Советот на Град Скопје одобри набавка на 19 нови возила за јавното претпријатие „Комунална хигиена“, соопшти претесетаделот на Советот Даме Димитровски.

– Со нив драстично ќе го подобриме собирањето на отпадот. Следниот чекор е целосна замена на старите контејнери. ​Но, навременото чистење е само почеток. Нашата вистинска цел е отпадот да престанеме да го гледаме како ѓубре. Мора да почнеме да го третираме како ресурс. ​Затоа ќе инсистираме на системско селектирање на пластика и стакло. Крајната визија е од собраниот отпад да произведуваме биогас. ​Ќе создаваме нова вредност наместо да полниме депонии. Тоа е вистинскиот пат до чисто Скопје какво што го сакаме! – објави Димитровски на неговиот профил на Фејсбук.

The post СКОПЈЕ ПЛАНИРА ДА ПРОИЗВЕДУВА БИОГАС ОД ОТПАДОТ Ќе се почне со селектирање на пластика и стакло appeared first on plusinfo.mk.

Компаниите од групацијата ФЕРОИНВЕСТ годинава ја реализираа својата најголема жетва на пченка досега на земјоделските површини во Овчеполието, со најдобри резултати од почетокот на земјоделското производство на овие локации, како во однос на приносот по хектар, така и во однос на квалитетот.

Жетвата е реализирана на површина од околу 250 хектари, на земјоделските површини на Сарамзалино Аграр, Ерџелија Полјоделство и Агриа. На површините е поставен систем за наводнување „капка по капка“, кој овозможува поефикасно и контролирано користење на водата и создавање подобри услови за земјоделското производство.

И покрај тешките временски услови во текот на сезоната, постигнатите резултати се за повеќе од 20 проценти подобри во однос на минатата година. Жетвата се изведува целосно со сопствени капацитети на Ерџелија Полјоделство и Сарамзалино Аграр, со современа земјоделска механизација, меѓу која и современ силажен комбајн John Deere 8800.

Произведената пченкарна силажа се користи како суровина за биогасната електрана Биоентерпрајз во Сарамзалино, општина Лозово, каде преку процес на анаеробна ферментација се произведуваат биогас и електрична енергија.

Поврзувањето на современото земјоделско производство со производството на енергија од обновливи извори е дел од интегрираниот модел што ФЕРОИНВЕСТ го развива во Сарамзалино. Инвестициите во системи за наводнување, современа механизација и унапредување на земјоделското производство придонесуваат за поголема продуктивност и обезбедување квалитетна суровина за производство на енергија од биогас.

The post ФЕРОИНВЕСТ СО НАЈГОЛЕМА ЖЕТВА НА ПЧЕНКА ДОСЕГА ЗА БИОГАСНАТА ЕЛЕКТРАНА ВО САРАМЗАЛИНО Приносите за 20% повисоки од лани appeared first on plusinfo.mk.

Како што информира за МИА Даниел Наумоски од ЗСР „Бабуна“ Велес за поморот тој бил рано утрово бил известен од својата рибочуварска служба во Градско која направила увид на терен и увидела дека поморот е предизвикан поради пукање на браната на езерцето на Биогасната централа Вардар „Биогас“ во кое се собираат фекалиите што се користат како репроматеријали за работа на биогасната централа.

– Кога се излеало езерцето, водата со фекелиите поминала под мостот на патот Велес – Градско, оттаму преку една нива дирекно во реката Вардар по што е предизвикан поморот – појасни Наумоски.

За поморот од ЗСР„Бабуна“ го известиле градоначалникот на Општината Градско со кој се во контакт и ги координираат активностите во врска со поморот на рибата.

Воедно од ЗСР „Бабуна“ го известиле и надлежниот Државен инспектор за животна средина, а кој веќе е на терен и прави увид. Од ЗСР „Бабуна“ за поморот на рибите го известиле и локалниот инспектор на Министерството за земјоделство, шумарство и водостопанство во Велес.

фото ЗСР „Бабуна“ 

The post 📷 ГОЛЕМ ПОМОР НА РИБА ВО ВАРДАР Пукнала браната кај Градско, фекалиите се излеале во реката и ги отруле рибите appeared first on plusinfo.mk.