Фудбалерите на Босна и Херцеговина го одиграа последниот пријателски и подготвителен натпревар во Сент Луис пред почетокот на Светското првенство следната недела. Тие одиграа 1:1 со Панама и потврдија дека ова може да биде едно од поинтересните натпреварувања во последно време.

А она што изненади многумина беше фактот дека навивачите на Босна и Херцеговина успеаја да донесат неверојатен реквизит со себе во Америка. Станува збор за огромно бакарно ѓезве за кафе, во традиционален босански стил, од кое се подготвува најомилениот пијалок за Босанците.

Босна и Херцеговина си најде место во Мундијалот победувајќи ја Италија на пенали во плејофот, а навивачи на оваа земја веќе ги преплавија Соединетите Американски Држави, па може да се каже дека оваа земја од Балканот има огромна поддршка од трибините, што беше случај и во Сент Луис.

Bosnia and Herzegovina didn’t forget to bring this massive coffee pot to the FIFA World Cup

: @JacobCersosimo pic.twitter.com/kBYUHuwzz0

— FOX Soccer (@FOXSoccer) June 6, 2026

The post БОСАНСКИТЕ НАВИВАЧИ ДОНЕСОА ЏИНОВСКО ЃЕЗВЕ ВО СЕНТ ЛУИС Американците се зачудија appeared first on plusinfo.mk.

Интересна аукција ќе се случи утре во Тузла (Босна и Херцеговина. Тамошната Дирекцијата за индиректно оданочување  продава три лами кои потекнуваат од Јужна Америка.

Ламите, како што пишуваат босанските медиуми, биле одземени од сопственикот од стана на Граничната полиција минатиот месец на имот во пограничната област со Србија бидејќи биле без ветеринарно-здравствена документација.

-Тие беа ставени во карантин и прегледани од ветеринарен инспектор. Основниот суд во Бијелина покрена барање за поведување прекршочна постапка против физичко лице. Ламите беа предадени на Управата за индиректно оданочување, РЦ Тузла со цел понатамошна продажба на правни лица – изјавија од Управата.

Животните се стари помеѓу три и шест месеци.

На аукцијата можат да учествуваат само правни лица, но не и вработени во дирекцијата и нивни роднини.

The post НЕСЕКОЈДНЕВНА АУКЦИЈА ВО БИХ Даночната управа продава три лами appeared first on plusinfo.mk.

Дел од мостот на граничниот премин Градишка меѓу Хрватска и Босна и Херцеговина се урнал рано утрово околу 3 часот.

Според босански „Кликс“, попуштил дел од оградата на мостот на стариот граничен премин, по што движењето на возила и пешаци било целосно запрено.

„Кликс“ објави дека структурата на оградата попуштила под засега непознати околности.

„Создаден е огромен безбедносен ризик“, наведува медиумот.

Поради големата фреквенција на товарен и патнички сообраќај на преминот, се очекуваат дополнителни метежи и застои.

Сообраќајот е целосно запрен

По инцидентот, преминот бил затворен и за автомобили и за пешаци.

Хрватските власти соопштија дека чекаат официјални информации од институциите во Босна и Херцеговина за обемот на оштетувањата и можноста мостот повторно да биде пуштен во употреба.

Возачите предупредени на застои

„Хрватски патишта“ најавија дека јавноста дополнително ќе биде информирана за сите промени во режимот на сообраќај.

Од таму побараа разбирање од возачите поради можните долги задржувања и пренасочувања.

The post 📽️ МОСТОТ МЕЃУ ХРВАТСКА И БиХ СТАНА БЕЗБЕДНОСЕН РИЗИК Попушти оградата, возила беа блокирани рано наутро appeared first on plusinfo.mk.

Високиот претставник на меѓународната заедница Кристијан Шмит поднесе оставка од функцијата висок претставник во Босна и Херцеговина по речиси пет години на чело на Канцеларијата на високиот претставник.

Германскиот дипломат веќе го информирал Управниот одбор на Советот за спроведување на мирот и побарал да почне процедура за избор на наследник. Сепак, тој нема веднаш да ја напушти функцијата и ќе остане до именување нов висок претставник.

Заминувањето се случува во период на длабока политичка криза во БиХ, со блокади на институциите, сецесионистички пораки од Република Српска и постојани судири со Милорад Додик.

„Република Српска е неуништлива“

Милорад Додик заминувањето на Шмит го претстави како политичка победа.

Тој изјави дека Шмит ја напушта БиХ „како што дошол“, без легитимитет и без меѓународно право на своја страна. Додик додаде дека целиот негов мандат покажал оти „Република Српска е неуништлива“.

Властите во Бања Лука со години го оспоруваат легитимитетот на Шмит. Русија исто така тврди дека неговото именување не било потврдено во Советот за безбедност на ОН.

Шмит во претходните извештаи предупредуваше дека потезите на раководството на Република Српска ја поткопуваат државноста на БиХ.

„Американски ултиматум“

Германскиот весник „Франкфуртер алгемајне цајтунг“ објави анализа според која заминувањето на Шмит не било доброволно, туку резултат на американски притисок.

Во анализата се наведува дека интересите на претседателот на САД, Доналд Трамп, поврзани со гасните проекти во БиХ, можеби одиграле клучна улога.

Весникот тврди дека промената на политиката кон Додик би можела да биде поврзана со проектот „Јужна интерконекција“. Според дипломатски извори, постоеле шпекулации за неформален договор, во кој заминувањето на Шмит било дел од поширока политичко-енергетска пресметка.

Официјална потврда за таков договор нема.

„Меѓународната останува неопходна“

Шмит порача дека ќе продолжи да ги извршува должностите додека не биде избран наследник.

– Обединетата меѓународна заедница останува неопходна за стабилноста на Босна и Херцеговина – порача тој.

Тој ги повика политичките лидери од двата ентитета да работат со новиот висок претставник на реформите и на евроатлантските интеграции.

Заминувањето на Шмит отвора нова неизвесност околу иднината на меѓународното присуство во БиХ. Високиот претставник со години останува една од најспорните точки меѓу западните земји, Русија и раководството на Република Српска.

The post ШМИТ СИ ОДИ ПОД АМЕРИКАНСКИ ПРИТИСОК? Додик слави, „Српска е неуништлива“ appeared first on plusinfo.mk.

Патрола на ЕУФОР, составена од припадници на армиите на Македонија и Турција, спаси маж и жена заглавени во „голф“ кај Тузла, соопшти АРМ.

Парот излетал со „голф 5“ во канал кај магистралниот пат во четвртокот, 7 мај, се вели во објавата.  Несреќата се случила меѓу 24 и 25 километар од патот. Автомобилот удрил во дрвја и останал заглавен во каналот.

Мажот и жена биле делумно потопени во вода. Единицата веднаш притрчала на помош.

Во спасувањето се вклучиле и луѓе што се нашле во близина. Војниците стравувале дека возилото може дополнително да потоне или да се преврти.

Поради сомнежи за скршеници кај жената, спасувачите реагирале внимателно. Со помош на скали, кои послужиле како импровизирани носила, ја извлекле од каналот без дополнителни повреди.

„ЕУФОР останува посветен на безбедноста на сите учесници во сообраќајот во БиХ“, соопштија од АРМ.

The post ПРИПАДНИЦИ НА АРМ СПАСИЛЕ МАЖ И ЖЕНА Парот излетал со „голф 5“ во канал кај Тузла appeared first on plusinfo.mk.

Камионџиите од Босна и Херцеговина денеска со делумна блокада на граничните премини кон Хрватска повторно предупредија на тешкотиите во работењето и проблемите што ги имаат нивните возачи на територијата на Европската Унија.

На дел од граничните премини, како што  информираа од конзорциумот „Логистика БиХ“ превозниците се соочиле со забрани на протестот воведени од полицијата на Република Српска и Унско-Санските и Западнохерцеговските окрузи во Федерацијата БиХ кои се повикаа на одлука на владата донесена синоќа.

„Нема да дозволиме најавената блокада на границите и протестот на превозниците на моторни возила што ги најави конзорциумот „Логистика“ да го загрозат нормалниот тек на сообраќајот, како и непречениот транспорт на стоки и услуги“, се вели во полициското соопштение.

Велибор Пеулиќ, главен координатор на конзорциумот „Логистика БиХ“ изјави дека возачите утрото имале проблеми со полицијата.

– Успеавме да блокираме некои гранични премини, како што е Свилај, додека други не можеме да блокираме поради полицијата – изјави тој..

Со блокадите, превозниците на камиони сакаа да потсетат дека со месеци безуспешно чекаат да се реши статусот на возачите на камиони кои, при превоз на товар низ земјите-членки на ЕУ, се третираат исто како и сите други носители на пасоши од трети земји.

Истовремено тие бараат од властите на БиХ да вратат дел од акцизата за гориво, да го вратат ДДВ за меѓународен транспорт со цел фискално олеснување, а од Управата за индиректно оданочување на БиХ (ОНО) да обезбеди забрзување на царинските процедури и скратување на времето на чекање на границите.

Министерството за транспорт и врски на БиХ соопшти дека го разбира незадоволството и загриженоста на транспортниот сектор и ги споделува нивните загрижености, особено затоа што станува збор за здрав економски сектор кој се соочува со сериозни предизвици.

Сепак, тие истакнаа дека значаен дел од барањата на здруженијата на транспортери кои се моментално во фокусот не можат да се решат од една институција или од едно ниво на власт, бидејќи станува збор за прашања што ги вклучуваат овластувањата на Советот на министри, ентитетите и владите на ентитетите, Управата за индиректно оданочување и Европската Унија.

Засега, тоа министерство побара итен состанок со претставници на хрватската влада со цел да се обезбеди потолерантен третман на возачите од Босна и Херцеговина на шенгенската граница преку издавање визи што ќе им овозможат непречено да работат.

The post ХАОС НА БЛОКАДАТА НА БОСАНСКИТЕ КАМИОНЏИИ Полицијата не дозволи камионите да се постават на граничните премини appeared first on plusinfo.mk.

Пред дваесет и две години на 26 февруари во Ротимље близу Мостар во авионска несреќа животот го загубија поранешниот претседател Борис Трајковски, членови на неговиот кабинет и екипажот на авионот. Годишнината од загинувањето на претседателот Трајковски денеска се одбележува во Скопје, во неговата родна Струмица и во Ротимље.

Членови на семејствата, државни и други делегации денеска положија цвеќе на гробот на Трајковски во Градските гробишта Бутел во Скопје и на спомен-обележјата во Ротимље и во Струмица.

ВМРО-ДПМНЕ оддаде почит на претседателот Борис Трајковски и на членовите на неговиот кабинет и екипажот кои трагично ги загубија животите во авионската несреќа.

„Борис Трајковски останува запаметен како претседател во време на тешки државни предизвици, човек кој со смиреност и одговорност ја водеше Македонија низ период на сериозни искушенија. Неговото делување беше насочено кон зачувување на мирот, стабилноста и меѓународниот углед на државата. Неговата политика на дијалог и единство претставува потсетник дека државничката зрелост, храброста и чувството за одговорност се темел на секоја стабилна и суверена држава.
Денеска, повеќе од две децении подоцна, останува обврската да се чува државата, да се гради единство и да се продолжи патот на стабилност и напредок. Нека е вечен споменот на Борис Трајковски“ – се вели во соопптението од партијата.

Градоначалникот на Скопје, Орце Ѓорѓиевски му оодаде почит на починатиот македонски претседател Борис Трајковски со емотивна порака на својот фејсбук-профил.

„Борис Трајковски беше повеќе од државник. Тој беше симбол на смиреност во тешки времиња, глас на разумот и човек што искрено веруваше во силата на единството“, напиша Ѓорѓиевски.

Претседателот Борис Трајковски загина на денешен ден во 2004 година во авионска несреќа во близина на Мостар. Во несреќата, покрај Трајковски животот го загубија Димка Илкова-Бошковиќ, Ристо Блажевски и Анита Кришан Лозановска од кабинетот на претседателот, Миле Крстевски од Министерството за надворешни работи, Борис Велинов и Аце Божиновски, членови на обезбедувањето и пилотите Марко Марковски и Бранко Ивановски.

Владиниот „Кингер“ со кој претседателот Трајковски патуваше на Меѓународна конференција за инвестирање во Босна и Херцеговина, на 26 февруари 2004 година се урна во атарот на Матиќ Брдо кај селото Хусковиќи во близина на Мостар. Авионот требаше да слета на мостарскиот аеродром во осум часот по локално време. Остатоците беа пронајдени 24 часа по паѓањето на авионот.

Првичната истрага што ја водеа надлежните македонски и босански органи покажа дека причина за уривањето се пропусти на екипажот направени во процедурата за приоѓање на аеродромот Мостар во услови на сложена метеоролошка состојба, густа магла и облачност.

На барање на македонските власти, по собирањето на дополнителните докази од страна на македонското МВР, беше отворена нова истрага во јануари 2013 година, што ја водеше меѓународен тим предводен од Омер Кулиќ. И во нивниот извештај како клучни причини за несреќата беа наведени грешки на екипажот и системски пропусти.

The post ПОВЕЌЕ ОД ДРЖАВНИК, ГЛАС НА РАЗУМОТ И МИРОТВОРЕЦ Македонија се сеќава на Борис Трајковски на денот на неговата смрт appeared first on plusinfo.mk.

Обвинителството на Босна и Херцеговина денеска подигна обвинение против четворица поранешни припадници на Седмата муслиманска бригада на Армијата на БиХ, кои се товарат за воени злосторства против цивили од хрватска и српска националност во Зеница.

Обвинетите Несиб Талиќ, Јусуф Каралиќ, Нашид Делалиќ и Сабахудин Сарајлиќ се товарат дека во текот на 1993 година, во објектот на Музичкото училиште во Зеница, незаконски затворале и малтретирале цивили. Според обвинението, десетици лица биле изложени на тешка психофизичка тортура, а двајца затвореници починале како последица на тепањето. Нивните тела подоцна беа ексхумирани во околината на градот.

Седмата муслиманска бригада важеше за елитна единица во составот на Третиот корпус. За злосторства извршени од оваа единица веќе му се суди на командантот Шериф Патковиќ, кој е обвинет дека лично убил ранет хрватски командант во селото Дусина.

The post МУСЛИМАНСКАTA БРИГАДА ИЗМАЧУВАЛА ДО СМРТ СРБИ И ХРВАТИ Подигнато обвинение против четворица Босанци за воени злосторства appeared first on plusinfo.mk.

Босна и Херцеговина ќе се распадне, а Република Српска ќе стане независна држава. Сè што кажавме дека се наши политички цели, ќе биде нашата ориентација во иднина – изјави поранешниот претседател на Република Српска Милорад Додик на прес-конференцијата што ја одржа во седиштето на неговиот Сојуз на независни социјалдемократи (СНСД) во Бања Лука.

Повод за прес конференцијата беше одлуката на Уставниот суд на Босна и Херцеговина да ја отфрли неговата жалба против казната со која беше осуден на една година затвор и поради која му беше одземен мандатот.

– Јасно е дека Уставниот суд на Босна и Херцеговина е дел од кланот чија цел е да го укине Дејтонскиот мировен договор – рече Додик.

Тој додаде дека за него БиХ е „завршена приказна“ и најави дека ќе следи општа парализа на државно ниво. Во февруари, Парламентот на Република Српска донесе низа закони со кои всушност се обиде да спроведе сецесија, но тие закони беа откажани под притисок на американската администрација, која пак ги укина санкциите врз Додик.

Американскиот претставник во Советот за безбедност на ОН минатата недела појасни дека администрацијата на Доналд Трамп сега очекува „деескалација и стабилност“ во БиХ, но Додик денес стави до знаење дека не се откажува од реториката што го доведе до санкциите.

Тој рече дека „обединетите муслимани и глобалисти“ упорно го уништуваат Дејтонскиот поредок, поради што Босна и Херцеговина, како што рече, всушност се распадна.

– РС и јас, како претседател, веруваме дека не постои уставна БиХ. Постои БиХ во слободен пад и сакам да кажам – нека оди по ѓаволите – рече Додик.

Тој ја обвини Европската Унија дека поттикнува анархија и сака да ѝ ги одземе сите права на РС, а како главен виновник ја именуваше европската комесарка Марта Кос.

– Да нè влечат во ЕУ без статус и право на глас – јас сум против тоа. РС ќе биде против тоа – рече Додик.

Додик е сè уште претседател на владејачката партија, СНСД иако постојат толкувања според кои тој не би можел да ја извршува ни оваа функција откако Судот на Босна и Херцеговина му изрече шестгодишна забрана за политичка активност покрај затворската казна. Судот му го одзеде мандатот, а парламентот ја назначи Ана Тришиќ Бабиќ за привремен претседател до изборите закажани за 23 ноември.

The post БОСНА И ХЕРЦЕГОВИНА НЕКА ОДИ ПО ЃАВОЛИТЕ! Додиќ веќе не бира зборови на адреса на федерацијата appeared first on plusinfo.mk.

Босна и Херцеговина денеска околу 12 часот ја стресе земјотрес со јачина од 3,4 степени според Рихтеровата скала, според  првите информации од апликацијата на ЕМСЦ.

Епицентарот бил 20 километри југозападно од Мостар, односно 13 километри северно од Љубушки.

Земјата се тресела пет до шест секунди, објавија локалните медиуми, а претходел силен и гласен удар.

Според информациите од ЕМСЦ, земјотресот се случил на длабочина од седум километри.

The post ЗЕМЈОТРЕС ОД 3,4 СТЕПЕНИ ВО БИХ Епицентарот бил близу Мостар appeared first on plusinfo.mk.