Во текот на изминатите два дена (09/10.05.2026) биле издадени вкупно 1.433 издадени платни налози за сообраќајни прекршоци низ целата земја. Од нив, 861 прекршок се однесува на возачи кои не ја почитувале пропишаната брзина на движење.

Лишено од слобода за безобѕирно управување на возило е 21 лицe, од кои пет за возење под дејство на алкохол, 11 за возење без возачка дозвола, пет поради претходно изречена забрана за управување на возило.

Во истиот период одземени се седум возила по член 300-б од Кривичниот законик.

Во текот на изминатите два дена евидентирани се 176 прекршоци за неправилно паркирање, како и 45 санкции за возење под дејство на алкохол.

Санкционирани биле 15 возачи на мотоцикли за неносење заштитен шлем, како и девет пешаци. Санкционирани се 75 учесници во сообраќајот кои што не користеле сигурносен појас. Согласно Законот за возила, 11 возила биле отстранети од сообраќај поради тоа што биле нерегистрирани, а едно поради техничка неисправност. Санкционирани се и двајца возачи поради неисполнување на пропишаните услови во однос на затемнувањето на стаклата на возилата (фолии).

Сообраќајните контроли продолжуваат и во наредните денови. Полицијата апелира до сите учесници во сообраќајот да ги почитуваат сообраќајните правила и прописи и заеднички да придонесат за побезбедни патишта.

The post ВОЗАЧИТЕ СЕ ОПУШТИЛЕ ЗА ВИКЕНДОТ Издадени 1.433 казни, приведен 21 возач за безобѕирно возење appeared first on plusinfo.mk.

Во текот на вчерашниот ден, полицијата лишила од слобода четворица возачи. Двајца за возење без возачка дозвола, еден со забрана за управување возило од Б категорија, а едно лице затоа што управувало нерегистрирано возило без дозвола.

Станува збор за возачи од Кичево и од Свети Николе кои управувале возило без возачка дозвола, едно лице во Скопје управувало нерегистрирано возило без возачка дозвола, а еден возач во Македонски Брод управувал возило иако имал мерка забрана за управување моторно возило. Лицата се приведени во полициска станица, а по целосно документирање на случаите ќе бидат поднесени соодветни кривични пријави.

– Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол, и сите заеднички да придонесеме за побезбеден сообраќај – велат од полицијата.

The post ИМААТ ЗАБРАНА ЗА ВОЗЕЊЕ, А УПОРНО ВОЗАТ Полицијата апелира да се почитуваат изречените мерки appeared first on plusinfo.mk.

Министерот за внатрешни работи Панче Тошковски, во синоќешното гостување на ТВ21, рече дека е горд на имплементација на новиот систем „Безбеден град“, и дека бројот на прекршоци драстично се намалил, односно од 120.000 на почетокот од тест периодот, сега има само 500 прекршоци дневно.

Тошковски кажа дека е завршено времето на дивеење и на брзо возење по улиците.

– Во почетокот на тест периодот, бројката на прекршоци беше 120.000, додека денес имаме прекршоци 500 до 600, 700 некој ден и 800, но далеку драстично помал број прекршоци. Тоа се прекршоци за недозволена брзина, минување на црвено светло или со нерегистрирано моторно возило. Тие се тие прекршоци кои ги констатира системот. Во иднина ќе го имплементираме и за погрешно запирање и за погрешно паркирање. Нема човек кој управува моторно возило во Скопје и кој што не ги гледа придобивките од овој паметен систем. Го нема она дивеење по улиците, ги нема оние ненормални брзини, и тоа се гледа. Ја нема таа нетрпеливост. Бројките на сообраќајките се намалуваат, бројките на повредени и загинати се намалуваат, целта која сакавме да ја постигнеме и тоа како има одѕив од јавноста – изјави Тошковски.

The post ЗАВРШИ ВРЕМЕТО НА ДИВЕЕЊЕ ПО УЛИЦИТЕ „Безбеден град“ дневно снима од 500 до 800 прекршоци appeared first on plusinfo.mk.

Ромите кои вчера го блокираа магистралниот пат Битола–Ресен поради одземени возила, денеска повторно поставија блокади и го затворија овој патен правец, палејќи гуми, отпад и други предмети, како и претходниот ден.

Од Авто-мото сојузот на Македонија (АМСМ) потврдуваат дека сообраќајот е целосно во прекин. Според нивната информација, во 14:30 часот на магистралниот пат А3 Битола – Ресен, кај населбата Баир во Битола, патниот сообраќај е запрен поради јавен собир, а возилата се пренасочуваат низ градот Битола.

Претходно во текот на денот, истата група граѓани протестираше и пред зградата на СВР Битола, изразувајќи револт поради новите законски измени со кои полицијата има право да ги одзема возила на лицата кои ги управуваат без возачка дозвола.

Протестантите бараат укинување на законот што неодамна стапи во сила, тврдејќи дека е дискриминаторски и дека голем дел од нив немаат услови да положат за возачка дозвола поради незавршено образование.

Во врска со вчерашните и денешните случувања реагираше и премиерот Христијан Мицкоски, кој најави остар одговор од институциите.

„Разговарав денеска утрово со министерот за внатрешни работи и она што го побарав од него е за секој оној кој го прекршил законот, се заканувал или го загрозил мирот и безбедноста на граѓаните, жестоко да се одговори. И ќе биде одговорено жестоко за да не се повтори дивеењето од вчера“, изјави Мицкоски, одговарајќи на новинарско прашање.

Во меѓувреме, на социјалните мрежи граѓани масовно изразуваат поддршка за спроведувањето на законите за безбеден сообраќај и за системот „Безбеден град“, барајќи државата да не попушта пред закани и блокади.

Инаку, вчера групи граѓани од ромска националност со палење гуми, дрва и отпад блокираа повеќе патишта низ државата, при што упатуваа и сериозни закани. Протестите се однесуваа на мерките на полицијата за одземање возила на лица кои управуваат без положен возачки испит.

Од АМСМ информираат и дека од 11:30 часот е во прекин сообраќајот и на магистралниот пат А1 Прилеп – Градско, кај крстосницата за селото Ореовец на планинскиот превој Плетвар, каде околу 150 лица поставиле возила, гуми и други предмети на коловозот.

The post СО ЗАПАЛЕНИ ГУМИ ГО ЗАПРЕА СООБРАЌАЈОТ НА ПАТОТ БИТОЛА-РЕСЕН Нови блокади поради одземени возила appeared first on plusinfo.mk.

Министерот за внатрешни работи Панче Тошковски изминатата вечер лично присуствуваше на спроведувањето на засилената сообраќајна контрола на терен, во рамки на Оперативната акција „Безбеден сообраќај“, насочена кон зголемување на безбедноста на патиштата.

Акцијата се одвиваше од 17:00 до 01:00 часот, на територијата на општина Аеродром во Скопје, со акцент на учесници кои управуваат мотоцикли и велосипеди со помошен мотор.

Во текот на осумчасовната контрола, од страна на Одделението за безбедност на патниот сообраќај при СВР Скопје биле санкционирани вкупно 155 учесници во сообраќајот, од кои 51 возач на мотоцикл. Прекршувањата се однесувале на возење без кацига, без соодветна дозвола, управување без положен испит, како и преминување на црвено светло и непочитување на полициски знаци.

– Овие бројки покажуваат колку е сериозен проблемот со несовесно и небезбедно управување, особено кај младите лица кои управуваат мотори, скутери и електрични тротинети. Во таа насока, важно е секој од нас, особено родителите, да биде свесен за одговорноста што ја има во поттикнување на безбедносна култура уште од најрана возраст – изјави министерот Тошковски.

Од МВР информираат дека кај седуммина било констатирано управување мотоцикл без возачка дозвола, 25 лица возеле без заштитна кацига, а тројца немале ни положен испит за управување со мотоцикл. Дополнително, осум лица управувале мотоцикли во несоодветна категорија, а двајца возачи поминале на црвено светло.

Полициските службеници одзеле и два мотоцикли поради истечена важност на сообраќајната дозвола подолга од шест месеци, што претставува тежок прекршок според Законот за безбедност во сообраќајот.

Министерот Тошковски ја нагласи важноста на континуираните и видливи активности на полицијата на терен и порача дека контролите ќе продолжат со засилен интензитет и во наредниот период.

– Апелирам до сите учесници во сообраќајот да ги почитуваат правилата и прописите, со што сите заедно ќе придонесеме за побезбедни патишта – рече Тошковски.

The post ТОШКОВСКИ НА ТЕРЕН СО ПОЛИЦИЈАТА Фатени моторџии без кациги, без дозволи, изречени 155 санкции во една вечер appeared first on plusinfo.mk.

Возењето трактори претставува дополнителна и сериозна опасност во патниот сообраќај, бидејќи незгодите во кои што учествуваат земјоделски возила најчесто завршуваат со загуба на животи, тешки телесни повреди и огромни материјални штети.

Статистичките податоци покажуваат дека: Секоја година по неколку возачи на трактор и патници на трактор или приколка го губат животот во сообраќајни  незгоди. Во првите шест месеци од 2020 година, еден возач на трактор го загубил животот, а во сообраќајна незгода се повредени 12 лица. Во летниот период од 2020 година, според неофицијални податоци на РСБСП, двајца возачи на трактор го загубиле животот.

РСБСП посебно апелира до возачите на трактори и мотокултуиватори да бидат внимателни и одговорни во сообраќајот, да ги почитуваат правилата и прописите во сообраќајот, да управуваат технички исправни возила и да бидат соодветно осветлени во ноќни услови и во услови на намалена видливост.

Искуството од теренот и податоците од станиците за технички преглед на возила покажуваат дека  голем број на возачи на трактори и работни машини не поседуваат соодветна возачка дозвола, како и дека голем број на трактори, мотокултиватори, приколки и други работни машини учествуваат во сообраќајот нерегистрирани, неосигурани, неосветлени и технички неисправни.

Во рамки на кампањата „Безбедно на трактор“, РСБСП во соработка со МВР, организира повеќе настани и активности и тоа: сообраќајни контроли, едукативни разговори и поуки со возачите на трактори и работни машини, дистрибуција на едукативни материјали, во прв ред, засилени активности за едукација на возачите на наведената категорија на возила, за потребата од поголема видливост на тракторите, приколките и другите работни машини во сообраќајот, дистрибуција на флуоресцентни налепници, триаголници и ротациони светла.

РСБСП реализира и активности преку електронските и социјалните медиуми, со цел подигнување на свеста за последиците од неодговорното учество во сообраќајот со трактор, приколка, мотокултиватор итн.

Реализацијата на оваа кампања ќе придонесе за повисока сообраќајна едукација на возачите на трактори, приколки, мотокултиватори и останатите учесници во сообраќајот, како и намалување на бројот на загинати и повредени лица во сообраќајни незгоди.

The post БЕЗБЕДНО НА ТРАКТОР Апел од РСБСП за побезбедно управување на земјоделски возила appeared first on plusinfo.mk.

Сообраќајот на државните патишта се одвива непречено, по претежно суви коловози, велат од АМСМ.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post АМСМ ПРЕПОРАЧУВА ПРИЛАГОДЕНА БРЗИНА НА ДВИЖЕЊЕ Сообраќајот се одвива по претежно суви коловози appeared first on plusinfo.mk.

Целта на овој проект е да се исфрли човечкиот фактор при кинењето на казните на сторителите на прекршоци во сообраќајот, да нема селекција за тоа кој ќе си ја плати казната за сообраќаен прекршок а кој не и да се воспостави дисциплина на возачите и безбеден сообраќај за сите граѓани. За почеток овој проект ќе почне да функционира во Скопје и во Тетово.

Преку инсталирање камери на опремата на самите полициски службеници, Министерството за внатрешни работи ќе ги улови неправилностите во сообраќајот и истовремено ќе го минимизира влијанито на човечкиот фактор. Спасовски истакна дека само тогаш кога нема влијание на човечкиот фактор тогаш имаме најдобри резултати, нема селективност и имаме добра транспарентност.

– Јавноста веќе е информирана дека собраќајната полиција во Скопје и во Тетово веќе ќе започне со користење на боди камери (камери на тело) на секој еден полицаец и на тој начин да имаме еден поинаков пристап и на граѓаните и на полицајците. Ваков пилот проект имавме во автопатската полиција. Таму веќе немаме ниту една поплака од кој било граѓанин, ниту пак од полицаец заради тоа што преку камерите, преку снимањето на сето тоа што се случува за време на контролата имаме целосен увид во состојбите и тоа е добро и за полициските службеници и е добро за граѓаните – изјави Спасовски, нагласувајќи дека овој проект се очекува да се интензивира во наредниот период.

Тој најави дека измените за Законот за безбедност на собраќајот моментно се во собраниска процедура.

– Сите законски промените што ќе треба да се направат ќе се направат сѐ со цел да се овозможи да имаме функционална употреба на камерите и тој систем даде резултати во пракса. Секое законско решение што пред сѐ, значи заштита на личните податоци ќе биде испочитувано до максимум. Тоа ќе биде вклопено во целиот тој систем. На основа на тоа ќе биде и инсталирањето – рече Спасовски.

Граничните премини, пак, ќе се модернизираат со инсталирање дигитални читачи на регистарските таблички, а ќе се финализира концептот на маалски полицаец.

– Се разбира, добрите резултати на полицијата доаѓаат со работа на мотивирани полициски службеници на кои постојано им ги подобрувавме и ќе им ги подобруваме условите за работа и стандардот, а тоа треба да го направиме уште поинтензивно во наредниот период – рече Спасовски.

Тој информира дека се продолжува и со реновирање и реконструкција на полициски објекти, но и со изградба на нови објекти и набавка на нови униформи. Во напредна фаза е изградбата на зградата на крим техника со современа форензичка лабораторија, со што ќе се влијае и на брзината на постапките.

МВР во соработка со МО и МИА ќе ги продолжи реформите и во областа на сајбер безбедноста, а во соработка со другите институции и бескомпромисна борба против криминалот и корупцијата.

– Доаѓа време на ред, правда и дисциплина. Законите се донесени и сега е време за нивно брзо и доследно спроведување. Владата ќе биде партнер на сите чинители во законодавната, извршната и судската власт, како и граѓанското општество, медиумите и групите од интерес кои сакаат да придонесат кон градење на системот на правда, што ќе им служи на граѓаните и на државата – порача министерот Спасовски.

The post Нема веќе „Скини ми ја казната“, за сообраќајни прекршоци ќе решава компјутер appeared first on plusinfo.mk.