Во едниот случај станува збор за четири килограми сребрен накит и бижутерија, што британски државјанин, инаку сопственик на продавница за накит, се обидел да ги изнесе од државата, без притоа да ја декларира стоката од комерцијален карактер кај царинските службеници. Накитот е откриен при контрола на рачниот и дополнителниот багаж, која е побарана од страна на царинските службеници по увид на билетот на патникот.

Во вториот случај, на влез во државата запленети се 123 парчиња сребрен накит откриени по контрола на патник, инаку турски државјанин, кој патувал од Истанбул.

Царинската управа и натаму во рамките на своите надлежности спроведува активности за поддршка на легалната трговија и сузбивање на сивата економија.

The post ЦАРИНАТА ЗАПЛЕНИ ПЕТ КИЛОГРАМИ НАКИТ Британец сакал нелегално да го изнесе, а Турчин сакал да го внесе во земјава appeared first on plusinfo.mk.