Упатството за постапување по дојави на бомби е доработено во детали и е доставено до сите училишта, но Министерството за образование и наука (МОН) нема информација како се постапува во училиштата.

– Постои несоодветна комуникација меѓу институциите односно меѓу врвните институции на државата со оние што се наоѓаат под неа. Како што министрите имаат обврска, така и градоначалниците и директорите на училиштата имаат обврска. Има препораки како наставникот треба да ги изведе учениците, на која одалеченост од училиштето и после проверката да си ги врати назад на настава. Во однос на превозот е одговорност на градоначалниците – рече Јаневска.

Министерката за образование ова го кажа како надополнување на одговорот на министерот за внатрешни работи Панче Тошковски на пратеничкото прашање на Рина Ајдари од Алијансата на Албанците за лажните дојави на бомби во тетовската гимназија и заминувањето на децата од училиштето.

Министерот Тошковски рече дека појава на лажни дојави на бомби имало во повеќе градови и дека се постапува согласно антитеростички протокол секогаш кога станува збор за каква било дојава на бомба без разлика дали е таа во училиште или некаде на друго место каде има поголем број граѓани.

– Сакам да ве уверам дека постапуваме согласно стандарди и протоколи како и останатите европски земји, соодветно делуваме и делуваме и превентивно во рамки на сите оние дејствија кои треба да ги превземеме, но факт е дека мора кога има ваков тип на дојави на бомби согласно протоколот мора да се напушти објектот, мора да се изврши евакуација итн – рече Тошковски.

Тој додаде дека не се согласува со пратеничката дека МВР не постапувало соодветно, туку напротив дека сега многу подобро МВР се справува со ваквите појави. Министерот рече дека при појава на проблеми се прават обиди тие во најбрзо време да се решат, нагласувајќи дека безбедноста на граѓаните особено на децата е прв приоритет.

Ве уверувам дека максимално се преземаат дејствија во надлежност на МВР, рече Тошковски.

The post УЧИЛИШТАТА ИМААТ ДЕТАЛНО УПАТСТВО ЗА ПОСТАПУВАЊЕ ПО ДОЈАВИ НА БОМБИ Некои училишта не комуницираат редовно со министерството appeared first on plusinfo.mk.

По заканите за наводно поставени бомби во училишта, констатирано е дека пријавите се лажни, потврди вечерва Министерството за внатрешни работи.

Денеска околу 18:00 часот во СВР Скопје и СВР Куманово пријавено е дека на емаил адресите во 28 училишта во Скопје и 17 училишта во Куманово пристигнати се пораки за наводно поставени експлозивни направи во училишта.

– Веднаш се преземени соодветни мерки и активности, извршени се потребните проверки и утврдено е дека се работи за лажни пријави – велат од МВР.

The post ПАНИКА ВО 28 УЧИЛИШТА ВО СКОПЈЕ И 17 ВО КУМАНОВО Полицијата утврди дека дојавите за бомби се лажни appeared first on plusinfo.mk.

Во неколку основни училишта во Скопје и Куманово вечерва на електронските адреси пристигнале пораки за наводно поставени експлозивни направи, информира МВР. Полицијата веднаш изврши проверки, а учениците се безбедно евакуирани.

„Денеска (28.10.2025) околу 18:00 часот во СВР Скопје и СВР Куманово пријавено е дека на е-адресите во неколку основни училишта пристигнале пораки за поставени експлозивни направи. Во тек се проверки од страна на полициски службеници“, информираат од МВР.

Според извештаите, во Скопје по дојавите во училишта во Општина Аеродром беа прекинати сите попладневни активности, а учениците безбедно испратени дома. Од Секторот за образование во Куманово потврдуваат дека дојавите биле примени нешто после 17 часот, а полицијата веднаш интервенирала.

– Дојавата за бомби е испратена по електронски пат. Од училиштата повикале полиција која мошне бргу пристигнала, учениците безбедно се евакуирани. Останува на службите да ја проверат состојбата – изјави раководителот на Секторот за образование, Александар Јовановиќ.

Случајот продолжува да се истражува, а МВР апелира до граѓаните да останат смирени и да ги следат упатствата од надлежните служби.

The post ПАНИКА ВО СКОПЈЕ И ВО КУМАНОВО Дојави за бомби ги затворија училиштата appeared first on plusinfo.mk.