Кралицата на поп-музиката Madonna откри дека биографскиот филм за нејзиниот живот, кој подоцна не беше реализиран, можел да се снима во Србија.

Во разговор за проектот посветен на нејзиниот живот и кариера, Мадона објасни дека со години работела на сценариото и развојот на филмот во соработка со „Universal Studios“, но дека проектот на крајот пропаднал поради несогласувања околу буџетот.

– Требаше да снимам филм за мојот живот. Работев на сценариото две години и поминав уште две години во „Universal Studios“ со продуцентите кои работеа на буџетот и кастингот. Се расправавме за буџетот, бидејќи ми беше потребен. Имав извонреден живот, па ми требаше голем буџет – изјавила Мадона.

Таа открила дека во еден момент била разгледувана можноста снимањето да се пресели во Србија за да се намалат трошоците.

– Најдов начин да го направам тоа за помалку пари во Србија, но не мислам дека им се допадна идејата. Една од нивните први реакции беше: „Не веруваме дека би останале во Србија повеќе од четири дена“. Тогаш ги прашав: „Дали го прочитавте сценариото? Целиот мој живот беше борба за преживување. Не одам таму на одмор“ – рекла пејачката.

По пропаѓањето на филмскиот проект, како што објаснила, била контактирана од „Netflix“ со предлог нејзината животна приказна да биде преточена во серија.

– Бев во неизвесност кога проектот се распадна, а потоа ме контактираа од „Netflix“ кои сакаа да направат серија. Тоа беше сосема поинаков и долг процес, бидејќи не можев да го користам сценариото за „Universal“ освен ако не го купам од нив по многу висока цена, иако јас го напишав – изјавила Мадона.

Изјавата повторно го актуализира прашањето за биографскиот проект посветен на една од највлијателните музички ѕвезди во светот, чија кариера трае повеќе од четири децении.

The post „НЕ ВЕРУВАА ДЕКА ЌЕ ОСТАНАМ ПОВЕЌЕ ОД ЧЕТИРИ ДЕНА“ Мадона откри зошто пропаднал проектот во Србија appeared first on plusinfo.mk.

По бројните извештаи за проблематичната продукција, студиото „Лајонсгејт“ го објави првиот трејлер за биографскиот филм „Мајкл“, кој го режира Антоан Фукуа и го следи животот на кралот на поп-музиката, Мајкл Џексон.

Биографскиот филм за Мајкл Џексон кој го игра неговиот внук Џафар Џексон, син на постариот брат на Мајкл, Џермејн Џексон, го истражува патувањето на светската суперѕвезда до статусот на крал на поп-музиката, претставувајќи интимен поглед на животот и трајното наследство на еден од највлијателните уметници што светот некогаш ги познавал.

Продуцент е Грем Кинг, кој стоеше и зад „Боемска рапсодија“. Таткото на Мајкл, Џо Џексон, го игра Колман Доминго, а Мајлс Телер го игра адвокатот и советник на суперѕвездата Џон Бранка.

Првично беше најавено дека филмот ќе има премиера на 3 октомври 2025. Иако продукцијата на „Мајкл“ заврши во мај 2024, некои сцени беа преснимувани и холивудските медиуми пренесуваа дека филмот е поделен на два дела.

Сепак, и покрај шпекулациите дека проектот ќе биде поделен на два дела, трејлерот покажува дека сепак станува збор за еден филм.

Продуцентот Греам Кинг изјави дека филмот ќе го прикаже Џексон со човечка страна, без да се „исчисти“ неговата биографија:

– Мајкл имаше сложен живот. Сакам да ја прикажам највозбудливата и најнепристрасна приказна што можам, а публиката сама нека одлучи како ќе се чувствува по филмот.

Контроверзии повторно се појавија поради обвинувањата за сексуално злоупотребување на деца, кои беа обновени во документарецот „Leaving Neverland“ (2019) на Ден Рид.

Рид изјави дека сценариото за „Michael“ било „изненадувачки неискрено“ бидејќи, според него, ги игнорирало обвиненијата и тужителите.

Филмот ќе добие ново финале, бидејќи режисерот Фукуа мора повторно да сними делови поврзани со контроверзните обвинувања за злоупотреба на деца.

Како што пренесува „Анадолија“, првичната верзија на филмот го прикажувала Џексон како се грижи за болни деца, што предизвикало реакции и притисок врз продукцијата да направи измени.

The post 🎥 БИОГРАФСКИОТ ФИЛМ ЗА МАЈКЛ ЏЕКСОН НАСКОРО ПРЕД ПУБЛИКАТА Ликот на ѕвездата го игра внукот на поп-пејачот, Џафар Џексон appeared first on plusinfo.mk.

Пејачката на групата „Блонди“, Деби Хари има идеја за филм за сопствениот живот и музичко наследство, а неодамна откри дека би сакала да ја види актерката Флоренс Пју како ја игра во биографскиот филм.

И актерката номинирана за Оскар за нејзината споредна улога во „Мали жени“ претходно изрази интерес да ја игра Деби Хари.

– Кога тоа би бил некој како Флоренс Пју, би била пресреќна. Мислам дека е одлична актерка и може да направи сè – изјави Деби Хари за The Sunday Times.

Пју, исто така, претходно изјави дека би сакала да ја игра Хари кога ја прашаа која позната личност би сакала да ја игра.

– Блонди, само затоа што е толку кул – рече актерката на Меѓународниот филмски фестивал во Санта Барбара во 2020 година, според Entertainment Weekly.

Иако е позната по своите улоги во филмовите на Марвел и во филмови како „Midsommar“ (2019), „Don’t Worry Darling“ (2022) и „We Live in Time“ (2024), Пју е и музичарка. Како тинејџерка, таа објавувала преработки на песни на YouTube под името Флоси Роуз.

Пју се појави и во песната „Midnight“ од 2021 година на нејзиниот брат, музичарот Тоби Себастијан, а исто така ги напиша и изведе песните „The Best Part“ и „I Hate Myself“ за нејзиниот филм од 2023 година „A Good Person“, па можеби веќе има доволно вокални способности за да ја преземе главната улога во биографскиот филм за Деби Хари.

Предлогот на пејачката на „Blondie“ доаѓа откако ја објави својата автобиографија „Face It: A Memoir“ во 2019 година, во која го опишува својот подем од њујоршката андерграунд сцена во 1970-тите до статус на глобална ѕвезда, како и нејзините борби со зависноста од хероин, за банкротот и распадот на „Blondie“.
Во 2007 година, Кирстен Данст изјави дека се сретнала со Деби Хари за можен биографски филм, кој, сепак, никогаш не бил снимен.

The post БЛОНДИ ОДЛУЧИ КОЈА АКТЕРКА САКА ДА ЈА ИГРА НА ФИЛМ Пејачката Деби Хари има идеја за филм за сопствениот живот и музика appeared first on plusinfo.mk.

Речиси 12 години по смртта на Ејми Вајнхаус, почна снимањето на биографски филм за животот на британската соул-пејачка.

Режисерката Сем Тејлор-Џонсон објави на Инстаграм дека снимањето на „Back to Black”, именуван по вториот албум на Ејми, почнало вчера во Лондон. Таа ја објави и првата слика од глумицата Мариса Абела преобразена во познатата пејачка, со крената коса, тетоважи и големи обетки. Филмот ги следи „живописните рани години на Ејми во Лондон и нејзиното интензивно патување до ѕвездите”, се вели во известувањето.

– Првиот пат кога го видов настапот на Ејми беше на шоу за таленти во џез-клуб во Сохо и веднаш беше очигледно дека не се работи само за талент… Таа беше генијалец. Се чувствувам и возбудено и понизно, бидејќи имам можност да ја реализирам и донесам убавата, единствена и трагична приказна за Ејми, придружена со најважниот дел од нејзиното наследство – нејзината музика – рече Тејлор-Џонсон.

Режисерката е можеби најпозната по хитот „50 нијанси сиво”, како и биографскиот филм „Џон Ленон: Момче кое не ветува”. Сценариото за филмот го напиша Мет Гринхалг. Филмот е заеднички продуциран од „Фокус фичрс”, „Монјументал пикчрс” и „Студиоканал”.

Покрај нејзиниот величенствен глас и големите музички хитови, Вајнхаус ги полнеше весниците и со своето однесување. Таа со години се бореше со зависноста од алкохол и дрога. Почина на 23 јули 2011 од труење со алкохол, на само 27 години. Во 2015 година, британскиот режисер Асиф Кападија сними документарен филм за животот на Ејми Вајнхаус, за што доби и „Оскар”.

The post СЕ СНИМА БИОГРАФСКИ ФИЛМ ЗА ЕЈМИ ВАЈНХАУС Улогата на Ејми ќе ја глуми Мариса Абела appeared first on plusinfo.mk.

Како што пишува „Вариети“, актерката ја добила главната улога во претстојниот биографски филм за кралицата на поп-музиката, додека конкуренција ѝ биле десетици други актерки.

Мадона е вклучена во филмот и ќе биде ко-сценаристка, продуцентка и режисерка.

– Проектот „Мадона“ е во активен развој, а Џулија Гарнер е избрана да ја игра главната улога во филмот – изјави за „Пипл“ извор близок до проектот.

Кралицата на поп-музиката го најави овој проект минатиот октомври, а потоа изјави дека сценариото е речиси готово.

 

View this post on Instagram

 

A post shared by Julia Garner (@juliagarnerofficial)

ФОТО: Инстаграм

The post ИЗБРАНА АКТЕРКАТА КОЈА ЌЕ ЈА ИГРА МАДОНА Ѕвездата на серијата на „Нетфликс“ во филмот за кралицата на поп-музиката (ФОТО) appeared first on plusinfo.mk.