Во вечерашната емисија „Само вистина” на Канал 5 телевизија гостуваше пратеничката од редовите на ВМРО-ДПМНЕ, Благица Ласовска која истакна дека со иницијативата за формирање на Анкетната комисија ќе бидат утврдени околностите во постапувањето на институциите за трагедиите и несреќите во државата, како за последната во дискотеката Пулс, така и за Модуларната болница во Тетово, Дурмо турс и сообраќајната несреќа на Беса Транс.

– Денеска ние излеговме со предлог и доколку ние навистина сакаме и целата јавност да го расчистиме овој случај нека се допотпишат на нашата иницијатива и како зрели возрасни луѓе и политичари треба да ја одржиме таа Анкетна комисија бидејќи јавноста бара одговори за сите овие случаи и ние како општество генерално треба да дадеме одговори за сите овие случаи, каде затаил системот и кој бил виновен. Никогаш не е доцна да ги извадиме одговорите на површина и одговорноста – вели Ласовска.

Пратеничката Ласовска посочи дека целта не е политизација на трагедиите туку идентификација на вистинските виновници и порача дека Собранието има обврска да ги расчисти сите нејаснотии, бидејќи јавноста очекува одговорност и транспарентност.

– Сметам дека ние како Собрание мораме тоа да го направиме. Денеска ВМРО-ДПМНЕ, ВЛЕН и ЗНАМ излеговме со прес – конференција, немаме намера апсолутно никого да заштитуваме за една таква ужасна трагедија и колективна болка, нема потреба никого да криеме, напротив треба одговорите да ги виде јавноста. Не смееме ние како држава да дозволиме да има неодговорени прашања за вакви катастрофални состојби. Треба да бидеме заедно, да направиме заеднички заклучоци, се надевам тоа нема да биде дневна политика, ова трагедија не заслужува да биде дневна политика, ниту другите претходно. Треба на виделина да ги извадиме сите виновни – рече Ласовска.

The post СО АНКЕТНАТА КОМИСИЈА ЌЕ СЕ УТВРДИ КАДЕ ЗАТАИЛ СИСТЕМОТ Собранието има обврска да ги рачисти нејаснотиите appeared first on plusinfo.mk.

Ласовска посочи дека пензионерите од оваа временска дистанца можат да направат разлика колку вредела пензијата во времето на ВМРО-ДПМНЕ со методолошкиот услов, а колку вреди оваа пензија денес со двоцифрената инфлација и со голготата на иселување и стареењето на државата.

– Сакам да истакнам дека само што дојдоа на власт го тргнаа вториот услов, трошоците за живот и на тој начин наместо да се покачат пензиите, тие почнаа да се намалуваат, на нашето предупредување, на нашите амандмани, на нашето неколку пати повторено поднесување на истото законско решение дека ова не води кон ништо, туку води кон намалување на пензиите, дури имавме и интервенција законска кога се носеше законот за минимална плата, кажавме да, во ред се разбира треба да има минимална плата но во споредба со пензионерите кои се наши родители, луѓе кои го граделе општеството практично приоѓаат дискриминаторски. Ако има минимална плата тогаш мора да има и минимална пензија – рече Ласовска.

Таа потенцираше за тоа дека сите нивни заложби во Собранието на Република Македонија, дали тоа се законски проекти, амандмани во делот на носење на буџетски решенија, Буџетот како најстратешки документ во државата, сите до еден досега биле одбиени.

– Грабежот и душманското ништење на државата им е најважно. За овие 7 години направија јавен долг од 3 милијарди евра, еве кажете ми во што ги вложија? Во источна Македонија дали вложија во изградба на некој старечки дом? Се сели цела Македонија, младите буквално се прогонети, голем број од нив си одат затоа што не можат да живеат во системот, не заради економска сиромаштија. Кажете ми дали направија некој старечки дом, оставени се нашите родители, баби и дедовци сами да се грижат за своето здравје – изјави Ласовска.

Ласовска посочи дека пензионерите не се партии, но во власта постои коалициона партија на власта која се нарекува партија на пензионерите и ги злоупотребува пензионерите.

– Да одговорам на господинот Кире, вака иронично звучеше дека пензионерите нели не се партии, точно е тоа, но господине Кире за жал во коалицијата на власт има една партија која се нарекува партија на пензионерите и тоа е колега наш кој злоупотребувајќи го вашиот статус изградил сопствена кариера и гласа за таквите законски решенија кој на вас животот ви го прават онаков каков што ви е. Ова е за потсетување на пензионерите дека во коалицијата на СДС има партија која се нарекува партија на пензионерите и таа во ваше име гласа за законски решенија кој ќе ги сервира власта – децидна е Ласовска.

Таа додаде дека решението за достоинство на пензионерите е што побргу да дојде ВМРО-ДПМНЕ на власт каде ќе се донесат законски решенија со кои ќе се врати  достоинството на пензионерите.

– Решението е прво и пред се да ВМРО-ДПМНЕ како една партија која доаѓа од народот како една партија која докажала досега дека ги слуша сите групи во државата, вклучително и пензионерите што е можно побргу да дојде на власт, да донесеме законски решенија кои ќе претставуваат достоинство затоа што знам дека пензионерите во оваа трета доба се борат едноставно за достоинствен живот и тоа може да го остварите само исклучиво преку ВМРО-ДПМНЕ – заклучи Ласовска.

The post ВЕТУВАА ЖИВОТ ЗА СИТЕ, А НЕМА ЖИВОТ ЗА НИКОЈ Ласовска го посочи виновникот за ниските пензии на пензионерите appeared first on plusinfo.mk.

– Значи, прво сте станале функционер, а после вашата сопруга отворила фирма. Тоа не е незаконски, но моето прашање е колку е етички вашата сопруга да работи со фирма за енергетика во моменти кога на народот му е најлошо и дали имате некаков пример во светот за вакво нешто – праша Ласоска

Премиерот Ковачевски во одговор на нејзиното прашање рече дека секој граѓанин во државава има право да инвестира свои сопствени средства.

Ковачевски во одговорот наведе дека согласно со етичкиот кодекс на Владата и со Законот за спречување на корупција целиот негов имот и имотот на членовите на неговото семејство што гласат на нивно име, се пријавени во анкетниот лист во Државната комисија за спречување на корупцијата.

– Се обидовте да направите алузија дека се работи за наша инвестиција. Не, се работи за инвестиција на мојата сопруга што е дозволено според закон, и тие коишто инвестираат свои средства тие плаќаат и даноци, од коишто даноци земаат плата и јавната администрација и Владата и пратениците. Со оглед на тоа дека 12 години вие земате плата од такви какви мене и тие кои што инвестираат во приватниот сектор, тоа е за пофалба, за тие што платиле данок за пофалба и за вас што ви се платени и платата и придонесите и персоналниот данок од плаќачите на данок – рече Ковачевски.

The post КОЛКУ Е ЕТИЧКИ СОПРУГА НА ПРЕМИЕР ДА ИМА БИЗНИС СО ФОТОВОЛТАИЦИ? Пратеничко прашање до Ковачевски од пратеничката Благица Ласовска appeared first on plusinfo.mk.

– Со првиот од амандманите се бараше намалување на ДДВ од 18% на 5% за менструалните производи т.е. влошки, тампони и за менструални чашки. Овие производи треба да се оданочат на исто ниво како фармацевтските производи зашто претставуваат здравствена неопходност, а управувањето со менструалното здравје е едно од основните човекови права. Доколку амандманот беше прифатен ќе им се помогнеше на 400 000 жени во репродуктивен период кои заедно трошат годишно и над 100 милиони денари за оваа намена. Намалениот прилив по основ на ДДВ е незначителен споредено со можноста да се обезбеди еднаков пристап на сите жени до менструалните производи и со тоа да се подобрат нивниот живот и здравје. Би се ублажила женската сиромаштија и би се подобрила социо-економската положба на жените и на девојчињата. Девојчињата на училишна возраст непречено ќе учествуваат во својот образовен процес. Ќе се намали бројот на вагинални инфекции кај жените и кај девојчињата, а со тоа и трошоците на државата за третирање на потенцијални инфекции и болести – рече Ласовска.

На првиот ден од амандманската расправа за Буџетот за 2023 година беа разгледани само три амандмани и тие беа одбиени од власта. Останатите два одбиени амандмани се однесуваа на барањето на ВМРО-ДПМНЕ да се одложи прогресивното оданочување за уште една година и да се намалат акцизите на течните горива.

– Би сакала да информирам за една трагикомична ситуација во која пратениците од власта нѐ убедуваа дека со Буџетот за 2023 година не е предвидена даночна реформа, ниту пак во колкав обем ќе биде. Со денови Лукаревска наведува дека ќе се зголеми ДДВ-то од 5 на 18% за одредени производи, а листата се крие, никој не ја знае. Бектеши се фали дека после Нова година цената на струјата нема да се зголеми, туку ДДВ-то ќе се зголеми од 5 на 10%. Бесими вели дека има закон со кој почнува прогресивното оданочување. Колегите од мнозинството ниту знаат што зборуваат, ниту знаат што гласаат, ниту некој во партија ги смета за битни да ги извести што се планира – додаде Ласовска.

The post ПРАТЕНИЧКИТЕ ОД СДСМ ОДБИЈА ДА СЕ НАМАЛИ ДДВ НА ВЛОШКИТЕ Одбиен предлогот на ВМРО-ДПМНЕ за намалување на данокот на менструалните производи appeared first on plusinfo.mk.

Според неа, најголем дел од министрите остануваат и се продолжение на хибридниот режим кој беше поразен на локалните избори пред неколку месеци.

– Преговорите за оваа Влада не ги водеше Ковачевски, туку Заев. Ковачевски беше само статист. Најголема симболика за старо новата влада е есцајгот. Начинот на владеење на претходникот и останувањето на старите заеви кадри испраќа порака дека стариот монарх му ги предава златните лажици на новиот. Оттука и хедонистичка порака која вели дека од вашите пари, ние самонаречената елита, ќе ве ограбуваме, уживаме, ќе владееме, а вие, плебсот ќе тонете во сиромаштија, ќе гладувате, мрзнете и ќе молчите. А додека молчите и ги губите животите во распаднатите болници очекуваме аплауз. Ете зошто есцајгот е врв на иронијата, лудориите на старо новата власт – рече Ласовска.

Оттука, по падот на власта, додаде таа, треба да се продаде есцајгот на аукција како прибор од кој јаделе последните дикатори од СДСМ.

– Никола Димитров кажа дека дека нема доверба и бил сведок на спремноста на Заев и на Османи да попуштат во преговорите со Бугарија. На страна моето мислење за него, тој 5 години е дел од Владата, а 18 години дел од дипломатските процеси и ова не е само црвен аларм, туку е и голем пожар пред да биде фрлено чкорчето за тотално велепредавство – кажа Ласовска.

На мандатарот Ковачевски, таа му порача „да не ги применува струмичките прочитани финти и лаги и да најде заеднички јазик со опозицијата“.

Пратеничката на СДСМ Марија Георгиевска при реплика во врска со кредибилитет и легитимитет на новата Влада од собраниската говорница истакна дека во демократиите во светот неретко е власта на Владата да ја има една политичка опција, а опозицијата да ги добила локалните избори и никој не слушнал дека некој го оспорува легитимитетот.

– Лидерот на ВМРО-ДПМНЕ пред некое време најави дека ќе се обиде да формира ефикасна политичка влада, која ќе биде способна да ги решава предизвиците и тоа ќе го направи доколку биде сигурен дека тоа ќе биде влада со сериозен кредибилитет и влада со силни институции. Одговорете ми од каде ќе го извлече легитимитетот, а не беше на листите за парламентарни избори – реплицираше Георгиевска.

Таа нагласи дека владата ја гласа парламентарно мнозинство, кое де факто го има и не ретко се случува во владата да има коалиции, некој да ја напушти или некој да влезе.

The post ЗАБОРАВИ ГИ СТРУМИЧКИТЕ ФИНТИ Ласовска: Ковачевски нема легитимитет од избори, Георгиевска: Како Мицкоски ќе правеше влада без истиот легитимитет? appeared first on plusinfo.mk.

– Гласавме на пленарната седница за донесување на потребата од овие закони од причини што навистина веќе е крајно време училиштата да почнат со работа, но еве накратко да ги споменам забелешките од страна на ВМРО-ДПМНЕ, кои што детално ќе ги образложиме на Комисијата за образование и наука и на пленарната седница. Планот за одржување на наставата во основните и средни училишта во учебната 2020/2021 година во кој е предвидено далечинско учење е донесен пред донесувањето на законите што е крајно несфатливо и несериозно. Училиштата во голем број средини се без интернет и компјутери. За таа цел треба да се зголемат средствата за образование во општините. Дали се зголемени? Личниот и образовен асистент би требало да ги посетуваат физички, учениците со посебни потреби барем еднаш неделно за да се одржи континуитет и социјализација на учениците. За нив не се предвидени средства, ги плаќа UNDP, скромно. Како ќе ги обезбедат потребните средства? Зошто нема изработено скратена програма од Бирото за развој на образование и доставена до училиштата иако учебната година е скратена за еден месец. До каде е платформата која што од наши сознанија на прави ФИНКИ, како е платена или ќе се плати? Колку време ќе им треба на наставниците и децата да се обучат? Како наставниците ќе ги обучуваат децата за заштита од ковид-19, кога за тоа не се обучени ни тие самите? – рече Ласовска.

И, можеби едно од најглавните прашања, додаде таа, е дали оваа власт планира да направи скрининг на сите наставници, како што не направи на воспитувачите и негувателките, а ги отвори градинките.

– Значи, има голем број отворени прашања, нејасни прашања за коишто Владата не дава одговори, а денес, како што и сами гледате на седницата се доставени предлог-законите за основно и средно образование – истакна Ласовска.

The post Ласовска: Дали оваа власт планира да направи скрининг на сите наставници? appeared first on plusinfo.mk.

– Македонскиот идентитет не може да го договорат двајца луѓе затоа што тоа е прашање кое не засега сите нас. Ова се избори за Македонија, битка за нашиот опстанок, битка за унитарна Македонија, битка за Македонија каква што ја знаеме. Доста е од понижување и виткање на кичма исправи се Македонијо. Пред три години Заев се колнеше во неговата македонска жица, а потоа продаде се што е македонско. Чесно е од СДСМ да кажат на кои принципи се темели коалицијата БЕСА – СДС. Чесно е да кажете кој заеднички проекти ќе го спроведете заедно со БЕСА.  Што сте се договориле со БЕСА за Македонија. Изборни измами повеќе не ни требаат. Да не излезе покасно драги сограѓани дека не сме знаеле или не ни кажале. Еве ви кажуваме!

Пред три години од овој плоштад ветија дека можеле да го гасифицираат Свети Николе, но што испадна видовме дека тие не можат. Претходната влада на ВМРО-ДПМНЕ ја постави примарната мрежа низ општина Свети Николе, а идната влада на ВМРО-ДПМНЕ предводена од Христијан Мицкоски ќе ја доврши гасификацијата и секое домаќинство ќе добие бесплатен приклучок за природен гас. Многу ветува и затоа ќе заклучам коалицијата СДСМ – БЕСА едноставно не можат – рече Благица Ласовска. 

Таа додаде дека за ВМРО-ДПМНЕ земјоделието е стратешка гранка и затоа земјоделието има приоритет во програмата „Обнова на Македонија“.

– Ние посветено ќе работиме во исполнување на следните мерки. ВМРО-ДПМНЕ за прв пат ги воведе субвенциите за земјоделците и ќе продолжи со таа помош со 640 милиони евра. 80 милиони евра системи  за наводнување. Ова е особено важно за сите земјоделци кои мака мачат од април до август да ги наводнат посевите. Тоа се само мал дел од над 1000 проекти од програмата Обнова на Македонија. Со оваа програма се обврзуваме 20 проценти повисоки пензии, намалување на невработеноста под 10 посто со креирање на нови работни места. 0 проценти персонален данок за младите до 29 години. 1 денар од акцизата за нафтените деривати ќе оди за развој на спортот – истакна Благица Ласовска.

Ласовска се обрати кон жените и повика масовно да излезат на 15 јули.

– Гласајте за ВМРО-ДПМЕН затоа што во нашата програма ние сме еднакви ќе го исполниме се она што сме го ветиле еднаквост на жените и мажите. 40 проценти жени во извршната власт.Знам дека некои се разочарани и јас ги разбирам. Но што добивате ако сте нем посматрач на оние кои ве разочарале. Излезете и гласајте за Македонија. За вас, за вашите најмили. Ве повикувам на 5 јули уште рано сабајле да излезете и да заокружите број 15 со името на Игор Јанушев. Да покажеме дека верниот исток може да донесе 14 пратеници – повика Благица Ласовска. 

The post Ласовска до Заев: Чесно е да кажете, што се договоривте со БЕСА за Македонија? appeared first on plusinfo.mk.