и Северна Македонија да продолжи во своите евроинтеграции – рече Ковачевски.

Министерот за локална самоуправа од ЛДП Ристо Пенов, пак, смета дека зад барањето на ВМРО-ДПМНЕ да нема техничка влада се крие тоа да нема премиер Албанец, иако велат дека не сакаат премиер од ДУИ.

– Талат Џафери покажа и како министер и како претседател на Собрание дека е капацитетен и дека може да ја обавува функцијата на технички премиер. Од опозициската ВМРО-ДПМНЕ велат дека нема да учествуваат во таа техничка влада, но мислам дека тоа ќе им биде грешка – вели Пенов.

The post ТЕХНИЧКА ВЛАДА БЕЗ ОПОЗИЦИЈА, ЗВУЧИ ШАШАВО АМА ФУНКЦИОНИРА?! Кој добива, а кој губи ако ВМРО-ДПМНЕ не предложи свои министри appeared first on plusinfo.mk.

Тој предложи едниот дом да го сочинуваат градоначалници на неколку поразвиени општини, а другиот дом да го сочинуваат пратеници, но во помал број во споредба со сегашниот. На тој начин, со два дома, рече тој, би наликувале на конгресот и на сенатот во САД.

Нашите соговорници велат дека предлогот не е одржлив, а забележуваат и дека станува збор за уникатна идеја, бидејќи такво уредување не постои никаде во светот.

– Таравари ги посочува САД за пример, но тој заборава дека таму сите се Американци, без оглед на боја, раса, нација, етничка припадност. Таму сите копнеат да имаат американски пасош, да бидат американски државјани, да ја пеат американската химна и да го веат американското знаме – вели поранешниот собраниски спикер Тито Петковски.

Аналитичарите советуваат да си го задржиме принципот на поедноставна и поефикасна институционална поставеност, наместо да одиме на удвојување на институциите, што ќе значи многу поскапо, неефикасно функционирање, коешто не ја потврдува унитарноста, туку напротив – ќе ја ослабува.

Штетна и опасна идеја

Тито Петковски, поранешниот претседател на Собранието, во разговор за Плусинфо вели дека самото преговарање за формирање дводомен парламент е штетно и опасно за Македонија.

Тоа е дефинитивна поделба по етничка основа и претставува еден вид мобилизација на луѓето единствено по етничка основа.

Тито Петковски Поранешен претседател на Собранието

– Тезата за формирање дводомен парламент во земјава апсолутно е присутна уште од осамостојувањето на Македонија, па сѐ до денес. Меѓутоа, тоа пред сѐ е желба на големите популисти и националисти, а никако не води кон повторување на клучната уставна определба: Македонија да биде општество на рамноправни граѓани. Ние, откако направивме општество на рамноправни етнички заедници, откако го избркавме граѓанинот од политичкиот систем, дефинитивно ја загубивме Македонија како просперитетна демократска, стабилна држава, мајка и татковина на сите граѓани кои живеат во неа, без оглед на етничката припадност. Изјавата на Таравари не претставува ништо друго освен националистички излив, за да се добие некаков политички поен пред избори. Оваа идеја не само што не е функционална, туку е и штетна и опасна за државата. Со формирањето дводомен парламент, веднаш се ставаат во нерамноправна положба и едните и другите граѓани. Гледам дека Таравари ги посочува САД за пример, но тој заборава дека таму сите се Американци, без оглед на боја, раса, нација, етничка припадност. Таму сите копнеат да имаат американски пасош, да бидат американски државјани, да ја пеат американската химна и да го веат американското знаме. Кај нас нема такво нешто. Секој влече на своја страна. Така што, формирањето на дводомен парламент во Македонија е крајно штетна и непродуктивна идеја – објаснува Петковски.

Тој посочува дека не би можело никогаш да се случи градоначалници на општини да бидат претставници на едниот парламентарен дом, бидејќи, како што вели, тоа е класично мешање на локалната со централната власт.

– Што ќе одлучуваат пратениците, а што ќе одлучуваат градоначалниците? Оваа идеја потекнува од 2004 година, кога имавме референдум за територијална поделба. Суштината на локалната самоуправа, која Таравари очигледно не ја разбира, е да се подобри животот на луѓето во нивното место на живеење, со тоа што ќе се градат водоводи, канализации, основно образование, здравство, да има убави улици, луѓето да живеат пристоен живот – вели Петковски.

Ако има 81 глас во парламентот за формирање дводомен парламент, тогаш идејата на Таравари секако ќе се реализира, предупредува Петковски:

– Меѓутоа, реално, тоа многу тешко би се се случило, со оглед на тоа што во моментов не можат да се соберат толку пратеници кога станува збор за уставните измени, а не, пак, да се обезбеди двотретинско мнозинство за да се формира дводомен парламент. Тоа е дефинитивно поделба по етничка основа и претставува еден вид мобилизација на луѓето единствено по етничка основа – вели тој.

Уставно неспроведлива акробација

Поранешниот министер за надворешни работи и актуелен пратеник од редовите на ВМРО-ДПМНЕ, Антонио Милошоски, пак, смета дека изјавите на Таравари претставуваат дефокус од неспособноста на власта.

– Токму партијата на Арбен Таравари, Алијанса за Албанците, ѝ даде легитимитет на оваа неспособна власт. Таравари во август 2020 година рече „нема што да бараме во влада со ДУИ, тоа е како со криминалци да се бориш против криминалот“, а сега изјавува дека бара дводомен парламент, иако е свесен дека тоа е политичка акробација која е уставно неспроведлива. Затоа, наместо да прави политички дефокус, Таравари треба да се изјасни колку денес е задоволен од владината борба против корупцијата и криминалот, заедно со оние кои тој ги опиша како „криминалците од ДУИ“ – рече пратеникот.

Милошоски и претходно предупредуваше дека евентуалното формирање дводомен парламент во Македонија ќе значи дополнително оптоварување на буџетот, намалување на ефикасноста и ослабување на унитарноста на државата.

– Во Македонија би требало да си го задржиме принципот на поедноставна и поефикасна институционална поставеност, наместо да одиме на удвојување на институциите, што ќе значи многу поскапо, неефикасно функционирање коешто не ја потврдува унитарноста, туку напротив, ќе ја ослабува. Затоа сметам дека ваквите предлози не би биле корисни и не би биле успешни кај нас, бидејќи нема да направат подобро и поефикасно општество и демократија. Во Германија, на пример, постои Бундестаг во улога на парламент, ама има и Бундесрат, кој е претставнички дом на региони, во кој покраинските држави имаат по еден претставник. Голем дел од законите коишто поминуваат во Бундестагот, веднаш одат на потврдување во Бундесратот, па ако не поминат, тогаш повторно се враќаат назад. Но, Германија е на неспоредливо високо ниво на развој, демократија и политичка култура. Генерално, сметам дека формирањето дводомен парламент во Македонија не е изводлива операција – изјави Милошоски за Плусинфо.

Да се намали бројот на пратеници

Ние не сме Америка и апсолутно нема никаква потреба од мешање на локалната со централната власт во Македонија, ни изјави претседателката на ЛДП, Моника Зајкова.

Имаме градоначалници кои глумат локални шерифи. Градовите им пропаѓаат, а никој не може ништо да им направи. Па зарем сега ние треба да правиме дводомен парламент и да ги внесеме истите овие луѓе во парламентот?

Моника Зајкова ЛДП

– Затоа постојат различни типови на власт, токму за да вршат контрола едни врз други. Само за една работа се согласувам со Таравари, но во никој случај тоа не е формирање дводомен парламент во Македонија. Исто мислење со Таравари делиме само за потребата од намалување на бројот на пратеници. Што ќе добиеме ако формираме дводомен парламент и ако бидат вклучени градоначалниците? Градоначалниците и сега можат во Парламентот да побараат расправа во однос на одредени прашања или да поднесат автентични толкувања. Таравари тврди дека државата подобро би функционирала ако се формира дводомен парламент, но државата и вака добро функционира. Лидерот на Алијанса за Албанците треба да одговори дали станува збор за формирање нови институции и реорганизација на институциите или е прашање на свесноста и волјата на сите политички субјекти да прават промени и да не ги користат институциите за политички поени или за политички пазар. Ние велиме дека сакаме независно судство, но никој не сака да ги тргне рацете од судството кога ќе дојде на власт – вели Зајкова.

Таа забележува дека никој не ја контролира работата на градоначалниците на општините, па затоа, како што посочува, дел од граѓаните се соочени со градоначалници кои глумат локални шерифи.

– Лично сметам дека Таравари е добар градоначалник, но имаме градоначалници кои глумат локални шерифи. Градовите им пропаѓаат, а никој не може ништо да им направи. Па зарем сега ние треба да правиме дводомен парламент и да ги внесеме истите овие луѓе во парламентот, или, пак, треба да поработиме на свеста дека парламентот треба да работи за граѓаните. Собранието ќе функционира ако не се блокира секојдневно поради политички маркетинг и популизам – изјави Зајкова.

Лидерот на Демократски сојуз и пратеник, Павле Трајанов, вели дека идејата на Таравари е неприфатлива и не е во функција на јакнење на демократијата.

– Никаде во светот нема такви парламенти и такви домови. Овој предлог на Таравари е уникатен. А ние, како и сите европски држави, сме парламентарна држава и имаме парламент, а единствено што јас би менувал е бројот на пратениците да се намали од 120 на 90. Нема потреба од никакви други промени. Тоа е парламент каде што се искажува волјата на граѓаните преку пратениците и навистина нема потреба да се формира дводомен парламент. Идејата на Таравари е неприфатлива и не е во функција на јакнење на демократијата. Таравари е познат по тоа што дава контроверзни изјави кои во основа се крајно фундаменталистички и не се во функција на градење на унитарниот карактер и јакнење на правата на граѓаните. Затоа слободно ќе кажам дека Таравари никогаш нема да може да биде поголем екстремист од Али Ахмети, иако упорно се убедува да биде. Ахмети беше припадник на паравоена формација и отвори воен конфликт во Македонија, па многу тешко ќе му биде на Таравари да го надмине Ахмети во поглед на екстремизмот и национализмот. Таравари многу често има давано проблематични изјави кои не се во функција на градење на стабилност на државата или почитување на правата на граѓаните. И тој самиот е свесен дека ваквите иницијативи нема да поминат, но мисли дека ќе добие гласови со таков начин на делување. И Мендух Тачи од ДПА пред 12-13 години бараше да се формира дводомен парламент, па сето ова е еден вид реприза  – изјави Трајанов.

Идејата е депласирана

Веројатно соочен со сѐ понискиот личен и партиски рејтинг, лидерот на Алијансата за Албанците прибегнува кон една „табу тема”, која одвреме-навреме провејува во политичкиот живот од лидери на етничко албанските политички партии кои се пред сѐ во опозиција, забележува политичкиот аналитичар Благојче Атанасоски.

Лидерот на Алијанса на Албанците нека понуди реални практични политики со кои ќе го подобри животот на граѓаните од секојдневен аспект, а не да се расфрла со идеи на кои им поминало и времето.

Благојче Атанасоски Политички аналитичар

– Интересно е тоа што Алијанса за Албанците е владејачка партија, а Таравари е во втор последователен мандат како градоначалник на Општина Гостивар, па зачудува зошто ја исфрла во јавноста оваа тема и теза, нудејќи етнонационализам, што е својствено за лидерите на опозициските партии како „најсигурно прибежиште”. Идејата е депласирана. Прво, потребно е менување на Уставот со двотретинско мнозинство, а такво нешто очигледно нема да има и нема да успее. И второ, ќе се наруши самиот Охридски рамковен договор, бидејќи една од одредбите на ОРД е и децентрализацијата на локалната самоуправа, ваква каква што ја ползуваме со Законот за локална самоуправа од 2004 година – објаснува Атанасоски.

За целосно менување на политичкиот систем во Македонија, додава тој, потребен е широк политички, општествен и државен консензус, а такво нешто во овој момент очигледно не постои.

– Лидерот на Алијанса на Албанците нека понуди реални практични политики со кои ќе го подобри животот на граѓаните од секојдневен аспект, а не да се расфрла со идеи на кои им поминало и времето. Ваквите идеи се длабоко закопани во минатото како ретроградни, реакционерни и анахрони – вели Атанасоски.

The post ИДЕЈАТА ЗА ДВОДОМЕН ПАРЛАМЕНТ Е ПОЛИТИЧКА АКРОБАЦИЈА Каде видел Арбен Таравари градоначалници сенатори?! appeared first on plusinfo.mk.

Аналитичарите со коишто разговаравме велат дека на утрешната седница во Собранието може сѐ да се очекува, освен политички изненадувања во поглед на изгласувањето на уставните измени кое во моментов претставува невозможна мисија.

Според експертите, јавноста ќе биде сведок на уште еден политички циркус кој ќе преовладува со свирежи, викотници, транспаренти, плакати, па и со разменување навреди помеѓу пратениците.

Предвидувањата се дека собранискиот спикер нема да ја стави точката на гласање сѐ додека не биде обезбедено двотретинско мнозинство.

Инаку, на утрешната седница во Собранието која треба да започне во 11 часот прво треба да биде изгласан дневниот ред со единствена точка – Предлог за пристапување кон измена на Уставот на Македонија. Потоа почнува претрес по предлогот кој може да трае најмногу 10 работни дена.

Одлуката за пристапување кон измена на Уставот, Собранието ја носи со двотретинско мнозинство гласови од вкупниот број пратеници, односно со 80 гласови, бројка која засега е недостижна.

Без изненадувања

Политичкиот аналитичар Благојче Атанасоски не очекува изненадувања, но како што вели, не е тешко да се предвиди како ќе течат работите за време на утрешната пленарна седница.

Дури и да стигне до гласање за 10 дена по отворањето на пленарната седница, рововските ставови ќе останат исти

Благојче Атанасоски Политички аналитичар

– Веројатно ќе се оди на „фолклорна“ стратегија со транспаренти кои ќе ги држат пратениците од опозицијата, со цел да ѝ дадат драматичност на пленарната седница со која ќе сакаат да ја претстават власта како предавничка, која работи спроти интересите на народот и на државата во целина. Лично не очекувам изненадувања, односно, не очекувам опозицијата да го промени ставот за 180 степени, а не очекувам ни да прифати да учествува во пакет изгласување на уставните измени за внес на Бугарите во Уставот, се разбира со одржување брзи предвремени парламентарни избори, без ДУИ во техничката власт. Од друга страна, владејачките пратеници ќе се пријавуваат од говорница да ги „убедуваат“ опозициските пратеници за последниот воз кој не смее да се пропушти кон интеграција во Европската Унија, дека „францускиот предлог“ е најдоброто решение и слични такви аргументи. Дури и да стигне до гласање за 10 дена по отворањето на пленарната седница, рововските ставови ќе останат исти – објаснува Атанасоски за Плусинфо.

Тој посочува дека се очекува видоизменување на македонската политичка сцена, односно дека ќе се цртаат други траектории по кои ќе се движи државата.

– Ниту изгласување на уставните измени, барем во овој временски период, ниту одржување есенски предвремени парламентарни избори. Но, едно е јасно, конјуктурата на македонската политичка сцена ќе се видоизмени, односно ќе се нацртаат други траектории по кои ќе се движи државата, но и правци кои ќе го обликуваат идниот развој на постизборните резултати по завршување на идните парламентарни избори, независно дали се редовни или предвремени. Прашање е дали власта по секоја цена ќе биде форсирана од меѓународната заедница да биде и понатаму власт или, пак, ќе се оди на „компромисно решение“, а тоа е влада на национално единство и спас, со прва точка изгласување на уставните измени, за да биде споделена одговорноста од сите и да се сопре со реториката на предавници и патриоти. Се разбира, сето тоа ќе биде под жесток притисок и патронат на меѓународната заедница, односно на Американците – изјави Атанасоски.

Сличен став дели и аналитичарот Синиша Пекевски, кој, пак, токму поради упорното и насилното водење на кампањата за уставни измени не ѝ предвидува светла иднина на партијата СДСМ.

– Владата на СДСМ и на ДУИ упорно ја турка уставната промена иако огромен процент, да не кажам 99% од македонскиот народ е против тие измени. Оваа агенда е дел од стратегијата да се покријат огромниот криминал и корупцијата коишто преовладуваат во Македонија, доверба од 0% во судството, коруптивноиот договор со „Енка и Бехтел“, корупцијата со модуларните болници. Значи, оваа агенда има цел да ги покрие сите овие работи. Со овие измени, власта сака да ја замајува јавноста и да се оттргне на вниманието од дебаклот на секое поле. Според мене, уставни измени нема да има, а упорното и насилното водење на оваа кампања ќе придонесе за распад на СДСМ на следните парламентарни избори – објаснува Пекевски.

ВМРО-ДПМНЕ крои стратегија

Пратеникот на ВМРО-ДПМНЕ, Бојан Стојаноски, бара распуштање на Собранието уште по првото гласање во Собранието, од кое, како што вели, ќе се види дека власта нема 81 пратеник за уставни измени.

Тој посочи дека тоа е единствен логичен чекор и уверен е во тоа дека власта нема двотретинско мнозинство кое е потребно за вметнување на Бугарите во Уставот.

Нема друг логичен чекор освен распуштање на Парламентот и одржување на предвремени парламентарни избори

Бојан Стојаноски Пратеник, ВМРО-ДПМНЕ

– Кратко и јасно. Првиот момент кога ова ќе стане јасно и ќе пропаднат сите лаги на мнозинството, нема да има друг логичен чекор освен распуштање на Парламентот и одржување на предвремени парламентарни избори – изјави Стојаноски.

Координаторот на пратеничката група на ВМРО-ДПМНЕ, Никола Мицевски, пак, смета дека токму утрешната пленарна седница ќе претставува добра можност за да се увери целокупната македонска јавност дека власта цела една година лаже, манипулира и сее магла околу уставните измени.

– Власта е разголена и нема друг адут освен лагите и манипулациите. Ова се случува секогаш кога народот ќе се потцени, и кога личните интереси ќе ги стават пред тие на државата. Тие цела година купуваа време и сега стануваат жртва на сопствените лаги. Дозволија државата да ја стават во подредена позиција и да ја донесат во слепа улица. Уште еднаш повторувам дека пратеничката група на ВМРО-ДПМНЕ останува на континуираниот став дека измени на Уставот во ваков формат под бугарски диктат не се можни и нема да поддржиме – истакна Мицевски.

Тој додаде дека опозициските пратеници утре ќе присуствуваат на седницата и аргументирано ќе објаснат зошто се против уставните измени.

– Штом започне пленарната седница, јавноста веднаш ќе има можност да ја види стратегијата и целиот настап на ВМРО-ДПМНЕ – порача Мицевски.

Големи се шансите за одложување

Двајцата пратеници од политичката партија Левица ќе бидат присутни на утрешната пленарна седница во Собранието, но нема да гласаат и нема да земат збор на собраниската говорница, ни изјави Јована Мојсоска, член на Президиумот на партијата.

– Најпрво ќе треба да се изгласа дневниот ред, а нашите пратеници нема да гласаат ни за оваа работа. Тоа што го знам е дека 99 проценти е голема шансата да се пролонгира утрешната седница, па најверојатно власта ќе тргне во акција да одработи некое ново „преспанско сценарио“ и да најде начин како да обезбеди двотретинско мнозинство во следните неколку месеци. Во поглед на утрешната седница, очекувано е да се отвори расправа, пратениците да земат збор, но точката нема да се стави на гласање. Најважно е јавноста да сфати дека собранискиот спикер Талат Џафери нема да ја стави точката на гласање сѐ додека не се обезбеди двотретинско мнозинство. Штом биде обезбедено двотретинско мнозинство, Џафери уште во истиот момент ќе ја стави точката на гласање – изјави Мојсоска за Плусинфо.

Најважно е јавноста да сфати дека собранискиот спикер Талат Џафери нема да ја стави точката на гласање сѐ додека не се обезбеди двотретинско мнозинство

Јована Мојсоска Левица

Таа потенцира дека дискусијата е ограничена на 10 дена.

– Ако утре се исцрпи пријавување за дискусијата, може уште веднаш Џафери да ја одложи седницата за гласање. Инаку, не постои ограничување кога би се ставил предлогот на гласање, бидејќи тоа зависи само од волјата на собранискиот спикер – истакна Мојсоска.

Владеачкиот СДСМ, пак, очекува сите пратеници во Собранието, вклучително и опозициските, да покажат одговорност, да се приклучат на проевропскиот блок, и да дадат поддршка за уставните измени, изјави пратеничката Фаница Николоска.

– Очекувам сите 120 пратеници да се стават на висината на задачата, да ја сфатат одговорноста којашто сите ја имаме пред граѓаните. Ова на Мицкоски му е последната можност да се приклучи кон проевропскиот блок. Мицкоски и ВМРО-ДПМНЕ ја имаат можеби последната шанса да покажат чувство на одговорност пред граѓаните, затоа што наша обврска како политичари е да им обезбедиме сигурна иднина на граѓаните. Како што нашите предци овозможиле услови да живееме во слободна, самостојна и суверена држава, така и опозицијата да се приклучи и заеднички да создадеме просперитетна Македонија во која идните генерации ќе ја планираат иднината дома – порача Николоска.

На албанските опозициски партии им се брза

Лидерите на албанските опозициски партии во земјава денеска испратија порака до пратениците во Собранието и ги охрабруваат да гласаат „за“ уставните измени.

Но, како што додаваат, доколку се покаже дека овој парламентарен состав нема капацитет да ги деблокира преговорите за ЕУ интеграција, тогаш предлагаат распуштање на Собранието и распишување предвремени парламентарни избори.

„Денеска сме тука како лидери и претставниците на нашите партии – АлтернАтивА, Движење Беса и Демократско движење – да упатиме една мошне важна порака во пресрет на предлогот за потребата од отворање на Уставот. Како што многупати сме изјавиле, за нас нема дилема дека европската интеграција е највисоката политичка, партиска и национална визија, од која не само што нема алтернатива, туку ваквата заложба го подразбира и секој наш чекор на политичкото дејствување и соработката со другите. Најпрво, бараме од претседателот на Собранието итно да ја стави на гласање потребата од промена на Уставот, со цел да ја поминеме што побргу првата фаза на уставните измени и да влеземе во суштинскиот процес на тие измени. Освен тоа, го повикуваме да не се крие зад неоснованите оправдувања, туку да ги стави амандманите за измена на навредливото именување ‘20%’ за албанскиот јазик, како и амандманот против застареност на случаите на политичка корупција. Меѓуетничката кохезија и борбата против корупцијата се европски вредности и принципи, исто како и обврската за добрососедските односи, ако не и повеќе. Кога сме овде, ги повикуваме сите пратеници, без разлика на нивната политичка, етничка и идеолошка припадност, итно, без дискусија и без никакво одлагање, да гласаат за потребата од промена на Уставот и предложените амандмани. На овој начин, сите ние докажуваме на која страна сме и која е нашата стратешка определба“, наведено е во соопштението.

Оттаму додаваат дека доколку на краток рок не се обезбеди потребното мнозинство за гласање на првата фаза од уставните измени, ќе биде јасно дека овој парламентарен состав нема капацитет да ги деблокира преговорите за ЕУ интеграција.

„Ако ова се покаже како точно, не треба да губиме ни час повеќе. Во тој случај, односно доколку нема доволно мнозинство да се гласа првата фаза од уставните измени, повикуваме да се гласа за распуштање на Парламентот и распишување на предвремените избори, за да се бара друг парламентарен состав кој ќе има капацитет и политичка волја за протуркање на интегративните процеси кон Европската Унија. Ние сме тука да го поддржиме процесот и да водиме битка со сите оние кои го попречуваат овој пат, било со одлагање, како што тоа го прави власта, било со одбивање, како што го прават некои опозициски партии“, се вели во соопштението потпишано од Билал Касами, Африм Гаши и од Изет Меџити.

Каква е процедурата?

Десеттиот ден завршува дебатата без оглед дали останале уште говорници или не

Талат Џафери Претседател на Собрание

Согласно Деловникот за работа на Собранието, расправата ќе трае најмногу 10 работни дена и доколку е така треба да заврши најдоцна на 31 август.

Пратеник во текот на претресот може да говори повеќе пати во траење од вкупно 20 минути, а координатор на пратеничка група вкупно 30 минути. Претставникот на предлагачот во претресот може да говори повеќе пати, но не повеќе од 30 минути вкупно.

Одлуката за пристапување кон измена на Уставот, Собранието ја носи со двотретинско мнозинство гласови од вкупниот број пратеници односно со 80 гласови.

Претседателот на Собранието Талат Џафери изјави дека по завршување на претресот гласањето за потребата за уставни измени може да биде одложено, а ако нема услови воопшто и да не се случи.

– Седницата ќе се отвори и ќе се усвои дневниот ред како што е постапката, затоа е потребно присуството од 61 пратеник, а за гласање минимум една третина од вкупниот број. Тоа е општ принцип и секако се отвора дискусија, дебата, се повикува според процедурата да се отвори дебата. Што ќе биде, како ќе биде, не можам да кажам сега оти не можам да предвидам. Но, обврска ми е да имам испланирано 10 работни дена да може да работи Собранието доколку има пријавено за збор за толку, значи максимумот за да трае дебатата е 10 дена. Десеттиот ден завршува дебатата без оглед дали останале уште говорници или не – појаснува Џафери.

Тој рече и дека доколку нема двотретинско мнозинство, гласањето може да биде одложено, но и дека тоа може и да не се случи, со што постапката за уставни измени завршува.

– Во секој случај, отворена е можноста и постои таква пракса и гледате, еве скоро цел мандат одложено гласање поради калкулација на пратениците со кворумот – додава Џафери.

Џафери не одговори директно до кога може да се одложува гласањето во првата фаза, односно за утврдување на потребата за носење на уставните измени, за да се стаса до ноември или до крајот на годината со уставните измени за да може да се отвори патот за одржување на втората меѓувладина конференција.

ДЕМОКРАТСКИ СОЈУЗ БАРА ПРАТЕНИЦИТЕ УТРЕ ДА ГО РАСПУШТАТ ПАРЛАМЕНТОТ Во рок од 60 дена би се одржале вонредни избори

The post ОПОЗИЦИЈАТА ЌЕ МАВТА СО ПЛАКАТИ И ЌЕ СВИРИ СО СВИРЧИЊА, ВЛАСТА ЌЕ СЕ ПЕЊАВИ СО „ОСВЕСТУВАЧКИ“ ГОВОРИ Уставните измени влегуваат во финале, но што ако биде нерешено? appeared first on plusinfo.mk.

Вака, дел од политичките аналитичари со коишто разговараше Плусинфо го коментираат потегот на Али Ахмети на своите министри да им нареди „оставки во најава“ во пресрет на главното гласање од кое ќе зависи дали Бугарите ќе влезат во македонскиот Устав.

Други, пак, сметаат дека станува збор за класичен политички блеф на Ахмети, бидејќи, како што посочуваат, ако ДУИ навистина се грижеше за иднината на државата, немаше во изминативе години да биде поврзувана со илјадници скандали поврзани со криминал и корупција.

Сепак, има и такви кои сметаат дека потегот со депонирањето оставки е стратешки и храбар потег на Али Ахмети, бидејќи, како што велат, првиот човек на ДУИ на овој начин ги жртвува сегашните интереси и позиции на партијата само со цел да не ѝ се случи нова блокада на државата.

Приказна за мали деца

Поранешниот министер за финансии Џевдет Хајредини вели дека потегот на ДУИ претставува приказна за мали деца во којашто верува единствено премиерот Димитар Ковачевски.

Многу е лошто тоа што во целата оваа игра на Ахмети учествува и премиерот Димитар Ковачевски, а јас се изненадив кога разбрав дека премиерот искрено верува дека потегот на ДУИ е во интерес на државата и дека на овој начин ќе се убеди опозицијата да гласа за уставните измени.

Џевдет Хајредини Поранешен министер

– Без сомнение, целта на Али Ахмети е да го сврти вниманието на граѓаните од сите тие скандали што секојдневно се откриваат за функционери од ДУИ. Многу е лошо тоа што во целата оваа игра на Ахмети учествува и премиерот Димитар Ковачевски, а јас се изненадив кога разбрав дека премиерот искрено верува дека потегот на ДУИ е во интерес на државата и дека на овој начин ќе се убеди опозицијата да гласа за уставните измени. Тоа е апсурд. Секако, опозицијата може да се предомисли и да гласа за уставните измени, но тоа сигурно нема да го стори само затоа што министрите од ДУИ ги депонирале оставките. Ова е најобична приказна за деца во којашто верува единствено премиерот Ковачевски – коментира Хајредини.

Тој смета дека владината коалиција е притисната во тесно во поглед на уставните измени.

– Не им е баш удобно на фотелјите, бидејќи притисокот од меѓународните партнери е прилично висок. И на евроамбасадорот Дејвид Гир, и на американската амбасадорка Анџела Агелер, им е јасно какви игри игра власта, но друг излез очигледно не постои. Ситуацијата е прилично сериозна – изјави Хајредини.

Втор дел од претставата

Уште кога се организираше последната лидерска средба кажав дека ни се случува еден голем театар, а сега, со депонирањето оставки на министрите од ДУИ ќе кажам дека само ни се прикажува вториот дел од претставата, коментира политичкиот аналитичар Синиша Пекевски.

Не сфаќаат дека македонскиот народ е против уставните измени и тука нема простор за дискусија

Синиша Пекевски Политички аналитичар

– Во тек е втората епизода, односно вториот дел од претставата поврзана за уставните измени. Постои само глума и обид за одвраќање на вниманието на македонската јавност. Земјава се соочува со еден куп предизвици и проблеми: црни листи, задолжувања, договорот со „Бехтел и Енка“, неможност да се придобијат доволно пратеници за двотретинско мнозинство… На овој начин владината коалиција сака да ни каже дека е конструктивна и дека мисли само на Македонија, а всушност сето ова е една најобична лага и правење театар. Оти, ако тие навистина се грижеа за иднината на земјава, сите тие проблеми што ги спомнав погоре веќе одамна ќе беа решени – истакна Пекевски.

На прашањето дали ваквиот потег на ДУИ ќе го фрли во тесно лидерот на опозициската ВМРО-ДПМНЕ, Христијан Мицкоски, тој вели дека првиот човек на опозицијата нема да претрпи никаков притисок.

– Јасно е дека Мицкоски нема да претрпи никаква штета и нема да почувствува никаков притисок. Едноставно, кога 99 проценти од македонскиот народ е против уставните измени, јас не гледам зошто Мицкоски би бил фатен во тесно. Небулозите од типот на руски ботови и руска пропаганда е само мачкање очи и давање некакво алиби пред странските партнери дека руските тајни служби имаат некакво влијание во Македонија. Не сфаќаат дека македонскиот народ е против уставните измени и тука нема простор за дискусија – рече Пекевски.

Последен очаен обид на власта

Политичкиот аналитичар Благојче Атанасоски во изјава за Плусинфо вели дека потегот на ДУИ со депонираните оставки е последен очаен обид на власта да ја убеди опоизицијата да гласа за уставните измени.

– Едноставно, таканаречените условени оставки од министрите на ДУИ претставуваат последен очаен обид да се направи некој политички скок и да се натера опозицијата и лидерот на најголемата опозициска партија Христијан Мицкоски да дојде на „владина воденица”. Во овој момент, кога сме влезени во тотален цајтнот, мислам дека само неверојатен и жесток притисок од високата американска дипломатија и надворешна политика може да ја смени тврдокорната политика на опозицијата и во последен момент да ја смени одлуката за 180 степени. Во дадениов момент, ДУИ е целосно ирелевантна во овие политички пируети околу уставните измени, бидејќи може само дополнително да го изиритира лидерот на опозицијата кој има инфантилно и нестабилно политичко однесување, односно може да промени сериозна и по иднината на државата исклучително важна одлука, со дијаметрално спротивен ракурс во рок од едно деноноќие – коментира Атанасоски.

Јас сепак мислам дека одиме кон неизгласување на уставните измени, додава тој, единствено ако не се случи чудо во „5 до 12“.

– Може да се случи Македонија да влезе во уште една перпетуирачка политичка криза на која нема да ѝ се знае крајот, а на крајот цената за продолжување на евроинтегративниот процес да ја платиме многу пати повеќе од оваа цена со влезот на Бугарите во Уставот, како веќе нешто видено и доживеано на наша политичка кожа во изминатите три децении на независност – изјави Атанасоски.

Стратешки потег

Новинарот и аналитичар Џелал Незири, пак, смета дека потегот со депонирањето оставки е стратешки потег на Али Ахмети.

Со врачувањето на условните оставки ДУИ практично го прифаќа условот на ВМРО-ДПМНЕ и ја префрла топката на другата страна на теренот. Мицкоски сега нема да има аргументи како да ги отфрли уставните измени

Џелал Незири Аналитичар

– Сега целиот товар за уставните измени паѓа на грбот на опозициската ВМРО-ДПМНЕ, па затоа сметам дека овој потег на Али Ахмети е прилично храбар, бидејќи на некој начин ги жртвува сегашните интереси и позиции на партијата само со цел да не се случи нова блокада на државата. Впрочем, ова го бараше лидерот на ВМРО-ДПМНЕ, Христијан Мицкоски – широка влада без ДУИ до наредните избори. Со врачувањето на условните оставки ДУИ практично го прифаќа условот на ВМРО-ДПМНЕ и ја префрла топката на другата страна на теренот. Мицкоски сега нема да има аргументи како да ги отфрли уставните измени – изјави Незири.

Од владејачката СДСМ велат дека сега се исполнети сите услови што ги постави опозиционерот Мицкоски, па сега останува на него да одлучи дали ќе избере ЕУ или изолација.

„Ставајќи го државниот пред партискиот интерес ДУИ покажа одговорност кон врвната стратешка цел, европската иднина на земјата и сите наши граѓани. Со одлуките на Централниот одбор на СДСМ, како и со последната одлука на ДУИ, исполнети се сите услови кои ги поставуваше Мицкоски за ВМРО-ДПМНЕ да поддржи уставни измени, вклучително и Влада без ДУИ. Сега, на потег е Мицкоски да покаже дали има државнички капацитет, дали му е важна европската иднина на земјата или се грижи само за својата фотелја во Белиот дворец. Членството во ЕУ е врвна стратешка цел поставена уште пред 32 години, не е борба за власт туку борба за иднината на државата и од тоа СДСМ нема да отстапи. Гласот за уставните измени е глас за Европа, за полноправно членство во ЕУ. Мицкоски и ВМРО-ДПМНЕ имаат шанса, наместо да ја блокираат, да ја поддржат македонската иднина во Европа“, соопшти СДСМ.

Чист блеф

Реакција пристигна и од ВМРО-ДПМНЕ, а оттаму велат дека понудените оставки на министрите на ДУИ се чист блеф.

Ги охрабруваме министрите, посебно овие од ДУИ кои депонираа оставки, да се охрабрат уште малку и да ги активираат.

ВМРО-ДПМНЕ

„Доколку тие имаат чесна намера да си поднесат оставки, тоа ќе го направеа во единственото можно место, а тоа е Собранието. Јасно е дека функционерите избрани од Собранието можат да поднесат оставки само до Собранието, а не до својот вистински шеф Али Ахмети или до т.н. премиер Ковачевски. Но, добро е што ДУИ започна да се подготвува за падот на оваа влада. Нека ги активираат оставките, па да одиме на брзи избори. Ги охрабруваме министрите, посебно овие од ДУИ кои депонираа оставки, да се охрабрат уште малку и да ги активираат. Убаво ќе биде да се соочат со народот поскоро и да видат што мисли тој за нивната работа“, соопшти ВМРО-ДПМНЕ.

Слично мислење дели и лидерот на Демократски сојуз, Павле Трајанов, кој му порача на министерот за надворешни работи Бујар Османи од ДУИ прв да ја активира оставката.

– ДУИ како партија е најодговорна за криминализација на државата, блокада на реформите на судскиот систем, злоупотребата на Бадентер и Балансерот, огромниот број промашени капитални инвестиции, како и колапсот на државните институции, се доволни причини за повлекување од власта. ДИУ, заедно со Маричиќ и Ковачевски, ја води надворешната политика, која ги загрози евроинтеграциите со прифаќање на неоснованите барања на Бугарија и нивно вградување во преговарачката рамка, посебно за промената на Уставот и историските и образовни прашања, без при тоа да се направат пошироки консултации. За почеток, од функцијата треба да се повлече Бујар Османи, кој со своите одлуки директно ги загрози националните интереси на Македонците, но и на другите граѓани, а ги загрози и европските перспективи на Македонија – порача Трајанов.

The post ПОЛИТИЧКИ БЛЕФ, ЕВТИН ТРИК ИЛИ ХРАБАР ПОТЕГ? Одлуката на Ахмети ја збуни, ама не ја изненади јавноста appeared first on plusinfo.mk.

Политичките аналитичари со коишто разговаравме велат дека не би посакале сега да се во кожата на Али Ахмети, кој, како што велат, и покрај тоа што ужива огромна почит како искусен политичар, свесен е дека на неговата партија ѝ се подготвува тежок удар.

Од друга страна, пак, партиите кои го сочинуваат албанскиот опозициски блок со душа го чекаат формирањето на новото политичко движење и воопшто не ја кријат желбата за целосно обединување во борбата против ДУИ.

Изет Меџити, пратеник од ДУИ и предводник на „огнената група“, вчера најави дека ќе формира политичко движење во кое веќе се вклучени тројца пратеници од редовите на ДУИ, но и многу други лица кои дале оставка од партиските функции.

Тој кажа дека официјалното формирање на новата политичка партија ќе се случи на 13 август, а исто така најави и учество на неговата партија на следните парламентарни избори.

Нам ни треба спас

Формирањето нова политичка партија претставува сериозен предизвик за политичкиот амбиент во државата, која веќе како да се навикна на еднопартиски систем кај Албанците, коментира за Плусинфо професорот Мерсел Биљали.

Веќе подолг период се движиме кон работ на длабок опасен кањон кајшто можеме сите да паднеме. А многумина веќе се паднати. Не можете на ѓаволот да му служите, а Бога да не го налутите

Мерсел Биљали Универзитетски професор

– Ако се ставиме во улога на неутрален набљудувач третирајќи ги институциите според резултатите, тогаш ќе се согласиме дека состојбата во државата ни е хаотична скоро во сите области. Ние веќе наликуваме на Никарагва или на Доминиканска Република, кајшто злото е трајно, а надежта е убиена. Додека кај македонскиот блок одговорноста за ваквата состојба ја имаат двете главни партии, кај албанскиот блок секогаш на власт била ДУИ. Дури состојбите во повеќето области се многу полоши отколку кај македонскиот блок. Опозициските партии често биле водени од маргиналци. Партиската улога кај нив се сведе на желба на два-тројца челници за празно себевладеење. Логиката „штом станав пратеник тоа е добро, и тогаш на сите им е добро“ е злобна и примитивна оти овозможила двесетгодишно еднопартиско владеење кај Албанците. И сега гледаме до кај стасавме. Некој за ова може да се смее до солзи, но штом ќе му престане смеењето ќе му преостанат само солзите. За жал, стасавме до злоупотреби кои ќе бидат меморирани со црнило низ историјата. Појавувањето на нов субјект кој произлегува од таквото незадоволство во рамките на ист организам, најверојатно многу нешта ќе промени – објаснува Биљали.

Но, посочува тој, тоа не значи дека ќе биде лесна победата.

– Ние имаме бројни мали партии кои слабо се снаоѓале, дури и ги попречиле и сопствените реформи. Функционирале и сѐ уште тоа го прават без визија, без професионализам, дури без програма. Едноставно се молеле за власт како Индијанците за дожд. Тука не можете да очекувате повеќе од ништо. Но, новата опција, колку што јас знам, има бројни експерти-консултанти, дури и од странство и претпоставувам дека ќе ни се презентираат со нивната визија за спас. Оти нам најпрво ни треба спас, бидејќи веќе подолг период се движиме кон работ на длабок опасен кањон кајшто можеме сите да паднеме. А многумина веќе се паднати. Не можете на ѓаволот да му служите, а Бога да не го налутите – вели Биљали.

Нови усти за хранење

Политичкиот аналитичар Синиша Пекевски не очекува позитивен политички бенефит за Македонија како држава, бидејќи, како што вели, албанските партии веќе се насочија кон остварување на теснопартиски и национални интереси поврзани исклучиво за Албанците.

Борбата на секоја политичка партија на Албанците е да дојде на власт и да владее унитарно. Сите се изменија во власта, а никаква промена не направија. Секоја од сегашните опозициски партии од албанскиот блок има соработувано со ДУИ

Синиша Пекевски Политички аналитичар

– Реално, ниту една политичка партија од албанскиот блок не се залага за владеење на правото, за враќање на младите, за надминување на корупцијата, сите го поддржаа договорот со „Бехтел и Енка“ и воопшто не разговараат на други теми освен да ја симнат ДУИ од власт. Сѐ е само за личен бенефит и затоа не очекувам нешто драматично да се смени откако ќе се појави и новата партија што ја најави Изет Меџити – објаснува Пекевски.

На прашањето дали Меџити има сила да го турне Али Ахмети, тој вели дека почитта кон лидерот на ДУИ е преголема и дека никој нема да се осуди директно да удри по него.

– Сѐ уште постои огромна почит кон Ахмети и верувам дека целата борба всушност е насочена кон младите сили на ДУИ. Сметам дека борбата ќе се води со Артан Груби, со Крешник Бектеши, Фатмир Бесими, Јетон Шаќири, и со сите оние кои припаѓаат на новиот бран политичари во ДУИ. Според мене, Али Ахмети не е загрозен во ниту една варијанта. Потегот на Меџити секако дека значи удар врз ДУИ, но сметам дека сѐе промислено и добро анализирано, бидејќи Ахмети ништо не остава на случајноста. Секако дека ќе се случат некои судари внатре во партијата и ќе се намали бројот на пратеници на ДУИ, но за нас како држава тоа нема ништо да значи. Единствената промена ќе биде тоа што ќе има нови гладни усти кои ќе се пазарат со власта. За секој нов закон нема да се преговара само со ДУИ, туку ќе се преговара и со новата политичка партија на Меџити која најавува повеќе пратеници во своите редови. Тоа значи дека на Владата ќе ѝ се наметнат нови усти за хранење – вели Пекевски.

Тој не верува дека е можно обединување на албанскиот опозициски блок.

– Не е можно такво нешто и ние веќе еднаш видовме дека тоа не функционира. Борбата на секоја политичка партија на Албанците е да дојде на власт и да владее унитарно. Сите се изменија во власта, а никаква промена не направија. Секоја од сегашните опозициски партии од албанскиот блок има соработувано со ДУИ – потсетува нашиот соговорник.

Вториот против првиот

Најавата на Изет Меџити за формирање нов политички субјект треба да оди во насока на формирање и окрупнување на целиот албански опозициски блок да биде против ДУИ, за да може единствено така да ги порази Ахмети и ДУИ, коментира аналитичарот Благојче Атанасоски.

– Досега, ДУИ и Али Ахмети беа неприкосновени во т.н. албански политички блок, меѓу другото и поради разединетоста на албанскиот политички блок, поради лични суети и Донтовиот изборен модел, албанскиот опозициски глас беше фрагментиран и невалоризиран. Па оттука и со притисоци и со поткуп, ДУИ владее(ше) повеќе од две децении. Меѓу другото, на релевантни политички анкети, по лидерот Ахмети, најголем рејтинг во ДУИ покажува Изет Меџити кој е поранешен градоначалник на Чаир во три мандати, и кој црпи сила и легитимитет особено во скопскиот регион и крило на интегративците. Актуелниот градоначалник на Чаир, Висар Ганиу, е под негова контрола, исто и неколкумина пратеници, што значи веќе има политичка сила Меџити без да има формирано политичка партија – вели Атанасоски.

Доколку Меџити направи структури, доколку ја обедини етничкоалбанската опозиција и ако направи кампања за привлекување на целиот опозициски глас на Албанците, тогаш има шанси ДУИ да биде поразена на избори, или во најмала рака да биде изедначен резултатот.

Благојче Атанасоски Политички аналитичар

Доколку направи структури, доколку ја обедини етничкоалбанската опозиција и ако направи кампања за привлекување на целиот опозициски глас на Албанците, додава тој, тогаш има шанси ДУИ да биде поразена на избори, или во најмала рака да биде изедначен резултатот.

– Од овој момент, се разидоа предводниците на т.н. „огнена група“. Изет Меџити си го фаќа својот сопствен политички пат на формирање и легитимирање на политички/партиски субјект со кој ќе излезе на избори да го бара легитимитет на гласачите, додека Блерим Беџети, Муса Џафери и Невзат Бејта ќе продолжат да бараат внатрепартиски реформи во ДУИ, без да учествуваат на избори. Ќе видиме до кога ќе успеат во таа намера или ќе му се приклучат на Изет Меџити еден по еден во иднина – коментира аналитичарот.

Раце широко отворени

Поранешниот член на Беса, во моментов независен пратеник, Кастриот Реџепи, веќе потврди дека ќе биде дел и основач на политичко движење на чело со Меџити.

– Го поддржав во текот на новиот процес, да речеме на неговата внатрешна политичка војна, исто така ќе продолжам да го поддржувам на неговиот пат и најверојатно ќе бидам и еден од основачите на новото политичко движење – изјави Кастриот Реџепи.

Уште еден независен пратеник, Скендер Реџепи-Зејд вели дека нема никаква пречка за соработка со Меџити во рамки на новото политичко движење.

Го поддржав во текот на новиот процес, да речеме на неговата внатрешна политичка војна, исто така ќе продолжам да го поддржувам на неговиот пат и најверојатно ќе бидам и еден од основачите на новото политичко движење

Кастриот Реџепи Независен пратеник

– Имам одлична комуникација со Изет Меџити, исто како што имам и со другите политички субјекти. Сепак, конечната одлука ќе ја донесеме откако ќе го одржиме планираниот Народен конгрес – изјави Реџепи-Зејд.

И од партијата на Билал Касами, Беса, потврдуваат дека се во комуникација со поранешниот член на фракцијата на ДУИ, Меџити.

– Отворени сме за разговор, имаме комуникација со членовите на „огнената група“ кои сега сакаат да основаат политички субјект. За натамошните чекори ќе ве информираме навреме – велат од Беса.

Од партијата на Африм Гаши, Алтернатива, пак, коментираат дека сега е време за силна опозициска соработка.

– Подготвени сме за соработка со сите политички субјекти од албанската опозиција кои изразуваат подготвеност за формирање широк опозициски фронт во функција на позитивни измени на албанската политичка сцена. Дојде време Албанците да се ослободат од корумпираните политики на партиите „Соравија“ и да се спасат од политичарите „нон-грата“ – велат од Алтернатива.

Инаку Беса и Алтернатива веќе одржале средби за формирање на опозицискиот фронт.

МЕЏИТИ ДОБИВА ЗАСИЛУВАЊЕ Еден од основачите на новата партија ќе биде и Кастриот Реџепи

„ОГНЕНИТЕ“ ФОРМИРААТ ПОЛИТИЧКА ПАРТИЈА Меџити очекува од граѓаните да предложат име

The post МЕЏИТИ САКА ДА ГО СРУШИ АХМЕТИ БЕЗ ДА ГО ПИПНЕ?! Новата политичка партија ќе ѝ нанесе тежок удар на ДУИ appeared first on plusinfo.mk.

– Собраниската процедура за уставните измени да започне и без обезбедено двотретинско мнозинство – порача шефот на државата.

Дел од политичките аналитичари со коишто разговараше Плусинфо сметаат дека ваквата изјава на претседателот не претставува ништо друго освен најава за силен притисок и за уцени што наскоро ќе бидат извршени врз пратениците од опозицијата за да гласаат за уставните измени.

Други, пак, не гледаат ништо спорно и проблематично во изјавата на Пендаровски, туку напротив, како што појаснуваат експертите, советот на претседателот е да не се губи време со лепење етикети врз луѓето, но и да се отвори некаква дебата којашто ќе нѐ доведе до решение.

Во меѓувреме, раководството на најголемата опозициска партија во земјава ВМРО-ДПМНЕ веќе почна да се жали дека притисокот врз пратениците е пуштен на најјако.

Ни вршат сериозни притисоци

Лидерот на опозициската ВМРО-ДПМНЕ, Христијан Мицкоски, директно го обвинува премиерот Димитар Ковачевски дека оди по странски амбасади и ги моли амбасадорите да извршат притисок врз пратениците од опозицијата за да ги изгласаат уставните измени.

Точно е дека имаме сериозни притисоци за прифаќање на бугарскиот диктат. Мислат дека со повици за средби, со поединечни разговори ќе попуштат пратениците на ВМРО-ДПМНЕ и коалицијата.

Христијан Мицкоски ВМРО-ДПМНЕ

– Наместо да работи на гаранции за Македонија, премиерот оди по амбасади и коленичи и моли да го притискале ВМРО-ДПМНЕ, да правеле притисок врз ВМРО-ДПМНЕ да попушти. Наместо да штити државни интереси и да бара гаранции Македонија да не биде понижена, Ковачевски оди и моли да има притисок врз нас за да го прифатиме неприфатливото. Секогаш сум бил искрен, и наспроти сите политичари познати од лошото искуство и минато на нашиот народ кои лажеле за состојбите во кои се наоѓаме, секогаш ја кажувам вистината. Точно е дека имаме сериозни притисоци за прифаќање на бугарскиот диктат. Мислат дека со повици за средби, со поединечни разговори ќе попуштат пратениците на ВМРО-ДПМНЕ и коалицијата. Но, и пратениците на ВМРО-ДПМНЕ, исто како и јас, единствено што сме должни е да го слушаме народот на Македонија – порача Мицкоски.

Тој посочи дека од власта се поклонуваат пред канцеларии и кодошат по амбасади, додека, пак, опозицијата единствено му се поклонува на народот.

– По линија на помал отпор за да останат на власт, поисплатливо им е да го губат достоинството и да газат по Македонија. Јас  и пратениците на ВМРО-ДПМНЕ и коалицијата, единствено се поклонуваме и го слушаме народот. И никогаш, повторувам никогаш, нема да прифатам да се свитка кичмата на Македонија. Пратениците на ВМРО-ДПМНЕ се со народот на Македонија и секој еден од нив, секој еден пратеник на ВМРО-ДПМНЕ и коалицијата ја има мојата поддршка да истрае. Да го слуша народот и да биде на страната на Македонија. Секој еден пратеник, ја има огромната поддршка од граѓаните да истрае во оваа наша битка – порача Мицкоски.

Мицкоски додаде дека повеќе од 80 проценти од македонскиот народ е против прифаќање на бугарскиот диктат.

Никаква провокација

Поранешниот претседател на Собранието, Тито Петковски, пак, вели дека изјавата на Пендаровски не била злонамерна и дека целта на шефот на државата била да се забрза процесот.

– Не треба да го губиме времето со лепење етикети врз луѓето – дали се проевропски или контраевропски настроени. Токму тоа сакаше да го каже претседателот Стево Пендаровски кога порача уставните измени да влезат во собраниска процедура и покрај тоа што власта нема двотретинско мнозинство. Оти, кога ќе се случи тоа, веднаш ќе се види кој и каде влече, но и конечно ќе ни биде јасно дали Македонија воопшто има капацитет за да направи уставни измени. Едните сега велат дека можат да обезбедат двотретинско мнозинство, а другите, пак, тврдат дека нема шанси да се случи такво нешто. Затоа, нека влезат уставните измени во Собранието, па да видиме кристално јасно како стојат работите, дали имаме моќ да го промениме Уставот или ќе треба да се менува целата тактика – објаснува Петковски.

Претседателот на државата беше многу прецизен во своето обраќање, забележува Петковски.

– Да не се губи енергија за меѓусебно препукување и да не си лепиме етикети. Искрено, јас не гледам ништо лошо во советот од претседателот да не се губи време или да се отвори некаква дебата којашто ќе нѐ однесе до решение. И тука нема никаква провокација. Напротив, претседателот сака поскоро да излеземе на чистинка и конечно да ни стане јасно дали во Собранието има или нема поддршка за промена на Уставот – објаснува Петковски.

Да не си им во кожата…

Од друга страна, политичкиот аналитичар Благојче Атанасоски во разговор за Плусинфо вели дека притисокот на власта врз опозицијата е константен, но истовремено и таен.

Доколку не прифати да учествува во процесот, Мицкоски дефинитивно ќе биде етикетиран како човек кој одработува за руските интереси во Македонија, наспроти американските.

Благојче Атанасоски Политички аналитичар

– Притисокот врз пратениците од опозицијата е особено жесток од страна на американската надворешна дипломатија, која, секогаш кога ќе загусти, едноставно не бира методи, средства и начини како да ја оствари својата замислена цел. Во моментов, не би посакал да сум му во кожата на премиерот Димитар Ковачевски, но уште повеќе да не си му во политичката кожа на лидерот на опозицијата Христијан Мицкоски. Доколку не прифати да учествува во процесот, Мицкоски дефинитивно ќе биде етикетиран како човек кој одработува за руските интереси во Македонија, наспроти американските. Може да влече директно искуство од поранешниот грчки премиер Костас Караманлис и од поранешниот македонски премиер Никола Груевски, па да се потсети како завршија нивните политички кариери откако му се спротивставија на американскиот интерес во Македонија и во Грција, а со тоа и на поширокиот регион на целиот Балкан и Југоисточна Европа – вели Атанасоски.

Евидентно е дека во овој момент власта го нема потребното двотретинско мнозинство за да ги истурка уставните измени, а тоа значи дека власта е ставена пред свршен чин со преземената обврска, додава тој.

– Изјавите на американскиот висок претставник, на американската амбасадорка кај нас, но и на речиси буквално сите европски претставници одат во насока на тоа: прифаќање на Бугарите во Уставот, за продолжување на европските интеграции на Македонија. Уставните измени во Собранието би се гласале и без обезбедување на потребното двотретинско мнозинство со цел да се стави опозицијата пред свршен чин. Институционално да го прифати ,,европскиот пат“ или патот на Левица, согласно вордингот на власта. Но тоа крие и други ризици: обид за преповторување на т. н Преспанско сценарио, кога одметнати пратеници од редовите на опозицијата, ќе треба да бидат изложени на,, столбот на срамот” и да го направат потребниот цензус. Роковите течат, веќе сме влезени во фото-финиш, наскоро ќе ја видиме разрешницата на оваа нова македонска сага – објаснува Атанасоски.

The post ЧУМУ СОБРАНИСКА СЕДНИЦА БЕЗ ДВОТРЕТИНСКО МНОЗИНСТВО Што стои зад новата владина тактика за притисок врз „противниците на ЕУ“? appeared first on plusinfo.mk.

Ваквата споредба го пламна и така разгорениот пожар помеѓу двете соседни земји, а дел од домашните познавачи на состојбите веруваат дека потегот на премиерот всушност значи најава за поагресивен и похрабар пристап на Скопје во идните преговори со Софија.

Други, пак, тврдат дека храброста на премиерот Ковачевски на ваков дрзок начин да ѝ се спротивстави на Бугарија не е дел од државничката стратегија, туку, напротив, доаѓа од партиските кругови. Како што велат тие, владејачката елита во Македонија е веќе длабоко навлезена во предизборната кампања за парламентарните избори коишто треба да се одржат идната година, па агресивната реторика кон Бугарија претставува добитна комбинација како да се зграбат гласовите дури и од најразочараното гласачко тело.

Камен околу вратот

Поранешниот македонски амбасадор во Бугарија, Марјан Ѓорчев, во разговор за Плусинфо оценува дека вчерашниот офанзивен настап на премиерот Ковачевски не претставува ништо друго освен исполнување класична партиска програма.

И повеќе од очигледно е дека со новиот поофанзивен начин на делување, власта се обидува да ја зајакне својата позиција, оти веќе сме навлезени во предизборна година.

Марјан Ѓорчев Поранешен амбасадор на Македонија во Бугарија

– Се работи за класична партиска програма. Офанзивниот пристап на премиерот Димитар Ковачевски не е дел од државничката програма, односно стратегија за односите со Бугарија. Актуелната владејачка елита гледа дека најголемиот дел од македонскиот народ не може да прифати уставни измени со цел внесување на Бугарите во Преамбулата. Власта ги анализира и анкетите кои покажуваат дека македонскиот народ не е задоволен од досегашниот начин на водење на преговорите со соседите и дека за жива глава нема да прифати да го жртвува сопствениот јазик и идентитет само за да се задоволат апетитите на Бугарите. И повеќе од очигледно е дека со новиот поофанзивен начин на делување, власта се обидува да ја зајакне својата позиција, оти веќе сме навлезени во предизборна година. Според мене, преговорите со Бугарија остануваат статични и во никој случај не се динамични. Бугарија има непроменлива позиција, без разлика на тоа која политичка партија е на власт во Македонија. Нивната политика е константна и континуирана. Колку и да делуваме офанзивно, Бугарија ќе си стои на своето – објаснува Ѓорчев.

Тој вели дека е направен превид уште при изготвувањето на Договорот за добрососедство со Бугарија, бидејќи таму не се изземени стратешките македонски интереси во однос на бугарските стратешки интереси, па сега, како што посочува Ѓорчев, таа наша грешка ни виси како камен околу вратот.

– На 1 август ќе поминат точно 6 години од потпишувањето на Договорот за добрососедство со Бугарија, а ние не сме мрднале ниту еден милиметар. Напротив, работите се влошија со формирањето на културните центри во двете земји, односно со имињата на тие културни центри. Но, јас сметам дека актуелната владејачка елита ги има согледано сите тие наши грешки во изминатите 6 години и дека сега се обидува да се доближи до македонскиот граѓанин, оти ѝ се потребни гласовите. Власта е свесна дека не може да излезе на избори со 80% спротивставено гласачко тело, па затоа можам слободно да кажам дека премиерот со неговите потези веќе длабоко е навлезен во предизборната кампања. Ова, според мене, е добро спакуван лифтинг кој предвидува власта да биде поостра и да бара од Бугарите одредени промени во нивниот курс. Така што, вакви потези слични на оние вчерашните на премиерот Ковачевски можеме да очекуваме и во иднина – објаснува Ѓорчев.

Јамб во најава?

Политичкиот аналитичар Благојче Атанасоски, пак, вели дека е прилично изненаден од офанзивните и остри изјави на премиерот Димитар Ковачевски.

– Прилично ме изненади изјавата на премиерот, бидејќи досега и Ковачевски, но и неговиот претходник Зоран Заев, беа премногу внимателни во својот дипломатски вординг и реторика кога стануваше збор за меѓусебните односи со источниот сосед Бугарија, веројатно внимавајќи да не се загрози повисоката цел, а тоа е отворање на преговорите со Европската Унија. Се молчеше и кога од бугарска страна доаѓаа невидени навредливи тонови и изјави од нивните највисоки државни функционери (претседателот Румен Радев), од нивни европратеници (Андреј Ковачев и Ангел Џамбаски), лидери на парламентарни партии (Костадин Костадинов), со кои се поминуваа сите црвени линии на пристојното општење меѓу две држави и две нации. Сепак, доаѓа нов тон од нашите највисоки функционери, а ние засега не ја знаеме крајната цел на таквиот нов тон – вели Атанасоски.

Тој предупредува дека нашиот офанзивен пристап може директно да нѐ смести во бугарската стапица.

– Не сметам дека можеме да се поставиме на рамноправна основа и на тој начин да ги „вразумиме“ Бугарите, туку напротив, мислам одиме директно во нивната „стапица“. Едноставно, тие ќе добијат материјал за да можат да аргументираат пред европските бирократи зошто водат таква политика кон нас и да се правдаат зошто ја имале политиката на ветото. Од друга страна, пак, ова може да се протолкува и како зголемување на урнисаниот рејтинг на владејачката партија, особено по прашањето со источниот сосед, бидејќи, за волја на вистината, огромен дел од етничко македонскиот народ, не беше задоволен од попустливоста на нашите власти кон бугарските антицивилизациски и антиевропски политики и изјави. Прашање е дали сега може тоа да се поправи и да се зголеми рејтингот на таа основа, на една година пред редовните парламентарни избори, или сепак е јамб во најава за предвремени парламентарни избори оваа есен или кон крајот на годинава – објаснува Атанасоски.

Како се распали огнот?

До засилената реторика дојде откако премиерот Димитар Ковачевски го спореди дискурсот кој се користи во Бугарија кон Македонија со рускиот кон Украина, како одговор на бугарската потпреседателка Илијана Јотова и нејзиниот говор за „обесправените Бугари во Северна Македонијa“.

Според Ковачевски, обвинувањата од Јотова се целосно неосновани и доаѓаат од земја којашто не ги почитува пресудите на Европскиот суд за човекови права и стандардите на Советот во областа на човековите права.

Реакција веднаш пристигна од бугарското Министерство за надворешни работи кое ја оцени изјавата на Ковачевски како цинична и неприфатлива.

„Изјавата на Ковачевски, уште еднаш јасно го искажува вистинскиот однос на Скопје кон основните вредности на ЕУ“, се наведува во соопштението на бугарското МНР.

На изјавите на премиерот Ковачевски реагираа и бугарски пратеници кои порачаа дека е „неправда некој денес да се осмели да ги спореди со Руската федерација“.

Во расправијата се вклучи и бугарскиот претседател Румен Радев кој ѝ порача на македонската Влада дека ќе може да каже дека гради модерно мултиетничко општество тогаш кога ќе изнајде сили да ги впише „сонародниците на Гоце Делчев во својот Устав“.

На ваквата изјава возврати македонскиот премиер Димитар Ковачевски:

– Она на што ние работиме, бидејќи е формирана работната група, откако работната група ќе ги направи амандманите, значи дека наследниците на Гоце Делчев ќе ги вметнат сонародниците и наследниците на Радев во македонскиот Устав – изјави зајадливо Ковачевски.

Тензиите дополнително се зголемија откако на бугарскиот европратеник Андреј Ковачев не му беше дозволен влез во земјава. Во Скопје не пристигнал ниту бугарскиот европратеник Ангел Џамбаски, кој е познат по своите националистички испади дури и во Европскиот парламент, а кој требаше да учествува на состанокот на мешовитиот парламентарен комитет меѓу Македонија и ЕУ.

The post САМО ДРСКО СО БУГАРИТЕ И ПОБЕДУВАМЕ НА ИЗБОРИ Што всушност се крие зад храбрите изјави на Ковачевски? appeared first on plusinfo.mk.

Но, освен сатисфакцијата и задоволството кај албанскиот народ, што друго би се сменило во пракса? Што би значело бришењето на „20%“ ако се знае дека токму таа формулација произлезе од Охридскиот рамковен договор во 2о01 година и е направена во прилог на Албанците во Македонија?

Дали ако се изземе критериумот „бројност“, тогаш сите етнички заедници кои се и кои ќе бидат наброени во Преамбулата ќе добијат право за целосно јазично институционализирање?

Одговори на овие прашања побаравме од истакнати политичари, експерти, универзитетски професори, филозофи…

„20%“ е резултат на страв?

Поранешниот пратеник, министер за здравство и претседателски кандидат, Имер Селмани, за Плусинфо смета дека отстранувањето на формулацијата „20%“ ќе значи само затворање на еден процес кој е отворен пред повеќе од две децении.

Суштината е да не бидеме бројки или проценти, туку да се каже јасно и гласно дека се работи за албанскиот јазик. Ова е еден психолошки и емоционален момент

Имер Селмани Поранешен пратеник, министер за здравство и претседателски кандидат

– Кога пред дваесетина години се смени Уставот, веднаш по потпишувањето на Охридскиот рамковен договор, јасно беше дека формулацијата „20%“ се однесува на Албанците. Меѓутоа, во тоа време, поради сите компромиси што беа направени од една и од друга страна, веројатно се направила проценка дека директното внесување на албанскиот јазик во Уставот може да предизвика револт кај мнозинското македонско население. Затоа, свесно е направен тој компромис, знаејќи дека се работи за албанскиот јазик. Нема друг етникум во земјава којшто ни од далеку не брои 10%, а не, пак – 20%. А сега, кога ќе погледнеме од денешна перспектива, очигледно е дека и Рамковниот договор и Уставот се во голема мера исполнети. Така што, ова што сега се зборува, односно гласно се размислува или се предлага, не е ништо ново во смисла на практична примена, туку на некој начин ќе значи заокружување на еден процес кој е започнат уште пред 2 децении. Ако тогашните договарачи срамежливо ја создале формулацијата „20%“, сега веќе јасно им е на сите дека таа формулација се однесува на албанскиот јазик – посочува Селмани.

Единствената цел на тие што размислуваат за бришење на формулацијата „20%“, додава Селмани, е само еден континуитет во формално заокружување на тоа што е започнато во 2001 година.

– Суштински, ние имаме Закон за употреба на јазиците кој извира од Охридскиот рамковен договор, којшто, за жал, сѐ уште се потпишува како Закон на „20%“. И тука повеќе се гледа лошото чувство кај Албанците во земјава кои прашуваат „зошто треба да се срамиме“ и „зошто не се пишува албанскиот јазик кога сите знаеме дека формулацијата се однесува на албанскиот јазик“. Суштината е да не бидеме бројки или проценти, туку да се каже јасно и гласно дека се работи за албанскиот јазик. Ова е еден психолошки и емоционален момент – објаснува Селмани.

Процентот може да ни создаде проблеми

Професорот по уставно право на Универзитетот на Југоисточна Европа Јетон Шасивари за Плусинфо вели дека замената на формулацијата „20%“ со „албански јазик“ претставува формално и суштинско прашање.

– Од формален аспект, формулацијата „20%“ ќе се идентификува со конкретен јазик и писмо, а од материјален аспект ќе има влијание на употребата на албанскиот јазик во секојдневната практика. Од уставен аспект, сметам дека постојат услови да се извршат такви измени во нормативниот текст на Уставот. Условите се создадени во текот на изминатите 20 години и тука нема ништо страшно или непотребно. Добро е во Уставот да се внесе конкретен јазик и писмо, бидејќи формулацијата „20%“ во иднина може да создаде проблеми. Што ако по неколку години некој друг етникум го достигне процентот и би го исполнил уставниот услов за и тој јазик да биде службен јазик во Македонија? – забележува професорот.

Во споредбените уставни модели, посочува тој, многу голема реткост е процент да се употреби како формулација во Уставот.

– Вообичаено, јазикот и писмото влегуваат во Уставот и се идентификуваат под своето целосно име и презиме, а секако, се наведува и нивото на употреба – дали е јазик за службена употреба во рамки на државната власт или на локалната власт. Ова наше решение од пред 20 години е реткост, а самиот тој процес сѐ уште не е затворен. Сметам дека сега е време да се заврши таа работа – ни изјави Шасивари.

Џентлменски потег

Универзитетскиот професор, филозоф и публицист Ферид Мухиќ, во разговор за Плусинфо вели дека проблемот не е воопшто во опасноста дека утре може да се појави некој друг народ кој ќе го надмине процентот „20%“, туку проблемот е во промената на статусот.

Признавањето на албанскиот јазик е цивилизациски и џентлменски потег. Но, треба да се изнајде извесна формула која ќе го задржи мајоритетот на македонскиот јазик, бидејќи, за жал, колку и да е благородна идејата за билингвални заедници, сепак тоа води кон слабеење на внатрешната кохезија на кое било општество

Ферид Мухиќ Универзитетски професор, филозоф и публицист

– Со направената промена, согласно сите правни документи, албанскиот јазик станува рамноправен со македонскиот јазик. Затоа албанските политички партии инсистираат анонимната формулација „20%“ да се замени со албанскиот јазик. Таквиот потег нема да направи никаква штета, но затоа, пак, директно навлегува ви примарниот легат на државата. Проблемот е во статусот и автоматски се поставува прашањето дали освен име и презиме, албанскиот јазик во земјава ќе добие и рамноправен статус? И тука нема никаква конкретна штета. Има една психолошка афирмација, односно сатисфакција кај Албанците, но ќе има и незадоволство кај Македонците. Внесувањето на Бугарите, исто така, не е таксативно да ги спомнеме во Уставот, туку треба да ги признаеме како конститутивен народ. И јас не знам зошто постојано го кријат овој податок. Не е важно дали се тројца, 30 или 3.000 Бугари, ама кога ќе ги заведеш како конститутивен народ, тоа значи дека си им дал рамноправен статус. Тука лежи зајакот – вели Мухиќ.

Во однос на признавањето на албанскиот јазик, односно бришењето на формулацијата „20%“, Мухиќ смета дека тоа е еден фин и џентлменски потег без никакви комплекси и без претерана пречувствителност.

– Сите знаеме дека формулацијата се однесува на албанскиот јазик, па што е тука проблемот? Признавањето на албанскиот јазик е цивилизациски и џентлменски потег. Но, треба да се изнајде извесна формула која ќе го задржи мајоритетот на македонскиот јазик, бидејќи, за жал, колку и да е благородна идејата за билингвални заедници, сепак тоа води кон слабеење на внатрешната кохезија на кое било општество. Погледнете ги само САД, каде што живеат околу 20 милиони Руси, околу 35 милиони потомци на Германците, а да не зборуваме за Шпанците. Ама таму, секому му е дозволено да зборува на својот мајчин јазик, ама само дома. Правото на користење на свои јазици е цивилизациска придобивка, но оди на штета на интеграција и кохезивност на граѓаните во една држава – објаснува Мухиќ.

Да внимаваме со критериумот „бројност“

Политичкиот аналитичар Благојче Атанасоски смета дека отстранувањето на формулацијата „20%“ од македонскиот Устав не значи дека ќе ги зголеми јазичните права на Албанците во земјава, но, како што вели, бришењето на критериумот „бројност“ може еден ден да ни се удри од глава.

Многу поголем проблем е отстранувањето на критериумот „бројност“, бидејќи тоа и де факто е поништување на Охридскиот рамковен договор, бидејќи одредбата „20%“ е клучна за ползување на етнолингвистичките права

Благојче Атанасоски Политички аналитичар

– Веројатно се работи за некаква сатисфакција или, пак, за некое ново етничко барање на помалите етничко албански политички партии во Македонија, врз база на етнонационален предизборен популизам. Во суштина, бришењето на формулацијата „20%“ од Уставот нема да ги зголеми јазичните права на Албанците во земјава, ама е еден вид лингвистичка еквилибристика која во овој момент само ќе дотури масло на огнот, секако, доколку оди во пакет за менување на Уставот заедно со вметнувањето на Бугарите во него. Многу поголем проблем е отстранувањето на критериумот „бројност“, бидејќи тоа и де факто е поништување на Охридскиот рамковен договор, бидејќи одредбата „20%“ е клучна за ползување на етнолингвистичките права. Ако се изземе критериумот „бројност“, тогаш сите етнички заедници кои се и кои ќе бидат наброени во Преамбулата ќе добијат право за целосно јазично институционализирање – објаснува Атанасоски.

Тој појаснува дека самата формулација „20%“ е всушност измислена во полза на Албанците во Македонија.

– И не само за Албанците, туку и за сите други народи чија бројност изнесува над 20%. Сепак, тие 20% се и еден вид институционален фелер од Охридскиот рамковен договор, бидејќи, хипотетички гледано, ако на некој иден попис Албанците во Македонија паднат под 20%, дали тоа значи дека ретроактивно ќе треба да им се одземат сите досегашни стекнати права? Се разбира, сите знаеме дека во реалноста тоа не е возможно – вели Атанасоски за Плусинфо.

The post МОЖЕ ЛИ БРИШЕЊЕТО НА КРИТЕРИУМОТ „20%“ ДА НИ ГИ СМЕНИ ЖИВОТИТЕ? Со внесувањето на албанскиот јазик во Уставот ќе се заокружи процес стар 22 години appeared first on plusinfo.mk.