Американскиот претседател Доналд Трамп изјави дека новото раководство на Иран сака да воспостави контакти со неговата администрација и дека тој планира да го стори тоа.

– Тие сакаат да разговараат и јас се согласив да разговарам, па затоа ќе разговарам со нив. Требаше да го направат тоа порано. Требаше да го дадат она што беше многу практично и лесно да се направи порано. Чекаа предолго – изјави Трамп во интервју за списанието Атлантик.

Трамп не откри детали за тоа кога точно ќе се одржат разговорите.

Претходно, во интервју за Фокс њуз, тој истакна дека во тековните американско-израелски напади врз Иран биле убиени 48 ирански лидери.

– Никој не може да поверува во успехот што го имаме. 48 лидери исчезнаа одеднаш. И се одвива брзо – нагласи Трамп.

Во посебно интервју за Си-Ен-Би-Си, тој оцени дека американската операција во Иран се одвива „пред предвидениот рок“, без да навлегува во дополнителни детали.

The post СЕ СОГЛАСИВ ДА РАЗГОВАРАМ, НО ТРЕБАШЕ ПОРАНО Трамп најавува разговори со новото иранско раководство appeared first on plusinfo.mk.

„Следствено на информациите за можно влошување на безбедносните состојби во Израел и регионот, Министерството за надворешни работи упатува апел до државјаните на Република Северна Македонија да избегнуваат патувања кои не се неопходни, во Израел, Иран, Либан и Палестинските територии.

Во оваа прилика, посочуваме на дежурниот телефон на Амбасадата на Северна Македонија во Тел Авив + 972 549 267 378 (мејл адреса telaviv@mfa.gov.mk ) како и дежурните телефони на Министерството за надворешни работи +389 75 273 732/ +389 268 736 (меил адреса globalsos@mfa.gov.mk ) – стои во соопштението од МНР.

The post МНР УПРАТИ АПЕЛ ДА СЕ ИЗБЕГНУВААТ ПАТУВАЊА ВО ИЗРАЕЛ И ВО РЕГИОНОТ Постои опасност од влошување на безбедносната состојба appeared first on plusinfo.mk.