Денеска започнува новата учебна година, што значи огромен број деца ќе се упатат кон градинките и училиштата. Токму тие – децата кои пешачат или управуваат велосипед, тротинет се најмалите учесници во сообраќајот и неопходно е да знаат како да сe однесуваат во него.

РСБСП упатува апел до возачите на моторни возила и до другите учесници во сообраќајот да бидат особено внимателни во близина на воспитно-образовните установи, а кон децата и нивните родители и/или воспитувачи/наставници – да ги запознаат и да ги потсетуваат децата на основните правила и прописи во сообраќајот заради осигурување на нивната безбедност во сообраќајот на патиштата.

На децата кои возат велосипед или тротинет им се препорачува да носат заштитен шлем – кацига, да возат со пропишаната брзина и да ги почитуваат сообраќајните правила и другите учесници во сообраќајот, како и да управуваат со исправни и означени велосипеди и тротинети.

На децата кои пешачат РСБСП им препорачува:

– да ја поминуваат улицата само на обележан пешачки премин,

– да не претрчуваат преку улица,

– да ја почитуваат сообраќајната сигнализација т.е. да преминуваат улица само кога свети зеленото светло на пешачкиот семафор,

– особено да бидат внимателни кога се движат во услови на намалена видливост т.е. дожд и магла (по можност да носат светла облека или рефлектирачко елече),

– да не преминуваат помеѓу возила во движење,

– да не користат мобилен телефон или слушалки при преминување на улица,

– да внимаваат кога се движат на паркинзи и сл.

РСБСП им посакува на сите деца среќна и успешна учебна година и апелира сите да дадат свој придонес во грижата за безбедноста и заштитата на децата-учесници во сообраќајот, како и придонес во заедничкото издигнување на безбедноста на сообраќајот на уште повисоко ниво.

The post НОСИ КАЦИГА, A НЕ СЛУШАЛКИ И не претрчувајте преку улица, деца! appeared first on plusinfo.mk.

Директен повод за протестот е минатонеделната сообраќајна незгода при која возило „ауди А5“ движејќи се со голема брзина удри во 45-годишна жена пешак, која им подлегна на повредите.

Организаторите на протестот велат дека нема да дозволат ова да остане уште еден заборавен случај и уште еден згаснат живот.

Тие бараат властите да преземат мерки за ограничување на брзината низ улицата Коце Металец со поставување на лежечки полицајци, зајакнати полициски контроли или со нејзина реконструкција со цел таа да се направи побезбедна за пешаците и велосипедистите.

Учесниците на протестот апелираат и до жителите на останатите населби кои се соочуваат со ист или сличен проблем да го кренат гласот и да не дозволат дивеење по улиците.

Организаторите на протестот најавуваат дека ќе продолжат со блокада на улицата и во наредните денови во периодот од 16.30 до 18 часот.

The post Протест во Железара: Време е надлежните да стават крај на дивеењето на улицата Коце Металец appeared first on plusinfo.mk.