Градоначалникот на Општина Центар, Горан Герасимовски, одржа итна средба со менаџментот на Јавното претпријатие „Водовод и канализација“ за да се најде решение за затнувањето на фекалната канализација на улицата Мирче Оровчанец.

Проблемот се појавил откако граѓани што живеат во близина на градилиштето пријавиле дека бетон истекол од објект на јавна површина, предизвикувајќи блокирање на главната канализациска мрежа. Општинската инспекција реагирала уште пред десетина дена и изрекла глоба за изведувачот на градежните работи.

По барање на Општина Центар, службите на „Водовод и канализација“ излегле на терен и утврдиле дека проблемот е предизвикан од неадекватно изведена градежна работа од страна на инвеститорот. Според неофицијални информации, инвеститорот самиот ќе ја санира штетата, а доколку има потреба, ќе добие поддршка од јавното претпријатие.

Од Општина Центар најавуваат дека ќе продолжат со активно следење на ситуацијата и тесна соработка со надлежните институции за целосно решавање на проблемот и спречување на дополнителни последици за граѓаните.

Партијата Левица ја обвинува фирмата „ЕУРОВИА“ за кршење на градежните правила на улицата Мирче Оровчанец. Според нив, во текот на градежните работи биле забетонирани цевките за фекалната канализација, што довело до опасност од излевање на фекалии во домовите на граѓаните.

Од Левица прашуваат како е можно оваа грешка да остане без интервенција од страна на општината, додека граѓаните се изложени на ризик. Партијата побара инспекција на терен и забрана на понатамошни градежни активности, предупредувајќи на можни финансиски и здравствени последици. Советниците на Левица ќе инсистираат на строги казни за инвеститорот.

The post ФЕКАЛИИ ИМ СЕ ВРАЌАЛЕ ДОМА ОТКАКО ИМ ЈА ЗАТНАЛ КАНАЛИЗАЦИЈАТА Општина Центар го санкционираше инвеститорот за хаосот на улицата Мирче Оровчанец appeared first on plusinfo.mk.

Бактериите кои се одгледуваат на Универзитетот во Бат во Англија би можеле да бидат решение за испуканиот бетон.

Иако е подложен на расипување, бетонот сè уште е најкористениот градежен материјал во светот. Нашата инфраструктура е клучна, од заштита од поплави до изградба на тунели, болници, мостови и брани.

Меѓутоа, како што се менува климата, градежниот сектор бара и потрајни материјали и иновативни решенија.

Идејата на британските научници е дека микробите би можеле да растат во пукнатините и да создадат минерално-кристална обвивка што би послужила како стабилен непропустлив слој.

– Токму тоа е она што го сакаме – вели микробиологот Сузан Гебхард, која работи со Кевин Пејн, професор на Универзитетот во Бат.

Нивната цел е да создадат мешавина која може да се „залечи“ што би заштедила пари во градежништвото, па дури и ќе го ограничи производството на нов бетон со зачувување на она што веќе го имаме.

Иако најмногу се користи бетонот, неговото производство придонесува и за загадување со јаглерод диоксид, со осум проценти.

Секоја земја троши огромни суми пари за поправка на веќе постоечки материјали, а тоа најмногу се однесува на бетонот.

Бактериите кои напредуваат во средини богати со варовник или калциум би можеле да бидат корисни во овој случај.

Како би функционирал „бетонот за самолекување“?

Како што објаснуваат експертите, бетонот би се правел по вообичаена процедура, но во смесата би се додавале капсули со бактерии. Тие треба да се активираат кога ќе се појави пукнатина.

Во видеото, Пејн покажа како бетонот може да се поправи со тоа што бактериите ги полнат оштетените делови.

– По оваа процедура останува само мала лузна – рече тој.

Материјалите кои сами се поправаат повеќе не се новина, тоа е технологија која е присутна и во другите сектори.

Австралиските истражувачи работат на соларни панели кои можат да ја поправат штетата предизвикана од апсорпција или трансформирање на сончевата енергија во електрична енергија.

Научниците измислиле бактерии кои можат да ги поправат пукнатините на бетонот со полнење со кристали

Сите овие проекти имаат иста цел – да се намали количината на загадување што придонесува за затоплување на нашата планета. Додека произведуваме, складираме и користиме енергија, за жал, се ослободуваат и големо количество штетни материи, објави „Cool Down“.

Веќе се користи самозаздравувачкиот бетон. Компанијата „ЕкоМеди“ покажа дека материјалот збогатен со бактерии се користел на холандски подвозник.

Професорот Пејн е оптимист.

– Мислам дека ќе се забавуваме кога ќе почнеме да ја користиме оваа технологија, можеби дури и за изградба на згради или градежни елементи – рече тој.

The post 📽️ НАУЧНИЦИ СМИСЛИЈА БЕТОН КОЈ САМ СЕ ПОПРАВА Изумот ќе заштеди пари, но и огромното време кое се троши за поправки appeared first on plusinfo.mk.

Градовите се особено жешки во лето. Бетонот и асфалтот ја апсорбираат и задржуваат сончевата топлина, па дури и ноќите се исклучително топли. Таканаречените тропски ноќи со температури над 20 степени го нарушуваат здравиот сон. Како да ги изладите градовите? Дали се корисни таканаречените коридори за ладен воздух?

Што се коридори за ладен воздух?

Во околината на градовите ноќите се многу посвежи. Дури и во најтоплите денови, ноќе е до 15 степени. Градовите би можеле малку да се изладат, доколку тој воздух може да тече низ нив.

Коридорите на студениот воздух се зелени површини, реки, езера, железници и многу широки улици со зеленило. Ладниот воздух тече само неколку сантиметри над земјата, па насипите и зградите го спречуваат тој проток. Затоа при обликувањето на градовите треба да се внимава ваквите коридори да останат слободни, пишува Дојче веле.

Зошто ноќите се поладни во областа околу градовите?

Едноставно, таму нема ниту бетон, ниту асфалт, туку преовладува земја, песок и ливади. Таму сончевата топлина не се апсорбира на таков начин што останува до доцна во ноќта. Покрај тоа, свеж воздух се создава со испарување на водата над лисјата, а во приградските области обично има многу зеленило. Затоа воздухот во нив побрзо се лади по зајдисонце. Особено е свеж на ливади и овоштарници, како и над глинена, песочна и тресетлива почва.

Како свежиот воздух доаѓа до градот?

Топографијата е исто така многу важна. Ладниот воздух е потежок од топлиот воздух и се собира во близина на земјата, да речеме во ливадите. Ако ливадата е на падина или на рид, тогаш студениот воздух силно тече надолу. Ова создава ветар за ладење.

Градовите кои се во долини, на падини или на ридови можат да профитираат од тој ладен воздух. Низ коридорот студениот воздух може да стигне до центарот, туркајќи го топлиот воздух, кој се крева, а свежиот воздух да ги лади улиците и зградите.

На пример, Штутгарт лежи во долина и сака да одржува локален систем за вентилација врз основа на неговите коридори со ладен воздух. Урбанистичките планови и градежништвото се усогласени со оваа цел.

Што можат градовите да направат?

Во целиот свет сѐ повеќе се посветува внимание на можноста за разладување на градовите со доток на свеж воздух од околината. Во Германија, во меѓувреме, бројни градови и региони спроведоа соодветни климатски анализи. Тие го направија истото како низ светот, во градовите како Њу Делхи, Лима, Лагос, Сеул, Мелбурн и Портланд.

Метеоролозите прво ги мерат температурите и струите на воздухот на различни места во градот и неговата околина, ги внесуваат податоците во посебни компјутерски програми и на тој начин создаваат детални климатски атласи на градовите. Врз основа на овие атласи, градовите можат да одлучат да не ги обновуваат коридорите низ кои тече свеж воздух, да ги подобрат и да го заштитат и зајакнат природното ладење на околината.

Покрај тоа, градовите можат да воведат голем број мерки за значително разладување, намалување на бројот на тропски ноќи и подобрување на квалитетот на животот. Овие мерки вклучуваат отстранување на површините запечатени со бетон и асфалт, садење дрвја по улиците, помалку мотори со фосилни горива, позеленување на покривите и фасадите, повеќе паркови и водни тела, посветли фасади и згради и зголемување на засенчените површини.

The post КАКО ДА ГИ РАЗЛАДИТЕ ГРАДОВИТЕ ВО ТРОПСКИТЕ НОЌИ? Една од опциите се коридори за ладен воздух appeared first on plusinfo.mk.

Според информации на ТВ21, оваа зграда е купена од нафтената компанија Пуцко Петрол за 5,1 милион евра.

Овој деловен објект се наоѓа веднаш зад Министерство за Економија и е изграден во 2012, а според НЛБ Банка проценет е на 4.952.967 евра.

The post ПУЦКО ПЕТРОЛ ЈА КУПИ ЗГРАДАТА НА БЕТОН Нафтената компанија платила 5,1 милиони евра appeared first on plusinfo.mk.

Во еден краток момент момчињата забележаа дека нешто паѓа и истрчаа. Потоа дел од бетонска плоча падна на истото место заедно со многу прашина. Видето го снимил човек кој бил во автомобил во близина.

U medjuvremenu u Novom Sadu. pic.twitter.com/KeB7MtizrV

— Ksenija (@XeniaKsenija21) July 25, 2023

The post (ВИДЕО) ЗА ВЛАКНО ИЗБЕГНАА БЕТОН ДА ИМ ПАДНЕ ВРЗ ГЛАВИТЕ Невремето во Нови Сад корнеше кровови од објекти appeared first on plusinfo.mk.

Ова е одлука која ја донесе Градот Скопје, а ја соопшти директорот на Центарот за управување со кризи (ЦУК), Стојанче Ангелов.

– Пожарникарите излегле веднаш на терен, но не смееле да гаснат затоа што немале информации какви инсталации минуваат под мостот. Заклучокот беше дека има само една електрична инсталација со која се напојуваат светилките на мостот, а во средина на мостот минува цевка со дијаметар од еден метар низ која минува топла вода за парното во Скопје. Благодарение на нивната акција околу два часот пожарот беше ставен под контрола, а околу 4 часот беше целосно изгаснат. Температурата надминува 1.000 степени целзиусови и од високата температура дојде до пукање на заштитниот бетон со кој што е намачкан мостот долу и постои опасност од оштетување на арматурата. Мостот е топол и утрово. Градот Скопје донесе одлука да го затвори целосно мостот за движење и на пешаци и на моторни возила – рече Ангелов.

Сѐ додека не се утврдат точните штети на кои работи тим од Градот и неколку професори од Градежниот факултет, ЦУК нема да ризикува и мостот ќе остане затворен.

– Мостот верувам дека ќе биде отворен по неговата санација доколку таа е можна. Штетата ќе биде дополнително утврдена, а тие информации ќе ги има градот Скопје. Забрането е движење на пешаците под самиот мост затоа што постои можност од паѓање на бетонски парчиња. Една од можностите за причините е спој на електричните кабли, а втората можност е човечки фактор, но за тоа треба да се произнесе МВР – истакна првиот човек на ЦУК.

The post (ФОТО) СЀ УШТЕ Е ТОПОЛ, МОЖНО Е ДА ПАЃААТ БЕТОНСКИ ПАРЧИЊА Стојанче Ангелов го забрани мостот „Беласица“ за пешаци и за возила appeared first on plusinfo.mk.

Како што соопшти ССМ, Основниот граѓански суд Скопје по предлог на СГИП и синдикалците и работниците од ДГ Бетон АД Скопје на 1 ноември донел Решение со кое се поведува претходна постапка за испитување на условите за отварање стечајна постапка на должникот ДГ БЕТОН АД Скопје.

Со Решението, укажува ССМ, се определува општа забрана за располагање со имотот на должникот, се забранува одредување или спроведување на присилно извршување или обезбедување против должникот, се забранува исплати од сметките на должникот, се повикуваат должниците на должникот своите обврски да ги исполнуваат, итн. Постапувајќи по предлогот за отварање на стечајна постапка, судот оценил дека во конкретниот случај се исполнети условите за поведување на стечајна постапка.

– Со вака донесеното Решение, газдите веќе не се газди и тие сега исто како и работниците ќе треба да чекаат некој друг во случајот привремениот стечаен управник да им дава согласност и да одлучува место нив, а работниците и синдикалците заедно со синдикатот СГИП при ССМ очекуваат голема ефикасност и одговорност од страна на привремениот стечаен управник и судот во постапувањето по предметот и заштита на нивните интереси како доверители. Апелираме сите работници и доверители во наредниот период да се приклучат кон постапката и да се информираат во Основниот граѓански суд Скопје, а синдикатот СГИП во наредните денови ќе ги информира членовите на синдикатот на кој начин да ги остварат своите побарувања од ДГ БЕТОН АД Скопје, се вели во соопштението на Синдикатот.

Според ССМ, ДГ Бетон АД Скопје на работниците им должи шест неисплатени бруто плати, регрес за годишен одмор за 2021-ва и 2022-ра година, а сметките му се блокирани повеќе од 45 дена што беше и главна причина работнците своите права да ги остварат пред суд.

– Наместо во декември годинава работодавачот заедно со работниците да прослави јубилеј од 75 години постоење, дочека стечај на компанијата поради лошото менаџирање и покрај сите напори на Синдикатот да се изнајде решение за состојбата во која се наоѓаат работниците – оценува ССМ.

The post ПО 75 ГОДИНИ ПОСТОЕЊЕ „БЕТОН“ СКОПЈЕ ОДИ ВО СТЕЧАЈ На работниците им должи по шест плати и регрес appeared first on plusinfo.mk.

Претседателот на Синдикатот за градежништво, Иван Пешевски, на прес-конференција рече дека вработените што ги застапува ќе го искористат и последниот законски дозволен механизам и не се повлекуваат, како што рече, од намерата компанијата да оди во стечај и, покрај заостанатите плати, од стечајната маса ќе побараат и исплата на заостанатите регреси за годишен одмор за 2021 и  2022 година.

– Синдикатот за градежништво и работниците повеќепати пријавуваа во Државниот инспекторат за труд за незаконско работење на работодавачот, но покрај законските задолженија да исплаќа плата тоа не го стори и вработените веќе четврти месец немаат земено плата. Сметаме дека овие законски загарантирани права на вработените ќе успееме да ги наплатиме барем на суд – рече Пешевски на прес-конференцијата во седиштето на Сојузот на синдикатите на Македонија.

Тој додаде дека вработените овие денови се притиснати да потпишуваат договори на определено време односно анекси на постојните и сами да се спогодат старите договори на неопределено време да не им важат. Апелираше да не потпаѓаат на, како што рече,  какви било притисоци и закани за отказ туку да чекаат она што е предложено до судот со отворањето стечајна постапка. 

Имајќи ја  предвид структурата на вработените, рече Пешевски, поголем дел од нив ќе бидат обесштетени од Агенцијата за вработување со надомест во случај на невработеност односно до пензија.

-Како прв човек на синдикатот ги охрабрувам сите вработени да се јават во судот како доверители штом биде објавено на огласна табла во судот, за што повторно ќе информираме преку медиумите – истакна Пешевски.  

Рече и дека новото раководство на компанијата „Бетон”- Скопје е единствено виновно што овој гигант наместо во декември да одбележи  75 години постоење, ќе премине во рацете на доверителите и на стечаен управник.

Во оваа пригода претседателот на ССМ Дарко Димовски соопшти дека за стечајна постапка се размислува и за Водостопанство затоа што четврти месец не се исплатени плати.

-Сојузот на синдикати на Македонија заедно со агросиндикатот каде што делуваме во АД Водостопанство, кое е во државна сопственост, ќе бараме исто да се поведе претстечајна постапка зашто вработените веќе четверти месец не зеле плати. Денеска ќе имаме средба со директорот на Водостопанство и јасно ќе му ги изнесеме овие факти и по кој основ ќе ја поднесеме претстечајната постапка доколку не се исплатат три заостанати плати и четвртата која е тековна и се работи во септември – информираше  Димовски.

The post СИНДИКАТОТ БАРА СТЕЧАЈ ЗА „БЕТОН“ ПОРАДИ НЕИСПЛАТЕНИ ПЛАТИ Ги повика работниците да не потпишуваат анекси на договорите appeared first on plusinfo.mk.

Недовршената црква од проектот „Скопје 2014“, несудената „Св. Констанин и Елена“ која уште стои на улица Македонија ќе добие нов газда, дознава Фактор. Приватната здравствена установа „Ре-Медика“ ќе го откупи објектот од градежната компанија „Бетон“ која почна да го гради објектот во 2012 година, а за таа цел ќе го отплати долгот од 4,4 милиони евра кој кон „Бетон“ го имаат МПЦ-ОА и фондацијата „Св. Цар Константин“.

Оваа одлука треба да ја усвојат акционерите на градежната компанија на вонредното акционерско собрание кое е закажано за 18 октомври. Кога ќе се усвои, точно 270 милиони денари (4,4 милиони евра) долг од фондацијата и МПЦ ќе бидат отстапени како побарување кон „Ре-медика“.

„Се одобрува склучување на зделка со заинтересирана страна – склучување на Договор за отстапување на побарувањето со Приватна здравствена установа општа болница РЕ – МЕДИКА Скопје, во вкупен износ од 269.918.842 денари. Побарувањето, ДГ БЕТОН го побарува од Фондацијата Св. Цар Константин и Македонската Православна Црква – Охридска Архиепископија, согласно Спогодба за регулирање на меѓусебните права и обврски 25.12.2020 година“, стои во предлог одлуката.

Лани во ноември „Бетон“ побара да се отвори стечајна постапка затоа што не можеше да наплати 1,1 милион евра од фондацијата. За претстојното акционерско собрание на „Бетон“ предвидено е да се донесат одлуки и за продажба на недоградениот хотел во центарот на Скопје, но и за два други хотели, едниот во Дојран, а другиот во Охрид.

Постапките за чистење на компанијата некои познавачи ги толкуваат како обид компанијата да стане поконкурентна и покомпетитивна, пишува Фактор.

The post „РЕ-МЕДИКА“ ЌЕ ЈА ОТКУПИ ЦРКВАТА НА УЛИЦА МАКЕДОНИЈА Треба да му исплати 4,4 милиони евра на „Бетон“ appeared first on plusinfo.mk.

Младоженецот Крунослав Тополко (34) ја „купил“ својата невеста Ивана (28) со миксер и со 3 кубици бетон.

Крунослав е градежник, а Ивана е медицинска сестра.

Повеќе детаљи за оваа необична свадба во приказната на хрватскиот портал 24 часа, ТУКА.

The post И БИ СВАДБА… Ја „купил“ невестата со миксер со 3 кубици бетон appeared first on plusinfo.mk.