Жупанискиот суд во Бихаќ го осуди на 42 години затвор Мехмед Вукалиќ, поранешен домар во гимназијата во Сански Мост, кој минатата година ги уби тројцата свои колеги од работа, објавија локалните медиуми.

Вукалиќ (62) е прогласен за виновен за убиството на директорот на гимназијата Нијаз Халиловиќ, на секретарката Нисвета Кљуниќ и на професорката по англиски јазик Гордана Миџан. Тројцата ги усмртил пукајќи во нив со автоматско оружје. За секое од трите убиства е осуден на по 14 години затвор, а дополнителна една година му е изречена за незаконско поседување оружје, па казните се споени во единствена казна од 42 години затвор.

Одбраната тврдеше дека Вукалиќ бил систематски дискриминиран на работното место.

Вукалиќ ги извршил овие злосторства во август 2024 година. Во училиштето дошол вооружен и веднаш се упатил на првиот кат, во канцеларијата на директорот Халиловиќ, во кого испукал пет куршуми, погодувајќи го во градите, вратот, стомакот и левата шака. Потоа отишол во канцеларијата на секретарката и ја усмртил со четири куршуми. На крај налетал на професорката по англиски јазик и истрелал пет куршуми и кон неа, кои ја усмртиле на самото место.

На крајот се обидел да изврши самоубиство, но повредите што самиот си ги нанесол подоцна биле санирани во болницата во Бања Лука. На завршното рочиште изразил каење за убиствата. „Се каам за тоа што го направив, ми е жал“, изјавил во завршниот збор.

Судот заклучил дека Вукалиќ ги извршил убиствата во состојба на намалена пресметливост, што беше тезата на која инсистираше неговата одбрана, тврдејќи дека тој бил систематски дискриминиран на работното место, што на крај влијаело врз неговата психичка состојба и довело до убиствата. Сега има право на жалба до Врховниот суд на Федерацијата БиХ.

The post СЕ ЖАЛЕЛ НА МОБИНГ, ГИ УБИЛ ДИРЕКТОРОТ, СЕКРЕТАРКАТА И ЕДНА ПРОФЕСОРКА Домар од гимназија во Сански Мост осуден на 42 години затвор appeared first on plusinfo.mk.

Станува збор за Дејан Ториќ по кој е распишана црвена потерница од Интерпол.

Како што дознава Аваз, Ториќ бил пронајден во стан, кој бил изграден да служи како наменско скривалиште. Поседувал и лажни документи од  Македонија.

Уапсениот е предаден во надлежност на Судот на Босна и Херцеговина. Босанската ФУП во потрагата по Ториќ била во координација со  ЕВРОПОЛ.

The post МАКЕДОНЕЦ ОСОМНИЧЕН ЗА УБИСТВО УАПСЕН ВО БОСНА Имал лажни документи и се криел во Бихаќ appeared first on plusinfo.mk.

Станува збор за млад човек кој е поранешен ученик во мешовитата гимназија Бихаќ.

„Тоа момче кое уби осум деца за мене е крал! Долго време подготвувам такво нешто за економското училиште во Бихаќ. Ќе биде незаборавен масакр во Бихаќ, се колнам со животот! Кога сите знаевте да ме осудувате и избегавате, поради тоа ќе има терор“, напиша младиот човек преку социјалните мрежи.

Веднаш следеше соопштението од Мешовитото средно училиште.

„Ги известуваме сите ученици од нашето училиште, како и нивните родители, дека поради ситуацијата настаната поради објавата на нашиот поранешен ученик З.А., нема потреба од паника. Надлежните органи беа соодветно и навреме информирани и реагираа согласно нивните овластувања“, се наведува во соопштението.

The post „ТОА МОМЧЕ КОЕ УБИ ОСУМ ДЕЦА Е КРАЛ ЗА МЕНЕ“! Момче од Бихаќ најави масакр во поранешната гимназија, полицијата веднаш го приведе appeared first on plusinfo.mk.

Тој изјавил дека е уверен дека со својот исчекор во политичките води ќе го реши најголемиот проблем на родниот град – мигрантите.

– Немам ништо против тие луѓе, жал ми е за нив, но мораат да ги почитуваат обичаите на градот во кои дошле. Наместо тоа жителите мора да ги чуваат своите станови и куќи бидејќи тие се ноќни кралеви. Тие владеат, а народот на Бихаќ мора да се вооружен. Нашите политичари не работат ништо, наместо да ги заштитат граѓаните, внесоа неизвесност и страв во Бихаќ – изјави Исламовиќ додавајќи дека жителите три и пол години се во изолација криејќи се од мигрантите.

The post Рокерот Ален Исламовиќ стана политичар, ќе го брани Бихаќ од мигранти appeared first on plusinfo.mk.