Неофицијално, службите за борба против организиран криминал при Бирото за јавна безбеднсот вечерва уапсиле актуелен директор на државна институција, фатен при барање и примање мито од, ни помалку ни повеќе, 50.000 евра.

Дали делувал сам или зад случајот стои поширока мрежа, ќе покаже официјалната истрага и информациите од надлежните институции.

Според неофицијални информации, станува збор за директорот на Државниот инспекторат за земјоделие, Васе Анакиев.

Оваа акција е дел од определбата да се води битка против корупцијата неселективно и непристрасно, неофицијално брифираат од органите кои ја спроведуваат акцијата.

The post ФАТЕН ПРИ ПРИМАЊЕ МИТО ОД 50.000 ЕВРА Уапсен директорот на Државниот инспекторат за земјоделие appeared first on plusinfo.mk.

Поранешни вработени во Бирото за јавна безбедност (БЈБ) заработија кривични пријави за ,,злоупотреба на службената положба и овластување при што го оштетиле буџетот за 53.900 евра, соопшти Министерството за внатрешни работи(МВР).

Според соопштението, во 2021 и 2022 година, првопријавената В.В., се сомничи дека додека била на функцијата помошник директор во БЈБ не спровела пресуди на надлежен суд, додека второпријавена В.Н., во својство на началник, не ги прочитала со внимание предусидте и не реагирала до првопријавената.

Се работи за пресуди со кои биле одлучено да прекинат договорите за вработување на две вработени лица во МВР, со што лицата продолжиле да работат.

„Со ваквото дејствие пријавените му нанеле значителна имотна штета на буџетот на Министерството за внатрешни работи на име на  исплатени плати и придонеси од работен однос на работниците на кои  согласно судските пресуди требало да им биде прекинат работниот однос во МВР во износ од 3.314.870 денари“, се вели во текстот.

Во соопштението се вели дека В.В. не постапила согласно своите надлежности на начин што не ја распоредила примената пошта, во случајот предметните пресуди, до надлежниот Сектор за управување со човечки ресурси и обуки во рамки на Одделот за заеднички работи и управување со човечки ресурси и не дала насоки да се постапи по пресудите, односно да се откажат договорите за работа на работниците, и покрај фактот што на критичните денови кога пресудите пристигнале во Одделот со кој раководела, истата била на работа и не дала овластување на друг работник да ја распоредува поштата.

Пресудите, се вели понатаму во текстот, биле заведени во Секторот за правни работи и заштита на лични податоци, кој немал надлежност да постапува по истите.

За второпријавената, екс-началничката В.Н., во написот се вели дека не реагирала до својата колешка:

„Второпријавената во својство на овластено службено лице  кога предметните пресуди пристигнале  во Секторот со која таа раководела, не ги прочитала со внимание и  ги предала да бидат заведени во Деловодникот на Секторот за правни работи и заштита  на лични податоци, без притоа  соодветно да реагира и да ги врати  пресудите до првопријавената, со цел да бидат проследени до надлежниот Сектор за управување со човечки ресурси и обуки заради постапување“.

Осомничените началничка и помошник директор во БЈБ денес се пензионирани работници. Тие работеле во Одделот за заеднички работи и управување со човечки ресурси.

The post ПРИЈАВА ЗА ЕКС-НАЧАЛНИЧКА И ПОРАНЕШЕН ДИРЕКТОР ВО БЈБ Задржале вработени на работа иако имале судска одлука да ги отпуштат appeared first on plusinfo.mk.

Министерот за внатрешни работи Панче Тошковски денеска во Музејот на македонската борба за самостојност се обрати на јубилејот 80 години од формирањето на Одделот за заштита на определени личности и објекти во рамки на Бирото за јавна безбедност при МВР.

Тошковски потенцирапе дека одделот ги влече своите корени од АСНОМ-ска Македонија кога со повелба е конституиран во 1945 година, а припадниците на одделот ги преку својата професионалност, будност, сила и неуморност секојдневно се грижат за безбедноста на определени личности, објекти како и заштита на критичната инфраструктура неопходна за функционирање на општеството.

„Припадниците на Одделот, од самото свое основање, до денес, биле и ќе бидат на првата линија на одбраната против сите форми на закани, следејќи ги сите европски и светски стандарди и можам да кажам дека имам само гордост за нивото на професионалност, одговорност, посветеност и интегритет кои постојано ги покажуваат во службата кон  министерството и државата, истакна министерот Тошковски“, соопштија од МВР.

Споменувајќи ги резултатите на работата на Одделот за заштита на определени личнисти и објекти, министерот нагласи дека само оваа година одделот има извршено обезбедување на 108 делегации  и 47 меѓународни и домашни манифестации за чија беспрекорна организација МВР добива честитки од меѓународните партнери и пријатели.

– Заради вас и ние сме посилни, и како држава и како општество. Преку врвната обука, прифатените високи стандарди на работа, постојаниот фокус и на најситните детали, вие сте нашиот тивок, невидлив, а непробоен штит и заштитник на македонското општество. Вие сте хероите кои работат од сенка, и како што вели и вашето мото СЕКОГАШ БУДНИ, го чувате дел од мирот и безбедноста на сите нас – потенцираше министерот Тошковски.

На манифестацијата беше презентирано новото лого на одделот со лав во средишниот дел кој традиционално е симбол на заштита и моќ со храброст, сила и одлучност, доделени биле плакети на пријателите и соработниците на одделот, а беше изведена показна вежба од страна на припадниците на Одделот за заштита на определени личности и објекти.

The post ЗАРАДИ ВАС СМЕ ПОСИЛНИ КАКО ОПШТЕСТВО И КАКО ДРЖАВА Oдделот за заштита на личности и објекти во БЈБ влече корени од АСНОМ-ска Македонија appeared first on plusinfo.mk.

Директорот на Бирото за јавна безбедност Александар Јанев денеска присуствуваше на презентација на работата на македонската полиција во изминатиов период.

– Преку дела, а не зборови, полицијата успеа да го намали вкупниот криминал за 6,5 %, за 25 % го намали бројот на кривични дела, а сузби и повеќе криминални групи. Ветивме и модернизиравме услуги од интерес на граѓаните, ја унапредивме меѓунардоната соработка со што значително ја зголемивме ефикасноста и капацитетот во решавање на безбедносни предизвици во глобални рамки – вели Јанев.

Во рамки на денешниот настан се одржа и третиот по ред караван „Од вас, за вас“, со кој според Јанев, ја доближуваат полицијата до граѓаните и создаваат услови за поблиска комуникација и интеракција во насока на зајакнување на неопходната доверба која е од заеднички интерес.

Нагласува дека и натаму приоритет останува стабилна и безбедна средина за сите граѓани, во која правдата и безбедноста ќе бидат гарантирани!

The post 📷 ПОЛИЦИЈАТА ГО НАМАЛИ КРИМИНАЛОТ ЗА 6,5% Јанев ги истакна достигнувањата во справувањето на криминалните банди appeared first on plusinfo.mk.

„Корупцијата за жал е составен дел насекаде, ние интензивно работиме на сузбивање корупција во сопствените редови, меѓутоа тоа не е доволно, треба да работиме и во останатите инстутиции, меѓутоа и да ги анимираме граѓаните да сфатат дека не е начин да дадеш нешто под рака за да можеш да оствариш некое свое право“.

Ова го истакна директорот на Бирото за јавна безбедност (БЈБ), Александар Јанев, на сесијата на Националната конвенција за Европска унија во Република Северна Македонија (НКЕУ-МК) за Поглавјето 24 „Предизвиците во борбата со финансискиот криминал во Северна Македонија: Важноста на ефикасните финансиски истраги“.

Јанев вели дека за да се докаже финансиски криминал, мора да се докаже целиот пат на парите, а за тоа од клучно значење е меѓуинституционална соработка, како и меѓународната соработка, која е најнеопходна, бидејќи, вели тој, криминалците најчесто парите ги вртат и преку повеќе земји од надвор.

Јанев посочи дека треба да се промени културата на живеење и дека мора да им се даде до знаење на сите дека тоа е нелегално и сето тоа не е здраво за нашето општество, а нивна цел, како што кажа, ќе биде да го намалат тоа или да ги минимизираат криминалот и корупцијата.

– Не е поентата само да ставиме во затвор некого, има нови трендови – разговаравме со француските и со италијанските колеги и тие велат дека џабе имаме ставено одредени криминални босови во затвор, новите трендови се тоа што тие анимираат луѓе однатре од затворот бидејќи имаат пари, а тие не им се секнати. Жално е, велат тие, што анимираат деца од 12-годишна возраст и нагоре да извршуваат дури и насилни дејствија, па дури и убиства, сето тоа тие го контролираат преку затворите, што е случај и кај нас, тоа е јавна тајна, нема што да го криеме. Тоа доведува до тоа кругот да не се затвори и не ставаме крај на одредени дјествија – вели Јанев.

Целта е, додаде, да го фатиме патот на парите, ама целта е и да ги замрзнеме имотите на криминалците.

–  Сум работел на неколку звучни случаи од минатото, „босот“ од Куманово Бајруш, таму замрзнавме одреден имот и одзедовме некој имот од страна, но не беше доволно. Мислам дека тој човек сега е надвор од затвор и повторно е активен во легалниот бизнис, што е легитимно. Меѓутоа, на крајот на денот, доколку ние сето тоа навреме сме го секнале, како што треба, немало да оставиме простор за повторно да генерираме одредени претпоставки за одредени илегални дејствија – истакна дирекотот на БЈБ.

Тој посочи дека една од алатките против корупцијата е воведување дигитализација.

– За МВР овде имаме два сегмента – ги воведуваме документ менаџер системот и кејс менаџмент системот, заедно со Финансиска полиција сме на иста платформа. Во самата алатка се создадени претпоставки да се вклучи и Обвинителство да ги следи работите на кејс менаџмент системот. Со оваа дигитализација, убеден сум дека нема да има веќе случаи во фиока, нема да има нарачки на случаи, нема да има монтирани случаи бидејќи алатката е и еден вид водич којшто ги расчленува битијата на кривичните дела внатре. Обвинителот од самото запознавање на случајот, ќе биде во тек со сето тоа, да ги знае силните и слабите страни на тој случај – рече Јанев.

Тој истакна како нова администрација мора да се стремат да изградат ефикансни, транспарентни и отчетни системи.

– Нашата мисија и визија е да бидеме транспарентни, не ние да владееме со народот, туку да му служиме на народот и интенцијата на нашето секојдневно работење е да работиме на превенција, а помалку на интервенција. Бидејќи ако влеземе во еден вртлог на неказнивост, вртлог на неоткривање на неказнивост… корупцијата е како малигно ткиво, а од нас зависи дали ќе им дозволиме да бидат бенингни или да бидат малигни – рече Јанев.

Во крајна линија, додаде Јанев, колку што сето тоа е важно за интензивирање на македонскиот пат кон полноправно членство во ЕУ, во иста мера е важно за воспоставување на владеењето на правото како врвен интерес на македонската држава и на нејзините граѓани, градење безбеден и сигурен општествен амбиент.

The post ЏАБЕ КРИМИНАЛНИТЕ БОСОВИ СЕ ВО ЗАТВОР, ТИЕ ОДНАТРЕ АНИМИРААТ ДЕЦА ДА УБИВААТ Се воведува нова алатка за гонење на криминалот appeared first on plusinfo.mk.

„Почитувани граѓани, фејсбук пријатели, сакам да ве информирам дека и јас, односно мојот официјален фејсбук профил како директор на Бирото за јавна безбдност на МВР, ја доживеа „честа“ да има свој “двојник“! Искрено говорејќи, како и повеќето од вас, и јас најостро ја осудувам појавата на креирање лажни профили, злоупотребата и манипулацијата со лични фотографии и податоци, тој најблаго кажано – крајно недоличен и законски недозволив начин на однесување во користењето на социјалните мрежи.

Секако случајот веднаш е пријавен не само заради заштита на мојот личен интегритет, туку и заради заштита на интегритетот на институцијата која што ја претставувам – македонската полиција – и на која што исто така ѝ се нанесува штета преку незаконското користење на фотографи, постови и информации.

Министерството за внатрешни работи врз основа на своите надлежности а согласно одредбите од Кривичниот закон на РСМ, член 149, поднесе извештај до ОЈО Скопје со што е започната постапката за откривањето на лицето кое што стои зад ова дело.

Сакам на крајот да упатам апел до сите корисници на социјалните мрежи дека сите ние сме должни да ги почитуваме и практикуваме веќе утврдените законски и регулаторни норми за употреба на социјалните мрежи. Точно е дека секој поединечен профил на некој начин го репрезентира личниот светоглед, личното сваќање и погледи на секој корисник, и тоа треба да биде така, но воедно точно е и дека тој, профилот, е и репрезент на нашата личната одговорност и совесност“, напиша Александар Јанев.

The post ДИРЕКТОРОТ НА БЈБ ИМА „ДВОЈНИК“ НА СОЦИЈАЛНИТЕ МРЕЖИ Некој лажно се претставува како Александар Јанев appeared first on plusinfo.mk.

Се плашат ли Ковачевски и Спасовски дека ДУИ ќе излезе од влада, па молчат за пукањето на заменик директорот на БЈБ, прашува ВМРО-ДПМНЕ.

Партијата, повикувајќи се на информации објавени во медиумите, наведува дека Ариф, заменик директор на Бирото за јавна безбедност, придружуван од уште едно лице по меѓусебна расправија со началникот на ЕБР Чаир, Едмонд Миртезани, се пресметале со пукање од огнено оружје.

„Зошто случајот и три дена откако се случил сѐ уште не е расчистен. И зошто не се преземени мерки за суспендирање на заменик директорот на БЈБ? Дали Спасовски и Ковачевски се плашат од ДУИ и само за да не излезат од влада, се спремни да премолчат секаков криминал и скандал? Спасовски исто како и Ковачевски е заробеник на ДУИ и желбата за власт“, се наведува во соопштението на ВМРО-ДПМНЕ во кое се додава дека се потребни предвремени парламентарни избори час поскоро.

The post СЕ ПЛАШАТ ЛИ ДЕКА ДУИ ЌЕ ИЗЛЕЗЕ ОД ВЛАДА? Од ВМРО-ДПМНЕ прашуваат зошто се крие за пукањето меѓу двајца полициски функционери appeared first on plusinfo.mk.