Ваков апел до сите возачи испраќа Републичкиот совет за безбедност во сообраќајот на патиштата (РСБСП).

„Сигурносниот појас е склоп од ремени со сигурносно копче, уред за приспособување и приклучоци коишто можат да се врзат во возило на моторен погон и е проектиран да го намали ризикот од повреди на лицето што го носи во случај на судир или на ненадејно забавување, со ограничување на подвижноста на телото на лицето кое го носи. Не само возачот, туку и секој патник во возилото треба да користи сигурносен појас. Придобивки од користењето на сигурносен појас се: – овозможува заштита при нагло запирање на возилото или во случај на сообраќајна незгода;  ја намалува веројатноста за смрт или сериозна повреда при сообраќајна незгода; спречува исфрлање на патниците од возилото во случај на сообраќајна незгода или превртување на возилото; комбинираното делување на сигурносниот појас и воздушното перниче ја зголемува безбедноста на патниците. Сигурносните појаси се сметаат за ефективни доколку се правилно прицврстени во возилото и доколку правилно се користат. Затоа РСБСП препорачува возачот, веднаш штом седне во возилото, да го стави сигурносниот појас, возачот да им укаже на сите патници во возилото да ги користат сигурносните појаси на секое седиште каде што се вградени“, наведено е во соопштението.

Доколку некои од патниците немаат ставено заштитен појас, посочуваат од РСБСП, возачот не треба да започне со возење.

„Сигурносниот појас секогаш треба да биде регулиран на соодветна висина, да се постави така што дијагоналниот ремен да не го допира вратот и правилно да преминува преку рамото. Без разлика дали возилото е опремено со воздушни перничиња, секогаш да се користи сигурносен појас. Вози одговорно! Стави појас!“, порачуваат од РСБСП.

The post НЕМА ИЗГОВОР, СТАВИ ПОЈАС! Ништо не е поважно од безбедноста на патниците, порачуваат од РСБСП appeared first on plusinfo.mk.

Производителот на електромобили со седиште во САД повлече 67.698 автомобили „Модел С” и „Модел Икс” увезени во Кина меѓу 25 септември 2013 и 21 ноември 2020 година, поради софтверски проблеми што влијаат на системот за управување со батериите на возилата. „Тесла” најави дека ќе го надгради софтверот на повлечените возила.

Американската автокомпанија повлече и 2.736 увезени автомобили „Модел 3″ произведени меѓу јануари и ноември 2019 година и 10.127 автомобили од кинеско производство од истиот модел.

The post „ТЕСЛА” ПОВЛЕКУВА ПОВЕЌЕ ОД 80.000 ВОЗИЛА ВО КИНА Имаат проблем со безбедносните појаси appeared first on plusinfo.mk.